Dagblaðið Vísir - DV - 07.03.1986, Blaðsíða 8

30
DV. FÖSTUDAGUR 7. MARS1986.
Myndbönd - Myndbönd - Myndbönd - Myndbönd - Myndbönd
Hæðst að hetjum vestursins
BLAZING SADDLES.
Leikstjóri: Mel Brooks.
Handrit: Mel Brooks, Norman Steinberg,
Andrew Bergman, Richard Pryor, Alan
Uger.
Aðalhlutverk: Gleavon Little, Gene Wild-
ero.fi.
Öllum leyfð
Ég sá þessa í Austurbæjarbíói á
unga aldri og hló mig alveg vitlaus-
an. Blazing Saddles er líka án efa
með betri gamanmyndum sem
gerðar hafa verið.
Persónulega fínnst mér þó The
Producers, sem Brooks gerði 1967,
vera besta mynd hans. Hvað um
það. I þessari skopstælingu á vestr-
um Hollywoodveldisins er engu
eirt. Sögusviðið er smábær í Tex-
axs. Ófyrirleitinn embættismaður
fylkisins reynir að sölsa undir sig
bæinn til að geta lagt járnbraut þar
sem hann stendur. Hann beitir
ýmsum brögðum við að reyna að
flæma fólkið burt en allt kemur
fyrir ekki. Loks bregður hann á það
ráð að skipa svartan mann lög-
reglustjóra í bænum og þá fer fyrst
að hitna í kolunum.
í Blazing Saddles er Mel Brooks
ekki aðeins að hæðast að vestrum.
Hann tekur líka fyrir kynþáttafor-
dóma. Árið 1974 voru negrar að
brjótast til frama í heimi kvik-
myndanna og það gekk aldeilis
ekki andskotalaust. Hér lætur
Brooks fordóma áhorfenda speglast
í viðhorfum bæjarbúa til svarta
lögreglustjórans. Stjóri gengur um
bæinn og býður eldri konu góðan
daginn. „Fjandans surtur, farðu í
rass og rófu! Ef ég væri ekki svona
gömul skyti ég þig sjálf,“ er svarið.
Það eina sem er að þessari mynd
er hve húmorinn er óagaður. Hand-
ritið er skrifað af fimm einstakling-
um og brandararnir eru hver úr
sinni áttinni - flestir að vísu góðir
en heildarmyndin raskast veru-
lega. Atriði, eins og leikur stjór-
hljómsveitar Count Basie á miðri
sléttunni, þjóna engum tilgangi.
Slík smáatriði skipta þó engu
máli þegar allt kemur til alls. Blaz-
ing Saddles er fyrir löngu orðin
sígild. Marga fýsir vafalaust að
endurnýja gömlu kynni.
-ÞJV
★★★
Sóló heyr þriðja stjömustríðið
Return of the Jedi.
Leikstjóri: Richard Marquand.
Handrit: Lawrence Kasdan, George
Lucas. |
Aðalhlutverk: Mark Hamill, Harrison
Ford, Carrie Fisher.
Öllum leyfö.
Umboðsmenn CBS/FOX hérlend-
is hefja útgáfu á myndum fyrirtæk-
isins með þriðju stjörnustríðs-
myndinni.
Return of the Jedi er, eins og fyrri
myndirnar tvær, byggð á sögu
George Lucas. Eitthvað hefur karl
verið orðinn hugmyndalítill því hér
hefur hann fengið leikstjórann
Lawrence Kasdan til að skrifa með
sér handritið. Engar breytingar
hafa orðið á sögunni þrátt fyrir
það. Han Sóló (Hans Oli) á sem
fyrr í höggi við hlunkinn Jabba og
.hjálpar uppreisnarmönnum í bar-
áttunni við Svarthöfða og keisar-
ann.
Það er ekki annað hægt að segja
en að þessar stjörnustríðsmyndir
Lucasar hafi slegið í gegn. í kjölfar
þeirra komu svo fram fleiri myndir
þar sem furðuskepnur ýmiss konar
voru í aðalhlutverkum. ET og nú
síðast Gremlins eru góð dæmi um
það.
