Dagur - 09.10.1999, Blaðsíða 8
Vm-LAUGARDAGUR 9. OKTÓBER 1999
Kirkjustarf _________________________
Sunnudagur 10. október
AKUREYRARKIRKJA
Sunnudagaskóli í Safnaðarheimilinu kl.
11:00. Öll börn velkomin.
Guðsþjónusta kl. 14:00. Upphaf fermingar-
starfsins. Tónlist frá Taize. Fermingarbörn
ásamt foreldrum sérstaklega boðuð til
kirkju. Fundur í Æskulýðsfélagi Akureyrar-
kirkju í kapellu kl. 17:00.
Æðruleysismessa í Akureyrarkirkju kl.
20:30. Kaffisopi í Safnaðarheimilinu á eftir.
Mánudagur 11. október. Biblíulestur í Safn-
aðarheimilinu kl. 20:00 í umsjá sr. Guð-
mundar Guðmundssonar héraðsprests. Yf-
irskrift fyrirlestranna fram að jólum er „Á tali
við Drottin''. Allir velkomnir.
GLERÁRKIRKJA
Barnasamvera og guðsþjónusta kl. 11:00.
Ath. sameiginlegt upphaf. Foreldrar, afar og
ömmur eru hvött til að mæta með börnun-
um. Fundur Æskulýðsfélagsins verður kl.
18:00.
HVÍTASUNNUKIRKJAN, AKUREYRI
Bænastund kl. 20:00 laugardag.
Sunnudagaskóli fjölskyldunnar kl. 11:30 og
Vakningasamkoma kl. 16:30. Predikari á
báðum samkomunum verður Bandaríkja-
maðurinn Randy Williams. Barnapössun.
Fyrirbænaþjónusta. Allir eru hjartanlega vel-
komnir.
HJÁLPRÆÐISHERINN, HVANNAVÖLLUM
10, AKUREYRI
Sunnudaginn 10. október kl 16:30 verður
haldið upp á 75 ára afmæli heimilasam-
bandsins. Deildarstjórarnir Turid og Knut
Gamst taka þátt. Allir eru velkomnir.
Sunnudagaskóli kl. 11:00. Unglingasam-
koma kl. 20:00.
KAÞÓLSKA KIRKJAN, EYRARLANDS-
VEGI 26, AKUREYRI
Messa laugardag kl. 18. Messa sunnudag
kl. 11.
SJÓNARHÆÐ
Sunnudagaskólinn byrjar í Lundarskóla kl.
13.30 á sunnudaginn. Almenn samkoma á
Sjónarhæð kl. 17.00. Barnafundir byrja kl.
18.00 á mánudaginn.
HRÍSEYJARKIRKJA
Sunnudagaskóli kl. 11:00. Guðsþjónusta kl.
14:00. Að lokinni athöfn verður fundur með
fermingarbörnum og foreldrum þeirra.
SELFOSSKIRKJA
Messa og sunnudagaskóli kl. 11:00. Vænst
er þátttöku fermingarbarna og foreldra.
LÁGAFELLSKIRKJA
Guðsþjónusta kl. 14:00. Kirkjudagur Kven-
félags Lágafellssóknar. Hugvekja: Fríöa
Bjarnadóttir. Einsöngur: Ingveldur Ýr Jóns-
dóttir. Kirkjukaffi í skrúðhússalnum.
Barnastarf í safnaðarheimilinu kl. 11:00.
STRANDARKIRKJA
Messað verður í Strandarkirkju og er það
svo sem ekki í frásögur færandi nema fyrir
það að þetta er hin svokallaða veiðmanna-
messa. Þá fjölmenna veiðmenn þeir sem
hafa Hlíðarvatn í Selvogi á leigu til messu.
Aðrir fjölmenna líka en yfirleitt er fjölmenni
við messu í Strandarkirkju. Að þessu sinni
prédikar ungur guðfræðingur, Magnús
Magnússon frá Staðarbakka I Miðfirði. Ekki
er annað vitað en að T bærinn verði opinn
en vinsælt er að fá sér kaffi þar hjá Sigfríði
eftir messu. Baldur Kristjánsson.
