Dagur - Tíminn - 19.11.1996, Blaðsíða 5
llagur-CEmtmrt
Þriðjudagur 19. nóvember 1996 -17
VIÐTAL DAGSINS
Athyglin á ekki að beinast að því sem er að
Ingibjörg Eyfells,
deildarstjóri leik-
skóladeildar Akur-
eyrarbæjar, er ný-
komin frá Lúxem-
borg þar sem vinnu-
hópur á vegum Evr-
ópusambandsins
hittist og lauk við
gerð framkvæmda-
áætlunar til aðstoð-
ar fötluðum.
Framkvæmdaáætlunin hef-
ur staðið frá árinu 1993
og heitir Helios. Markmið-
ið með þessu verkefni er að
gera fötluðum kleift að lifa
sjálfstæðu lífi í opnu samfélagi.
Fjallað var um menntamál,
ferlimál, atvinnumál, búsetu-
mál, tölvumál og margt fleira
en vinnuhópur eitt sem Ingi-
björg tók þátt í íjallaði um
fyrstu viðbrögð við fæðingu fatl-
aðs barns og fyrstu árin í skóla-
kerflnu, þ.e. leikskólana.
„Ég kem inn í þetta sem sér-
fræðingur í leikskólamálum.
Leikskólinn gegnir mikilvægu
hlutverki því í leikskóla eru
börnin í mótun og þar myndast
fyrstu viðhorfin. Par er lagður
grunnur að áframhaldandi
menntun og þátttöku í samfé-
laginu."
Nú, þegar vinnufundunum er
lokið, hefur verið gefln út ítar-
leg skýrsla á sjö tungumálum
þar sem ijallað er um fyrstu að-
gerðir eða inngrip þegar for-
eldrar eignast fötluð börn.
„Hvað gerist þegar barn fæðist
fatlað eða hver eru fyrstu við-
brögð gagnvart fötluðu barni?“
Ingibjörg segir að það sé
nauðsynlegt að sjá hvaða stefnu
önnur lönd hafa tekið og að
vinnufundirnir hafi aukið sam-
skiptin milli landanna og aukið
á umræðuna um málefni fatl-
aðra. „Þegar ég byrjaði var
minn hópur búinn að starfa í
tvö og hálft ár. ísland og Noreg-
ur komu inn í þetta verkefni í
vor og þá sem áheyrnarfldltrú-
ar.“
Stöndumst
samanburð
Á Akureyri eru 29 börn sem
þurfa stuðning á leikskólum.
Ingibjörg segir að ísland og
Norðurlandaþjóðir almennt
standi sig vel í blöndun fatlað-
ara og ófatlaðra í leikskólum og
séu þar langt á undan mörgum
Evrópuþjóðum.
„Sumir virðast
halda að blöndun sé
náð þegar barnið er
komið á almennan
leikskóla enda þótt
það eyði megninu
af deginum í sér-
þjálfun. Með slíku
fer barnið á mis við
það sem leikskólinn
hefur upp á að
bjóða.“
„Á sviði leikskólamála þá
byrjaði t.a.m. blöndun fatlaðra
barna inn á leikskóla fyrir 20
árum hér á Akureyri. Sum stað-
ar í Evrópu og reyndar víðar í
heiminum eru sérskólar fyrir
fötluð börn enn ríkjandi en nú
er mikill áhugi fyrir því í Evr-
ópu að innleiða blöndun í
menntakerfinu og það er eitt
aðal markmiðið í þessari áætl-
un.“
Og Ingibjörg segist tiltölulega
sátt við það sem er að gerast í
þessum málum hér heima. „Ég
er ekki að segja að við séum
búin að ná þeim árangri sem
við þurfum að ná því auðvitað
þarf frekari hugarfarsbreyting
að koma til. Fordómar eru
langt frá því að vera úr sögunni
þótt mikill árangur hafi náðst á
undanförnum árum. Blöndun
er ekki bara það að setja barnið
inn á leikskóla með einhvern
sérfræðing til aðstoðar. Blöndun
er að barnið taki þátt og sé með
hinum börnunum og það sé
ekki verið að beina athyglinni
að því sem er að, heldur hinu
sem barnið getur gert og haft
gaman af. Sumir virðast halda
að blöndun sé náð þegar barnið
er komið á almennan leikskóla
enda þótt það eyði megninu af
deginum í sérþjálfun. Með slíku
fer barnið á mis við það sem
leikskólinn hefur upp á að
bjóða.“ -mar
Már
Karlsson
skrifar
Merkisdagur í sögu Djúpavogs
13. nóvember 1996
Miðvikudaginn 13. nóv-
ember s.l. var efnt til
formlegrar opnunarhá-
tíðar á Ráðherrastofu Eysteins
Jónssonar í Löngubúð á Djúpa-
vogi. Hátíðarhöldin hófust kl.
