Alþýðublaðið - 23.10.1966, Page 10

10
23. október 1966 - Stinnudags ALÞÝÐUBLAÐIÐ
Grænn blettur
Framhald af 7. síðu.
stakt hæli fyrir áfengissjúklinga
eða taugasjúklinga?
— Nei, við álítum það ekki
rétt. Bezt er að hafa þessa sjúkl-
inga innan um annað geðveikt
fqlk, þ.e.a.s. á venjulegu geð-
veikrahæli. Áfengissjúklinga er
erfitt að meðhöndla. I>eir lúta
engum aga og þeir mynda klíkur
sín á milii. Þeir eru ennfremur
. strokgjarnir. Hið sama er að
segja um taugasjúklinga. Þá á
að leggja inn á geðveikrahæli í
skamman tíma. Það hefur verið
reynsla nágrannaþjóða okkar, að
ekki er unnt að reka hæli fyrir
taugasjúklinga eins og venjulegt
sjúkrahús þar sem menn leggjast
inn og útskrifast heilir heilsu.
Taugasjúklingum hættir nefni-
lega til að líta á hælin sem
heimili sín; þeir verða þeim háð-
ir og vilja ekki þaðan fara.
— Svo að við snúum okkur nú
að öðru, Tómas. Nú á að fara
gera höfn hér allt í kringum
spítalann. Hvað verður þá um
hann? Á hann að standa áfram
eða verður hann rifinn?
— Á skipulagsuppdrætti
Reykjavíkurborgar, er grænn
blettur, þar sem spítalinn er nú.
Það táknar einfaldlega að hér
eigi að vera skrúðgarður. Það
er kannski eðlilegt. Hér er mjög
fallegt og ég hef alltaf kunnað
vel við mig hér í þessu fallega
umhverfi. En skömmu eftir að
ég réðst að Kleppsspítalanum,
skrifuðum við skipulagsyfirvöld-
unum og báðum þau leyfis um
að fá að byggja viðbót við hann,
en þá hafði ekkert verið byggt
hér síðan 1951. Vi'ð fengum ekki
svar fyrr en eftir dúk og disk,
og í svarinu var farið þess á leit
við okkur, að við drægjum úr
rekstri spítalans, og um leið var
okkur neitað um byggingarleyfi.
—En hefur þá veríð ákveðið
að reisa annað hæli, sem komi
í staðinn fyrir Klepp, eða hef-
ur því verið ákveðinn staður
fyrir utan borgina?
— Það er úrelt sjónarmið að
reisa geðveikrahæli fyrir utan
þéttbýlið. Áður fyrr var þetta
ríkjandi skoðun og sést það bezt,
að þegar geðveikraspítalinn hér
var reistur er hann langt fyrir
utan bæinn. Hins vegar hefur
verið ákveðið að reisa stóra deild
við Landsspítalann, en lóðarrými
leyfir ekki stærra hús en sem
rúmar 90—100 sjúkrarúm. Það er
alltof lítið. Mín skoðun og raun-
ar annarra, sem þessi störf inna
af hendi, er sú, að reisa éigi stórt
hæli, helzt í námunda við Land-
spítalann og þyrfti það aö taka
300—350 sjúkrarúm. Mér kemur
helzt í hug staðurinn, þar sem
gróðrarstöðin Alaska er nú. Geð-
veikrahæli þarf nú á dögum að
vera í sem nánustum tengslum
við önnur sjúkrahús. Þess vegna
'þarf slíkt sjúkrahús að vera
þannig í sveit sett, að það sé
einnig í nánum tengslum við at-
vinnulifið, íbúðarhverfi séu ná-
lægt og aðstandendur sjúklinga
eigi hægt um vik að koma i
heimsókn til sjúklinganna.
— Er það eitthvað að lokum,
sem þér viljið taka fram, Tómas?
— Ég vildi þá aðeins leggja
áherzlu á það, að hefjast þarf
þegar handa til þess að reisa nýtt
og nægilega stórt sjúkrahús fyr-
ir geðveikisjúklinga. Það þarf að
búa betur að starfsskilyrðum
lækna, koma upp fullkominni
rannsóknarstofu fyrir geðlækn-
ingar. Þá má ekki gleyma því,
að búa þarf mun betur að sjúkl-
ingum hér á Kleppsspítalanum
en okkur hefur reynzt unnt með
því ijármagni, sem við höfum
haft undir höndum. Yfirvöldin
skulu að lokum minnt á það, að
vandamál geðsjúklinga er stærsti
óleysti vandi heilbrigðisrtiála í
dag. — S. T.
> ö