Dagur - Tíminn Akureyri - 02.04.1997, Side 9

JDagrar-®mmm

Miðvikudagur 2. apríl 1997 - 9
Samúð og svikahrappar
Matthías Kristiansen
skrifar f.h.
stjórnar FFMB
Samúðin er öflug tilfinning.
Hún kveikir með flestum
þörf fyrir að bregðast við,
láta gott af sér leiða og styrkja
þá sem minna mega sín. íslend-
ingar hafa löngum verið þjóð
full samúðar með sínum
minnstu systkinum og þeim
sem standa í ströngu og
skemmst er að minnast ótrú-
legra upphæða sem safnast
hafa saman vegna hörmunga
hér á landi og erlendis. Fé má
safna saman á ýmsa vegu, sum-
ir efna til happdrætta eða bjóða
fólki að hringja inn í tengslum
við þætti í Jjölmiðlum, aðrir
standa fyrir beinum peninga-
söfnunum í kirkjum eða annars
staðar þar sem fólk kemur
saman. Enn aðrir standa í stór-
verslunum eða á torgum úti og
kalla fólk til aðstoðar. Og fólk
gefur.
Peningarnir komast til skila
með ýmsum hætti og yfirleitt að
mestu leyti en eitthvað verður
stundum eftir hjá þeim sem
safna í formi sölulauna, t.d.
þegar merki eru seld, og stund-
um kemur fyrir að fólk treystir
sér ekki til að standa við stóru
orðin þegar að greiðsludegi
kemur. En með nýrri tækni
koma fram nýjar aðferðir - og
nýir svikahrappar.
Símasvik
Símasala af öllu tagi hefur
tröllriðið samfélaginu nú um
margra ára skeið og er þar fal-
boðið allt mögulegt. Kveður svo
rammt að þessu að margir
segja umsvifalaust nei við
þannig tilboðum og leggja strax
á en aðrir hlusta og kaupa jafn-
vel. Og hvaða leið hafa hinir
óprúttnu þá til þess að svíkjast
aftan að fólki? Jú, þeir þykjast
vera að selja einhvern varning
tii styrktar góðu málefni.
í vor knúði dyra hjá For-
eldrafélagi misþroska barna
Magnús nokkur Karlsson. Hann
kom þokkalega vel fyrir og
tengdist félaginu í gegnum
skyldleika. Sagðist hann vera
að heíja rekstur símasölufyrir-
tækis og hafði ákveðið að bjóða
Foreldrafélagi misþroska barna
10% ágóða af hverju seldu
hljómdiskseintaki í söluherferð,
gegn því að félagið veitti honum
leyfi til að segjast vera að selja
til styrktar því, enda átti þetta
að vera félaginu að kostnaðar-
lausu. Eiginkona hans var
skráð fyrir fyrirtækinu.
Eftir nokkra íhugun ákvað
félagið að taka þessu kostaboði
enda áform um aukna starf-
semi á prjónunum. Gerður var
við hann skrifiegur samningur.
Hófst nú söluherferðin og bár-
ust fréttir frá Magnúsi um góð-
ar undirtektir og mikla sölu.
Hann kvaðst þó vera að fjár-
festa fyrir gróðann um sinn en
að okkur kæmi síðari hluta
sumars.
Segir fátt af einum
í september féll svo bomban.
Undirritaður var kallaður á
fund þeirra Sigurðar P. Guðjón-
sonar og Baldurs Sigurðarsonar
og sagt að fyrirtækið Viktor
væri komið á hausinn, engir
peningar til en jafnvel stæði til
að reyna samt að greiða eitt-
hvað af fénu, þótt síðar yrði.
Þeirra nýja fyrirtæki, Ofur
og/eða Marknet, hefði yfirtekið
reksturinn til að bjarga því sem
bjargað yrði. Okkur var lofað
föstum greiðslum með haustinu
og fram eftir vetri en aldrei sá-
ust peningar. Eftir mikið vesen
fram og tilbaka voru loks
100.000 kr. greiddar inn á
reikninginn í desember en
meiru lofað á nýju ári. Ekki var
þó tekið fram á hvaða ári (!) og
þrátt fyrir margar tilraunir hef-
ur ekki fengist króna til viðbót-
ar út úr þeim kumpánum.
Reyndar hafa þeir þrátt fyrir
fögur orð aldrei síðan í septem-
ber haft samband við okkur að
fyrra bragði og nú er svo komið
að búið er að loka hjá þeim öll-
um símum og þeir finnast ekki
þegar þetta er skrifað í dymbil-
viku.
