Dagblaðið Vísir - DV - 05.06.1987, Blaðsíða 3

FÖSTUDAGUR 5. JÚNÍ 1987.
21
Einkunnarorð dómnefndar i Sviþjóð um myndina voru: Einföld, kraftmik-
il, öguð. En hér er átt við Hrafninn flýgur sem verður á sjónvarpsskjánum
á laugardagskvöldið.
Sjónvaipið laugardag kl. 21.50:
Hrafninn flýgur
Meistaraverk Hrafns Gunnlaugssonar, Hrafninn flýgur, verður sýnt
alþjóð í sjónvarpinu á laugardagskvöld en á undan myndinni verður
spjall við leikstjórann. Sem kunnugt er vakti „Hrafninn" alþjóðlega at-
hygli þegar kvikmyndin var sýnd á aðaldagskrá kvikmyndahátíðarinnar
í Berlín 1984. Dómnefnd hátíðarinnar gaf henni í hvívetna lofsamlega
dóma á borð við „Extraordinary filmmaking" sem var í ritdómi Variety.
Var hún á aðaldagskrá kvikmyndahátíða allt frá Montreal til Tokyo.
Hrafninn flýgur var gerð í samvinnu íslendinga og Svía og kom til
álita við gullverðlaunaveitingu Sænsku akademíunnar árið 1985. Sænska
kvikmyndaakademían veitti Hrafni Gunnlaugssyni „gullbjölluna" fyrir
Hrafninn, sem er æðsta viðurkenning sem Svíar veita á sviði kvikmynda-
leikstjórnar.
Um þessar mundir er myndin komin á markað í Bandaríkjunum í nokk-
uð breyttri mynd og nefnist „The Revenge of the barbarians".
Sjónvarpið laugardag og sunnudag:
Jamaíkakrám
- ný bresk sjónvarpsmynd
Jamaíkakráin eða Jamaica Inn
er skáldsaga sem margir ættu að
kannast við. Hún er eftir Daphne
du Maurier og hefur komið út á
íslensku. Ný bresk sjónvarpsmynd
gerð eftir sögunni verður sýnd í
sjónvarpinu á laugardag kl. 23.50
og sunnudag kl. 22.00. Ekki eru
leikararnir af verri endanum en
það eru þau Jane Seymour, Patrick
McGoohan, Trevor Eve, John
McEnerey, Billie Whitelaw og Pet-
er Vaughan.
Sagan gerist á öldinni sem leið.
Ung stúlka fær athvarf hjá skyld-
mennum sem búa á eyðilegum stað
úti við hafið. Þar eru framin
myrkraverk sem söguhetjan fær
veður af og eftir það er líf hennar
í hættu.
Mary (Jane Seymour) og Francis
Davey (John McEnerey) i hlutverk-
um sinum i Jamikakránni.
Stöð 2 laugardag kl. 19.00:
Lucy Ball
snýr aftur
I sumar mun Stöð 2 sýna
þætti Lucille Ball vikulega, í
þáttum sem nefnast einfaldlega
Lucy Ball Show. Hún er okkur
að góðu kunn úr þáttum sem
voru á dagskrá ríkissjónvarps-
ins hér á sokkbandsárum þess.
En þessi syrpa er ekki sú sama
og við fengum að berja augum
í þá daga, en þeir eru engu síðri
því fröken Lucy er alltaf söm
við sig. Hún mun sumsé
skemmta íslendingum á sinn
sérstæða hátt vikulega í sumar. landanum vikulega í sumar.
Stöð 2 hvítasunnudag
kl. 20.25:
Meistari
Urslitaþáttur Meistarans verður
á dagskrá Stöðvar 2 á hvítasunnu-
dag. Þeir þættir hafa verið um
nokkurt skeið á Stöð 2 í umsjá
Helga Péturssonar fréttamanns.
Keppendur gáfu sig fram til keppn-
innar og valdi hver þeirra sér
sérsvið til að spreyta sig á auk al-
mennra spurninga.
Til úrslita keppa Ágústa Þorkels-
dóttir bóndi, með sögu Samvinnu-
hreyfingarinnar sem sérsvið, Illugi
Jökulsson blaðamaður, með Róm-
arstríðin sem sérsvið, Jóhannes
Jónsson lögreglumaður, með ævi
og störf Richards Wagner sem sér-
svið, og Ragnheiður Erla Bjarna-
dóttir líffræðingur sem tileinkað
hefur sér landafræði íslands.
Helgi Pétursson stjórnar úrslita-
keppni Meistarans.
