BFÖ-blaðið - 01.01.1981, Blaðsíða 2
eru það taldar góðar „heimtur" ef 40% félagsgjalda
koma inn þegar félög senda út gíróseðla. Þessi
staðreynd sýnir þeim er í forystunni standa, aðfélagar
BFÖ eru ánægðir og eru tilbúnir að styðja við bakið á
þeim er standa fyrir hinu daglega starfi. Þetta er og hefur
verið ómetanleg hvatning í gegnum árin og það er von
þeirra er nú standa í forystu, að þeim muni takast að
leiða starfið í framtíðinni á þann veg, að félagarnir verði
fúsir til að sýna stuðning sinn í verki er gíróseðlarnir
með félagsgjöldunum berast inn um lúguna.
Með kærri BFÖ kveðju,
Ritnefnd.
Úr umferðinni ...
Óneitanlega dettur manni ýmislegt í hug, þegar maður
fer að hugsa um ástand umferðarmála hér, og spyr
sjálfan sig m.a.: Eru íslendingar eitthvað öðruvísi en
annað fólk? Svarið verður nei. En ég held að skipulag og
stjórnun umferðarmála hér sé í ýmsu ábótavant.
Stjórnendur umferðarmála virðast ekki hafa fylgst með
og eru á eftir tímanum. Það þarf að aðhæfa reglur og
umferðarmannvirki að breyttum þörfum umferðarinnar.
Reglurog fyrirkomulag sem gilti fyrir 20-30 árum hafa
lítið 'breyst, ef undan er skilin hægribreytingin árið
1968.
Nýlega var Sætún tengt inn á Skúlagötu á milli
Frakkastígs og Vatnstígs. Þarna var gerð hindrun á
hægri akrein Skúlagötu og henni beint inn á vinstri
akrein og á því umferð af Sætúni greiðar aðgang vestur
Skúlagötu. Hindrunin var gerð með eyjum. En því miður
tókst ekki betur til en svo, að umferðaróhöppum
stórfjölgaði á þessu svæði. En til þess hefði ekki þurft að
koma, ef þessi umferðarmannvirki hefðu verið sett upp
með þarfir umferðarinnar í huga.
Að lauslega athuguðu máli mætti ætla aðkomast hefði
mátt hjá flestum þessara umferðaróhappa, ef vinstri
beygja hefði verið bönnuð af vinstri akrein Skúlagötu
upp Vatnsstíg og sömuleiðis vinstribeygja bönnuð af
Vatnsstíg inn í Skúlagötu, og setja hindrun milli
gagnstefnu akreina á miðju götunnar lengra til vesturs.
Ennfremur hefði þurft að aðskilja samstefnu akreinar
lengra til vesturs en nú er gert.
Annað dæmi mjög einfalt skal nefnt. En það eru
gatnamót Laugarnesvegar og Kleppsvegar. Þarna er
leyfð vinstri beygja af Laugarnesvegi inn í Kleppsveg,
sem er fjögurra akreina gata, með tiltölulega hraða
umferð. En þarna sést illa til umferðar sem kemur á
vinstri hönd þegar farið er af Laugarnesvegi.
Eðlilegast væri að banna vinstri beygju af
Laugarnesvegi.
Hér að framan hafa aðeins verið nefnd tvö dæmi af
handahófi, af tiltölulega nýgerðum gatnamótum.
Hvernig er þá ástandið á öðrum gatnamótum
borgarinnar?.
Endurskipuleggja umferðaryfirvöld ekki umferðina á
götum sem hafa mikla umferð? Ef til vill einhversstaðar.
En hvað hefur gengið á áður?
Tökum Skúlagötuna vestan Skúlatorgs sem dæmi. Þar
eru tíð umferðaróhöpp og slys. Hvað hefur veriðgert þar
til úrbóta? Ekkert, aðeins þyngt á umferðinni og öryggis-
leysið skapað, á annars tiltölulega hreinum akreinum,
með tengingu Sætúnsins.
Draga mætti mjög verulega úr slysatíðni á
Skúlagötunni, ef allar vinstri beygjur yrðu bannaðar inn
á lóðir og lendur. Einnig að vinstri beygjur yrðu
bannaðar inn í Barónsstíg og Ingólfsstræti, til viðbótar
áðurnefndu. Að sjálfsögðu yrðu allar vinstri beygjur
bannaðar úr hliðargötum og lóðum inn á götuna.
Jafnframt þyrfti að banna allan akstur af Ingólfsstræti
inn á götuna.
Víða í borginni eru götu hafðar of þröngar, svo og mörg
gatnamót o.s.frv. Allt skapar þetta aukna slysahættu.
Það er ekki eðlilegt að bifreið sem beygja þarf til hægri,
þurfi að fara yfir á akreinar mótkomandi umferðar til að
ná beygju.
Ótal önnur dæmi mætti nefna, en það verður ekki gert
hér.
Rétt er að minna á að umferðaryfirvöld stuðla óbeinlínis
að auknum slysum og óhöppum með athafnaleysi sínu.
Má í því sambandi m.a. benda á óþrifnað á götum og
vanrækt viðhald yfirborðsmerkingar gatna.
Ýmsar leiðir eru til að vekja umferðaryfirvöld. En eitt er
víst, að útbótum yrði hraðað, ef opinverir aðilar yrðu
gerðir bótaskyldir vegna þeirra tjóna og slysa, sem rekja
mætti til rangrar hönnunnar og gerðar umferðarmann-
virkja og vanrækts viðhalds.
Gamalt orðtak segir: „Eftir höfðinu dansa limirnir"
Sést þetta ekki best á umferðinni, má ekki ætla að hún
spegli fyrirmyndina?
V.H.
Grein þessi var skrifuð á síðasta ári, átti að koma í
desemberblaði en komst ekki vegna plássleysis.
Ritnefnd.
A