Allar hafa þessar myndir notið
fádæma vinsælda hjá börnum.
Myndin Mjallhvít og dvergarnir
sjö er líkast til orðin úrelt á tölvu-
öld. Ég er því illa svikinn ef Return
of the Jedi verður ekki rifin út af
leigunum. Hæfilegur hryllingur,
spenna og Harrison Ford segir
hrandara inn á milli. Svo eru
tæknibrellurnar hreinasta augna-
yndi.
-ÞJV
★★★
Coppola og klíkurnar
The Outsider/Rumble Fish.
Leikstjóri: Francis Coppoia.
Báðar byggðar á sögum S.E. Hinton.
Aðalhlutverk: Matt Dillon, Ralph Macch-
io, Mickey Rourke o.fl.
Bannaðar börnum.
Langflestar síðustu mynda Fran-
cis Ford Coppola hafa verið fáan-
legar á myndbandaleigum. Fræg-
ust er vitaskuld Apocalypse now,
stórmynd í orðsins fyllstu merk-
ingu, og fast á hæla henni kemur
Cotton Club.
Ekki hefur farið jafnmikið fyrir
myndunum Outsiders og Rumble
Fish. Þær eru ekki síst merkilegar
fyrir þær sakir að báðar íjalla um
lík málefni. Kannski engin tilviljun
þar sem myndirnar eru byggðar á
sögum eftir einn og sama höfund-
inn, S.E. Hinton.
Coppola tekur hér til umfjöllunar
klíkur, samansafn drengja sem
snúast gegn hefðum og reglum
þjóðfélagsins. Barnalegt og ekki til
neins er niðurstaða beggja mynd-
anna.
Fleira er sameiginlegt. Matt Dill-
on leikur aðalhlutverkin í báðum
myndunum og má segja að hlut-
verkin séu nákvæmlega eins. Árás-
argjarn töffari sem ber ekki virð-
ingu fyrir neinu. Félagar hans
labba til hans í upphafi Outsiders:
„Hæ, Dal, hvað eigum við að gera
i dag? Ekkert löglegt maður... “
Ef myndirnar sjálfar eru bornar
saman hefur Rumble Fish vinning-
inn. í Outsiders segir frá drengjum
sem drepa pilt í klíkubardaga. Þeir
flýja út í óbyggðir og hafast við í
gamalli kirkju. Þangað koma
skólabörn, það kviknar í kirkjunni
og strákarnir bjarga börnunum.
Myndin fer vel af stað en það
dofnar mjög yfir seinni hlutanum.
Mickey Rourke í hlutverki Stanleys
White í Year of the Dragon. Hann
leikur mótorhjóladrenginn í
Rumble Fish.
Coppola virðist missa tökin á efn-
inu og endirinn er gömul klisja.
Rumble Fish fjallar um bræðurna
Rusti-James (Dillon) og Motorcyc-
le Boy (Mickey Rourke). Báðir til-
heyra klíku hverfisins, Mótor-
hjóladrengurinn er ókrýndur for-
ingi sem Rusti-James stendur í
skugganum af. Hann dreymir um
að verða eins og eldri bróðirinn og
reynir að líkjast honum í flestu.
Rumble Fish er mjög áhrifamikil
mynd sem sýnir flesta kosti Copp-
ola sem leikstjóra. Myndin er í
svart/hvítu og er myndmálið nýtt
til fullnustu. Það sem þó ber af
öðru er snilldarleikur Mickeys
Rourke í hlutverki mótorhjóla-
drengsins. Eftir hlutverk Rourkes
í þessari mynd var stutt í frægðina
sem honum hlotnaðist í Year of the
Dragon.
Þó að Outsiders og Rumble Fish
séu nokkuð misjafnar að gæðum
skera þær sig úr hópi annarra
unglingamynda. Coppola hefur
sinn sérstaka stíl og hann kann svo
sannarlega sitt fag.
-ÞJV
★★★
KÖLSKILEGGUR NET SÍN
Oh God! You Devil.
