Dagur - Tíminn Akureyri - 14.06.1997, Síða 2

14 - Laugardagur 14. júní 1997
Jlagur-'SRmtrm
BORNIN I LANDINU
LIFIÐ I LANDINU
Bamahomid
Nú er enn ein sumarhelgin runnin upp með
skemmtilegheitum af ýmsu tagi. Um þessa
helgi er nóg við að vera. Þeir sem ekki fara
í útilegu geta brugðið sér í Sólbað eða jafnvel út
að hlaupa.
Furðufjölskyldan er litrík og skemmtileg.
Litríkt leikhús
í sumar verður Furðuleikhúsið með leiksýningar
á laugardögum í Fjölskyldu- og húsdýragarðinum
og verður fyrsta sýningin með hinni litríku
Furðuíjölskyldu í dag, laugardaginn 14. júní.
Furðufjölskyldan er löngu orðin landsþekkt fyrir
skondnar og skemmtilegar uppákomur sínar.
Ekki kostar aukalega inn á sýninguna og því eng-
in ástæða til að sleppa henni ef maður á annað
borð ætlar að vera á staðnum.
Allir í skóna
Kvennahlaupið er hlaup allra kvenna á landinu
og allar mömmur mega taka börnin sín með
meðan karlarnir sitja heima eða finna sér eitt-
hvað annað til dundurs. Kvennahlaupið fer fram
á sunnudaginn og hvetur Barnahornið allar
mömmur til að reka krakkana í létta gallann og
setja á sig íþróttaskóna. Allir út að hlaupa á
morgun!
Beint í veiðina
Tækifæri sumarsins. Litlir og stórir veiðimenn
mega vera ánægðir því að ferðafólk fær að kynn-
ast veiðisvæði Sogsins á sunnudaginn frá níu um
morguninn til sjö um kvöldið. Þar verður boðið
upp á leiðsögn og hægt að renna fyrir lax. Þátt-
taka er ókeypis og því um að gera að fjölmcnna í
Sogið.
Kjarnaskógur
Það er tilvalið fyrir fjölskyldur sem leið eiga um
Akureyri að koma við í Kjarnaskógi. Þar er frá-
bær aðstaða fyrir börnin, sem og foreldrana, og
um að gera fyrir fjölskylduna að vera saman úti í
náttúrunni og Ieika sér.
Útihátíð
Einnig fyrir þá sem koma við á Akureyri eða eru í
bænum. í dag er útihátíð á Ráðhústorgi, þar sem
ýmislegt verður um að vera. Þar munu skemmti-
legar hljómsveitir koma fram og spila, körfu-
boltamót verður haldið og boðið verður upp á
gómsætan grillmat. Um að gera að rölta í bæinn
og fylgjast með mannlífinu.
Daði Guðvarðarson,
10 ára.
„Það skemmtilegasta
við sumarið er að vera
úti í góðu veðri. Líka að
fara eitthvað út úr bæn-
um og þá jafnvel til
Reykjavíkur."
Pétur Örn
Valmundarson,
9 ára.
„Það er frábært að
fara til útlanda þar sem
er sjór en ekki snjór.
Sérstaklega vegna þess
að maður fer með flug-
vél sem er miklu betra
farartæki en bfll.“
Sunnudagurinn verður annasamur hjá Laufeyju Jónsdóttur því að svo skemmtilega vill til að þennan dag á að skíra langömmubarnið
hennar. Laufey ætlar bæði í hlaupið og skírnina og treystir því að ættingjar hjálpi til. Myn&.E.ói
Bjargvættur fer í Kvennahlaupið
Bjargvœtturinn í Grjóta-
þorpinu, Laufey Jóns-
dóttir, 81 árs, hefur far-
ið í öll Kvennahlaupin
frá upphafi nema ífyrra
því þá var hún veik.
Hún er staðráðin í því
að taka þátt í Kvenna-
hlaupinu á morgun.
að er minn metnaður að vera í
öllum kvennamálum og koma
kvennamálum áfram. Ég er ein
af stofnendum Kvennalistans og ég
keypti á sínum tíma hlutabréf í Hlað-
varpanum. Ég er voðalega ánægð með
það í dag,“ segir Laufey Jónsdóttir sem
stundum hefur verið kölluð „bjargvætt-
urinn í Grjótaþorpinu".
Veitti skjól um helgar
Laufey varð landsþekkt fyrir mörgum
árum fyrir vinnu sína við almennings-
klósett í Grjótaþorpinu. Hún hélt kló-
settinu opnu á nóttunni og veitti ung-
lingum, sem ekki áttu í önnur hús að
venda, þar skjól og aðstoð um helgar.
Laufey varð að berjast fyrir því með
kjafti og klóm að fá að halda starfsemi
sinni áfram en varð að lokum að láta í
minni pokann og endaði með því að
húsnæðið var rifið.
Laufey hefur tekið þátt í Kvenna-
hlaupinu frá upphafi og farið ein í
hlaupið ef því er að skipta. Stundum
hefur hún farið með öðrum konum,
sem búa á dvalarheimili aldraða við
Vesturgötu 7 í Reykjavík, því að þær
hafa gjarnan fjölmennt í rútu í
Kvennahlaupið. Hún segir að líklega
fari ekki margar núna því að hlaupið
sé á sunnudegi og þá séu starfsstúlk-
urnar að vinna. Hún ætlar þó ekki að
láta það aftra sér og treystir því að
eitthvert af börnunum sínum átta
hjálpi sér í hlaupið.
Farið í rútu
„Þær fóru með okkur í hóp hér áður
fyrr og þá var mér boðið með því að ég
var alltaf hérna með aðra löppina,"
segir Laufey og á þar við samheldin
hóp kvenna af Dvalarheimili aldraðra
við Vesturgötu. „En þær eru ekki að
vinna á sunnudögum og því fara þær
ekki. Ég vildi samt að við færum sam-
an í rútu því að þá fara miklu fieiri. Ef
rútan tæki fullorðna fólkið þá kemur
það inn í félagsskapinn og kemur
kannski með börnum og barnabörnum
þó að það geti ekki hlaupið. Þetta
hlaup sameinar svo fjölskyldurnar,"
segir hún.
Sunnudagurinn verður annasamur
hjá Laufeyju því að svo skemmtilega
vill til að þennan dag á einmitt að skíra
eitt af barnabarnabörnunum hennar.
Laufey stenst þó ekki mátið, hún ætlar
bæði í hlaupið og skírnina. -GHS
Menn
vikunnar
Fyndnustu mennirnir í vikunni
voru þeir Jón Gnarr og Sigurjón
Kjartansson í forsetamynd. Með
blámann allt í kring. Auglýsingin sem
birtist í DV frá þeim félögum var frá-
bær og smáatriðin enn betri. Krump-
urnar á bindinu, íjarlægðin á milli
fingranna hjá Guðrúnu Katrínu, brosið.
Dásamlega fyndið.