Skólablaðið - 01.12.1909, Page 4
92
grein; telur ekki veita af tveggja ára
námi, og þó próf í leikfimi til inntöku
í leikfimisskólann.
Hann telur vel valda barnaleiki hent-
ugar leikfimisæfingar undir beru lofti;
mest undir því komið að hreyfingin
sje nægilega mikíl og alhliða. Minna
undir hinu komið að börn læri svo
margar hreyfingar.
F*á eru 8 smágreinar um leikfimi,
sem birst hafa í blöðum, og eru sum-
ar þéirra eftirtektar verðar, svo sem
„Um likamsvinnu sveitabarna" (eftir N.
Olsen Husted), „Að vilja“ (eftir Nikoline
Marie Helms), „Sólin og lífið“ (eftir
Kristian Jensen), „Óhindruð öndun“
(eftirH M. Helms) o. s, frv. — Alt
þarflegar og góðar bendingar fyrir
kennara. —
£íkamsvöxtur barna.
Nýfæddur drengur er c. 50 cm.
langur; nýfætt stúlkubarn c. 49 cm.
(kringum 19 þumlungar).
Fyrsta árið sem barnið lifir, er
vöxturinn h. u. b. þessi:
Fyrstu 2 mánuðina lengist það um
3 — 4 cm. (H/i —H/j þuml.) á mánuði,
næstu 3 mánuðina 2 cm. (*/4 þuml.)
á mánuði, og næstu mánuði U/2 cm.
á mánuði hverjum.
Á fyrsta árinu lengist barnið þann-
ig um rúml. 20 cm. eða nálægt því ;
8 þumlunga. Væru vaxtarárin 16, þá
yrði með sama vaxtarhraða hæð manns
frekar 6 álnir. En vöxturinn er ekki
svona hraðfara nema fyrsta árið. Á
öðru árinu fer hann helmingi hægar
en á fyrsta.
Á öðru árinu lengist barnið því um
c. 10 cm. (tæpa 4 þuml.); á 3. árinu
um 7 — 8; á 9. til 13. ári um 5 cm. á
ári, og á 14. árinu lcngist það ein-
ungis um 4 cm„ eða l1/^ þuml.
Ummál höjuðsins á nýfæddu barni
er 34-36 cm. (13-133/4 þuml.); á
stúlkubörnum J/2 cm. minna; en um-
mál brjóstsins aðeins 31—35 cm En
ummál brjóstholsins vex hraðar, svo
að það verður jafnt á öðru aldursári
barnsins, og síðar meira. Ef ummál
höfuðsins er stærra en ummál brjósts-
ins, þegar barnið er komið á 3. ár, þá er
þaó sjúkdómsmerki. —
Nýfætt barn er c. 3333 grömm að
þyngd, eða 12 —14 merkur. Einstaka
barn nokkuð þyngra. Fyrstu dagana
ljettast þau nokkuð (alt að 200 gr.)
En svo fara þau að þyngjast. og
þyngjast nokkurnveginn jafnt á hverri
viku ef þau eru heilbrigð.
1 árs barn er c. 20 pund
6 ára — - - 40 —
13 - - * - 80 -
fullorðinn maður - - 160 pund
Margir hafa það fyrir sið, að vigta
börn og mæla á vissum tímum, t. d.
einu sinni í viku hverri. Þyngdin og
fyrirferðin segir þá til, hvort barnið
þroskast eðlilega.
SKÓLABLAÐIÐ
Nokkrar fyrirspurnir.
1. Ber ekki öllum barnaskólanefnd-
um að auglýsa kennslustörf árlega svo
að um fleiri kennaraefni sje að velja
en þau ein sem sinnt hafa kennslu-
störfum undanfarið skólaár?
2. Frá- og til hvaða tíma er um-
sóknarfrestur til kennslustarfa venju-
lega bundinn?
3. Segi kennari af sjer kenslu-
starfa er þá skólanefndinni ei skylt
að auglýsa kenslustörfin tafarlaust,
enda þótt fyrverandi kennari gefi óljós-
ar vonir um að hann máski sæki um
sama starfa aftur?
