Dagur - Tíminn - 16.10.1996, Side 3

Ptgur-mmrám
Miðvikudagur 16. október 1996 - 3
F R É T T I R
Bæjarstjórn Akureyrar Suðurland
Húsnæðisvandi BA
mjög alvarlegur
Lausn á húsnæðisvanda Barna-
skóla Akureyrar gœti m.a. verið
fólgin í því að sameina skólann
Gagnfrœðaskóla Akureyrar, en
það er tilfinningamál margra að
viðhalda rekstri og nafni skól-
anna óbreyttu.
Alvarlegur húsnæðis-
vandi Barnaskóla Akur-
eyrar var til umræðu á
bæjarstjórnarfundi í gær en
einni deild 5. bekkjar skólans
er kennt í kaffiteríu íþrótta-
hallarinnar við mjög slæm
skilyrði.
Þannig truflar öll starfsemi í
nágrenninu kennslu oft á tíð-
um. Sigurður J. Sigurðsson (D)
sagði að laus skilrúm væru alls
engin lausn, og aðkallandi að
flnna viðunandi lausn. Sigríður
Stefánsdóttir (G) sagði að því
miður virtist engin góð lausn í
sjónmáli, en kannski væri
lausnina að finna í nágrenninu,
t.d. með því að fá af-
not af kennslustofu í
Gagnfræðaskóla Akur-
eyrar. • Gísli Bragi
Hjartarson (A) sagði
að skólanefnd hefði
oft seint áttað sig á
stöðu mála, en vegna
byggingu þjónustu-
íbúða fyrir aldraða
hefði flutt eldra fólk
úr skólahverfinu en barnafólk
inn. Skýrslu um nýtingu skóla-
húsnæðis Gagnfræðaskóla Ak-
ureyrar hefði verið beðið lengi,
en hún ekki enn séð dagsins
ljós. Valgerður Hrólfsdóttir (D)
taldi að tímabært væri að at-
huga hvort ekki bæri að sam-
eina Barnaskóla Akureyrar og
Gagnfræðaskóla Akureyrar, oft
myndaðist svigrúm t.d. í GA til
að taka við bekk frá BA, þó ekki
væri nema tímabundið, t.d.
einn vetur. Oft væri t.d. skóla-
eldhús GA vannýtt. Guðmundur
Stefánsson (B) tók undir orð
Valgerðar, taldi tímabært að
sameina skólana t.d. undir
nafninu Grunnskóli Akureyrar
og leysa þannig allar tilfinn-
ingalegar flækjur, en óverjandi
væri að einstaklingar stæðu
gegn nauðsynle'gum og skyn-
samlegum breytingum á skóla-
kerfinu.
Jakob Björnsson bæjarstjóri
(B) sagði að sameining skól-
anna væri flókið mál, inn í það
spiluðu m.a. réttindamál kenn-
ara, en endurskipulagning
skólastarfs á Akureyri væri í
gangi. GG
Kirkjuþing
Frá kirkjuþingi í gær. F.v. Þorsteinn Geirsson, ráðuneytisstjóri, Hjaiti Zóphaníasson, deildarstjóri, Ólafur
Skúlason, biskup og Þórhallur Ólafsson, aðstoðarmaður dómsmálaráðherra.
Er okkur ánrnmmg
Akureyri
Veitingarekst-
ur Skíðastaða
boðinn út
Bæjarstjórn Akureyrar
samþykkti á fundi í gær
samhljóða að bjóða út
veitingarekstur Skíðastaða,
skíðahótelsins í Hlíðarfjalli, en
íþrótta- og tómstundafulltrúi,
Eiríkur Björn Björgvinsson,
ásamt forstöðumanni Skíða-
staða, ívari Sigmundssyni, hafa
unnið að drögum að útboðs-
gögnum sem nú eru tilbúin.
Sigríður Stefánsdóttir (G)
sagði það mjög spennandi að
sjá hvernig til tækist, þetta væri
nýlunda, og undir það tóku
fleiri bæjarfulltrúar.
