Dagur - 11.05.1999, Síða 11

ÞRIDJUDAGUR 11. UAÍ 1999 - 11

ERLENDAR FRÉTTIR
Re
Leyiur
mnve
að tala
verjatil
Að lokinni minningarathöfn um Kínverjana þrjá sem fórust í sendiráðinu í
Belgrað á föstudag. Maðurinn fyrir miðju missti dóttur sína.
Jeltsín hefur sent
Tsjemómyrdín til
Kína, en Kínverjar
em æfir vegna árásar-
innar á sendiráðið í
Belgrað.
Viktor Tsjernómyrdín hélt í gær
af stað til Kína að ræða þar við
stjórnvöld um Kosovostríðið.
Sprengjuárás NATO á kínverska
sendiráðið í Belgrað á föstudag
hefur dregið mjög úr vonum um
að fá megi Kínverja til liðs við
önnur aðildarríki í Oryggisráði
Sameinuðu þjóðanna. Frá því
Rússar undirrituðu sameiginlega
yfirlýsingu með sjö helstu iðn-
ríkjum heims í síðustu viku hef-
ur verið stefrit að því að Öryggis-
ráðið sendi frá sér ályktun á
grundvelli hennar, en þá verða
Kínverjar að vera með.
Þrennt fórst í árásinni á sendi-
ráðið, sem NATO hefur sagt
hörmuleg mistök sem urðu
vegna þess að upplýsingar sem
byggt var á reyndust rangar.
Engu að síður hefur NATO sagst
aétla að halda áfram loftárásun-
urrí, sem staðið hafa yfir frá því
24. mars.
Tsjernómyrdín hugðist halda
til Júgóslavíu í gær, en Boris
Jeltsín Rússlandsforsti fól hon-
um að fara til Kfna eftir að hafa
rætt við Jiang Zemin, forseta
Kína, í síma í gærmorgun. I
þessu símtali fordæmdi Jiang
stefnu Atlantshafsbandalagsins í
Kosovo.
Kínverjar taka áhættu
Talið er að Tsjernómyrdín muni
gera kínverskum ráðamönnum
grein fyrir friðarhugmyndum
Rússlands og iðnríkjanna sjö,
þar sem gert er ráð fyrir að al-
þjóðlegar öryggissveitir verði
sendar til Kosovo á vegum Sam-
einuðu þjóðanna. Þar sem Kína
hefur neitunan'ald í Öryggisráði
Sameinuðu þjóðanna þarf sam-
þykki þeirra til þess að ráðið geti
sent frá sér ályktun byggða á
þessum friðarhugmyndum.
Kínversk stjórnvöld hafa tekið
undir með mótmælendum, sem
safnast hafa saman í Beijing og
m.a. kastað steinum að banda-
ríska sendiráðinu þar og skemmt
bifreiðir utan við það. Þykir mót-
mælendum þó sem stjórnvöld
hafi ekki brugðist nægilega hart
við. Hugsanlega eru stjórnvöld í
Kína þarna að leika sér að eldin-
uir :neð því að hvetja almenning
til opinberra mótmæla, því nú
nálgast tíu ára afmæli atburð-
anna á Torgi hins himneska frið-
ar þegar kínverski herinn braut á
bak aftur friðsamleg mótmæli af
fullri hörku.
Vilja formlega afsökunar-
beiðni
NATO baðst á sunnudag afsök-
unar á árásinni á sendiráðið og
Bill Clinton Bandaríkjaforseti
hefur einnig lýst því yfir að hann
harmi þessi mistök. Kínveijar
kröfðust þess hins vegar í gær að
fá „formlega afsökunarbeiðni"
frá NATO og vilja þeir að henni
sé beint til kínverskra stjórn-
valda, kínversku þjóðarinnar og
ættingja þeirra sem fórust. Þá
vilja þeir að fram fari rannsókn á
árásinni á sendiráðið.
