Dagblaðið Vísir - DV - 15.08.1986, Qupperneq 8

30
FÖSTUDAGUR 15. ÁGÚST 1986.

4
♦
Mynd-f
bönd
Umsjón:
Þorsteinn J.
Vilhjálmsson
\v j
Þar kom að því að kúrekanaglar
vestursins veltu Undrasteininum úr
efsta sæti myndalistans. Undrið er
nú i öðru sæti og Salvador situr sem
fyrr í þvi þriðja. Eye witness færir
sig upp um fjögur sæti, úr níu í fimm.
Eina nýja myndin á listanum er stór-
mynd Hugh Hudson, Revolution.
Hún fer beint í tíunda sætið. Fleiri
nýliðar bíða átekta í næstu sætum
þar fyrir ofan. Á þáttalistanum er röð
tveggja efstu raða óbreytt. Sjö sjálf-
stæðir lögregluþættir, Police in
action, skjótast beint í þriðja sætið.
Heiti þeirra segir allt um innihaldið.
Að þessu sinni er breska vinsældar-
listanum brugðið upp. Allar mynd-
irnar á honum ættu að koma
kunnuglega fyrir sjónir landans.
Eins og er sitja Grallararnir í efsta
sætinu og aðrar fígúrur, Gremlins,
færast upp um fjögur sæti. Spielberg
þekkir engin landamæri.
-ÞJV
Hlátur og grátur
Myndhöggvarinn Ken (Dreyfuss) lamast upp að hálsi. Hann kýs að
deyja fremur en að liggja ævilangt á sjúkrahúsi.
DV listinn
Myndir
1. (2) Silverado
2. (1) Cocoon
3. (3) Salvador
4. (4) Goonies
5. (9) Eye Witness
6. (6) Lady Hawke
7. (7) The Sure Thing
8. (8) Weird Science
9. (5) Sweet Dreams
10. (-) Revolution
Þættir
1. (1) lf Tomorrow Comes
2. (2) The Twilight Zone
3. (4) Blood and Orchids
4. (-) Police in Action
5. (3) Umsátrið
6. (5) Feigðarsýn
7. (8) Kane and Able
8. (6) Moonligthing
9. (10) Jack Holborn
10. (7) Alice in Wonderland
Bretland
1. (1) Goonies
2. (2) Mad Max 3
3. (5) A Nigthmare on Elm Street
4. (4) Cocoon
5. (3) Police Academy 2
6. (8) Witness
7. (11) Gremlins
8. (13) Best Defence
9. (6) Weird Science
10. (9) Fletch
WHOSE LIFE IS IT ANYWAY?
Framleiðandl: Lawrence Bachmann.
Handrlt: Brian Clark, Reginald Rose.
Leikstjóri: John Badham.
Aðalhlutverk: Richard Dreyfuss.
Öllum leyfð.
„Er þetta ekki mitt líf?“ Sannar-
lega samviskuspurning. Gestir
Leikfélagsins stóðu einmitt frammi
fyrir henni þegar þetta leikrit
Brian Clark var sýnt í Iðnó fyrir
nokkrum árum. Nú er þessi kvik-
mynd, sem gerð var eftir leikritinu
1981, komin út á myndbandi.
1 aðalhlutverkinu er Richard
Dreyfuss sem sást síðast í myndinni
Down and out in Beverly hills. Ken
Harrison leikur Dreyfuss, miðaldra
myndhöggvara sem lendir í bíl-
slysi. Hann lamast upp að hálsi og
álítur að þar með sé lífi sínu lokið.
Hann ákveður að deyja og hefur
baráttu sína fyrir að fá vilja sínum
framgengt. En það gengur ekki
andskotalaust þar sem læknarnir
eru ekkert á því að leyfa sjúklingn-
um að ráðskast þannig með líf sitt.
Whose life is it anyway er í senn
brosleg og átakanleg mynd. Gálga-
húmorinn er allsráðandi og sjálfur
er Ken þar fremstur í flokki. En á
bak við grímuna er maður sem ger-
samlega er búinn að gefast upp.
Ken getur ekki framar sinnt ævi-
starfi sínu og sér fram á að liggja
á sjúkrahúsi til æviloka. En kerfið
leyfir honum ekki að deyja. Lækn-
ar sverja jú að gera allt sem í þeirra
valdi stendur til að bjarga manns-
lífum. Hér er því erfitt um vik.
Myndin er ekki síst aðdáunar-
verð fyrir frábæran leik. Dreyfuss
leikur aðalpersónuna, Ken, af
miklu öryggi og er túlkun hans á
vonleysi sjúklingsins beinlínis
ógnvekjandi. Ken fær vilja sínum
framgengt í lokin en víst er að ekki
eru allir sáttir við þau endalok.
Við spumingunni stóru, um yfirr-
áðarétt hvers og eins yfir lífi sínu,
er nefnilega ekki til neitt einhlítt
svar.
---------—
★★★
Glímt við elli kellingu
ON GOLDEN POND
Framleiöandi: Bruce Gilbert
Handrit: Ernest Thompson
Leikstjórn: Mark Rydell
Aóalhlutverk: Katharine Hepburn, Henry
Fonda
Öllum leyfð
On golden pond var gerð 1981
þegar myndir um mannlegar til-
finningar voru í hvað mestri
útrýmingarhættu í Hollywood.
