Dagur - 09.02.1999, Side 8

f
8 - ÞRIÐJUDAGUR 9. FEBRÚAR 1999
FRÉTTASKÝRING
k. a
SaiiiíylMngarmenn í sigurvímu
sigurdOr
SIGURDÖRS
SON
SKRIFAR
SamfylMngarfóLk á
Reykjanesi er fullt
bjartsýni eftir próf-
kjörið mn helgina.
Pólitískir andstæðing-
ar telja hins vegar ekk-
ert að óttast, segja list-
ann gamalt vín á
nýjum helgjum.
Það verður ekki sagt að niðurstað-
an í prófkjöri samfylkingarinnar á
Reykjanesi hafi komið þeim á
óvart sem fylgst hafa með í ís-
lenskum stjórnmálum undanfarið.
Utkoma frambjóðenda er eins og
búist var við. Sá eini sem kemur
verulega á óvart er Jón Gunnars-
son, krati úr Vogum, sem nær 6.
sætinu. Og þessu sæti náði hann í
talningu úr síðasta kjörkassanum
eftir að hann og Lúðvík Geirsson
höfðu verið hnífjafnir við talningu
um nóttina. Sumir halda því fram
að þessi góði árangur Jóns Gunn-
arssonar sýni fram á að fólk sé far-
ið að hugsa til kjördæmabreyting-
arinnar. Þá verða Suðurnes skorin
frá Reykjaneskjördæmi og tengd
saman við Suðurlandskjördæmi.
Menn segja að Suðurnesjakratar
hafi verið að stimpla Jón Gunnars-
son inn fyrir þá breytingu.
Rannveig, Guðmundur Arni,
Sigrfður, Þórunn og Agúst er sama
röðun og flestir bjuggust við fyrir-
fram. Þeir frambjóðendur, sem
Dagur hefur rætt við, eru allir
ánægðir með þátttökuna í próf-
kjörinu 9.550 manns. Ef þátttakan
er borin saman við þátttökuna í
prófkjöri Alþýðuflokksins fýrir fjór-
um árum, þar sem rúmlega 8 þús-
und manns tóku þátt, getur hún
að þessu sinni varla talist nema
rétt viðunandi þegar þrír flokkar
leggja saman nú.
Sú spurning vaknar hvort slök
útkoma frambjóðenda úr Alþýðu-
bandalaginu í prófkjörinu veiki
ekki listann, hvort það verði ekki
vatn á myllu VG, flokks Stein-
gríms J. Sigfússonar. Fyrir utan
þingmann flokksins, Sigríði Jó-
hannesdóttur, sem náði 3. sætinu,
lenda þrír sterkir sveitarstjórnar-
menn flokksins í 7., 8. og 9. sæti
listans, á meðan kratar lenda í 1.,
2., 5. og 6. sæti hans. Rannveig
Guðmundsdóttir hafnar þessari
kenningu.
Röng kenning
,;Eg held að kenningin sé ekki rétt.
I dag eiga þessir þrír flokkar fimm
þingmenn. Reykjaneskjördæmi er
sterkasta vígi Alþýðuflokksins á
landinu. Það er því ekkert óeðli-
legt við það að í 5 efstu sætin sé
stuðningur við þrjá þingmenn Al-
þýðuflokksins. Fulltrúar bæði AI-
þýðubandalags og Kvennalista fá
góða kosningu. Um sjötta sætið
voru lengi nætur að keppa þrír al-
þýðubandalagsmenn. Það er alltaf
þannig að ef mikil keppni er inn-
byrðis eins og þarna var, dreifast
atkvæðin mjög. Sá sem kemur á
óvart i prófkjörinu, og skýtur sér
upp í 6. sætið á lokatölunum er
Jón Gunnarsson. Eg álít að með
því að veita Jóni Gunnarssyni
brautargengi séu Suðurnesjamenn
farnir að hugsa til kjördæmabreyt-
ingarinnar. Ég varð vör við að Suð-
urnesjamenn óttuðust að prófkjör-
ið myndi bara skila Innan-mönn-
um á listann," segir Rannveig.
