Dagur - 02.11.1999, Qupperneq 2

2 - I'lllDJVDAGU Ii 2. NÓVEMBER 1999
T^r
AKUREYRI NORÐURLAND
Upplýsingadeild KEA
orðin að hlutafélagi.
Þelddng - upplýsinga-
tækni sérhæfir sig í
rekstri tölvukerfa fyr-
ir fyrirtæki.
Enn bætist í hóp þeirra deilda og
fyrirtækja KEA sem breytt er í
hlutafélag. 1 gær hóf tölvudeild
KEA formlega starfsemi undir
nýju nafni og í formi hlutafélags.
Þekking - upplýsingatækni heitir
hið nýja fyrirtæki og er að þrem-
ur fjórðu hlutum í eigu KEA.
Hlutafé fyrirtækisins er 55 millj-
ónir króna. Fjórðungur er í eigu
íslenska hugbúnaðarsjóðsins,
sem kalla má fagfjárfesti í þess-
um geira. Þekking - upplýsinga-
tækni er fyrsta sjálfstæða fyrir-
tækið á landsbyggðinni sem Is-
lenski hugbúnaðarsjóðurinn fest-
ir fé sitt í. Að auki verður náið
samstarf við Þróun hf., sem KEA
hefur þegar keypt 5 prósenta
hlut í en í framhaldinu munu
KEA og Þróun fara út í hluta-
bréfaskipti þannig að Þróun
verði einnig eigandi hins nýja fyr-
irtækis.
Þekking - upplýsingatækni
mun sérhæfa sig í rekstri tölvu-
kerfa, það er taka að sér rekstur
tölvu- og upplýsingakerfa hjá fyr-
irtækjum en grunnurinn í starf-
seminni verður fyrst um sinn
þjónusta við KEA. Ætlunin er
hinsvegar að sækja út á hinn al-
menna markað til að afla fleiri
verkefna. Stefán Jóhannesson er
framkvæmdastjóri fyrirtækisins
en hann var áður deildarstjóri
upplýsingadeildar. Stefán segir
ekkert fast í hendi varðandi verk-
efni á hinum almenna markaði
en þar sé ýmislegt í farvatninu.
„Innan upplýsingadeildar KEA er
til staðar mikil þekking á þjón-
ustu við atvinnuvegina, svo sem
verslunarrekstur, mjólkurfram-
leiðslu, kjötiðnað og sjávarútveg.
Einnig höfum við þróað ákveðn-
ar hugbúnaðarlausnir sem við
munum vinna með áfram. I þess-
ari þekkingu felast mikil verð-
mæti og með stofnun sjálfstæðs
fyrirtækis gefst kostur á að nýta
þau enn betur,“ segir Stefán.
KEA ekki að gefa eftir
Eiríkur S. Jóhannsson kaup-
félagsstjóri KEA segir að margir
hafi skynjað þær breytingar sem
orðið hafa á rekstrarformi ýmissa
KEA fyrirtækja og deilda sem nei-
kvæðar og túlkað þær þannig að
KEA sé að gefa eftir. Hann segir
svo alls ekki vera, fyrirtækið sé að
styrkja sig þegar til lengri tíma er
litið. Eiríkur segir að í umræð-
unni um byggðamál og nýjar hug-
myndir um atvinnutækifæri á
landsbyggðinni hafi sér virst
koma fram ákveðið vonleysi en
hér sé á ferðinni góð hugmynd og
hafi KEA þegar fengið góð við-
brögð frá fólki sem vill koma til
starfa hjá hinu nýja fyrirtæki.
Fyrst um sinn munu þeir tíu
starfsmenn sem störfuðu í upp-
Iýsingadeild KEA flytjast til hins
nýja fyrirtækis en gert er ráð fyr-
ir að fyrir lok næsta árs muni um
5-10 ný störf hafa skapast. I
stjórn hins nýja fyrirtækis eru Ei-
ríkur S. Jóhannsson frá KEA,
Sigurður Smári Gylfason frá ís-
lenska hugbúnaðarsjóðnum og
Sævar Helgason frá Kaupþingi
Norðurlands. Framkvæmdastjóri
er Stefán Jóhannsson, sem gegnt
hefur starfi deildarstjóra upplýs-
ingadeildar KEA. - HI
Eiin óvlssa
Enn er óvissa um framtíð minja-
varðar í Eyjafirði en unnið að
því að fá úr því bætt á fjárlögum
næsta árs.
