Dagur - Tíminn Akureyri - 23.05.1997, Blaðsíða 2

14 - töstudagur 23. mai 199/
^Utegur-ÚlmTöm
GARÐALIFIÐ I LANDINU
Ráðherrar búa hlið við hlið
Sigrún Magnúsdóttir, eiginkona Páls Péturssonar félagsmálaráðherra, og Ingibjörg Rafnar, eiginkona Þorsteins
Pálssonar sjávarútvegsráðherra, hvor í sínum garði á Háteigsveginum í Reykjavík. Staurarnir sýna landamerkin.
Tveir ráðherrar búa
samsíða á Háteigs-
veginum íReykja-
vík og hafa þar
rúmgóðan garð.
Ingibjörg Rafnar
hefur áhuga á garð-
yrkju og Þorsteinn
Pálsson hjálpar til í
garðinum en Páll
Pétursson og Sigrún
Magnúsdóttir nota
yfirleitt allarfrí-
stundir til aðfara
norður á Höllu-
staði. Garðurinn
situr því frekar á
hakanum hvað þau
varðar.
Búa á æskuheimilinu
veir af tíu ráðherrum rxk-
isstjórnar Davíðs Odds-
sonar, þeir Páll Pétursson
félagsmálaráðherra og Þor-
steinn Pálsson sjávarútvegsráð-
herra, eru nágrannar. Þeir búa
hlið við hlið á Háteigsveginum
og garðarnir þeirra eru sam-
síða. Þorsteinn og eiginkona
hans, Ingibjörg Rafnar lögmað-
ur, hafa nú búið í nokkur ár á
æskuheimili hennar númer 46
og Páll og eiginkona hans, Sig-
rún Magnúsdóttir borgarfull-
trúi, búa á 48. Bæði hjónin eru
sjaldnast samtímis að vinna í
garðinum enda eru það frekar
eiginkonurnar sem sjá um
garðinn.
„Ég hef alltaf haft mjög gam-
an af að vinna í garði. í gamla
daga var ég öll sumur ýmist í
Unglingavinnunni eða verk-
stjóri í Unglingavinnunni og svo
átti ég því láni að fagna að for-
eldrar mínir áttu þetta húsnæði
með þessum stóra garði og ég
hjálpaði til við að þrífa hann.
Svo er ég búin að sjá um hann
síðustu fjögur árin. Ég hef
voðalega gaman af þessu en ég
er þó ekki það mikil garðyrkju-
kona að ég þekki nákvæmlega
nöfnin á rósunum," segir Ingi-
björg Rafnar.
Þorsteinn ánægður
með „frímerkið“
Ingibjörg og Þorsteinn bjuggu
áður með börnum sínum í Foss-
voginum og segir Ingibjörg að
þeim hafi fundist garðurinn þar
vera á við „frímerki" að stærð.
Fyrir íjórum árum hafi þau flutt
á Háteigsveginn og fengið þar
mun stærri garð að rækta. Ingi-
björg segir að Þorsteinn hafi að
vísu verið ánægður með frí-
merkið en „þegar maður er al-
inn upp við svona finnst manni
þetta skemmtilegra," segir hún
og á þar við þennan stóra og
myndarlega garð sem þau nú
hafa.
Hún þekkir garðinn náttúru-
lega mjög vel og segir að það sé
aðallega slátturinn sem sé erf-
iður í garðinum því að hann sé
svo gamall. Garðurinn hafi
haldist svo til óbreyttur þó að
einstaka tré hafi verið fellt. Hún
kveðst vera h'tið fyrir breytingar
í garðinum og haldi enn „rós-
unum hennar mömmu og
páskaliljunum en hef endurnýj-
að túh'panana og svoleiðis."
Ingibjörg tekur rispur í garðin-
um af og til, var að vinna í
blómabeðunum fyrir um hálf-
um mánuði og segir það lítið
mál að reyta ef ræturnar fylgi
með. Ef reytt sé ofan af þá verði
það „eilíí'ðarverk."
Ingibjörg og Þorsteinn hjálp-
ast talsvert að í garðinum en
krakkarnir þeirra þrír, sem
flestir eru uppkomnir, hafa ekki
mjög gaman af garðyrkju. Svo á
fjölskyldan sumarbústað að
Flúðum og þar þarf náttúrulega
líka að sinna garðinum. Eru
garðstörfin þá kannski aðal-
áhugamál Ingibjargar?
Velur golfið frekar
„Garðyrkjan er eitt af áhuga-
málunum en ef ég á að velja
milli þess að fara í golf eða
garðinn þá fer ég í golf,“ svarar
hún.
