Dagblaðið Vísir - DV - 24.04.1982, Qupperneq 18

DAGBLAÐIÐ & VÍSIR. LAUGARDAGUR 24. APRÍL 1982.
Sérstæð sakamál — Sérstæð sakamál — Sérstæð sakamál — Sérstæð sakamál — Sérstæð :
FALL FIFLDJARFA
FLUGMANNSINS
Afgreiðslustúlkan i gestamóttökunni
i Carriage House Motel ó eystri borgar-
mörkum Lubbock Texas leit upp frá
vinnu sinni og virti fyrir sér hávaxna,
granna konu með sitt, slegið ljóst hár
en hún nálgaðist afgreiðsluborðið.
„Get ég aðstoðað yður?” spurði af-
greiðslustúlkan.
,,Ég þarf á herbergi að halda til einn-
ár nætur,” svaraði konan.
Þegar konan hafði skráð nafn sitt
sem R. Grier i gestabókina afhenti af-
greiðslustúlkan henni lykil að herbergi
910. Siðan kvittaði hún fyrir móttöku
skráningarinnar með upphafsstöfum
sinum og dagsetningunni, 5. nóvember
1980.
Hinn nýskráði hótelgestur gekk nú út
úr hótelafgreiðslunni og um leið varð
afgreiðslustúlkunni litið á klukkuna í
afgreiðslunni. Hún var hálf ellefu.
„Aðeins hálftími eftir af vaktinni,”
muldraði afgreiðslustúlkan með sjálfri
sér.
Þremur dögum síðar um klukkan
hálf tvö aðfararnótt 8. nóvember voru
tveir unglingspiltar að stelast til þess að
leika sér með riffll sem annar þeirra
hafði tekið ófrjálsri hendi heiman að
frá sér. Þeir gættu þess vei að halda sig
vel utan við alfaraleið svo ekki heyrðist
til þeirra og upp kæmist um athæfið.
Til þess að geta verið vissir um að
verða óáreittir óku þeir til gamallar
kalksteinsnámu sem var um tíu kíló-
metra fyrir utan Lubbock og hafði ekki
verið starfrækt í mörg ár. Eftir að hafa
hleypt af nokkrum skotum af handa-
hófi ákváðu piltarnir að finna sér gott
skotmark sem þeir gætu reynt hæfni
sína á. Þeir höfðu ekki gengið lengi
þegar þeir snarstönzuðu og stóðu um
stund sem frosnir í sömu sporum. 1
grunnri gryfju rétt við fætur þeirra lá
maður samanhnipraður eins og hann
væri að skýla sér gegn næturkuldanum.
Nánari athugun piltanna leiddi í ljós að
maðurinn var látinn og hafði verið um
tíma.
Skelfingu lostnir piltarnir stein-
gleymdu með öllu að iðja þeirra varð-
aði við lög og þutu eins og fætur tog-
uðu aftur til bílsins og óku i loftinu á
næstu lögreglustöð. Þar tilkynntu þeir
varðstjóra um hinn óhugnanlega fund í
námunum.
Sveitir lögreglumanna voru brátt
komnar á staðinn. Svæðið var girt af
um leið og í ljós kom að grunur pilt-
anna hafði verið á rökum reistur. Mað-
urinn hafði verið myrtur. Hann hafði
verið skotinn að minnsta kosti tveimur
skotum, einu sinni í höfuðið og einu
sinni í brjóstið. Báðar kúlurnar höfðu
komið frá vinstri og verið skotið af
stuttu færi.
Maðurinn virtist vera um þrítugt
með mikið dökkt hár og skrautlegt yfir-
varaskegg. Einkum varð lögreglu-
mönnunum starsýnt á klæðaburð
mannsins. Hann var klæddur í smók-
ing en í stað hinnar hefðbundnu
smókingskyrtu var hann í köflóttri lit-
skrúðugri vinnuskyrtu og á ská yfir
andlit hans héngu sólgieraugu þeirrar
gerðar sem flugmenn nota í starfi sínu.
í vösum hins myrta fundust ýmis
gögn. Þar á meðal ökuskírteini i nafni
Richard Grier Lester með mynd af hin-
um látna, einnig atvinnuflugmanns-
skírteini skráð á sama nafn og flug-
rekstrarleyfi i Bandarikjunum og Saudi
Arabíu. Úr vösunum kom einnig lítil
vasabók með fjölda símanúmera og að
lokum lykill að herbergi 910 í Carriage
House Motel.
Að krufningu lokinni var því lýst yfir
að Lester hefði látizt af skotsárum.
Hlaupvídd morðvopnsins hefði verið
.38 eða .357. Kúlunni sem hafði verið
skotið í höfuð Lesters hafði verið
hleypt af úr minna en hálfs metra fjar-
lægð og hafði hún farið í gegnum
höfuðið. Þeirri kúlu hafði greinilega
verið hleypt af fyrst því að síðari kúlan,
sem hafði verið skotið af örfárra senti-
metra færi, hafði farið inn um brjóstið
og síðan niður í líkamann, líkast því að
morðinginn hefði í fáti hleypt af öðru
skoti þegar líkami Lesters féll í átt til
hans eftir fyrsta skotið.
Staðsetning kúlnanna benti til þess
að morðinginn hefði setið við hlið Lest-
ers þegar skotunum var hleypt af og
samankreppt staða líksins benti til þess
að líkinu hefði þegar eftir morðið verið
troðið á einhvern þröngan stað eins og
t.d. farangursgeymslu bifreiðar. Því
hefði líkið stirðnað á þennan einkenni-
lega hátt. Líkskoðarinn sagði morðið
hafa verið framið tveimur til tveimur
og hálfum sólarhring áður en líkið
fannst. Þar af leiðandi hlaut morðið að
hafa verið framið annað hvort siðla
dags 5. nóvember eða mjög snemma
morguns hinn 6.
Nú lögðu rannsóknarlögreglumenn-
irnir leið sina til hótelsins sem Lester
hafði verið skráður á. Það var ekki
löng skoðun sem leiddi í ljós að þó svo
R. Grieger hefði verið skráður sem bú-
andi á herbergi 910 þá hafði hann
aldrei dvalið þar. í herberginu var
ýmislegt af eigum Lesters, ferðatösk-
ur, fatnaður og skjöl og meira að segja
1.500$ í peningum. Töskurnar lágu
opnar en við engu hafði verið hreyft
hvorki farangrinum né nokkru í her-
berginu sjálfu.
Afgreiðslustúlkan skýrði frá því við
yfirheyrslu að hún hefði aldrei séð kon-
una nema þetta eina sinn þegar hún
skráði R. Grier inn á hótelið. Ekki
hefði hún heldur séð neinn karlmann í
fylgd með konunni. Enginn á hótelinu
hafði orðið var við að farið væri með
farangur inn á herbergi 910.
Greinilegt var að lögreglan komst
ekki nær lausn málsins á þessari braut.
Næst lá þá fyrir að afla upplýsinga um
manninn Richard Grier Lester. Hver
var hann, hver var ferill hans og hverja
hann hafði umgengizt. í skjölum hins
látna kom fram að hann bjó í Spice-
wood, smábæ rétt fyrir utan höfuð-
borgina Austin í Texas. Þar rak hann
eigið fyrirtæki sem hafði leiguflug með
höndum.
Tveir rannsóknarlögreglumenn
gerðu sér ferð til Spicewood og tóku
Vernon Gilmore og Samantha Davidson í fylgd lögreglukonu á flugvellinum I Lubbock eftir handtöku þeirra við landamœri Kanada.