Hún segir að ef menn skoða töl-
urnar þá komi í ljós að Þórunn
Sveinbjarnardóttir er ekki í 4. sæt-
inu bara vegna gerðra samninga
við Kvennalistann, heldur vegna
þess að hún náði kosningu í 4.
sætið. Sigríður Jóhannesdóttir hafi
líka fengið góða kosningu í 3. sæt-
ið. Samt segist hún sjá að það
hefði verið betra fyrir Alþýðu-
bandalagið að koma síðan inn í 6.
sætið en þeir koma í 7. til 9. sætið
vegna hinnar miklu innbyrðis-
keppni hjá þeim. Hún segir að það
detti engum annað í hug en að 6.
sætið sé baráttusætið í vor.
Guðmundur Arni Stefánsson
tekur í sama streng. Hann segir að
meðan talað var um uppstillingu á
listann hefði verið talað um 2. sæt-
ið til Alþýðubandalagsins og þess
vegna sé þetta heldur lakara.
„Ég hef ekki heyrt orð um það
frá félögum mínum í samfylking-
unni, sem koma frá Alþýðubanda-
laginu, að þar séu einhver sárindi
á ferð vegna niðurstöðu prófkjörs-
ins. Ég held líka að það sé röng
ályktun að vinstri/grænir græði
eitthvað á niðurstöðu prófkjörs
samfylkingarinnar. Ég fann það
hvar sem ég kom að fólk er farið að
líta heildstætt á samfylkinguna og
þvert á alla flokka. Það held ég að
prófkjörið hafi líka sýnt afar
glöggt," segir Guðmundur Ami.
SamfylMngin að skjóta
rótum
Rannveig Guðmundsdóttir er
ánægð með þátttökuna í prófkjör-
inu. Hún segist álíta að á Reykja-
nesi hafi verið haldið áfram með
bylgju sem hófst í prófkjöri sam-
fylkingarinnar í Reykjavík viku
fyrr. Hún segist telja að það fólk
sem tók þátt í prófkjörinu hafi gert
það vegna þess að það langi til að
vera með í þeirri ferð sem hafin er
hjá samfylkingunni. Hún segir að
vissulega komi alltaf einhverjir
utan að og taki þátt vegna þess að
þeir hafi áhuga fyrir ákveðnum
einstaklingi. Hins vegar sé útilok-
að að fá þúsundir til þátttöku öðru
vísi en að stemmning sé fyrir próf-
kjörinu. Rannveig segir að sam-
fylkingin hafi farið í gegnum erfið-
an kafla í haust er leið, sem hún
segir að hafi snúist um tæknileg
atriði eins og uppstillingu á lista
eða prófkjör en ekki hugmynda-
fræði eða framtíðarsýn. Undir ára-
mót virtist þetta virka eins og frá-
hvarf frá samfylkingunni.
„Um Ieið og erfiðleikatímabil var
að baki og við fórum að undirbúa
prófkjör varð maður var við
stemmningu fyrir samfylkingunni
og fyrir prófkjörunum. I aðdrag-
anda prófkjörsins hjá okkur í
Reykjanesi fór ég um allt kjör-
dæmið. Ég hitti auðvitað flokks-
fólk alls staðar í kjördæminu. Ég
fór líka á vinnustaði alveg frá Mos-
fellsbæ og suður í Sandgerði. Hvar
sem ég kom varð ég vör við velvild
í garð samfylkingarinnar og áhuga
fyrir prófkjörinu. Eftir þessa yfir-
ferð mína var ég sannfærð um að
þátttakan yrði góð og hún myndi
slaga hátt í tíu þúsund, sem hún
og gerði. Fólk er orðið spennt fyrir
samfylkingunni og hún er að
skjóta rótum sem fjöldahreyfíng.
Nú þegar er hún hætt að vera ein-
hver samstarfsvettvangur þriggja
flokka. Hún er orðin hreyfingin
sem okkur dreymdi um og sóknar-
færin blasa við okkur,“ sagði
Rannveig Guðmundsdóttir.
Jafnvægi við
Sjálfstæðisflokkiim
Guðmundur Arni Stefánsson tek-
ur undir það að hér hafi átt sér
stað glæsilegt prófkjör og Iistinn
sigurstranglegur og að mörgu leyti
ágætlega skipaður eins og hann
komst að orði. Hann segist að vísu
ekki hafa náð sínu aðalmarkmiði
að ná 1. sæti listans en sé ágætlega
ánægður með það næst besta.
Hann segir líka að mjög fátt hafí
komið sér á óvart í niðurstöðu
prófkjörsins.