Ingibjörg segir að garðurinn
sé talsvert notaður af fjölskyld-
unni, þó ekki sé það kannski
markvisst, og sú hafi verið tíðin
að þar hafi mikið verið spilaður
fótbolti. Ekki hafi verið gert
nógu mikið af því undanfarin ár
enda sjáist það á mosanum.
Fjölskyldan taki sig þó stundum
til og grilli úti í garði.
- En er einhver rígur milli
garðeigenda?
„Ég hef ekki orðið vör við
það,“ segir hún.
Garðurinn
á 48 mætir afgangi
Við Páll búum í fjölbýlishúsi og
þá hefur maður ekki sömu yfir-
ráðakennd yfir garðinum eins
og þegar maður býr í einbýli. Á
síðustu árum hef ég byrjað á
trjárækt fyrir norðan á Höllu-
stöðum. Við Páll byggðum okk-
ur þar lítið hús og girtum af
einn hektara. Það er mitt verk
að fylla hann af trjám og gróðri.
Það gefur mér gífurlega mikið.
Ég skipulegg það allan veturinn
og verð svo sorgmædd þegar
líður á sumarið og ég hef ekki
komið öllu í verk. Maður þarf
að sinna skyldustörfum hér og
þar og hefur ekki tíma til að
sinna því sem maður hefur
löngun til. Það má því segja að
garðurinn hér í Reykjavík mæti
afgangi," segir Sigrún Magnús-
dóttir, borgarfulltrúi og eigin-
kona Páls Péturssonar félags-
málaráðherra.
Þegar Sigrún og Páll fluttu
inn í húsið við Háteigsveg bjó
maðurinn sem hafði byggt hús-
ið á neðstu hæðinni og hann sá
um garðstörfin og hlúði að
gróðrinum. Þessi maður lést
fyrir tveimur árum og segist
Sigrún viðurkenna fúslega að
garðurinn hafi látið á sjá síðan.
Ástæðurnar séu tvær: annars
vegar hafi hún ekki á tilfinning-
unni að hún ráði yfir garðinum
því að þau séu í samfloti með
öðrum íbúum hússins og hins
vegar fari þau hjónin yfirleitt
norður strax og þau hafi tæki-
færi til.
Slær stærri flatir
Sigrún hefur „potað niður
nokkrum trjám“ á Höllustöðum
og vonast til að þar verði með
tímanum fallegur skógarlundur.
Sigrún og Páll giftu sig árið
1990 og reistu húsið sitt árið
1993 þannig að trén eru bara
lítil enn sem komið er. Það er
einkum Sigrún sem hefur trjá-
ræktina að áhugamáli þvf að
Páll vill sinna skepnunum og
„slá stærri flatir" þegar hann er
fyrir norðan. Hún segir þó að
þau hjálpist stundum að við að
slá garðinn fyrir sunnan.
- Finnur þú fyrir einhverjum
ríg eða metnaði út af garðin-
um?
„Kannski er maður ekki bú-
inn að búa hér það lengi að
maður finni það en nei, ég hef
ekki fundið fyrir því. Þetta er
algjör paradís, það sér maður
þegar maður stendur á svölun-
um og horfir yfir trén. Þau eru
sum stærri en fjögurra hæða
hús. Fyrir framan húsið er holt
og melur. Baka til er garðurinn
með svo háum trjám að það
minnir mann jafnvel á útlönd.
Það er óvíða í Reykjavík sem
maður sér svo há tré,“ segir
hún.
- Þið Ingibjörg farið aldrei
saman í garðvinnu eða fáið
ykkur kaffi saman úti í garði?
„Við höfum ekki gert það en
það er ágæt ábending. Ég ætti
kannski að dúka einhvern tíma
upp borð og bjóða þeim í kaffi
úti í garði þegar ég sé þau,“
segir Sigrún Magnúsdóttir að
lokum. -GHS '
Sigrún Magnúsdóttir segir að þau Páll Pétursson rjúki yfirleitt norður
strax og færi gefst. Þar sinni Páll bústörfum og hún sjálf trjárækt. Þau búa
í fjölbýli á Háteigsveginum og deilist því garðvinnan á fleiri.
Ingibjörg Rafnar í garðinum við æskuheimili sitt. Hún segir að garðurinn
sé gamall og sjálf sé hún svo íhaldssöm að vilja ekki breyta miklu. Hann
hefur því haldist í svo til upprunalegri mynd. Ingibjörg er mikið fyrir garð-
störfin þó að hún taki golfið fram yfir. Myndir: E.ÓI.