Dagur - 15.10.1997, Qupperneq 4

4 - MIÐVIKUDAGUR 1S. OKTÓBER 1997

VÍKURBLAÐIÐ
í stríð gegn blöddanuin
Sjómenn hafa stofnað
Selveiðisjóð Norður-
lands eystra og hyggj-
ast vemda fiskstofna
með þvi að leggja fé
til höfuðs blöðraseln-
um sem veldur stór-
kostlegu tjóni á mið-
UIIIIIII.
1 fyrri viku var stofnað á Húsa-
vík félagið Selveiðisjóður Norð-
urlands eystra. Hlutverk félags-
ins er að stuðla að fiskvernd á
svæðinu allt frá Ólafsfirði,
Grímsey að Langanesi með því
að greiða verð fyrir veidda seli á
svæðinu. Og tilgangi sínum
hyggst félagið ná með því að
safna fjármunum, bæði með ár-
gjöldum félagsmanna og eins
styrkjum úr opinberum sjóðum.
14 manns mættu á stofnfundinn
og í stjórn voru kjörnir þeir
Helgi Bjarnason, Jón Asgeir
Baldurs og Óskar Karlsson.
Ein höfuðástæða þess að
menn sáu sig knúna til að stofna
Selveiðisjóð er sú að hringorma-
nefnd, í kjölfar niðurskurðar,
hætti að greiða fyrir veidda
blöðruseli. Og sjómenn telja al-
gjöra nauðsyn að halda blöddan-
um í skeíjum, því hann sé ein-
hver verstur vargur í véum
þeirra og valdi stórkostlegu
tjóni á fiski á grunnslóð.
Flestir fundarmanna höfðu
mjög slæma reynslu af blöðru-
selnum og voru gjörkunnugir
málinu. Mönnum bar saman um
að upp úr 1985 hefði blöðrusel
farið að fjölga all verulega. Fyrr
á öldinni hefði hann verið lítt
áberandi og haldið sig miklu
utar. „Hann hélt sig á þetta 80-
100 föðmum en á síðustu árum
eltir hann fiskinn nánast upp í
fjöru,“ sagði Helgi Bjarnason.
Helgi hefur stundað veiðar á
blöðrusel á Skjálfanda á undan-
förnum árum ásamt Þórði Pét-
urssyni og eitt sumarið fengu
þeir um 60 seli. I sumar eru þeir
búnir að skjóta 27 blöðruseli og
fengu t.d. tvo s.l. laugardag.
Einn fundarmanna hafði fengið
5 blöðruseli í net í sumar.
Selurinn bítur fiskinn í netinu
og að sögn Helga dæmi um að
allur fiskur í 4-5 netum trillu-
kalla hefði verið bitinn. Og hann
skapar vandamál víðar fyrir
Norðurlandi. Gunnlaugur, sjó-
maður úr Eyjafirði, sagði að
blöðrusel hefði fjölgað gífurlega
í Eyjafjarðarál og á Skagafjarðar-
dýpi. „Það kveður svo rammt að
þessu að það er varla lengur
hægt að stunda hefðbundna
netaveiði fyrir Norðurlandi.“
Menn lýstu því hvernig
blöðruselurin tvístraði fiskigöng-
um sem væru að koma inn á
flóa og firði. Og hann ætti það
til að smala saman fiski á stóru
svæði í einn flekk og tína svo úr
torfunni að vild.
Menn voru að velta fyrir sér
ástæðum þessarar fjölgunar á
blöðruselnum. Og m.a. kom
fram að framundir 1960 hefðu
Norðmenn veitt sel í tugþús-
undatali út af ísröndinni en nú
væru þær veiðar af lagðar, sem
hugsanlega væri skýringin á
aukningunni hér.
Selveiðisjóður Norðurlands
eystra hefur þegar fengið loforð
um framlög upp á um hálfa
milljón. En menn voru nokkuð
vondaufir um að fá styrki frá
hinu opinbera, þar væru menn
hræddir við „grínpísara11 og
þyrðu ekki að standa að slíkum
greiðslum nema þá úr sjóðum af
hafsbotni sem enginn vissi um.
„Það er hræðileg martröð að
þurfa að búa við þetta helvíti.
Og það gerir sér enginn grein
fyrir því hvað þetta er mikið
vandamál nema við sem þurfum
stöðugt að glíma við það,“ sagði
einn félaga í Selveiðisjóði Norð-
urlands. — JS
Bukolla og Oliver Twist
Leikfélagið Bukolla
stefnir að uppsetn-
ingu á söngleikmun
Oliver í samstarfi við
Hafralækj arskóla.
