Verkamaðurinn - 14.08.1943, Blaðsíða 4

4
VERKAMAÐURINN
látið einn helsta samflokksmann sinn I
kaupa inn vélbyssur og gas í stórum stíl
handa lögreglunni. í framhaldi af þessu
hefir honum nú tekist að gera „Dag“
að fullkomlega fasistísku áróðursmál-
gagni. Viku eftir viku flytur þetta mál-
gagn áróðursgreinar í anda dr. Göbbels
í Berlín um krossferð gegn bolsévisma.
Hermann geymir vopnin. Herforingjam-
ir eru sjálflcjömir: Jónas, Halldór, Stebbi
P. og Jóhann Frímann. Jarðvegurinn er
plægður af kappi (en kannske af eilítið
minni forsjá) fyrir herförina. Hitler af-
sakaði herför sína gegn Sovétríkjunum
með því að Rússar hefðu ætlað sér að
ráðast á Þjóðverja og útrýma þeim.
Generalissimó „Hitlers-í-litlum-stíl-stefn-
unnar“ á íslandi, Jónas frá Hriflu, jóðlar
sömu tugguna í „Degi“: „Bændur, út-
vegsmenn og aðrir framleiðendur“, æpir
hann, „þið verðið að sameinast gegn
kommúnismahættunni. Kommúnistamir
útrýma ykkur nema þið verðið fyrri til“.
— Og til þess að þetta kristilega heróp
láti í eyrum þeirra í kalsaveðrum í sum-
ar eins og „þeyvindur góðvildar“ hvíslar
hann að þeim að Stalin hafi útrýmt
rússnesku bændunum,, sem em nú að
reka þann her af höndum sér, sem herir
tveggja stórvelda glíma nú við örlítinn
hluta af án nokkurs sambærilegs árang-
urs og her bændanna, sem Stalin út-
rýmdi og Göbbels hefir margsinnis strá-
fellt og gjörsigrað, hefir náð.
En ósköp held ég að hætt sé við að
alt þetta „góðvildar“brölt Jónasar og
kumpána gegn kommúnismanum og
kommúnistunum beri að lokum að sama
brunni og tilraun Hitlers í stærri stíl til
að útrýma kommúnismanum fyrir fullt
og alt í Þýskalandi og öllum heiminum.
En skólastjórarnir tveir er þylja nú boð-
skap Hitlers og dr. Göbbels viku eftir
viku í „Degi“ yrði vafalaust sæmilega
ánægðir ef þessi „góðvildar“iðja þeirra
og uppeldisstarf bæri þann árangur held-
ur en engan, að nokkrar blóðsúthellingar
og manndráp gætu hlotist af — mætti
þá líka með sanni segja að Jónasi hefði
orðið að ósk sinni að framkvæma hér i
„litlum stíl“ það, sem Hitler hefir gert
í Þýskalandi og Evrópu að undanförnu.
Rmtirhöldin í Krasnodar.
(Framhald af 2. síðu).
istainnrásarseggjum í Krasnodar-
borg og Krasnodarhéraði.
Á grundvelli tilskipunar, sem
forsæti Æðstaráðs Sovétríkjanna gaf
út 19. apríl 1943, viðvíkjandi land-
ráðamönnum, voru hin ákærðu V.
I. Tishchenko, I. A. Rechkalov, M.
P. Lastovina, N. S. Pushkarev, G.
N. Missan, U. M, Naptsok, I. K.
Kotomtsev og I. F. Kladov, dæmd
til dauða með hengingu, og G. I.
Tuchkov, V. S. Pavlov og I. I.
Paramonov, sem minna virkir að-
stoðarmenn, voru dæmdir til út-
legðar og þrælkunarvinnu í 20 ár
hver.
(Soviet War News).
Helisunsii
(Framh. af 3. síðu).
um gangi í Reykjavík, Hafnarfirði
og nágrenni, og ganga félagskonur
með lista í hvert hús. Mun árang-
urinn verða birtur smámsaman í
blöðum og útvarpi, en af þeirri
reynslu, sem þegar er fengin, er
bersýnilegt, að undirtektir eru
prýðilegar og mikill og almennur
skilningur á því, hvílíkt þjóðþrifa-
mál hér er um að ræða.
Því er heitið á alla góða íslend-
inga til liðsinnis og skjótrar hjálp-
ar, til þess að efla baráttuna gegn
hinum tíðustu og voveiflegustu
allra slysa: Sjúkdómaslysunum.
