Dagur - 11.12.1997, Page 3

LÍFIÐ í LANDINU
ví»t « i >1 íii v :> a ii i t v w r» fc o 1 m tr «_ 9. V
FIMMTUDAGUR ll.DESEMBER 1997 - 19
Lára Jónsdóttir, húsmóðir á Þorfinnsstöðum i Þverárhreppi og
kennari við Vesturhópsskóia.
- Blessuð Lára, hvað er títt í Vesturhópi. Er kominn
jólasnjór?
„Nei, ekki nema föl og haustið er búið að vera
gott. Mér er alveg sama þó enginn jólasnjór sé
kominn. Það er kannski annað með ykkur Akur-
eyringana. En annars hefur allur fénaður verið á
beit í haust - og fyrst nú er verið er að taka féð inn
til rúnings.“
- Síðast þegar ég hitti þig varst þú að afgreiða í
sjoppunni í Vtðigerði, það var í lok sumarsins 1996.
Ertu ennþá að vinna þar?
„Nei, sumarið það var hið síðasta af mörgum í
sjoppunni. Nú starfa ég einvörðungu sem leið-
Piparkökur
ogjóla-
bland
beinandi við Vesturhópsskóla, þar sem eru 1 1
nemendur. Síðan er ég að vinna við leikskólann
sem verið var að setja hér á fót. Þar eru sex krakk-
ar héðan úr Þverárhreppi og Víðidal, á aldrinum
þriggja til fimm ára, sem þangað koma alla mið-
vikudaga."
- Eruð þið byrjuð eitthvað t jólaundirhúningi?
„Já, einn daginn bökuðum við piparkökur og
föndruðum. Svo komu foreldrar í heimsókn og
krakkarnir seldu þeim föndur og jólabland, þú
veist, svona appelsín og malt. Agóðinn fer í ferða-
sjóðinn okkar. Við gerum alltaf eitthvað skemmti-
legt að vori; reynum að fara annað árið í leikhús
og hitt í skemmtiferð.“
- Eleyrðu, hvaða hávaði er þetta. Mikið er af
bömunum, ertu tneð skólann heima í stofu?
„Já, þú heyrir þetta. Nei, ég er bara hérna með
barnaafmæli og hér er kominn góður hópur af
skemmtilegum krökkum. Það er skemmtilegt hér á
Þorfinnsstöðum í dag.“
ingunn St. Svarsdóttir, oddviti á Kópaskeri.
Forstjórar
syngja
ttMM
d áttatíu símsk
Siguróur Bogi Sævarsson, slær á þráðinn og kannar mannlííið í landin
Scndíð okkur fréttir af landsbyggðinní. Sláið á þráðinn til Sigurðar Boga
Sr. Guðjón Skarphéðinsson, prestur á Staðarstað á
Snæfeiisnesi.
- Sæll Guðjón, mig langaði að heyra hvort
þú værir byrjaður að slirifa prédikanir fyrir
jólamessumar?
„Nei, ég passa mig á því að byrja ekki
of snemma á þeim, þó þær séu lengi að
gerjast með mér. Eg skrifa aldrei ræður
fyrr en að morgni messudags og það gefst
mér vel að setjast niður klukkan sex að
morgni. Þá get ég verið búinn með ræð-
urnar einhverri stund áður en messan
hefst. Eg er þetta sex til átta tfma að
skrifa ræðunar niður, en það geri ég með
sjálfblekungi og á línustrikað blað.“
- Já, svo þú skrifar þetta ekki á tölvu?
„Nei, það er svo ópersónulegt. Þá gætu
ræðurnar allt eins verið bréf frá Gjald-
Hand-
skrifaðar
prédik-
anir
heimtunni. En annars finnst mér vanta
að geta fengið þennan sérstaka tilskorna
ræðupappír, eins og faðir minn,. séra
Skarphéðinn Pétursson í Bjarnarnesi,
skrifaðir sínar prédikanir á í gamla daga.“
- En segðu mér þá hitt, hvemig kanntu
við þig þarna undir Jökli, þar sem Jý'rír-
rennari þinn, sr. Ámi Þórarinsson, kvaðst
hafa verið hjá vondu fólki?
„Já, það er nú vel kunnugt að hann
sagði þetta í bókinni. En sagði hann ekki
Iíka hitt, að Snæfellingar væru ágætt fólk.
