Dagur - 02.09.1999, Blaðsíða 11

FIMMTVDAGUR 2. SEPTEMRER 1999 - 11

ERLENDAR FRÉTTIR
Viðræður í uppnámi
á sí ðustu stundu
í gær var beðið eftir
kraftaverki til þess að
ísraelsmörnium og
Falestmumömmm
tækist að ná sam-
komulagi til að undir-
rita í dag.
Samningamenn ísraelsmanna
og Palestínumanna hafa undan-
farið setið með sveittan skallann
við að berja saman samkomulagi
um framkvæmd mála sem í raun
er löngu búið að semja um. I gær
slitnaði upp úr samningaviðræð-
um og var alls óvíst hvort reynt
yrði frekar að ná samkomulagi.
Búið var að boða til fundar í
Alexandríu í Egyptalandi í dag,
fimmtudag, þar sem undirrita
átti samkomulagið og var mein-
ingin að Madeleine Albright, ut-
anríkisráðherra Bandaríkjanna,
yrði viðstödd athöfnina.
Albright lögð af stað
Madeleine Albright hélt í gær af
stað í ferð sína um Austurlönd
nær. Hún kemur ti! Jerúsalem í
dag, en hyggst einnig Ieggja leið
sfna til Egyptalands, Sýrlands,
Jórdaníu og Marokkós. Meðal
annars hyggst hún reyna að
hjálpa til við að koma viðræðum
milli fsraelsmanna og Sýrlend-
inga á skrið að nýju.
Alls óvíst er þó hvort af undir-
ritun samkomulags verður í dag,
þótt vel sé hugsanlegt að samn-
ingamenn bæði ísraela og
Palestínumanna séu að reyna til
hins ýtrasta á mótaðilann til að
ná fram sem mestu af kröfum
sínum.
Búið var að semja um nánast
öll meginatriði, þar á meðal um
tímasetningar á brottflutningi
ísraelskra hermanna frá 11%
landsvæðis á Vesturbakkanum í
viðbót við það landsvæði sem
ísraelsmenn hafa þegar afhent
Palestínumönnum.
Hitt aðaldeilumálið, lausn
palestínskra fanga í ísrael, var þó
enn ófrágengið. Ehud Barak,
forsætisráðherra ísraels, setti
Palestínumönnum í gær úrslita-
kost um að semja fyrir klukkan
fjögur að íslenskum tíma, eða
klukkan sjö að þeirra tíma. Að
öðrum kosti myndi hann fram-
kvæma Wye-samkomulagið frá í
fyrra í samræmi við eigin túlkun
á ákvæðum þess.
356 eða 400 föngum sleppt
Palestínumenn höfðu upphaf-
lega krafist þess að 650 fangar
verði Iátnir lausir, en ísraels-
menn buðu 350 fanga. Um
miðjan dag í gær var krafa
Palestínumanna komin niður í
400 fanga, en ísraelsmenn voru
komnir upp í 356.
Samkvæmt Wye-samkomulag-
inu áttu ísraelsmenn að láta 750
palestínska fanga lausa. Benja-
mín Netanyahu, forveri Baraks í
embætti forsætisráðherra, lét
250 fanga lausa og valdi til þess
einkum óbreytta glæpamenn í
staðinn fyrir pólitíska fanga, eins
og Palestínumenn höfðu gert ráð
fyrir.
fsraelsmenn hafa neitað að
láta lausa fanga sem tilheyra
hryðjuverkasamtökum sem and-
stæð eru öllum friðarsamning-
um, né heldur fanga sem hafa
myrt eða sært ísraelsmenn eftir
að tímamótasamkomulag var
gert árið 1993.
September eða desember
Einnig var deilt um tímamörk
fyrir endanlegt samkomulag
milli ísraelsmanna og Palestínu-
manna um framtíðarstöðu
Palestínu.
Samkvæmt Oslóarsamningun-
um átti endanlegum samningum
að vera Iokið þann 4. maí síðast-
liðinn og hafði Jasser Arafat,
Ieiðtogi Palestínumanna, hótað
því að lýsa einhliða yfir stofnun
sjálfstæðs ríkis Palestínumanna
ef ekki hefði tekist að semja fyr-
ir þann dag. Vegna kosninganna
í fsrael féllst Arafat þó á að
fresta slíkum yfirlýsingum um
eitt ár.
Ehud Barak hefur nú beðið
Palestínumenn um að bíða með
endanlegt samkomulag þangað
til í desember árið 2000, sem
hann telur vera raunhæft.
Palestínumenn hafa hins vegar
fallist á að bíða fram í septem-
ber, þ.e. gefa ísraelsmönnum
núna eitt ár í viðbót. Palestínu-
menn hafa því fallið frá kröfu
sinni um að samkomulagið verði
að vera í höfn í maí á næsta ári.