Þórarinn E. Sveinsson (B)
formaður íþrótta- og tóm-
stundaráðs, sagði að afnot af
langferðabifreið upp í Skíða-
staði hefði stórlega dregist
saman á undanförnum árum.
Ráðið hefði ekki sýnt vilja til
þess að styrkja þennan akstur á
komandi vetri og því kynni
hann að leggjast af. GG
Kvikmyudir
Agnes og
Benjamín dúfa
verðlaunuð
Maria Ellingsen var valin
besta leikkonan á al-
þjóðlegri kvikmyndahá-
tíð í Verona á Ítalíu í síðustu
viku, fyrir leik sinn í kvikmynd-
inni Agnesi. í niðurstöðu dóm-
nefndar segir að María hljóti
verðlaunin fyrir glæsilegan,
heiðarlegan og yfirvegaðan
leik. Kvikmynd Gísla Snæs Er-
lingssonar, Benjamín dúfa, var
valin besta myndin á alþjóð-
legri barna og unglingamynda-
hátíð í Kerman í íran um síð-
ustu helgi. Varaforseti írans af-
henti Gísla Snæ verðlaunin,
„Gullna fiðrildið", í beinni út-
sendingu í íranska sjónvarp-
inu. Benjamín dúfa hefur verið
sýnd á 15 kvikmyndahátíðum
víða um heim og þegar hlotið 7
viðurkenningar.
segir biskup við setn-
ingu 27. kirkjuþings-
ins, þegar fleiri hafa
sagt sig úr þjóðkirkj-
unni en nokkru sinni
áður vegna illdeilna.
Biskup íslands, herra Ólaf-
ur Skúlason setti kirkju-
þing í Bústaðakirkju í
gærdag að lokinni guðsþjón-
ustu. Kirkjuþing sitja liðlega 20
manns, prestar og leikmenn að
jöfnu, undir forsæti biskups.
Biskup ræddi um dimma daga
og erfiðar stundir frá síðasta
kirkjuþingi, snjóflóðið á Flateyri
sem skall á bæinn á síðasta
degi kirkjuþings í fyrra, og erf-
iða tíma innan kirkunnar.
„Við minnumst átaka sem
ijölmiðlar hafa flokkað undir
deilur, og ekki aðeins þeir, voru
þess valdandi að fleiri hafa
horfið úr skjóli kirkjunnar í ár
en fyrr hefur tíðkast. Já, sagt
skilið við þetta samfélag um trú
og þetta samfélag elskunnar, af
því að það sá ekki nógu heita
og sanna trú og varð ekki vart
við vermandi yl kærleikans. Og
er okkur öllum áminning og
ekki aðeins þeim sem helst hafa
verið nefndir til þessara sorgar-
mála,“ sagði biskup.
Biskup sagði að því miður
væru deilur víðar innan kirkju
og kirkjudeilda og nefndi dæmi
þar um frá stjórnarfundi lút-
herska heimssambandsins þar
sem eru mikil innbyrðis átök
sem og í páfagarði.
Herra Ólafur Ragnar Gríms-
son ávarpaði kirkjuþing í gær.
Hann sagði sögu íslenskrar
sjálfstæðisbaráttu og framfara-
sóknar ríkulega samofna starfi
kirkjunnar, æviverkum sóknar-
presta til sjávar og sveita.
„Þessi samfylgd kirkju og sam-
félags var ríkur þáttur í uppeldi
mínu, bæði hjá afa mínum og
ömmu á Þingeyri og í foreldra-
húsum á ísafirði," sagði forset-
inn.
„Sumum kann að finnast að
kirkja landsins sé um þessar
mundir vanbúin að sinna þess-
um verkum vegna sundurlyndis
og deilna sem nokkuð hafa
markað svipmót hennar í opin-
berri umfjöllun,“ sagði Ólafur
Ragnar Grímsson og vitnaði síð-
an til hirðisbréfs Sigurbjörns
Einarssonar biskups fyrir 36
árum, þar sem hann íjallar um
ýmis blæbrigði skoðana innan
kirkjunnar. Jafnvel þá voru
skoðanaskipti hörð, en biskup
taldi að þau flokkaskil væru
fremur arfur en nýjar krossgöt-
ur, sem fersk hugsun hafi leitt
menn á.