I gær hófst málflutningur í
ákærumáli Júgóslavíu á hendur
tíu NATO-ríkjum fyrir Alþjóða-
dómstólnum í Haag. Kærunni er
beint gegn Bandaríkjunum,
Belgíu, Bretlandi, Frakklandi,
Hollandi, Italíu, Kanada, Portú-
gal, Spáni og Þýskalandi, en öll
þessi ríki taka beinan þátt í
hernaðaraðgerðunum á hendur
Júgóslavíu.
NATO að fremjaþjóðar-
morð?
Stjórnvöld í Júgóslavíu lögðu
fram kæruna í síðustu viku og
kröfðust þess að Sameinuðu
þjóðirnar komi þegar í stað í veg
fyrir frekari loftárásir Atlants-
hafsbandalagsins á Júgóslavíu.
Ennfremur fara þeir fram á
skaðabætur vegna loftárásanna,
en að mati Júgóslavíu eru loft-
árásirnar ótvírætt brot á alþjóða-
sáttmálum og hljóti að teljast
þjóðarmorð. Að sögn stjórnvalda
í Júgóslavíu hafa um 1200
óbreyttir borgarar Iátið lífið af
völdum loftárásanna og 4.500
manns að auki er saknað.
NATO-ríkin eru „vísvitandi að
eyðileggja Iífsskilyrði í því skyni
að eyðileggja Sambandsríkið
Júgóslavíu að hluta til eða að
öllu leyti," sagði talsmaður
stjórnar Júgóslavíu fyrir dóm-
stólnum í Haag í gær.
Forsvarsmenn NATO hafa
gert lítið úr þessum kærum, og
sagði Jamie Shea, talsmaður
NATO, að þær væru bæði
„ómerkilegar" og „óheiðarlegar".
Einungis væri verið að reyna að
varpa frá sér ábyrgðinni á þjóð-
ernishreinsunum í Kosovo.
Hersveitir á förum frá
Kosovo?
I gær fullyrtu júgóslavnesk
stjórnvöld að hluti hersveita
þeirra verði fluttur á brott frá
Kosovo, og hafi sá brottflutning-
ur hafist á sunnudagskvöld.
Fyrstu viðbrögð NATO við því
voru tortryggin. Ekki var að sjá
hve margir hermenn hefðu verið
fluttir á brott né hve margir
myndu verða áfram í Kosovo.
Viktor Tsjernómyrdin verður
ekki eini erlendi sendimaðurinn
í Kína þessa vikuna, því Gerhard
Schröder, kanslari Þýskalands,
heldur einnig til Kína í dag á
vegum Evrópusambandsins. Að-
alumræðuefni heimsóknarinnar
verða Kosovomálin, en Kínverjar
hafa farið fram á það að ekki
verði að þessu sinni rætt um við-
skipti milli Kína og Þýskalands.
Meiningin var að Schröder dvel-
di þar fram á næstu helgi, en að
öllum líkindum hraðar hann sér
heim aftur strax á miðvikudags-
kvöld eða fimmtudagsmorgun.
- GB
ESB herðir refsiaðgerðir gagnvart
Júgóslavíu
EVROPUSAMBANDIÐ - Viðskipta- og fjármálaráðherrar Evrópusam-
bandsríkjanna samþykktu í gær að herða refsiaðgerðir gagnvart
Júgóslavíu, sem settar voru á á síðastliðnu ári. Samkvæmt nýju reglun-
um er Slobodan Milosevic bannað að ferðast til aðildarríkja Evrópu-
sambandsins, og sama gildir um fjölskyldu hans og aðra helstu ráða-
menn í Júgóslavfu. Sömuleiðis verða frystar allar innistæður á banka-
reikningum sem tengdir eru stjómvöldum í Júgóslavíu.