Við nánari eftirgrennslan
hefur reyndar einnig komið í
Ijós að í kjölfari nefnds Magn-
úsar eru svik, prettir og ólögleg
starfsemi reglan, ekki undan-
tekningin. Það sem safnað var í
okkar nafni lenti líklega í rass-
vösum glæpahunda sem njóta
þess að pretta, snýta fólki eins
og þeir kalla það sjálfir. Og
samt halda þeir áfram að þykj-
ast vera að styrkja góðgerðafé-
lög sem að öllum líkindum eiga
ekki eftir að sjá nema brot af
því sem þeim er ætlað. Eða
hvað varð urn milljónirnar sjö
og hlut foreldrafélagsins af
þeim? Þess má einnig geta að
margt af símasölufólkinu sem
seldi fyrir prósentur hefur held-
ur ekki fengið laun sín greidd
nema með höppum og glöpp-
um.
Afsökunarbeiðni og
áskorun
Foreldrafélag misþroska barna
biður alla kaupendur hljóm-
diska og snælda af fyrirtækinu
Viktor ehf og Magnúsi Karlssyni
innilega afsökunar á því að
hafa tekið, að vísu óafvitandi,
þátt í þessum blekkingavef,
ekki síst þá sem voru nógu vak-
andi til að gruna að ekki væri
allt með felldu og hringdu í
okkur. Við vonumst einnig til
þess að fólk njóti eigi að síður
tónlistar margra af bestu tón-
listarmanna landsins.
Að lokum vill undirritaður
skora á alla íslendinga að
kaupa aldrei neitt sem selt er
um síma í nafni góðgerða- eða
styrktarfélaga. Því miður eru
miklar líkur á að féð lendi í
höndum svikahrappa og lodd-
ara sem hafa bestu hvatir með-
borgara sinna að féþúfu. Ef þið
viljið kaupa eitthvað, farið þá út
í búð því þar fæst hluturinn ör-
ugglega og oft ódýrari en í
símatilboðinu. Ef þið viljið gefa
fé, leggið það beint inn á
bankareikninga viðkomandi
samtaka næst þegar þið eigið
erindi í bankann ykkar, þá er
öruggt að peningarnir rata
rétta leið. Við höfum að
minnsta kosti lært eina lexíu,
við látum ekki sama hundinn
bíta okkur tvisvar.
Brú yfir Kleppsvíkina forgangsverkefni
SFriðrik Hansen
Guðmundsson
Nýtt aðalskipulag
Borgarstjórinn í Reykjavík
kynnti íbúum Grafarvogs nýtt
aðalskipulag fyrir Reykjavíkur-
borg sem gilda á næstu 15 árin
eða til ársins 2013. Þær helstu
breytingar sem á skipulaginu
hafa verið gerðar varða íbúa
Grafarvogs nokkuð. Jafnframt
hefur komið fram nokkur gagn-
rýni á þessar breytingar á
skipulaginu. Einkum vegna
þess að þar er breytt út frá áð-
ur gildandi skipulagi, er gerði
ráð fyrir að á Geldinganesi yrði
íbúðarbyggð. í þeirri tillögu
sem nú liggur fyrir er gert ráð
fyrir að þar geti hvort heldur
risið íbúðarbyggð eða iðnaðar-
hverfi. Þá var í eldra skipulagi
gert ráð fyrir að í Eiðsvíkinni
yrði byggð upp hafnaraðstaða,
en svæðið umhverfis höfnina
hefur samkvæmt þessum nýju
tillögum verið stækkað umtals-
vert. Það hlýtur að vera eðlilegt
að sitt sýnist hverjum um slíka
breytingu. Við sem búum hér í
Grafarvogi hljótum að þurfa að
skoða hug okkar til þessara
skipulagsbreytinga, og hvaða
áhrifa sem þær kunna að hafa.
Einn af þeim þáttum sem
upp koma, þegar rædd er frek-
ari uppbygging í Grafarvogi,
eru vegtengingar inn í hverfið.
Stöðug og góð uppbygging í
hverfinu á undanförnum árum
er farin að segja til sín á götun-
um. Á mestu annatimum mynd-
ast langar biðraðir bfla að fara
út úr hverfinu, oft hundruð
metra langar, ef ekki kflómetra.
í dag búa tæplega 13 þúsund
manns í hverfinu og er gert ráð
fyrir að íbúafjöldinn verði orð-
inn um 20 þúsund eftir 5 til 6
ár, ef miðað er við að hverfin
sem nú eru í byggingu verði að
fullu byggð. Það er því ljóst að
núverandi vegtengingar sem
þegar anna varla þeirri umferð
sem er á götum hverfisins í
dag, munu ekki geta annað
hverfinu þegar í það eru flutt
um 20 þúsund manns sem mun
þýða 50% aukningu bfla og um-
ferðar í hverfinu á þessu tfma-
bili.
Brú yfir Kleppsvíkina
í dag eru tvær vegtengingar inn
í hverfið, önnur er um Gullin-
brú og hin er um Víkurveg.
Báðar þessar götur hafa eina
akrein í hvora átt, þannig að
alls liggja tvær akreinar út úr
hverfinu og tvær inn í hverfið.
