BFÖ-blaðið - 01.07.1989, Blaðsíða 7
hreppi er mikil og fögur fjallasýn. Hjá Vega-
mótum liggur vegur yfir Kerlingarskarð til
Stykkishólms.
Ef haldið er áfram í vesturátt tekur við
Staðarsveit og síðan Breiðuvík. Margir merk-
ir staðir eru á þeirri leið. Má þar nefna mikla
fjörusanda, Löngufjörur, en þar strandaði hið
fræga skip Arctik á stríðsárunum. Á hægri
hönd er vegur að Hrísdal, þaðan var gönguleið
um grasivaxinn dal framhjá Baulárvalla-
vatni og Hraunsfjarðarvatni, en í báðum þess-
um vötnum er talsverður fiskur. Margir fara
þangað og njóta fegurðar sérstaklega nætur-
kyrrðar. Þangað liggur bílslóð af miðju Kerl-
ingarskarði. í Staðarsveit er ein fegursta
Qallasýn á Snæfellsnesi. Fljótlega er komið að
býlinu Ölkeldu sem dregur nafn af ölkeldu
sem er í túninu. Þangað koma fjölmargir til að
bergja á þessum heilnæma drykk. Prestssetr-
ið Staður, eða Staður á Ölkelduhrygg, ber hátt
í miðri sveit. Utar í sveitinni undir fjallsrót-
um er Lýsuhóll. Þar er heitt vatn sem vermir
skóla og félagsheimili. Yst í sveitinni eru
Búðir, gamall verslunarstaður og nú veglegt
hótel. Holger Clausen hóf þar verslunarrekst-
ur árið 1815 og var þar stunduð verslun og
útgerð fram á þessa öld. Við ströndina eru
sérkennilegir gatklettar og gróðurinn í Búð-
arhrauni er rómaður af fegurð. Leiðin að Búð-
um er á vinstri hönd, en á hægri er vegur um
Fróðárheiði.
í Breiðavíkurhreppi er fyrsta býlið Öxl í
sérkennilegum halla og laut. Þaðan var Axl-
ar-Björn og hans fræga saga. Axlarhyrna
lengra út, þaðan er fögur sýn til Snæfellsnes-
jökuls og á vinstri hönd Búðarklettur—eins og
klettur úr hafinu í miðju Búðarhrauni. Þá
taka við Leikskálavellir eins og tilbúnir kapp-
vellir. Þar voru leikir fornmanna háðir og allt
fram á miðja þessa öld voru haldnar þar úti-
hátíðir. Ekið er áfram í vestur og komið að
Stapahrauni. Þar ofar er Sönghellir. Þaðan er
greiðust leið á jökulinn. Þar var um fjörutíu
ára skeið mikið vikurnám og var vikrinum
fleytt með vatni í rennum að sjávarströnd. Þá
erum við komin að Arnarstapa, fæðingarstað
Steingríms Thorsteinssonar. Þar er margt að
sjá bæði við höfnina og með því að ganga með
ströndinni í vestur átt. Staðurinn á sér langa
sögu sem lesa má um í annálum. Verður að
eyða þar verulegum tíma. Áfram er haldið
vestur og næst eru Hellnar. Þar er marg-
breytilegt um að litast. Þar er á ölduhrygg
Bárðarlaug Snæfellsáss. Á Hellnum er „Bað-
stofan“ við sjó og á flóði má þar sigla á báti, dyr
á tveim hliðum. Kirkjan stendur á hóli nálægt
kirkjugarði og geymir listaverk meistarans í
Gíslabæ, altaristöflu o.fl. sem allir ættu að
kynna sér sem um fara. Frá Hellnum vestur
og á vinstri hönd fyrst Dagverðará. Hinir
frægu Lóndrangar við Svalþúfu og nokkru
vestar Malarrif með stærðar vita á vinstri
hönd. Af Svalþúfu er svakalegt að horfa niður
í sjó á fuglaskerin þar iðandi af lífi að vori til.
Undir Jökli eða frá Stapa og vestur eru miklar
berjaslóðir og þangað hópast fólk af höfuð-
borgarsvæðinu til berja. Lengra vestur liggur
vegur niður að Einarslóni sem nú er í eyði og
stígur þaðan að Dritvík sem var verstöð áður
en nú er þar skipbrotsmannaskýli. Lengra
vestur eru Hólahólar. Þar er sjálfgerður leik-
völlur í gígarbotni og umhverfis eru grasi
grónar brekkur. Þangað koma margir. Vegi
þangað var læst fyrir nokkru, en mun fást
opnaður fyrir ferðamenn. Hellissandur tekur
við næst, Gufuskálar eru á milli þar sem
stærsta lóranstöð veraldar var reist og hæstu
möstur á íslandi sem menn frá Klettafjöllum
Ameríku reistu fyrir tæpum 30 árum.
í næsta blaði langar mig að verða þér sam-
ferða um norðanvert Nesið. □ 7