Netanjahu leikur sér að eldi
ISRAEL - Benjamin Netanjahu,
forsætisráðherra Israels, lætur varn-
aðarorð jafnt stjómarandstæðinga í
Israel og stjórnvalda í Vestur-Evr-
ópu og Bandaríkjunum sem vind
um eyrun þjóta og ögrar Palestínu-
mönnum aðeins viku fyrir þing-
kosningarnar í Israel með því að
láta loka miðstöðvum Palestínu-
manna í austurhluta Jerúsalem-
borgar. Meira að segja öryggisráð-
gjafar Netanjahus sjálfs hafa varað
hann við því að þessar aðgerðir geti
sem hægast leitt til uppþota. Alls-
endis óvíst er hvaða áhrif slík upp-
þot gætu haft á niðurstöður kosn-
inganna, sem fram eiga að fara
þann 17. maí, eða á laugardaginn
kemur.
Benjamin Netanjahu þjarmar að
Palestínumönnum rétt fyrir kosn-
ingar.
Sprengium varpað á írak
IRAK - Banaarískar herþotur vörpuðu í gær sprengjum á herstöðvar í
norðurhluta Iraks. Að sögn Bandarfkjamanna gripu flugmenn þotn-
anna til þessa ráðs í sjálfsvarnarskyni þar eð þoturnar voru komnar í
mið írakskra ratsjárstöðva. Bandarísku þotumar sneru aftur til bæki-
stöðva sinna í Tyrklandi.
Belo hiskup vill fresta kosningum um
sjálfstjóm
--------------------------- INDÓNESÍA - Carlos Belo biskup
á Austur-Tímor hefur lýst þeirri
skoðun sinni að fresta beri kosning-
um um sjálfstjórn Austur-Tímors,
sem fram eiga að fara þann 8. ágúst
næstkomandi. Undanfarið hafa
stuðningsmenn og andstæðingar
sjálfstjómarinnar barist hart á göt-
um Austur-Tímors og mannfall ver-
ið nokkuð. Telur Belo að meðan of-
beldi ræður ríkjum geti þær kosn-
ingar aldrei orðið frjálsar og sann-
gjarnar. Aður en kosningar fara
fram verði bæði stjómarherinn og
Carlos Belo biskup og Nóbels- aðskilnaðarsinnar að afvopnast og
verðlaunahafi. lýsa yfir sáttavilja.
Samkvæmt samkomulagi sem
gert var í síðustu viku milli Portúgals og Indónesíu er meining að veita
Austur-Tímor takmarkaða sjálfstjórn, ef íbúar eyjarhelmingsins sam-
þykkja það í kosningunum í ágúst. Verði það ekki samþykkt er gert ráð
fyrir því að Austur-Tímor hljóti fullt sjálfstæði.
Koiiiiiiu iiistar hóta að slíta viðræðiun
FILIPSEYJAR - Kommúnistar á Filipseyjum hótuðu því á sunnudag að
slíta öllum friðarviðræðum við stjórnvöld ef samningur milli Bandaríkj-
anna og Filipseyja um „gestaherlið" verður samþykkt, en öldungadeild
þingsins gengur til atkvæða um samninginn á laugardag. Samningur-
inn mun gera Bandaríkjunum og Filipseyjum kleift að stunda sameig-
inlegar heræfingar. Nánast allir öldungardeildarþingmenn hafa lýst sig
fylgjandi samningnum, en stórir hópar á Filipseyjum eru engu að sfð-
ur andvígir honum, þar á meðal kaþólska kirkjan og mannréttindahóp-
ar sem fullyrða að með samningnum fái Bandaríkin lögsögu yfir banda-
rískum hermönnum sem fremja afbrot á Filipseyjum.
:
i
I
Bjóðum úrvals
ÚTSÆÐI
Áburður, yfirbreiðslur og öll verkfæri sem til þarf
<r
Ráðgjöf sérfræðinga um garð- og gróðurrækt
GRÓÐURVÖRUR
VERSIUN SÖLUFÉLAGS GARÐYRKJUMANNA
Smiðjuvegi 5 • 200 Kópavogi • Sími: 554 3211 • Fax: 554 2100