Þegar eitthvað er að veðri, þá
er Víkurvegurinn fyrsta gatan x
Reykjavík sem lokast og er þá
ein vegtenging opin inn í Graf-
arvoginn og er hún um Gullin-
brúna. Eins og flestir þekkja þá
er allnokkur brekka niður að
Gullinbrúnni og þegar veður
eru með versta móti, þá kemur
það fyrir að bflar sitja fastir í
brekkunni. Þetta vandamál er
orðið enn alvarlegra eftir að
sett voru upp umferðarljós í
brekkunni miðri, og bflarnir
sem stoppa á ljósunum ná ekki
að taka af stað aftur.
Umferðarmálin í Grafavogi
þarf að leysa á næstu 2 til 4 ár-
um og þau verða ekki leyst
Það er því eðlilegt
að kröfur íbúa
hverfisins verði
háværari en ella, að
þessi umferðarmál
verði leyst, þegar
fyrir liggur nýtt
aðalskipulag sem
gerir ráð fyrir
auknum umsvifum í
hverfinu.
nema með því að ný vegtenging
komi til inn í hverfið, þ.e. að
farið verði í gang með fyrsta
áfanga Sundabrautar og brú
verði byggð úr Hamrahverfinu
yfir Kloppsvíkina sem tengist
inn á Sæbrautina. Það er því
eðlilegt að kröfur íbúa hverfis-
ins verði háværari en ella, að
þessi umferðai-mál verði leyst,
þegar fyrir liggur nýtt aðal-
skipulag sem gerir ráð fyrir
auknum umsvifum í hverfinu.
Það þarf að koma því skýrt til
skila til ráðamanna að
áframhaldandi uppbygging í
Grafarvogi kallar á þessa teng-
ingu inn í hverfið. íbúarnir í
Grafarvogi þurfa að standa fast
saman um það, að ekki verði
hafist handa um uppbyggingu á
Geldinganesi, hvort heldur þar
verður um að ræða íbúðabyggð
eða athafnasvæði, né heldur
hafist handa við byggingu hafn-
ar, nema samhliða verði byggð
brú yfir Kleppsvíkina.
Knýjum á
Þau svör sem borgarstjóri kom
með við spurningunni hvenær
hafnar yrðu framkvæmdir við
fyrsta áfanga Sundabrautar,
þ.e. að byggja brú úr Hamra-
hverfi yfir í Kleppsvíkina, þá
upplýsti borgarstjóri að það
yrði fyrst eftir 5 til 6 ár. Jafn-
framt upplýsti borgarstjóri að
hér væri um að ræða þjóðveg í
þéttbýli sem þýðir að þessi
framkvæmd öll verður á hönd-
um ríkisins og það eru fjár-
málaráðherra og ráðherra
samgöngumála sem hafa með
þetta mál að gera. í þessu máli
eins og mörgum öðrurn þá
bendir hver á annan og ekkert
gerist.
Stórverkefni eins og brú yfir
Kleppsvíkina sem sett er á áætl-
un, ekki á næsta kjörtímabili
heldur því þarnæsta, það er
verkefni sem ekki er ofarlega á
forgangslistanum. Búast má við
að slíkt verkefni verði látið
víkja fyrir öðrum, þegar þar að
kemur og þvf ýtt aftur um enn
ein 5 til 6 árin.
Það mun taka nokkurn tíma
að undirbúa framkvæmd sem
þessa og því er mikilvægt að
koma brúnni inn á vegaáætlun
þannig að hönnun brúarinnar
geti farið af stað sem allra fyrst.
Það má íbúum Grafarvogs vera
ljóst að ef við ekki knýjum á um
þessa framkvæmd og fylgjum
málinu vel eftir þá mun ekkert
gerast. Það hlýtur að vera
markmiðið að hafist verði
handa við brúarsmíðina á
næsta kjörtímabili, eftir 2 til 3
ár og hönnun hennar heQist
fyrir alvöru í ár eða í síðasta
lagi á næsta ári 1998. Fram-
kvæmdir gætu síðan hafist 1999
eða árið 2000.
Það virðist vera ljóst að ef
við íbúar Grafarvogs tökum
ekki til okkar ráða þá munum
við eftir örfá ár búa við að um-
ferðarþunginn hefur aukist um
50% frá því sem nú er og við
verðum með óbreytt samgöngu-
kerfi inn og út úr hverfinu. Allt
stefnir í það að ekki verði farið
að huga að framkvæmdum fyrr
en allt er komið í óefni og þá
verði hugsanlega farið að gera
eitthvað. Þá mun það taka þessi
3 til 4 ár að undirbúa fram-
kvæmdir og byggja brúna og þá
munu íbúar Grafavogs þurfa að
búa við óviðunandi ástand í
umferðarmálum árum saman.
Höfundur erformaður
fbúasamtaka Grafarvogs.