4. Er skólanefndum heimilt að láta
barnafræðslu sitja á hakanum fyrir
hrepps-sýslunum og veita slíkuins sýlu-
manni kennslustörf í þeim tilgangi að
geta haldið honum í hreppnum á
þann hátt, er veitir honum nógan
lífeyri; en hafna öðrum kennara sem
að áliti meirihluti skólanefndar erfult
eins hæfur til kennslustarfa?
5. Er sú skólanefnd sem ofanritað
aðhefst ekki vítaverð og hvert skal leita
rjettar síns í því máli ef nægar og
skýrar sannanir fást?
Svör.
1. Gera má ráö fyrir að kennarar
sjeu ráðnir með hæfilegum uppsagn-
arfresti. Kennarastarfið þarf því ekki
að auglýsa árlega. En þegar þaó er
laust, er sjálfsagt að auglýsa það, svo
að úr sem flestum verði að velja.
2. Mjög svo mismunandi. Skóla-
nefndirnar ráða því, hver fresturinn er.
3. Sjá svar 1.
4. Spurningin er óljós. En þegar
skólanefnd ræður kennara, ber henni
sjálfsagt á það eitt að líta — að öðru
jöfnu — hver umsækjandinn fullnægi
best þörfum og kröfum skólans.
5. Láti skólanefnd annarlega hags-
muni ráða í ráðstöfum sínum um
skólamál, svo að skólinn líði bagaaf,
er það auðvitað vítavert. Ef til kæru
kemur út af því ber að snúa sjer til
yfirstjórnar fræðslumálanna.
10. kennarafundur Norðurlánda
verður haldinn í Stockhólmi 9.—12. &«. 1910.
Um það höfum vjer fengið tilkynn-
ingu frá nefnd þeirri í Danmörku,
sem til þess er kjörin að undirbúa
fundarhaldið af hálfu Danmerkur; og
er boðið til fundarins öllum kennurum
og kenslukonum við landskóla og ein-
stakra manna skóla, svo og öllum
konum og körlum, sem sakir stöðu
sinnar eða starfsemi eru tengdir skól-
um eða skólavinnu.
í sambandi við fundinn er sýnirig
allra kensluáhalda og annara skóla-
gagna sem nöfnum tjáir að nefna.
Ef íslenskir kennarar óska að halda
fyrirlestra á fundinum um eitthvert
skólamál, verða þeir að senda stutt á
grip af fyrirlestrunum svo tímanlega
að komið sje í hendur fundarstjórn-
inni 1. marts 1910. Enginn fyrirlest-
ur má taka lengri tíma en 30 mínút-
ur. Málshefjendur fá ekki að tala
lengur en 15 mjnútur. —
Huglýsirtg
um
frambaldskenslu fyrfr kennara.
Framhaldsnámsskeiðfyrirbarnakenn-
ara verður haldið næsta voi í kenn-
araskólanum í Reykjavík frá 15. maí
til 30. júní.
Námsgreinar verða: íslenska, upp-
eldisfræði, kristin fræði, saga, stærð-
fræði, eðlisfræði, grasafræði, landa-
fræði, teikning, söngur og Ieikfimi.
Nokkurs námsstyrks geta þeir vænst,
er sækja kenslu þessa, og ferðastyrks
þeir, sem eiga langt til Reyjavíkur.
Umsóknir um hlutdeild í kenslunni
og um styrk skulu stýlaðar til stjórn-
arráðsins, en sendast forstöðumanni
kennaraskólans, og skal þeim fylgja
meðmæli frá hlutaðeigandi fræðslu-
nefnd eða skólanefnd.
Fleiri en 30 kennurum verður eigi
veitt viðtaka á framhaldsnámsskeiðið.
Umsóknarjrestur til 8 marz.
Stjórnarráðið 25. nóvb. 1909.
Kaupendur
blaðsins gera því mikinn greiða
með því að standa vel i skilum
með borgun fyrir þennan árgang
Deir scm skulda fyrir fvrri
árganga eru vinsamlega beðnir
að gleyma ekki skuld sinni.
Hvern einstakan munar lítið um
2 kr., en blaðið munar um, ef
allir borga sínar tvær krónur.
Afgr. Bergstaðastr. 27. Rvík.
Útgejandi:
HIÐ ISLENSKA KENNARAF/ELAG.
Rilstjóri og ábyrgðarmaður:
/ÓN ÞÓRARINSSON.
Prentsmiðja D. Ostlunds.