FRÍKIRKJAN í REYKJAVÍK
Laugardagur 9. október. Barnaguðsþjón-
usta kl. 11:00. Barn borið til skírnar.
Guðsþjónusta kl. 14:00. Barn borið til
skírnar. Organisti Kári Þormar. Sr. Hjörtur
Magni Jóhannsson.Bræðrafélagið heldur
fund I Safnaðarheimilinu kl. 11:00. Blaða-
fulltrúi Landsvirkjunar flytur erindi.
ÁSKIRKJA
Barnaguðsþjónusta kl. 11:00. Guðsþjón-
usta kl. 14:00. Ólafur Skúlason biskup
messar. Kaffi eftir messu. Sóknarnefnd.
BÚSTAÐAKIRKJA
Barnamessa kl. 11:00. Léttir söngvar, bibl-
íusögur, bænir, umræður og leikir við hæfi
barnanna. Guðsþjónusta kl. 14:00. Org-
anisti Guðni Þ. Guðmundsson. TTT æsku-
lýðsstarf fyrir 10-12 ára kl. mánudag 17:00.
DÓMKIRKJAN
Guðsþjónusta kl. 11:00. Prestur sr. Hjalti
Guðmundsson. Messa kl. 20:00 í tilefni
setningar Kirkjuþings.
ELLIHEIMILIÐ GRUND
Guðsþjónusta kl. 10:15. Prestur sr. Halldór
S. Gröndal. Kári Friðriksson syngur ein-
söng. Karlmenn leiða sönginn. Organisti
Kjartan Ólafsson.
GRENSÁSKIRKJA
Barnastarf kl. 11:00. Guðsþjónusta kl.
11:00. Kirkjukór Grensáskirkju syngur. Org-
anisti Árni Arinbjarnarson. Sr. Ólafur Jó-
hannsson.
HALLGRÍMSKIRKJA
Fræðslumorgunn kl. 10:00. Upphaf kristni á
íslandi. Dr. Hjalti Hugason, prófessor.
Messa og barnastarf kl. 11:00. Félagar úr
Mótettukór syngja. Organisti Hörður Ás-
kelsson. Sr. Sigurður Pálsson.
LANDSPÍTALINN
Messa kl. 10:00. Sr. Bragi Skúlason.
HÁTEIGSKIRKJA
Barna- og fjölskylduguðsþjónusta kl. 11:00.
Sr. Helga Soffía Konráðsdóttir. Messa kl.
14:00.
LANGHOLTSKIRKJA
Kirkja Guðbrands biskups. Messa kl. 11:00.
Unnur Halldórsdóttir, djákni, prédikar.
Prestur sr. Jón Helgi Þórarinsson. Organisti
Jón Stefánsson. Djákni Svala Sigríður
Thomsen.
LAUGARNESKIRKJA
Messa og sunnudagaskóli kl. 11:00. Kór
Laugarneskirkju syngur, organisti Gunnar
Gunnarsson. Kvöldmessa kl. 20:20.
Djasskvartett Gunnars Gunnarssonar leikur
og Kór Laugarneskirkju syngur. Prestshjón-
in sr. Jóna Hrönn Bolladóttir og sr. Bjarni
Karlsson þjóna að orðinu og borðinu.
Djassinn hefst í húsinu kl. 20:00. Létt svei-
fla í helgri alvöru. Morgunbænir mánudag
kl. 6:45. 12 sporahópur mánudag kl. 20:00.
NESKIRKJA
Sunnudagaskólinn kl. 11:00. Átta til níu ára
starf á sama tíma. Guðsþjónusta kl. 14:00.
Prestur sr. Örn Bárður Jónsson.
Félagsstarf aldraðra laugardag kl. 13:00. Sr.
Frank M. Halldórsson.
TTT, 10-12 ára starf mánudag kl. 16:00.
Kirkjukór Neskirkju æfir mánudag kl. 19:00.
SELTJARNARNESKIRKJA
Messa kl. 11:00. Barnastarf á sama tíma.
Organisti Sigrún Steingrímsdóttir. Prestur
sr. Solveig Lára Guðmundsdóttir.