Eins og fram hefur komið í
Degi ríkir nokkur óvissa um
framtíð minjavörslu í Eyjafirði,
þar sem samningur milli Minja-
safnsins á Akureyri og þjóð-
minjaráðs rennur út nú um ára-
mótin og óvíst hvort gert verður
ráð fyrir stöðu minjavarðar á
fjárlögum næsta árs. Um ræðir
hálft stöðugildi miðað við hvern-
ig staðið er að málum nú en ekki
heilt eins og missagt var í frétt
blaðsins nýlega. Guðrún Krist-
insdóttir minjavörður hefur
meðal annars verið í sambandi
við þingmenn kjördæmisins,
sem tekið hafa málinu vel en
Þjóðminjasafnið sækir um „stór-
an pakka" og eru stöður minja-
varða sem á vantar í þeim pakka.
Framhaldið ræðst síðan af því
hver viðbrögð fjárveitingarvalds-
ins verða við beiðni Þjóðminja-
safns.
Ovissan varðandi fjárlögin
getur allt eins staðið alveg fram
að áramótum og verði framlög
til Þjóðminjasafns skert frá því
sem óskað er mun það vera í
höndum safnsins að ákveða
hverjir fá strax og hverjir þurfa
að bíða, en samkvæmt þjóð-
minjalögum á að vera búið að
skipa í stöður minjavarða á öll-
um minjasvæðum fyrir lok
næsta árs. I skoðun er einnig að
reyna að brúa bilið á héraðsvísu
og ætlar Guðrún að kynna stöð-
una fyrir héraðsráði. Ef ekki
verður af fjárveitingu ríkisins
þarf að skoða hvaða verkefni eru
í hættu ef þau falla niður. - HI
Ljósadýrð í
listagíliim
Nú er unnið að því að gera Lista-
safnið á Akureyri sýnilegra en
það hefur verið til þessa, og hef-
ur bæjarráð samþykkt aukafjár-
veitingu til safnsins upp á 1,5
milljónir m.a. í því skyni að
standa straum af kostnaði. Þegar
hefur Listasafnshúsið í Listagil-
inu vcrið þvegið og málað og ný-
lega voru sett upp fánastöng og
stórt Ijósaskilti á framhlið húss-
ins og þar stendur „Listasafn".
Skiltið er hannað af Guðjóni
Bjarnasyni arkitekt en verktaki
við smíði og uppsetningu skiltis-
ins er Oddur Helgi Halldórsson í
Blikkrás, bæjarfulltrúi og bæjar-
ráðsmaður.
Þetta skilti er þó rétt byrjunin
þvf hugmyndin er að setja einnig
ljósaskilti á austurgafl hússins,
sem snýr niður Gilið en þar verð-
ur nafn listasaf’nsins á ensku.
Ofan á turn listasafnsins er síðan
hugmyndin að byggja framleng-
ingu, sem yrði um 2ja metra há
og væri eins konar listaverk sem í
væri lýsing. Þessi framlenging er
einnig hönnuð af Guðjóni
Bjarnasyni. Loks er hugmyndin
að strengja veggfána upp og nið-
ur á framhlið hússins milli glugg-
anna þar. Ekki náðist í Hannes
Sigurðsson, nýjan forstöðumann
safnsins, í gær en Lárus List
starfsmaður þess sagði í samtali
við Dag að vissulega hafi það ver-
ið vandi hve fáir vissu hvar Lista-
safnið væri til húsa en hann taldi
að með þessu yrði úr því bætt.
Hann sagði að þessar breytingar
á húsinu stæðu ekki í neinum
tengslum við umræðuna um að
taka upp aðgangseyri að safninu.
Aukafjárveitingin fyrir þessum
framkvæmdum sem samþykkt
var í bæjarráði 28. sept sl. er
önnur óreglulega fjárvcitingin til
safnsins á stuttum tíma, sú fyrri
var samþykkt í bæjarráði þann
16. september og nam hún 1
milljón króna til að tryggja rekst-
ur safnsins út árið. - l?G
Ljósaskiltid á Listasafninu. Á teikningunni má sjá
hvernig fyrirhugað er að safnið líti út.
MYND BRINK.