Bylgjan laugardag
kl. 8.00:
Jón Gústafs
lítur á það sem
er framundan
Jón Gústafsson hefur fært sig til
og er nú á laugardagsmorgnum í
stað Valdísar Gunnarsdóttur sem
hefur séð um þann morgun hingað
til. Jón er einnig með þætti á mánu-
dögum þar sem mánudagspoppið
er allsráðandi. Mætir hann þar með
bros á vör eftir helgina. Hins vegar
á laugardagsmorgnum leikur hann
tónlist úr ýmsum áttum. lítur á það
sem er framundan um helgina og
tekur á móti gestum.
RÚV, rás 2, laugardag
kl. 14.00:
Úrslit
Poppgátuiuiar
Urslitastund Poppgátunnar renn-
ur upp á laugardaginn en þá munu
þeir Halldór Ingi Andrésson og
Kristján Gunnarsson leiða saman
hesta sína.
Jónatan Garðai-sson hefur haft veg
og vanda af þáttunum. Hann hóf
þessa þætti sína í fyrravetur og nutu
þeir mikilla vinsælda. Poppgátan
byggist á því að gefin eru dæmi úr
popptónlist sem spurt er út frá. ýmist
um meðlimi hljómsveitarinnar og
eða atbm-ði sem tengjast lögunum.
Er keppnin útsláttarkeppni í 12 þátt-
um.
Halldór Ingi. sem keppir til úrslita
nú, vann keppnina í fvrra og gafst
því tækifæri aftur í undanúrslitun-
um til þess að revna að hreppa
titilinn Poppgátumeistari '87, sem
hann nýtti sér og komst áfram.
Það skemmtilega við þessa tvo
keppendur er að þeir eru báðir öllum
hnútum kunnugir í tónlistarheimin-
um því Halldór Ingi rekur Hljóm-
plötubúðina en Kristján er hjá
Skífunni. Vegleg verðlaun eru í boði
frá rás 2 og Flugleiðum, ferð til Lon-
don íyrir tvo.
Charles During, Robert de Niro og Ed Flanders i Syndajátningar.
Stöð 2 laugardag kl. 23.45:
Syndajátningar
Bandaríska kvikmyndin Syndajátningar (True Confessions) með Ro-
bert De Niro i aðalhlutverki, þar sem hann leikur prest, verður á
helgardagskrá Stöðvar 2. Robert Duvall leikur bróður prestsins, lögreglu-
mann, en leiðir þeirra skerast þegar velgjörðarmaður sóknarprestsins er
sakaður um morð á árunum í kringum 1940. Spurningin er um þagnareið
prestsins og lagaskyldu lögreglumannsins.
Myndin fékk mjög góða dóma sem vel gerð mynd, raunsæ og vel leik-
in, enda úrvalsleikarar, svo ekki sé meira sagt. Auk Niros og Duvalls
leika Charles During og Ed Flanchers.
Frá úrslitum fegurðarsamkeppni íslands 1986. Á annan i hvítasunnu
verður ný drottning valin i beinni útsendingu.
Sjónvarpið annan í hvítasunnu kl. 23.40:
Fegurðardrottn-
ing íslands 1987
Bein útsending
Annan í hvítasunnu verður fegurðardrottning íslands 1987 valin og
mun Sjónvarpið sjá um að senda beint út frá úrslitakeppni og krýningu
á Broadway.
10 stúlkur taka þátt í keppninni í ár. víða að af landinu. frá Norður-
landi. ísafirði. Suðurnesjum. Hafnarfirði og síðast en ekki sist Reykjavík.
Einnig verður „ungfrú Reykjavík" valin úr hópi Revkjavíkurstúlknanna.
Tveir heimsfrægir menn verða við krýninguna. þeir Jonnv Logan. sem
óþarft er að kynna nánar. og Gunnar Larsen. Og að sjálfsögðu mun hin
nýgifta Hólmfríður Karlsdóttir mæta til leiks.
RÚV, rás 2, annan í hvítasunnu kl. 22.20:
„Að bægja kjam-
orkuváimi frá dyrum' ‘
„Að bægja kjarnorkuvánni frá dyrum" nefnist þáttur sem er á dagskrá
annan í hvítasunnu. Þátturinn er í umsjá Þorsteins Helgasonar og mun
hann meðal annars ræða við Pál Einarsson jarðeðlisfræðing um megin-
muninn á kjarnorkuvopnum og öðrum vopnum, fælingu og um áhrif
hugsanlegs tilraunabanns með kjarnorkuvopn.
Einnig ræðir Þorsteinn við Erik Alfesen, forystumann í norsku friðar-
samtökunum „Nej til atomváben", um hugsanlega yfirlýsingu um
kjarnorkuvopnalaust svæði á Norðurlöndum, umfang þess, tilgang og
fleira.
Ennfremur flytur sr. Gunnar Kristjánsson pistil um kjarnorkuvopnaum-
ræður í Bandaríkjunum, sem einkum snúast um fælingu og tæknilegar,
pólitískar og siðfræðilegar takmarkanir hennar.