Leikstjóri: Paul Bogart
Handrit: Andrew Bergman.
Aöalhlutverk: George Burns, Ted Wass,
Ron Silver.
Bönnuð innan 12 ára.
Bobby Shelton hefur árum saman
dreymt um að slá í gegn sem söngv-
ari. Eftir vonbrigði á vonbrigði
ofan ákallar hann kölska. Vita-
skuld tók Bobby bara svona til orða
í örvætningu sinni en djöfullinn
tekur hann á orðinu. Hann birtist
í gervi umboðsmannsins Harrys
.Tophet og býðst til að sjá um öll
mál Bobbys. Og viti menn. Gæfu-
hjólið fer heldur betur að snúast
Bobby í hag.
En kölski vill fá greiðann launað- -
an. Þegar Bobby uppgötvar að
hann þarf að greiða fyrir framann
með sálu sinni fyllist hann aftur
örvætningu. Að þessu sinni ákallar
hann guð og himnafaðirinn bregst
skjóttvið.
Frægust þeirra gamanmynda þar
sem skilunum milli lífs og dauða
hefur verið eytt er án efa Heaven
Can Wait. Hún fjallaði um íþrótta-
kappa (Warren Betty) sem deyr í
slysi og neitar að fara til himna.
í þessari mynd eru það aftur á
móti guð og kölski sem togast á
um sál söngvarans Bobbys. George
Bums leikur báða þessa höfðingja
og er óhætt að segja að sá gamli
fari á kostum. Handrit Andrews
Bergman hefur líka að geyma mörg
hnyttin tilsvör sem flest eru lögð
himnaföðurnum og myrkrahöfð-
ingjanum í munn. Ted Wass fær
þvi úr minna að moða í hlutverki
Bobbys. Hann leikur hér svipaða
rullu og í Löðurþáttunum marg-
frægu. Vandræðaleg svipbrigði og'
heimskulegar athugasemdir er
nokkuð sem hann kann upp á sína
tfu fingur.
Sem gamanmynd er Oh, God! You
Devil ágæt. Áður hefur verið
minnst á skemmtileg tilsvör og eins
er í myndinni fjöldinn allur af
smellnum atriðum. Hápunkturinn
er þegar guð og kölski spila póker
um sálu Bobbys og guð vinnur á
„blöffi" - alveg bráðfyndið.
-ÞJV
V*I*N*S*Æ*L*D*A*L*I*S*T*A*R
DV-LISTINN
MYNDIR:
1 (2) Mask
2 (4) Birdy
3 (1) Rambó
4 (3) The Emerald Forest
5 (7) Returnofthe Jedi
6 (8) Holocroft Convent
7 (6) The Mean Season
8 (-) Oh, God! You Devil
9 (9) Missing in Action 2
10 (-) CutandRun
DV-LISTINN
ÞÆTTIR:
1 (3) Death in California
2 (1) Siam
3 (2) Til lífstíðar
4 (4) Erfinginn
5 (5) Mannaveiðarinn
6 (6) KaneandAble
7 (8) Hitlers
8 (7) Dempsey and Makepeace
9 (9) Widows2
10 (10) FalconCrest
BANDARÍKIN
(sölulisti):
1(1) Rambó
2(2) Prizzi’sHonor
3(3) Mask
4(5) Mad Max beyond Thunder-
dome
5 (6) St. Elmos Fire
6(4) Beverly Hill Cop
7(7) Gremlins
8(8) PaleRider
9(9) Ghostbusters
10 (10) The Emerald Forest
BRETLAND
TÓNLISTARMYNDBÖND
1(1) The VirginTour-Madonna
2(3) Motown25-Ýmsir
3(6) The Super Bowl Suffle - Chicago Sufflin Crew
4(5) The Beatles Live
5 (4) LiveafterDeath-lronMaiden
6(8) Wham!TheVideo
7(7) NoJacketRequired-PhilCollins
8(2) Prince and the Revolution Live
9 (12) The Best of Elvis Costello
and the Attractions
10 (-) JohnLennonLiveinNewYork