Handritshöfundurinn Ernest
Thompson glímir hér við ellikell-
ingu og fær í lið með sér tvær
aldraðar, en skærar Hollywood-
stjörnur. Henry Fonda leikur
Norman Thayer, áttræðan karl sem
getur ekki sætt sig við þá hrömun
sem fylgir ellinni. Hepburn leikur
konu hans, Ethel, sem tekur öllu
sem að höndum ber með jafnaðar-
geði, jafnvel óþolandi geðillsku
eiginmanns síns. Hjónkornin
hreiðra um sig sumarlangt í sumar-
bústað sínum við Gulltjörn. Við
sögu kemur jafnframt dóttir þeirra
hjóna og ungur piltur, Billy að
nafni.
Úr þessu öllu sýður Thompson
saman sögu um gamlan geðillan
karl sem nær að sætta sig við hlut-
skipti sitt með aðstoð ungs drengs.
Leikstjórinn Mark Rydell nær að
halda vel utan um þetta viðkvæma
viðfangsefni. Af þeim sökum ber
On golden pond tilfinningar áhorf-
andans aldrei ofurliði. Hún er
einfaldlega falleg mynd, stórkost-
lega leikin, og boðskapur hennar
er algildur hvar og hvenær sem er.
★★*
Tapað - fundið
LOST IN AMERICA
Framleiöandi: Marty Katz.
Handrit: Albert Brooks, Monica Johnson.
Leikstjórn: Albert Brooks.
Aðalhlutverk: Albert Brooks, Julie Ha-
gerty.
Öllum leyfö.
Á miðjum aldri ákveður David
Howard að hefja leit að sjálfum
sér. Hann og frúin selja allar eigur
sinar og kaupa sér húsbíl. Síðan
leggja þau upp í sögulega ferð um
Bandaríkin. Eftir brösótta leit að
lífshamingjunni snúa þau hjón aft-
ur til New York og ákveða að
hamingjuna geti alveg eins verið
að finna við túngarðinn heima.
Hér er við stjómvölinn Albert Bro-
oks, sem er kunnur gamanleikari í
Bandaríkjunum. Brooks er greini-
lega hæfileikaríkur á sínu sviði en
færist í þessu tilviki heldur mikið
í fang. Hann hefði til dæmis átt að
láta öðrum eftir leikstjórnina. Aft-
ur á móti verður ekki frá honum
tekið að handrit hans og Monicu
Johnson skartar ýmsum bráð-
fyndnum atriðum og Brooks á
sjálfur ágæta spretti í hlutverki
Davids hins ólánsama. Sömu sögu
má segja um Julie Hagerty sem lék
svo eftirminnilega örvingluðu flug-
freyjuna í Airplane myndunum.
Hún notar hér svipaða takta en
hættir því miður nokkuð til að of-
leika.
í heild er Lost in America ágætis
gamanmynd. Undir niðri er deilt á
velferðarþjóðfélagið í vestri, þar
sem mörgum gengur afskaplega illa
að fóta sig.
WVRNER HOME VÐEO
ALBERI JULI6
BROOKS HAGERTY
A dovm lo eaifh comedy
Btt«111«IXlUfNtHmiAHtf, V'rilWAMHWiA" AjKWfiDOOttS
JUtt-HMKMV 5 NMM te<T1«.*JuírV»'Y
ÍWC TMm*H Mtw;r>yAmtaR?AWKW15TfW WWnntY/UFSFlfDOOKSA
h/n:m.f* ioi»wc*r Pmuní.i»it^MAWv xat? f wtu-4(ki t»r f*itn gwx'r',
+i
Misheppnuð bylting
REVOLUTION
Framleiöandi:lrwin Winkler
Handrit:
Robert Dillon.
Leikstjóri: Hugh Hudson.
Aðalhlutverk: Al Pacino, Donald Sut-
herland, Nastassja Kinski.
Bönnuö yngri en 16 ára.
Eftir að hafa horft á Revolution
kemur manni helst í hug „stór-
myntf“ Ciminos, Heavens gate.
Þessi mynd Hugh Hudson sver sig
ákaflega í ætt við það flopp.
í Revolution er samt allt til alls.
Frægir leikarar, stórkostleg leiktj-
öld og tilkomumiklar bardagasen-
ur. Þrátt fyrir það líður myndin
áfram átakalaust, eins og sónn í
síma. Barátta skinnsölumannsins
Tom Dobb (Pacino) fyrir frelsi sínu
og sonar síns, snertir áhorfandann
ekki vitund. Því síður nær hin al-
menna barátta fyrir frelsi banda-
rísku þjóðarinnar að vekja einhver
viðbrögð. Manni stendur nákvæm-
lega á sama.
Ástæðurnar fyrir kæruleysi áhorf-
andans eru margvíslegar. Sú
veigamesta er vafalaust að reynt
er að segja sögu eins manns fremur
en að lýsa byltingunni nákvæm-
lega. Þessi einstaka saga er ákaf-
lega laus í reipunum og nánast
ótrúleg á köflum. 1 ofanálag mis-
tekst Pacino gjörsamlega að glæða
aðalpersónuna einhverju lífi. Þeg-
ar svo er komið er ljóst að þessi
byltingartilraun hefur mistekist
hrapallega. Bandaríkin öðluðust
að vísu sjálfstæði en hér stendur
ekki steinn yfir steini.