BFÖ-blaðið - 01.07.1989, Blaðsíða 12
Félagsstarfið
16. ársþing BFÖ
var haldið í maí
Þann 19. maí s.l. var haldið 16. ársþing
Bindindisfélags ökumanna í Hallarseli, fél-
agsheimili templara, í Reykjavík. Þingið
sóttu fulltrúar Reykjavíkurdeildar og ísa-
fjarðardeildar BFÖ ásamt stjórn félagsins og
gestum.
í skýrslu fráfarandi stjórnar gerði Brynjar
Valdimarsson, forseti BFÖ, ítarlega grein fyr-
ir starfi félagsins á s.l. ári. Minntist hann sér-
staklega á ökuleiknina, sem skipað hefur fast-
an sess í bæjarlífi margra staða víða um land-
ið og er komu hennar jafnan beðið með tals-
verðri eftirvæntingu.
Útgáfa BFÖ blaðsins hefur efist og batnað
og færði Brynjar ritnefndinni sérstakar þakk-
ir fyrir gott starf. Þá gat Brynjar þess að veru-
leg félagafjölgun hefði orðið á s.l. ári, félags-
menn í BFÖ eru nú rúmlega tólfhundruð
talsins.
í reikningum félagsins, sem Kristinn Breið-
Qörð, gjaldkeri BFÖ kynnti, kom fram að
hagnaður á s.l. ári varð kr. 81.200 og heildar-
eignir voru um s.l. áramót kr. 1.041.600.
Einar Guðmundsson, framkvæmdastjóri
BFÖ gerði því næst grein fyrir starfsáætlun
komandi starfsárs. Má þar nefna að félagið
hyggst kynna hið svokallaða 0,0 prómill
mark, þ.e.a.s. að ekkert áfengismagn megi
mælast í blóði ökumanna við akstur.
Þá er fyrirhuguð ráðstefna um ölvunarakst-
ur n.k. haust.
Nokkrar ályktanir voru samþykktar á
þinginu og fjölluðu þær efnislega um eftirtal-
in málefni:
1. Áskorun til dómsmálaráðherra um að
hann beiti sér fyrir niðurfellingu d. liðar í
22. grein umferðarlaga, sem fjallar um rétt
þess sem ekur vinstra megin framúr á
gatnamótum, þegar ökutækið á undan
beygir til vinstri.
2. Áskorun til dómsmálaráðherra um að
hann beiti sér fyrir lögleiðingu hinna svo-
kölluðu 0,0 prómill marka við akstur.
12 3. Áskorun til yfirvalda um að herða eftirlit
með notkun öryggisbelta og jafnframt að
notkun þeirra verði lögleidd í aftursætum.
Einnig að hert verði eftirlit með notkun
ökuljósa.
4. Áskorun til yfirvalda um að snúa við þeirri
þróun sem verið hefur í þá átt að fækkað
hefur lögregluþjónum, sem aftur kann að
leiða til lakari löggæslu, t.d. í umferðinni.
Sigurður Helgason, upplýsingafulltrúi Um-
ferðarráðs, flutti erindi um starf Umferðar-
ráðs að undanförnu og kom þar inná þau
málefni, sem mest áhersla hefur verið lögð á.
Má þar til nefna eftirfarandi: Mikil áhersla
hefur verið lögð á að brýna fyrir landsmönn-
um að „bjór er líka áfengi“.
Starfandi er nú sérstök nefnd um ökunámið
og á Umferðarráð þar aðild að. Stofnun klúbbs
ungra ökumanna, „Klúbbur 17“ og er mark-
mið hans að gefa ungum ökumönnum tæki-
færi á að tjá sig um umferðarmál og upplýsa
jafnaldra sína um hætturnar í umferðinni.
Klúbburinn starfar undir sérstakri vernd
Umferðarráðs. Þá sagði Sigurður að til mikil-
la vandræða horfði í umferðareftirliti lögregl-
unnar vegna hinnar miklu fækkunar sem orð-
ið hefði á íjölda löggæslumanna að undan-
förnu. Taldi hann nauðsynlegt að þar yrðu
gerðar úrbætur á sem allra fyrst.
I lok ársþingsins fór fram stjórnarkjör. í
stjórn félagsins voru kosin: Aðalstjórn: Brynj-
ar Valdimarsson, forseti, Kristinn Breiðíjörð,
Jón S. Halldórsson, Elsa Haraldsdóttir, Björn
Kristjánsson, Reynir Sveinsson, Reynir Inga-
son, Stefnir Páll Sigurðsson og Haukur ísfeld.
Varastjórn: Stefán Friðriksson, Aðalsteinn
Gunnarsson og Hákon H. Kristjónsson. í
stjórn ungmennadeildar BFÖ voru kosin:
Aðalsteinn Gunnarsson, formaður, Karel
Matthíasson og Bryndís Óskarsdóttir.
S.R.J.