Mjög væri það æskilegt, ef ein-
hverjir fyndu hvöt hjá sér til að
annast fjársöfnun í sínu umhverfi,
að þeir settu sig í samband við
nefndina. Og vert er að benda
mönnum á það, að þótt stóru gjaf-
irnar séu góðar, þá byggist árangur
svoha samskota jafnan fyrst og
fremst á smáu gjöfunum, sem ein-
staklinginn munar lítið um, en
verða að gildum sjóðum, þegar
margar koma saman.
Matthildur Björnsdóttir,
Laugaveg 34A er (formaður).
Þorvaldur Jónsson,
Bergþórugötu 11A (ritari).
Arnheiður Jónsdóttir,
Tjarnargötu 10C.
Elín Egilsdóttir,
Sólvallagötu 2.
Pétur Jakobsson,
Bárugötu 10.
Guðrún Þ. Björnsdóttir,
Kárastíg 12.
IJnnur Skúladóttir,
Ránargötu 12.
Stjórn Badoglio
völt í sessi
Innanríkisráðherra Badoglios
hefir sagt af sér. Stöðugt berast
fregnir um hópfundi og kröfu-
göngur í ítölskum borgum.
Frá Þýskalandi hafa borist fregn-
ir um að völd Hitlers hafi verið
takmörkuð og fari nú raunverulega
þriggja manna herforingjastjórn
með völdin. I London er talið var-
legt að taka mark á þessari fregn.
Verður áburðarverk-
smiðja bygð á íslandi?
Samkvæmt ósk bæjarstjórnar
Reykjavíkur hefir ríkisstjórnin
ráðið sérfræðing frá Ameríku til
þess að athuga möguleika á starf-
rækslu áburðarverksmiðju hér á
landi og gera tillögur um byggingu
hennar ef vænlegt þykir og hag-
kvæmt að ráðast í þetta fyrirtæki.
SULTUPAPPÍR
(Cellophan)
og
SMJÖRPAPPÍR
fást í
Bókaverzlun
Gunnlaugs Tr. Jónssonar
Fimmtuésafmæli átti Halldór Ás-
geirsson, sölustjóri hjá K. E. A. 5. þ. m.
ÞURRKUD EPLI
fyrirliggjandi. — Kaupið þau, áður en það verður um seinan.
KAUPFÉLAG EYFIRÐINGA
NÝLENDUVÖRUDEILD
Staða laus.
Ráðskonustaðan á Akureyrarspítala laus frá 1. okt.
næstk. — Umsóknarfrestur til 15. september næstk.
Umsóknum sé skilað til spítalanefndar.
SPÍTALANEFNDIN.
TILKYNNING
FRÁ DÓMSMÁLARÁÐUNEYTINU.
Athygli almennings skal vakin á því, að óheimil för
inn á bannsvæði herstjórnar eða óheimil dvöl þar
varðar sektum, varðhaldi eða fangelsi, nema þyngri
refsing liggi við að lögum, enda hafi bannsvæði verið
auglýst og sé það afgirt eða för inn á það eða um það
bönnuð með merkjum eða með öðrum glöggum
hætti, sbr. lög nr. 60, 1943.
DÓMSMÁLARÁÐUNEYTIÐ, 5. ágúst 1943.
TILKYNNING
til timburinnflytjenda
Þeir, sem hafa í hyggju að festa kaup á timbri í Ameríku, til
innflutnings á síðari hluta þessa árs og fyrstu mánuðum næsta
árs, þurfa að senda Viðskiptaráðinu umsóknir um gjaldeyris-
og innflutningsleyfi fyrir timbrinu fyrir 15. þ. m.
Taka skal fram í umsóknum magn og áætlað verð. Einnig hvort
um harðvið, furp eða krossvið o. þ. h. unnið timbur er að ræða.
6. ágúst 1943.
» /
VIÐSKIPTARÁÐIÐ
Hinir margeftirspurðu,
heimsfrægu
SHEAFFER’S
lindarpennar og blýantar
nýkomuir.
Umboð á Akureyri:
Bókaverzlunin EDDA
NÝKOMIÐ
Vesti úr sútuðu skinni
Stígvélasokkar úr sútuðu
skinni
Ferðatöskur
Svefnpokar
Sjóstakkar
Sjóhattar
Trollarabuxur
Herrasokkar
KARLMANNA-
NÆRFÖT
hlý og góð
nýkomin
VÖRUHÚS AKUREYRAR
Nýtt leikrít eftir Davíð Stefánsson frá
Fagraskógi er væntanlegt á bókamark-
aðinn í vetur og mun bókaforlag Þorst.
M. Jónssonar gefa það út.
PÖNTUNARFÉLAGIÐ
\
SVESKJUM
verður úthlutað til félags-
manna n. k. mánudag og
þriðjudag.
Pöntunarfélagið