Hið stórgóða sam-þingeyska
leikfélag, Búkolla, er nú að hefja
vetrarstarf sitt og heldur aðal-
fund n.k. laugardag. Búkolla
hefur baulað á sviðinu í mörg ár
og ávallt látið vel í eyrun og ef
að líkum lætur verður hið sama
uppi á teningnum í vetur. í bí-
gerð er sem sé uppsetning á
söngleiknum Oliver Twist.
Viðræður hafa farið fram milli
Búkollu og Hafralækjarskóla um
sameiginlega uppfærslu á Oliver
og er mikill áhugi hjá báðum að-
ilum. Hafralækjarskóli á einmitt
25 ára afmæli um þessar mund-
ir og vill af því tilefni standa að
veglegri sýningu.
Ef ákveðið verður að ráðast í
þetta stóra verkefni myndi
Robert Faulkner verða tónlistar-
stjóri og þegar hefur verið rætt
við Sigurð Hallmarsson um að
taka að sér leikstjórn. Reiknað
er með að Oliver yrði frumsýnd-
ur rétt fyrir páska ef niðurstaðan
verður að ráðast í þetta stórvirki.
1 fyrra var aðsókn á sýningu
Búkollu á verkinu „Á svið“ nokk-
uð dræm og í fréttabréfi
Búkollu, Baulinu, er Guðrún
Lára Pálmadóttir formaður, að
velta fyrir sér skýringum. E.t.v.
séu áhorfendur í sýslunni orðnir
svo kröfuharðir að það sé nánast
ekki hægt að bjóða þeim upp á
annað en stórsöngleiki. „Og þá
skulu þeir bara fá það og
hananú." Skrifar Guðrún Lára.
-JS
Verðlauna-
ostar
kyirntir
Ostameistari
íslands, Her-
mann Jóhanns-
son, kynnti
verðlaunaosta
MSKÞíKÞMat-
bæ s.l. föstn-
dag. Hér er
hann ásamt
gæðastjóranum
Kristínu HaU-
dórsdóttur og
ánægðum við-
skiptavini sem
fékk að
smakka.
íslensk
gestrisni?
Sá góðkunni hagyrðingur Jó-
hannes Sigfússon á Gunnars-
stöðum mætti á Sláturhúsið á
Húsavík með fé til slátrunar á
dögunum. Þegar hann hafði
sinnt þar sínum erindum fór
hann í matsal og fékk sér
morgunmat eins og bænda er
siður, en kom nokkuð á óvart
þegar hann var krafinn um
greiðslu fyrir og hafði ekki
kynnst því áður á þessum
stað. En Jóhannes greiddi að
sjálfsögðu fyrir greiðann og
gerir það enn betur með eftir-
farandi vísu:
Rausnarsemin lágt nú laut,
lélegt má það telja,
hálfan disk af hafragraut
hungruðum gesti selja.
Naggar í brauði
Áhrifamestu og virtustu fjöl-
miðlar landsins halda allir úti
matreiðslu- ellegar sælkera-
þáttum af ýmsu tagi með
flóknum uppskriftum frægra
manna að uppáhaldsréttum
sínum. Víkurblaðið hefur lítt
verið á þessum matreiðslu-
buxunum enda þekkjum við
enga þjóðþekkta Islendinga
sem kunna að elda. En við
gerum hér smá undantekn-
ingu á reglunni og birtum
uppskrift að bráðsnjöllum
rétti sem 10 ára sonur Nagga-
ritara fann upp á dögunum.
Uppskriftin að réttinum
(sem er fyrir einhleypinga) er
þessi: Eitt pylsubrauð, þrír
Naggar, rauðkál, steiktur
laukur, tómatsósa eða annað
meðlæti. Pylsubrauðið hitað í
örbylgjuofni og Naggarnir líka
eða á pönnu eftir smekk.
Rauðkáli eða öðru meðlæti
smeygt f pylsubrauðið og
Nöggunum þremur ofan á
(þrír passa eins og flís í rass).
Þetta er síðan étið eins og
pylsa. Við seljum þessa upp-
skrift ekki dýrara en við
keyptum.
Viðskiptaþviiigaiiir
Og fyrst við erum að tala um
mat og það mat sem kemur
frá Kaupfélagi Þingeyinga, þá
höfum við fyrir því algjörlega
óstaðfestar heimildir að í kjöl-
far miliríkjadeilu Kjnverja og
Islendinga á dögunum hafi
sala á Kínakáli dregist stór-
lega saman hjá KÞ.
Þetta flokkast víst undir
ósamantekin ráð almennings
um viðskiptaþvinganir, eða
eins og einn kúnnin mun hafa
sagt: „Maður fer sko ekki að
gera þessum helvítum það til
geðs að éta andskotans kálið
þeirra." Gott er að hafa þetta
í huga ef Grænlendingar fara
eitthvað að derra sig í garð ís-
lendinga. Þá hættum við ein-
faldlega að kaupa og éta
Grænkál.