Kurteisir, alþýðlegir og börnin ágætlega
upp alin. I raun hafði hann ekki önnur
viðmið en fólkið sem hann ólst upp með í
Arnessýslu og hafði síðan mest lítið af að
segja í Iífinu. En annars get ég sagt þér að
ég kann ágætlega við mig, hvar sem er á
landinu, sé það í sveit. Sveitinni er ég
vanur, enda uppalinn í Húnavatnssýslu.“
- Sæl Ingunn, ég ætlaði að athuga hvort
þið á Kópaskeri væruð kominn í jóla-
skap?
„Já, svo sannarlega. Hér er
jólahugur í fólkinu. Við erum
búin að setja hér upp jólatré,
eitt í Lundarskóla í Öxarfirði
og annað hér á Kópaskeri.
Síðan er hér hangi-
kjötslykt angandi um
allt þorp, þva nú er
verið að reykja kjötið
hjá Fjallalambi. Um helg-
ina verður síðan aðventuhátíð
hér í Snartastaðakirkju, þar sem
------------------- barna- og kirkjukór mun syngja og
börn leika á flautu. Flutt verður jólahugvekja og
síðan munu þeir Garðar Eggertsson, framkvæmdastjóri Fjallalambs, og Kristján Þór-
liallur Halldórsson, sem er framkvæmdastjóri Geflu, báðir syngja þarna einsöng."
- Já, það finnst mér athyglisvert. Þetta er sambærilegt því að maður færi á aðventu-
kvöld í Reykjavík þar sem tveir helstu forstjórar landsins myndu syngja, segjum Hörður
Sigurgestsson í Eimskip og Friðrik í SH...
„Já, það væri nú gaman að heyra þá syngja saman. Nei, en annars er þetta nú þannig
að hér tekur fólk þátt í öllu félagsstarfi sem er í gangi og þá breytir ekki öllu hvaða
stöðu það gegnir."
- Laufabrauðsbakstur. Er hann ekki áfullu á Kópaskeri núna...?
„Hann cr að fara af stað. Við væntum þess að fá unglingana okkar von bráðar heim
úr skólunum í Reykjavík og á Akureyri. Ætli það verði ekki í kringum aðra helgi. Það er
einmitt niiðað við það á mörgum heimilum að fara þá í að skera út laufabrauðið."
Gunnar Skjóldal, fisksali á Akureyri.
- Komdu sæll Gunnar, mig langaði til að
heyra í þér varðandi skötuna. Nti er skötu-
veislan mikla á Þorláksmessu, er fólk eitt-
hvað byrjað að kaupa núna?
„Nei, ekkert að ráði. Þetta fer ekkert af
stað fyrr en síðustu dagana fyrir Þorláks-
messu og á þeim degi líka. En þetta er
stöðugt að færast í vöxt, ég er búinn að
vera bér í fiskbúðinni í tíu ár og fyrsta
árið sem ég var hér seldum við 200 kg af
skötu. En þetta hefur margfaldast síðan
þá. Eg veit hins vegar ekki hvort ég á
nokkuð að segja þér hvað ég er að selja
mikið; það er samkeppnin, sjáðu til.“
Skötu-
veislan
inikla
- Hvaðan færð þú skötuna og verkar þú
hana sjálfur?
„Við fáum tindabikkjuna senda vestan
úr Hnífsdal, en stórskötu fáum við frá sjó-
mönnum hér við Eyjafjörð. Nei, það geng-
ur ekki upp að við verkum hana - það er
lyktin, sjáðu til. Hún er þvílík að þá yrð-
um við að vera með hana í sérstöku húsi.“
- Hvemig finmt þér sjálfum lyktin vera
og borðar þú skötu eim og hinir?
„Hún er ágæt. Já, og ég borða skötu á
Þorláksmessu til að vera eins og hinir.“
- Segðu mér - eykur fólli við sig í
fiskneyslu síðustu daga fyrir jól, áður en
kjötveislan mikla hefst?
„Nei, ég verð ekki var við það. Kannski
er það helst að við seljum meira af laxi.
Fólk kaupir liann mikið til að grafa hann
og eins eru veitingahúsin mikið að kaupa
lax til að reiða fram með ýmsum hætti á
jólahlaðborðum sínum." -SBS.