Æskulýðsfélagið kl. 20-22.
ÓHÁÐI SÖFNUÐURINN
Fjölskylduguðsþjónusta kl. 14:00. Kirkju-
dagurinn.
Friðrikskapella
Kynðarstund í hádegi mánudag. Léttur
málsverður í gamla félagsheimilinu að
stundinni lokinni.
ÁRBÆJARKIRKJA
Guðsþjónusta kl. 11 árdegis. Kirkjukór Ár-
bæjarkirkju syngur. Organleikari: Pavel
Smid. Barnaguðsþjónusta kl. 13. Börn úr
Tónskóla Sigursveins leika á ýmis hljóðfæri.
Yngri deild æskulýðsfélagsins kl. 20-22.
„Kirkjuprakkarar". 7-9 ára kl. 16-17 á
mánudögum. T.T.T. Starf fyrir 10-12 ára kl.
17-18 á mánudögum. Eldri deild Æskulýðs-
félagsins kl. 20-22.
BREIÐHOLTSKIRKJA
Barnaguðsþjónusta kl. 11. Messa og altar-
isganga kl. 11. Organisti: Daníel Jónasson.
Gísli Jónasson.
DIGRANESKIRKJA
Kl. 11. Messa. Alþjóðlegur geðheilbrigðis-
dagur. Prestur sr. Gunnar Sigurjónsson.
Organisti: Kjartan Sigurjónsson. Sunnu-
dagaskóli á sama tíma.
FELLA- OG HÓLAKIRKJA
Guðsþjónusta kl. 11. Prestur sr. Sigurjón
Árni Eyjólfsson. Organisti Lenka Mátéová.
Barnaguðsþjónusta á sama tíma. Starf fyrir
9-10 ára drengi á mánudögu kl. 17-18.
Æskulýðsstarf fyrir 9.-10. bekk á mánudög-
um kl. 20-22. Bænastund og fyrirbænir
mánudaga kl. 18.
GRAFARVOGSKIRKJA
Sunnudagaskóli í Grafarvogskirkju kl. 11.
Prestur sr. Anna Sigríður Pálsdóttir. Org-
anisti: Hörður Bragason. Sunnudagaskóli I
Engjaskóla kl. 11. Prestur sr. Sigurður Arn-
arson. Guðsþjónusta i Grafarvogskirkju kl.
14. Vænst er þátttöku foreldra og ferming-
arbarna í Folda- og Engjaskóla. Prestar: Sr.
Vigfús Þór Árnason, sr. Anna Sigríður Páls-
dóttir og sr. Sigurður Arnarson. Unglingakór
kirkjunnar syngur.Eftir guðsþjónustuna
verður fundur með foreldrum fermingar-
barna í Folda- og Engjaskóla. Dregið verður
um væntanlega fermingardaga. Kaffiveiting-
ar. Prestarnir. Bænahópur kl. 20. Tekið er
við bænarefnum í kirkjunni alla virka daga
frákl. 9-17 í síma 567-9070.
HJALLAKIRKJA
Útvarpsguðsþjónusta kl. 11. Sr. Hjörtur
Hjartarson þjónar. Kór kirkjunnar syngur og
leiðir safnaðarsöng. Jóhann Stefánsson
leikur á trompet. Organisti: Jón Ólafur Sig-
urðsson. Barnaguðsþjónusta kl. 13 og í
Lindaskóla kl. 11.
KÓPAVOGSKIRKJA
Barnaguðsþjónusta I safnaðarheimilinu
Borgum kl. 11. Messa kl. 11. Altarisganga.
Prestur sr. Guðni Þór Ólafsson. Organisti:
Hrönn Helgadóttir. Fundur með foreldrum
fermingarbarna að lokinni messu.
SELJAKIRKJA
Krakkaguðsþjónusta kl. 11. Mikill söngur
og fræðsla fyrir krakka. Guðsþjónusta kl.
14. Kirkjudagur kvenfélagsins. Þórey Guð-
mundsdóttir framkvstj. Bandalags kvenna
prédikar. Kvennakórinn Seljur syngur. Kon-
ur úr kvenfélagi Seljakirkju aðstoða við
guðsþjónustuna. Sr. Irma Sjöfn Óskarsdótt-
ir þjónar fyrir altari. Organisti er Sigrún M.