„Ég er mjög bartsýnn á góðan
árangur listans í kosningunum í
vor. Prófkjörið undirstrikar það
sem ég vildi vita að við erum að ná
fullkomnu jafnvægi við Sjálfstæð-
isflokkinn í Reykjaneskjördæmí og
ætlum að verða stærri flokkur en
hann eftir kosningar," sagði Guð-
mundur Arni Stefánsson.
Engin sár
„Mér h'st ekki illa á listann og tel
hann sterkan. Samt tel ég að það
hefði verið betra fyrir samfylking-
una ef Alþýðubandalagið hefði náð
6. sætinu í prófkjörinu. Hvað sjálf-
an mig varðar er ég sæmilega sátt-
ur við mína útkomu. Ég hefði svo
sem viljað þessi 100 atkvæði sem
vantaði upp á að ég næði 6. sætinu
en tel mig samt koma sæmilega
sterkan þarna inn,“ sagði Lúðvík
Geirsson, bæjarfulltrúi Alþýðu-
bandalagsins í Hafnarfírði, sem
hafnaði í 7. sæti Iistans.
Hann bendir á að alþingismenn-
irnir fjórir hafi allir fengið viðun-
andi kosningu. Þeir hafi líka
ákveðið forskot sem sitjandi þing-
menn. Lúðvík segir að það hafí
verið vilji fyrir því að fulltrúi
Kvennalistans fengi gott gengi í
prófkjörinu. Það hafí tekist og það
sé styrkur fyrir listann.
„Ég hef ekki trú á því að úrslitin
skilji eftir sig nein sár. Menn
standa saman um sína fylkingu.
Þetta er bara niðurstaðan í próf-
kjörinu nú. Og þá er bara að bretta
upp ermar fyrir komandi kosningar
enda Iít ég svo á að 6. sætið sé bar-
áttusæti í vor. Þátttakan í prófkjör-
inu undirstrikar þetta enda er hún
hlutfallslega meiri en var í Reykja-
vík fyrir viku. Þátttökufjöldinn
undirstrikar það einfaldlega að það
er áhugi hjá almenningi fyrir sam-
fylkingunni og fólk vill hafa áhrif á
hvernig listinn er skipaður. Þátt-
takan er líka merki þess að fólk lít-
ur á samfylkinguna sem trúverðugt
afl í pólitískri baráttu, pólitískt afl
sem almenningur liefur verið að
bíða eftir,“ segir Lúðvík Geirsson.
Nýr flokkux að verða til
Agúst Einarsson sem hafnaði í 5.
sæti listans segist vera ánægður
með sína útkomu og að hann telji
listann sterkan. Hann segist hafa
haldið marga fundi í kjördæminu
fyrir prófkjörið, kynnt ýmsar hug-
myndir m.a. í skattamálum og
hann segist hafa haft mjög gaman
af prófkjörsbaráttunni. Aðspurður
hvort hann haldi að prófkjörið
skilji eftir sig sár vegna útkomu Al-
þýðubandalagsins, sagðist hann
ekki telja svo vera.
„Það má ekki gleyma þvf að það
eru 20% kjósenda í Reykjaneskjör-
dæmi sem taka þátt í prófkjörinu.
Ég tel að hinar gömlu flokksmerk-
ingar séu að hverfa smátt og smátt.
Prófkjörið var mjög skýrt byggða-
prófkjör, þeir sem koma frá fjöl-
mennustu stöðunum uppskera
mest. Þá fæ ég ekki betur séð en að
fólk sé farið að hugsa til kjördæma-
breytingarinnar. Og í því sambandi
hafí frambjóðendur verið að
stimpla sig inn og láta vita af sér.
Ég heyri ekki annað en að fólk sé
almennt mjög ánægt með listann,
sama úr hvaða flokki menn eru.
Allir telja listann sigurstranglegan.
Það er einnig sannfæring mín að
samfylkingin sé orðin rótföst eftir
þessi tvö glæsilegu prófkjör í
Reykjavík og Reykjanesi. Það mun
ekkert koma í veg fyrir það að þeg-
ar fram líða stundir að úr þessu
verði stjórnmálaflokkur og það
mun að mínum dómi gerast fljót-
lega á næsta kjörtímabili," segir
Agúst Einarsson.