Náist ekki samkomulag á síð-
ustu stundu hyggst Ehud Barak
framkvæma þessi ákvæði sam-
komulagsins eins og hann telur
skynsamlegast, án tillits til
krafna Palestínumanna.
Eftir að samningamenn gengu
af fundi í gærmorgun sagði
Ehud Barak að af þeirra hálfu
væri viðræðum lokið. Jasser Ara-
fat, leiðtogi Palestínumanna,
sagðist hins vegar enn vona að af
samningum yrði. — GB
Flugslys í höfuðborg Argentínu
ARGENTINA - Boeing 737 farþegaþota fórst í gær í Buenos Aires,
höfuðborg Argentínu. Hundrað manns voru um borð í vélinni, 95
farþegar og fimm manna áhöfn. 69 manns létu lífið. Flugvélin náði
sér ekki til flugs í flugtaki og missti flugmaðurinn stjórn á henni og
rann vélin síðan stjórnlaus áfram yfir Ijölfarna umferðargötu við
enda flugbrautarinnar uns hún nam staðar á golfvelli skammt frá
veitingahúsum og diskótekum.
Rússar fá ekki meiri aðstoð
BANDARÍKIN - Bandarísk stjórnvöld hafna því að Rússland fái frek-
ari íjárhagsaðstoð frá Alþjóða gjaldeyrissjóðnum meðan rússnesk
stjórnvöld hafa ekki gert fullnægjandi grein fyrir þ\4 hvað orðið hef-
ur um það fé sem þau hafa áður fengið frá sjóðnum. Ekkert bendir
þó til að féð hafi verið misnotað eða komist í rangar hendur, en rann-
sókn þar að lútandi stendur yfir.
Átök á Austiir-Tímor
INDÓNESÍA - Ástandið á Austur-Tímor hafði breyst mjög til hins
verra í gær, tveimur dögum eftir að kosningarnar um framtíð eyjar-
helmingsins fóru fram. Vopnaðir andstæðingar sjálfstæðis fóru um
með hótunum og ofbeldi, fjölmargt fólk hlaut meiðsli af og a.m.k.
einn maður lét lífið. Mikil þátttaka var í kosningunum, sem fóru að
mestu friðsamlega fram. Talning atkvæða er hafin og verða væntan-
lega úrslit gerð kunn á þriðjudag í næstu viku.
Skyldunám í velsku
BRETLAND - Nú í vetur verður öllum skólabörnum yngri en 16 ára
í Wales gert skylt að Iæra velsku, tungumál þjóðar sinnar. Um hálf
milljón manna í Wales talar tungumálið, en það eru nærri 20% þjóð-
arinnar. Velskukunnátta Walesbúa hefur aukist nokkuð undanfarin
ár, en hafði áður farið hnignandi áratugum saman. Má það meðal
annars þakka sjónvarpsstöð, sem rekin hefur verið á velsku frá því
1983 og að opinberlega hefur velska haft sömu stöðu og enska frá því
1993. Velskunám hefur verið skylda hjá nemendum í miðskólum um
nokkurt skeið, en frá og með deginum í gær þurfa öll börn á skóla-
skyldualdri að læra málið ásamt ensku.
Skóli hailmi í Kosovo
JÚGÓSLAVÍA - Kennsla hófst í gær í skólum í Kosovo, nærri þrem-
ur mánuðum eftir að loftárásum Nató lauk og fyrstu friðargæslu-
sveitirnar komu inn í héraðið. Kennt er í um helmingi allra skóla í
héraðinu, en áður höfðu sérfræðingar friðargæsluliðsins gengið ræki-
lega úr skugga um hvort ósprungnar sprengjur væru í byggingunum.
Stöðugir eftirskjálftar
TYRKLAND - Ekkert lát er á eftirskjálftum í Tyrklandi, en í gaer-
morgun fundust tveir jarðskjálftar þar sem mældust 3,2 og 3,8 stig á
Richterkvarða. Hundruð manna sofa enn úti við í Istanbúl af ótta við
frekari eftirskjálfta. Jarðfræðingar telja líklegt að eftirskjálftar muni
verða þarna mánuðum saman.
Þýskalandi aftur stjómað frá Berlín
ÞÝSKALAND - Formlega tók ríkisstjórn Þýskalands til starfa í Berlín
í gær, en í hálfa öld hefur Þýskalandi verið stjórnað frá Bonn. Þýska
þingið ákvað það þann 20. júní 1991 að Berlín tæki að nýju við hlut-
verki höfuðborgar og nú í sumar hafa staðið yfir flutningar ríkis-
stjómar og þings frá Bonn til Berlínar.
KA - FH
á Akureyrarvelli í kvöld kl. 18.00
miðaverð fullorðnir 500.-
frítt fyrir börn
Mætum öll og hvetjum
KA menn til sigurs
Allir á völlinn
iöiní;/?. .“anittc aaeod i ms
'JÍ3H -