Þórsteinsdóttir. Sóknarprestur.
KFUK fundir á mánudögum. Kl. 17.15
stelpustarf á vegum KFUK og kirkjunnar
fyrir 6-9 ára og kl. 18.30 fyrir 10-12 ára.
AFMÆLI
Ellert B. Sdiram sextugur
„Þótt náttúran sé lamin með lurk...“
Sú saga er sögð af einum forfeðra
minna að hann fékk augastað á
konu og fastnaði sér hana. Það
varð að ráði að brúðguminn til-
vonandi skyldi koma að feijustað
við næsta fjörð á tilteknum stað
og stundu. Hann átti að hóa í þrí-
gang. Þá myndi fólkið á næsta
bæ, þar sem brúðkaupið skyldi
standa, sækja hann handan yfir
Qörðinn.
Allt gekk þetta eins og um var
samið utan það, að það var rífandi
þurrkur, allt fólk úti á túni í
heyönnum svo að enginn heyrði
til brúðgumans, sem hóaði
þrisvar - en ekki oftar. Að svo
búnu sneri brúðguminn heim og
hafði aldrei orð á þessu framar.
Að vísu gerði hann konunni tvö
börn. En um brúðkaup var aldrei
talað framar. Hann var sagður
skapstillingarmaður.
,?Það tók í...“
Eg veit svo sem ekki hvers vegna
mér kom þessi saga í hug, þegar
ég heyrði þess getið að Elllert
mágur minn yrði sextugur innan
fárra daga. Og þó. Ellert var sem
kunnugt er þjóðkunnur afreks-
maður í íþróttum (og telur enn
ástæðulaust að tala um það í þá-
tfð, skilst mér). Sú saga er sögð af
íþróttakempunni, að á efri árum
kenndi hann sér fótarmeins.
Lækninum brá í brún þegar hann
sá, hvers kyns var, og sagði agn-
dofa: „Þú ert þríbrotinn, maður!“
„Nú, það hefur farið fram hjá
mér,“ sagði Ellert.
Einn góðan veðurdag birtist
mynd af Ellert á íþróttasíðum
blaðanna þar sem hann hékk á
annarri höndinni í skíðalyftu og
bar við himin. Ég hafði orð á því
við systur hans við morgunverðar-
borðið að þeir væru farnir að vera
uppátektarsamir K.R.-ingar í fjár-
öflunarbrellum sínum. Annað
kom á daginn. Lyftan hafði ein-
faldlega orðið rafmagnslaus í
miðjum klíðum. Það var því ann-
aðhvort að hanga í lyftukaplinum
eða sleppa takinu, sem þýddi vís-
ast bráðan bana. (Ellert sagði mér
síðar, að þar sem hann hékk með
himinskautum og hélt dauðahaldi
í líftóruna sá hann fólk þyrpast
saman hið neðra; og sýndist úr
þessari hæð eins og mauraþúfa og
voru að stinga saman nefjum um,
hvað skyldi til bragðs taka. Eftir
það sagðist Ellert hafa misst
trúna á gildi nefndarstarfa). Það
er merkilegt með fótboltakapp-
ann að hann átti handstyrk sínum
Iíf að launa líkt og Þorgeir Há-
varsson forðum, þar sem hann
hékk á graðhvannarnjólanum í
Hornbjargi. Og hafa ekki margir
Ieikið það eftir þeim fóstbræðrum
í Islandssögunni.
Eftir að lyftan komst aftur af
stað og Ellert fann fast land und-
ir fótum á ný spurði hjartaprúður
maður í gustukaskyni, hvort hon-
um væri ekki illt í bandleggnum?.
„Nei“, svaraði Ellert, „en það tók
í“. Af þessu má ætla að Ellert sé
skapstillingarmaður, eins og for-
faðir minn forðum. En af því fer
tvennum sögum.
Vitlaust vaxtarlag
Eftir á að hyggja má greina þrjá
kapítula í lífshlaupi Ellerts (fyrir
utan alla útúrdúrana): Fótbolta,
pólitík og ritstörf.