Ekkcrt nýtt
Það er forvitnilegt að heyra hvað
helstu andstæðingar samfylkingar-
innar í Reykjanesi segja um próf-
kjörið og niðurstöðu þess. Arni M.
Mathiesen, oddviti Sjálfstæðis-
flokksins í kjördæminu, segir þátt-
tökuna í prófkjörinu minni en
hann átti von á. Hann segir menn
ekki mega gleyma því að Alþýðu-
flokkurinn hafi fengið rúmlega átta
þúsund manns í sínu prófkjöri fyr-
ir fjórum árum. Arni segir að það
eina sem hafi komið sér á óvart sé
að Rannveig hafí fengi minna fylgi
en hann hefði búist við miðað við
að hann segist vita að hún hafi not-
ið stuðnings alþýðubandalagsfólks.
Hann var spurður hvort hann telji
samfylkinguna taka fylgi frá Sjálf-
stæðisflokknum á Reykjanesi?
„Það er ekkert nýtt á þessum
Iista og fylgi forystunnar ekki eins
afgerandi og ætla mætti hjá aðila
sem hefur leitt forystuflokk sam-
fylkingarinnar í kjördæminu. Þetta
eru alveg sömu aðilar og við höfum
verið að keppa við. Þess vegna fæ
ég ekki séð hvers vegna samfylk-
ingin ætti að taka frá okkur enda
þótt við berum fulla virðingu fyrir
keppinautum okkar og kjósendun-
um,“ sagði Arni Mathiesen.
Kvíðir engu
„Þátttakan í þessu prófkjöri er bara
eins og við var að búast. Það koma
þrjár fylkingar að þessu og mikið
var smalað og ég veit um fólk úr
öllum flokkum sem tók þátt í því.
Það sem vekur mesta athygli mína
er hvað menn Ieggja orðið þunga
áherslu á að fá fólk úr öðrum
flokkum til þátttöku í prófkjörum.
Þetta þykja mér ekki lýðræðisleg
vinnubrögð og vekja upp ýmsar
spurningar um hvernig prófkjör al-
mennt hér á landi eru að verða,“
sagði Hjálmar Árnason, þingmaður
Framsóknarflokksins á Reykjanesi.
Hann segir það líka vekja sér
undrun hversu miklum peningum
frambjóðendur í prófkjörinu eyddu
í það, þrátt fyrir samkomulag um
að auglýsa ekki í fjölmiðlum. Hann
segir að það hafi auðvitað verið
misjafnt hvað menn lögðu mikið í
þetta en greinilega hafi Agúst Ein-
arsson lagt mikið undir.
Hjálmar var spurður hvort hann
óttaðist að samfyikingin taki fylgi
frá Framsóknarflokknum f vor?
„Nei, ég óttast það ekki. Hér er
ekkert nýtt á ferðinni. Þetta er
sama fólkið og verið hefur í fram-
boði fyrir þessa flokka og með
sömu málefnin og áður. Það er
ekkert nýtt pólitískt sem kemur inn
með þessum lista og því ekki
ástæða til að óttast hann,“ sagði
Hjálmar Arnason.
Sýslumaðurinn á Akureyri
Hafnarstræti 107, 600 Akureyri,
s: 462 6900
UPPB0Ð
Uppboð munu byrja á skrifstofu
embættisins að Hafnarstræti 107,
Akureyri, sem hér segir á eftirfarandi
eignum:
Höfðahlíð 11,1. hæð til vinstri, Akur-
eyri, þingl. eig. Stefán Eyfjörð
Steingrímsson, gerðarbeiðandi
l’búðalánasjóður, föstudaginn 12.
febrúar 1999 kl. 10:00.
Lóð úr landi Grundar í Grýtubakka-
hreppi, 5100 m2., þingl. eig. Guðrún
F. Helgadóttir, gerðarbeiðandi Lána-
sjóður landbúnaðarins, föstudaginn
12. febrúar 1999 kl. 10:00.
Munkaþverárstræti 11, Akureyri,
þingl. eig. María Ingunn Tryggva-
dóttir, gerðarbeiðandi Akureyrar-
kaupstaður, föstudaginn 12. febrúar
1999 kl. 10:00.
Sýslumaöurinn á Akureyri,
8. febrúar 1999.
Harpa Ævarrsdóttir, ftr.