16:00 og báru upp á 90 ára af-
mælisdag Eysteins Jónssonar.
Um það leyti sem gesti bar að
garði braust miðdegissólin fram
úr þunnum skýjabökkum og
varpaði litskrúðugum geislum
sínum yfir spegilsléttan Beru-
íjörðinn. Búlandstindurinn var
klæddur léttum vetrarbúningi
og varpaði mildri orku yfir
byggðina. Engu líkara var en
þeir bræður séra Jakob og Ey-
steinn frá Hrauni væru komnir
til metorða hjá æðri máttar-
völdum, sem gerðu hina ytri
umgjörð þessarar hátíðarstund-
ar jafn tilkomumikla og raun
bar vitni.
Halldór Ásgrímsson utanrík-
isráðherra, formaður Fram-
sóknarflokksins og arftaki Ey-
steins Jónssonar í pólitík, ílutti
ávarp. Hann bauð gesti vel-
komna og þakkaði aðstandend-
um Eysteins og frú Sólveigar
Eyjólfsdóttur fyrir þá rausnar-
legu gjöf og þá tryggð sem þeir
sýna íbúum Djúpavogshrepps
og öðrum Austfirðingum með
þessu mikla framtaki sínu með
opnun Ráðherrastofu Eysteins
Jónssonar í Löngubúð.
Aðstandendur Eysteins og
frú Sólveigar ijölmenntu austur
á Djúpavog við þessa virðulegu
athöfn, þrátt fyrir lokun hring-
vegarins á Skeiðarársandi. Eyj-
ólfur Eysteinsson flutti ávarp
fyrir þeirra hönd. Hann rakti
aðdraganda þessa máls og
kynnti myndskreyttan upplýs-
ingabækling prentaðan í lit,
sem ber yfirskriftina „Ráð-
herrastofa Eysteins Jónssonar".
Forseti íslands, herra Ólafur
Ragnar Grímsson, og kona
hans, frú Guðrún Katrín For-
bergsdóttir, voru viðstödd at-
höfnina. Forsetinn flutti ávarp
og minntist athafna- og stjórn-
málamannsins Eysteins Jóns-
sonar og þeirrar traustu vin-
áttu, sem ríkt hafði alla tíð milli
konu sinnar, Guðrúnar Katrín-
ar, og fjölskyldu þeirra hjóna
Eysteins og Sólveigar.
Vilhjálmur Hjálmarsson, f.v.
bóndi, alþingismaður og ráð-
herra frá Brekku í Mjóafirði, lét
sig ekki vanta við þetta tæki-
færi. Hann steig í ræðustól
hress að vanda og flutti
skemmtilegt mál um vin sinn og
samferðamann, Eystein Jóns-
son.
Að ávörpum loknum var
Ráðherrastofan formlega opnuð
af forseta íslands og Sigríði Ey-
steinsdóttur. Kirkjukór Djúpa-
vogs söng milli atriða og lesnar
voru upp kveðjur og árnaðar-
óskir í tilefni dagsins. Þessari
vel heppnuðu athöfn, sem um
170 manns sóttu, lauk með
kaffisamsæti í Löngubúð í boði
Djúpavogshrepps. Kvenfélagið
Vaka á Djúpavogi sá um kaffi-
veitingar.
Um klukkan 19:00 fóru gest-
ir að tygja sig til brottfarar.
Framundan var langt og
strangt ferðalag hjá þeim sem
lengst voru komnir, bæði í rútu-
bflum og flugvélum. Fyrir stafni
Löngubúðar hékk íslenski fán-
inn í kvöldhúminu, logni og 5
stiga hita. Langabúð liafði náð
sínum gamla sjarma með nýtt
hlutverk í framtíðinni. 13. nóv-
ember verður skráður merkis-
dagur í sögu Djúpavogs.