Fyrst um fótboltann. Lengi vel
sýndist mér það vera eins og
ijgrun við náttúrulögmálin að EIl-
ert gæti orðið afburðamaður í
knattspyrnu. Hvers vegna? Vegna
þess að ég hafði aðeins séð tvo
menn, sem voru þeirrar náðar-
gáfu aðnjótandi að boltinn var
bara Ij^mJengingí)f(þejqi sj^lfurp.
Þessir menn voru Púskas og
seinna Maradonna. Samkvæmt
því lögmáli eiga knattspyrnu-
menn að vera stuttir naggar, en
einkum og sér í lagi kiðfættir og
klofstuttir. Ellert óx upp til að
vera alger andstæða þessara
manna. Hann var himinhár og tá-
grannur og jafnvel krangalegur
framanaf. Hann hafði vaxtarlag
þeirra manna sem eiga að spila
körfubolta (eða handbolta, sam-
anber framansagt); eða keppa
einir og sér við sjálfa sig í há-
stökki eða tugþraut.
En ég reiknaði ekki með þijósk-
unni. Ellert er fæddur í K.R. og
átti föðurímynd að keppa við. Sá
gamli var frár hjörtur á vellinum
forðum daga og hefði orðið fyrsti
atvinnumaður okkar Islendinga í
knattspyrnu ef, lög um atvinnu-
leyfi í Evrópu fyrir stríð hefðu
ekki verið eins og þau voru. EHert
byrjaði þess vegna að sparka bolta
áður en hann Iærði að ganga. Og
þótt hann væri sendur í sveit til
að þræla myrkranna á milli, dugði
það ekki til. Þótt náttúran sé
lamin með lurk, leitar hún út um
síðir. Og nóttin var frjáls til ein-
leiks við boltann.
Það er þrjóskan sem gerir
gæfumuninn. Og hún tekur ekk-
ert mark á vaxtarlaginu. Þrjóskan
hélt honum við æfingar og æfing-
arnar gerðu hann stæltan. Þannig
að hæðin varð að Iokum forgjöf,
þegar kom að skallaeinvígum
(sem urðu hans sérgrein). Þeir
sem áður sögðu: „Hann verður
aldrei jafn góður og karlinn“ voru
farnir að spyrja sjálfa sig: „Skyldi
karlinn hafa leikið þetta eftir?“
Víst hefði verið gaman að sjá þá
spila saman, feðgana. En ætli
niðurstaðan sé ekki sú, að þeir
hafi verið hvor öðrum betri.
Sameiginlega fagna þeir því nú
þessa stundina að K.R. hefur
endurheimt sigurlaunin, eftir
nokkurt hlé. Og munu ekki láta
það laust á næstunni. Sameigin-
lega hafa þeir feðgar verið Is-
landsmeistarar hátt á annan ára-
tug. Og þótt sigurinn hafi gengið
K.R.-ingum úr greipum helst til
lengi þá er það að lokum þrjóskan
- það að gefast aldrei upp, þótt
móti blási - sem hefur sitt fram að
lokum.
Að skila þingsæti
Framan af var ekki annað að sjá
en að pólitíkusinn Ellert ætlaði
að feta troðnar slóðir, tröppu af
tröppu, upp hinn hefðbundna
mannvirðingar-stiga íhaldsins:
Lögfræðingur, í stjórn Orators,
ritstjóri Úlfljóts, formaður Vöku,
formaður stúdentaráðs og for-
maður SUS. Og ekki má gleyma
því að hann var formaður full-
trúaráðs Sjálfstæðisfélaganna í
Reykjavík - stýrði sjálfri maskín-
unni. Og svo alþingismaður, 32
ára, sá yngsti á því þingi (ég man
eftir mynd af Ellert og Hannibal,
þeim elsta og þeim yngsta árið
1971). Ef hann hefði haldið
svona áfram hefði hann endað
sem heilbrigðis- og íþróttamála-
ráðherra í einhverri framsókmir-
stjórninni. Og Friðrik hefði aldrei
orðið varaformaður. En þetta er
svo gersamlega út úr karakter Ell-
erts að náttúran tók aftur í
taumana og hlífði honum við
þessum örlögum.