Úrslit prófkjörs Sainfylkingar á Reykjanesi
1. sæti 1.-2. sæti 1.-3. sæti 1 .-4. sæti 1.-5. sæti 1.-6. sæti
1. Rannveig Guðmundsdóttir 3.134 7.405
2. Guðmundur Á. Stefánsson 2.539 3.620 6.232
5. Ágúst Einarsson 1.854 3.207 4.504 6.493
3. Sigríður Jóhannesdóttir 250 1.854 3.207 4.504 4.139
4. Þórunn Sveinbjarnardóttir 112 453 1.480 2.895 3.400 3.983
6. Jón Gunnarsson 180 1.289 1.810 2.373 2.993 3.807
7. Lúðvík Geirsson 290 891 1.558 2.304 2.948 3.499
8. Magnús Jón Arnason 275 724 1.285 1.827 2.508 3.121
Auðir seðlar voru 11
Ógildir seðlar 249
Gild atkvæði 9.290
AIls greiddu 9.550 atkvæði.
!+•-
ÞRIÐJUDAGUR 9. FEBRÚAR 1999 - 9
Eigin herra!
Frjáls vinnutími. Ótakmörkuð umsvif á heimsvísu, þess
vegna einstakt tækifæri.
Upplýsingar gefur Anna í síma 899 7390.
Hin fullkomna næringarvara
Við erum nr. 1 og erum að taka heiminn með trompi!
Láttu þér líða vel á likama og sál!
Auöveld leið til að grennast. Höfum einnig frábærar
snyrtivörur og giænýja förðunarlinu.
Allt 100% náttúruleg vara.
Visa/Euro. Sendum í póstkröfu. S:8691643 og
8691514. E-mail stp@here.is
Skólaskrifstofa
Hafnarfjarðar
Kennarar
Vegna forfalla vantar kennara nú þegar við Öldutúnsskóla í
Hafnarfirði. Um er að ræða kennslu á yngsta stigi en allar upp-
lýsingar varðandi starfið veitir skólastjóri, Viktor A. Guðlaugsson
í síma 555 1546.
Skólafulltrúi
Fræðslufulltrúi
Hjartaverndar
Hjartavernd auglýsir eftir fræðslufulltrúa í hlutastarf eftir
samkomulagi. Æskilegt er að viðkomandi sé innan heilbrigð-
issviðs og geti unnið sjálfstætt.
Ráðningartími yrði 2 ár.
Upplýsingar veitir Nikulás Sigfússon, yfirlæknir.
Umsóknir sendist til skrifstofu Hjartaverndar, Lágmúla 9,
108 Reykjavík, fyrir 25. febrúar nk.
Til sölu
LÆKJARGATA 6
Akureyrarbær auglýsir til sölu fasteignina Lækjargötu 6,
Akureyri.
Húsið er tveggja hæða timburhús með risi og er á lágum hlöðn-
um kjallara, grunnflötur hússins er um 72 fm.
Húseignin er skemmd eftir bruna og fylgja ógreiddar brunabætur
með í kaupunum. í samræmi við ákvæði laga verða brunabætur
greiddar samfara endurbyggingu hússins og ber kaupanda að
gera samkomulag við Vátryggingafélag (slands hf. um þær.
Vegna erfiðar stöðu hússins með tilliti til annarra húsa við götuna
og vegna umferðarmála gerir seljandi, Akureyrarbær, kröfu um að
kaupandi láti færa húsið af núverandi grunni til norðvesturs. Ak-
ureyrarbær mun gefa út lóðarsamning til samræmis við nýja stöðu
hússins og breytta lóðarstærð þegar kaupsamningur verður
gerður.
Þá eru gerðar kröfur um að við endurbyggingu hússins verði fylgt
endurbyggingarskilmálum sem Húsfriðunarsjóður ríkisins hefur
látið semja, en nefndin hefur einnig látið teikna húsið upp og
skulu þær teikningar lagðar til grundvallar endurbyggingunni.
Kaupandi skal hafa náið samráð við sjóðinn eða fulltrúa hans um
endurbygginguna og framkvæmdina alla. Þá hefur Húsfriðunar-
sjóðurinn óskað eftir að vakin verði athygli á að framkvæmdir við
endurbygginguna séu styrkhæfar gagnvart sjóðnum.
Nánari upplýsingar veitir Einar Jóhannsson á byggingadeild
Akureyrarbæjar í síma 462-1000 eða í farsíma 896-5391.