Dagur - 11.05.1999, Side 2

2 - ÞRIÐJUDAGUR 11. MAÍ 1999
T)%gptr
FRÉTTIR
Markús Örn Antonsson útvarpsstjóri: RÚV mætir breyttum lífsháttum með því að færa fréttatímana fram. - mynd: e.ól.
Fréttatímar KÚV
færðir fram
Útvarpsfréttir verða frá 1.
jimí M. 18 og sjónvarps-
fréttir M. 19 vegna styttri
viniiudags og breyttra lífs-
hátta.
Framkvæmdastjórn RÚV hefur, að
fenginni blessun útvarpsráðs og all-
flestra starfsmanna, ákveðið að frá 1.
júní verði aðalfréttatími Sjónvarpsins
kl. 19 í stað kl. 20 og aðalkvöldfrétta-
tími Útvarpsins kl. 18 í stað kl. 19. Hjá
Markúsi Erni Antonssyni útvarpsstjóra
kemur fram að meginástæða þessara
breytinga sé sú, að lífshættir fólks hafi
breyst og vinnudagurinn styst, auk
þess sem oft hafi verið stungið upp á
þessu undanfarin ár.
Aðspurður segir Markús Orn að ekki
hafi verið sérstaklega innt eftir viðhorfi
landsmanna til slíkrar breytingar £
könnun, en hins vegar sýni niðurstaða
könnunar í árslok 1998 að þrír af
hverjum fjórum einstaklingum séu
komnir heim fyrir kl. 19 og að kjörtími
fyrir fólk að horfa á fréttir hafi því
færst fram. „Sjálfsagt þarf að vinna
þessari breytingu sess og það tekur
sinn tíma fyrir nýja fréttatíma að ná
fótfestu," segir útvarpsstjóri. Hann
bendir á að markmiðið sé betri og
meiri þjónusta og að allt aðrar aðstæð-
ur hafi ríkt árið 1966, þegar sjónvarps-
fréttatíminn kl. 20 varð fyrir valinu.
„Nú eru forsendur gjörbreyttar og þá
ekki síst yfirvinnumynstrið."
Hann segir að það hefði verið ein-
róma afstaða stjórnenda RÚV, vinnu-
hóps um málið og útvarpsráðs að vinda
sér út í þessa breytingu. Bogi Ágústs-
son, fréttastjóri Sjónvarpsins, segist
ekki hafa heyrt neinar raddir á móti
þessu og sama segir Kári Jónasson,
fréttastjóri Útvarpsins, en á starfs-
mannafundi Útvarpsins í gær kom þó
fram athugasemd um áhrif breyting-
anna á síðdegisdagskrá Rása 1 og 2.
Ekki hefur verið útfært hvernig t.d.
Þjóðarsálinni verður komið fyrir í dag-
skránni eftir þessa breytingu.
Útvarpsstjóri segir breytingarnar
ekki hugsaðar sem hagræðingu í
rekstri. Aðspurður um líkleg viðbrögð
Stöðvar 2 og Bylgjunnar segist útvarps-
stjóri ekki eiga von á sérstökum við-
brögðum.
Þá er þess að geta að fréttamaður
Stöðvar 2 á blaðamannafundinum,
hinn geðþekki Eggert Skúlason, spurði
hvort Sjónvarpið hygðist taka upp
morgunsjónvarp, en Markús Örn og
Bogi töldu það ekki tímabært. Hins
vegar mætti eiga von á tíðari stuttum
fréttainnskotum en hingað til. — FÞG
FRÉTTAVIÐTALIÐ
í heita pottinum velta memi
því nú íyrir sér hvort framhald
verði innan húss hjá RÚV á
„Elínar Hirst rnálinu" - en
Halldór Ásgrímsson gagniýndi
framgöngu hennar mjög í sjón-
varpsumræðum í fyrrakvöld.
Elín spurði í yfirheyrsluþætti
yfir Halldóri mikið og lengi út í
kvótaeign Halldórs og fjölskyldu, þannig að fátt
annað komst að að dómi framsóknarmanna. í
pottinum er fullyrt af þeim sem tengjast fram-
sókn að þar á bæ telji menn að tilgangurinn hafi
verið að gera persónu Halldórs tortryggilega og
ýmsir segja inálið hálfu verra vegna náinna
tengsla Elínar við Valhöll...
Það þykja mikil tíðindi í Norð-
urlandi vestra að Ámi Gunn-
arsson amiar maður framsókn-
ar komst ekki á þing. Pottverj-
ar kunnugir í kjördæminu
segja að það hafi verið áber-
andi að sjálfstæðismenn sigu
framúr framókn á lokaspretti
talningarinnar en þá var verið
að telja atkvæði úr Austur-
Húnavatnssýslu - höfuðvígi Páls Péturssonar,
sem varð að vera fjarri í kosningabaráttunni...