Ellert vann sína prófkjörssigra
sjálfur, án atbeina flokksmaskín-
unnar (og Vals) sem þótti tæplega
kurteislegt. Og svo gerði hann
nokkuð sem flokkurinn hefur
aldrei fyrirgefið: Hann vann próf-
kjörssigur, sem þýddi að fulltrúi
verkalýðsarmsins missti sitt ör-
ugga þingsæti, sem í þá tíð þótti
vera veisluspjöll. Sem góðum
flokksmanni sæmir rann Ellert
þetta til rifja, svo að hann skilaði
þingsætinu. Og hélt að hann væri
að gera flokknum greiða. Þegar
hann vann prófkjörssigur aftur að
fjórum árum liðnum, þótti
flokknum gamanið vera farið að
grána „Svona gera menn ekki“ -
var einhvern tíma sagt. Ellert skil-
di fyrr en skall í tönnum og kvad-
di félagsskapinn.
Eftir það settist hann í ritstjóra-
stól. Fyrst á Vísi og síðan, eftir
samrunann, á Dagblaðinu. Smám
saman fóru menn að taka eftir því
að þessi skapstóri keppnismaður
af knattspyrnuvellinum stýrði
liprum penna sem öðrum fremur
staldraði við hið skondna og hið
smáa í tilverunni. Og gerði því
listilega skil í laugardagspistlum.
Þeir sem yngri eru en við og
muna ekki íþróttagarpinn, þekkja
fyrst og fremst húmoristann - og
húmanistann - sem skrifaði „Eins
og fólk er flest“.
Af Krúötum og Serbum
Fyrir utan að stýra Iþróttasam-
bandi Islands sinnir Ellert því í
hjáverkum að sjá um að lands-
leikir ættbálka í Evrópu í knatt-
spymu (sem nú til dags koma í
staðinn fyrir milliríkjastyrjaldir)
gangi skikkanlega fyrir sig. Ég
heyrði skemmtilega sögu af því
um daginn í samkvæmi hér í Was-
hington. Sendiherra Króatíu,
fyrrverandi körfuboltastjarna og
stríðsmaður gegn Serbum, hitti
Bryndísi, konu mína, að máli og
spurði: „Hvur er þessi Ellert
Schram, af íslandi?" Þegar Bryn-
dís gekkst við bróðerninu sagði
Zuzul sendiherra: „Þetta er ekki
einleikið. Fyrst varð maðurinn
þinn fyrsti utanríkisráðherra af
Vesturlöndum til að viðurkenna
sjálfstæði Króatíu. Og um daginn
kom þessi bróðir þinn og bjargaði
heiðri okkar. Það var landsleikur
milli Króata og Serba, á heima-
velli Serba í Belgrad. Rafmagnið
fór af svo að flóðljósin slokknuðu.
Tugþúsundir Serba gengu af göfl-
unum og kröfðust þess að
heimaliðinu yrði dæmdur sigur.
Þá gekk fram á völlinn fulltrúi
evrópska knattspyrnusambands-
ins, hr. Schram, tók míkrófóninn
sér í hönd og þrumaði yfir lýðn-
um: „Ef þið hættið ekki þessum
uppþotum og stillið ykkur, þannig
að Ieikurinn geti haldið áfram, þá
verður Króötum dæmdur sigur.“
Það þyrmdi yfir Serba, svo að
uppþotið rann út í sandinn.
Leiknum var haldið áfram, þegar
varamótorinn fór í gang, svo að
hægt var að spila áfram við ein-
hverja ljóstýru. Það varð jafntefli.
En við eigum eftir heimaleikinn í
Zagreb. Þar mun áreiðanlega ekki
slokkna á ljósunum. Seinni leik-
urinn verður 10. október“.
Merkilegt, sagði Bryndís: Það
er afmælisdagurinn hans Ellerts.
Hann verður þá sextugur í
Zagreb. Til hamingju með afmæl-
ið, frá okkur báðum.
. s,J($tí Jiflldvól JJfóOiibalssoH