Forsetinn minnti á að hvorki
þjóð né kirkja mætti slá slöku
við, eigi hin mikla hátíð alda-
mótaárið, 1000 ára afmæli
kristinnar kirkju, að vera sam-
boðin trú okkar og sæmd.
„í þeim efnum er mikið verk
að vinna. Það krefst öflugrar
samstöðu innan kirkjunnar og
gagnkvæms trúnaðar hins ver-
aldlega og geistlega valds,“
sagði Ólafur Ragnar Grímsson.
-JBP
Almanna-
varnir í við-
bragðsstöðu
Jarðskjálfti sem mældist
3,9 stig á Richter fannst
greinilega á Selfossi og
nágrenni á mánudagskvöld
og er mál manna að hann sé
sá snarpasti sem þar hefur
komið árum saman. Yfirmenn
Almannavarnanefndar Sel-
foss og nágrennis báru sam-
an bækur sínar á mánudags-
kvöid og eru í viðbragðs-
stöðu. Búist er við fleiri
skjálftum á næstu dögum.
Kristján Einarsson, slökkvi-
liðsstjóri á Selfossi og fulltrúi í
Almannavarnanefnd Selfoss
segir að strax og skjálftinn
hafði dunið yfir hafi æðstu
menn í nefndinni rætt saman og
fengið upplýsingar frá Veður-
stofu um stærð skjálftans. Hann
man ekki eftir svo stórum
skjálfta um árabil. „Það sem
mér finnst hinsvegar mikilvægt
þegar svona gerist er að fólk fái
strax upplýsingar um hvað er
að gerast og þá í gegnum út-
varpið. Þarna leið um klukku-
tími þar til næsti fréttatími
hófst og það er alveg í það
lengsta. Það væri æskilegt að
tilkynning kæmi fljótlega í út-
varpinu og þá á veðurstofan að
koma þeim upplýsingum á
framfæri." segir Kristján Ein-
arsson.
í fastanefnd Almannavarna
Selfoss sitja þrír fuUtrúar frá
Selfossbæ. Karl Björnsson, bæj-
arstjóri, Kristján Einarsson,
slökkviliðsstjóri og Sigurður
Jónsson bæjarfulltrúi. Með
þeim starfa einnig læknir, bæj-
artæknifræðingur og fulltrúar
Grímsneshrepps og Skeiða.
Sýslumaður Arnesinga er yfir
nefndinni.
Verkfræðistofnun HÍ og At-
vinnuþróunarsjóður Suðurlands
hafa gert könnun á nokkrum
húsum í Rangárvallasýslu með
tilliti til þess hvernig þau koma
til með að þola stóra jarð-
skjálfta. Niðurstöður könnunar
þessarar eru meðal annars þær
að lausamunir geta valdið
mestri hættu þegar stórir
skjálftar koma. Almenningi hef-
ur verið bent á hvernig best sé
að ganga frá lausamunum,
æskilegt sé að forðast að hengja
myndir fyrir ofan rúm og festa
vandlega lausa skápa, svo sem
bókaskápa. Til stendur að gera
sams konar könnun á húsum í
Hveragerði á næstunni og á Sel-
fossi á næsta ári. -hþ.
Reykjavík
Borgarmolar
•Borgarráð hefur samþykkt
að veita árlega 15 miljónum
króna til að bæta aðgengi fatl-
aða í stofnunum borgarinnar.
Stefnt er að því að þessum úr-
bótum verði lokið á næstu fimm
árum.
•Borgarráð hefur einnig
samþykkt áætlun í fjórurn liðum
til að minnka launamun milli
kynja hjá borginni og hefur
þessari samþykkt verið vísað til
umsagnar jafnréttisnefndar.
Samkvæmt áætluninni verður
stefna borgarinnar í komandi
kjarasamningum að laun fyrir
hefðbundin láglaunuð kvenna-
störf hækki hlutfallslega mest.
-grh