Ráðherraveikinni hefur nú
lostið niður í þingfiokkum
stjómarflokkanna með mikl-
um þunga. Úr herbúöum fram-
sóknar heyrist nú talað fýrir
þvl að nota það sem kallað er
„tveggja manna regluna". Hún
felst í því að þeir verði ráðherr-
ar sem koma úr kjördæmum
með tveimur þingmönnum.
Það yrðu þá Halldór Ásgríins, Guðni Ágústsson,
Siv Friðleifsdóttir og Finnur Ingólfsson og ein-
hver einn enn ef sami ráðhcrrafjöldi yrði og
nú...
Halldór
Ásgrímsson.
Össur
Skarphéðinsson
þitigmaður
Samfylkingin vardtil en
náði ekki því flugi sem hún
vonaðist eftir. Hvaðsegir
Össurum úrslitin, starfð
framundan og líklegustu
stjómarmyndunina ?
Stóðum okkur ekki nógu vel
- Hvers vegna tókst Samfylkingunni ekki
betur upp en raun ber vitni?
„Við vorum með of flókna og víðfeðma
stefnuskrá og lögðum ekki mesta þungann á
örfá stærstu áhersluatriðin. Við tefldum
heldur ekki fram foringja fyrr en á síðustu
metrunum, gerðum það of seint með Mar-
gréti. Við gerðum Iíka þau mistök að undir-
strika breiddina, sem sannarlega var mikil
hjá okkur, en hefur að öllum líkindum frem-
ur undirstrikað margvíslegan uppruna fram-
boðsins, hinar sundurleitu áttir. I Reykjavík
stóðum við okkur einfaldlega ekki nógu vel
frambjóðendurnir. Við fórum af stað hér
með mest fylgi og töpuðum mestu í gegnum
kosningabaráttuna. Úrslitin eru meira en
þokkaleg sumsstaðar út á Iandi og betri en
við áttum von á, en í R-kjördæmunum voru
þau talsvert lakari en við vonuðumst eftir.
Eg er sáraóánægður með úrslitin í Reykja-
vík.“
- En hvað nú; er uppgjör fratnundan og
jafnvel sláturtíð?
„Nú pústa menn um skeið og meta stöð-
una. Eg tel að það séu engar líkur á því að
framundan sé tími uppgjörs eða átaka. Þó
útkoman hefði mátt vera betri þá er það ein-
læg tilfinning okkar að það er mikið pólit-
ískt afrek falið í því að ná saman þessum
hópum í eitt framboð. Þegar upp er staðið
er þetta það eina sem stendur eftir þessa
kosninganótt. Framsóknarflokkurinn tapaði
miklu, en það skiptir ekki öllu máli. Sjálf-
stæðisflokkurinn telur sig hafa unnið stór-
sigur, en vann þó ekki nema einn mann.
Vinstri-Grænir koma vissulega sterkir inn,
en þegar sagnfræðingar skoða niðurstöður
næturinnar er bara eitt sem mun standa
uppúr, að Samfylkingin hefur orðið til og
það sem byggt verður upp út frá því.“
- Flokksstofnun er þá væntanlega næst
á dagskrá?
„Eg ímynda mér að þegar næsta haust
muni menn hefja undirbúning að formlegri
flokksstofnun uppúr Samfylkingunni, kjósi
sér leiðtoga og forystu. Reynslan af kosn-
ingabaráttunni sýnir að það er algerlega
nauðsynlegt að hafa slíkan óskoraðan leið-
toga sem allra fyrst.“
- Líkurnar á áframhaldandi stjórnar-
samstarfi virðast nú yfirgnæfandi...
„Því er ég er ekki sammála.“
- Nú! Hvað meinar þú?
„Vinstri-Grænir vinna nú mikinn kosn-
ingasigur. Líka verður Samfylkingin til og
vinnur þann sigur sem felst í því að vera
næststærsta stjórnmálaaflið. Og þá er
ástæða til að spyija hvað Framsóknarflokk-
urinn vill gera í stöðunni; vill hann áfram
láta bryðja sig með ljónstönnum íhaldsins
eða hefur hann í hyggju að freista þess að
breyta um stjórnarstefnu, ekki síst með til-
liti til þess að það eru Ijóslega sviptingar
framundan í efnahagsmálum? Reyna t.d. að
ná tengslum inn í verkalýðshreyfinguna fyr-
ir komandi kjarasamninga - með því að
freista stjórnarmyndunar með vinstri flokk-
um, þar sem yrði meirihluti 35 þingmanna
hefðbundinnar vinstri stjórnar."
- Hver er þín ósk um næstu ríkisstjórn?
„Eg tel að j>að sé söguleg skylda okkar
sem stöndum til vinstri að kanna þann
möguleika, hvað sem líður óskum einstakra
þingmanna." _ FþG