Dagblaðið Vísir - DV - 09.08.1990, Page 2

2
FIMMTUDAGUR 9. ÁGÚST 1990.
Fréttir
Arásarmaðurinn við Dalbraut ófundinn:
Óhug slær á íbúa
dvalarheimilisins
„Það var blóöpollur bæði fyrir inn-
an og utan dyrnar hjá konunni. Fólk-
ið, sem býr hérna, er aldrað og því
finnst þessi atburður óhugnanlegur.
Konan var komin upp á fjóröu hæð
þegar hún sá manninn. Hann hafði
því með einhverju móti komist inn.
Enginn íbúanna kannast við aö hafa
hleypt honum inn. Það heyröi heldur
enginn neina háreysti - ekkert vein
eða hávaða sem stafaði af stimping-
um. Ég skrapp niður í bæ rétt á með-
an þetta var. Þegar ég kom til baka
var konan farin upp á slysavarð-
stofu,“ sagði Gunnar Hallgrímsson,
húsvörður við sjálfseignaribúðirnar
að Dalbraut 18-20.
Eins og fram kom í DV á þriðjudag
var ráöist á aldraöa konu, henni
veittir áverkar á andliti og henni
hugsanlega ógnað með hnífi. Konan
varð fyrir töluverðu áfalli og hefur
því ekki getað tjáð sig mikið um at-
burðinn. Hún telur þó að árásarmað-
urinn hafi verið 20-30 ára gamall.
" TUIögur Hafrannsóknastofnunar:
Gert ráð fyrir
Grænlandsþorskinum
Hafrannsóknastofnun leggur til að
á næsta ári verði veidd 300.000 tonn
af þorski og vekur athygli að stofn-
unin gerir ráð fyrir nýtingu Græn-
landsþorsksins svokallaða. Á síðasta
ári lagði stofnunin til að veidd yrðu
250.000 tonn af þorski í ár en sjávar-
útvegsráðuneytiö hækkað það í
300.000. Gert er ráð fyrir að niður-
staðan verði um 310.000 tonn. Afla-
hámark þaö, sem stofnunin leggur
til, er því hærra en í fyrra. Ólíklegt
er hins vegar talið að ráðuneytið
bæti við þá tölu.
Það er hins vegar ekki bjart yfir
skýrslu Hafrannsóknastofnunar um
aflahorfur. Benda þeir á að árferði í
sjónum hafi veriö slæmt undanfarið.
Segir í skýrslunni að nýliðun sé lak-
ari en gert var ráö fyrir en síðustu
ijórir árgangar, frá 1986 til 1989, eru
allir mjög lakir. Vegna þess gerir
stofnunin ráð fyrir að þorskstofninn
minnki enn frekar.
Það er hins vegar Grænlands-
þorskurinn sem bjarga á hlutunum
næsta ár því eins og að framan grein-
ir gerir stofnunin ráð fyrir honum í
spá sinni. Jakob Jakobsson, forstjóri
Hafrannsóknastofnunar, sagði að
Grænlandsfiskurinn væri þó minni
en gert hefði verið ráð fyrir. Sagði
Jakob að ef Grænlandsþorskurinn
hefði ekki komið til hefði stofnunin
lagt til veiöi á 250.000 tonnum eins
og í fyrra. „Við getum fullyrt nú að
það verði einhver Grænlandsganga,
spurningin er aðeins hversu stór hún
verður. Það er sú breyting sem orðið
hefur frá þvi í fyrra þegar engu var
hægt að spá fyrir um Grænlands-
þorskinn,“ sagði Jakob.
Hafrannsóknastofnun leggur til að
240.000 tonn af þessum 300.000 tonn-
um verði veidd á tímabilinu janúar
til ágúst. Þá verður nauðsynlegt að
endurskoða spána.
Þá er lagt til að kvóti á ýsu, karfa,
grálúðu og hörpudiski verði minnk-
aður. Kvótar á aðrar tegundir standa
í stað.
-SMJ
Aflahorfur:
Munum veiða svipað
magn á næsta ári
- segir sjávarútvegsráðherra
„Ég hef sagt það í alllangan tíma
að ef kemur ganga frá Grænlandi
eigi aö nota tækifærið og byggja upp
stofninn," sagði Halldór Ásgrímsson
sjávarútvegsráðherra þegar hann
var spurður um aflahorfuskýrslu
Hafrannsóknastofnunar sem birt var
í gær.
Undanfarin ár hefur ráðuneytiö
hækkað aflatillögur Hafrannsókna-
stofnunar en Halldór taldi að nú yrði
þeirra tala látin halda sér: „Ég hef
áður sagt það aö við eigum að veiða
svipað magn á næsta ári og veitt
verður í ár. Mér sýnist skýrslan
benda til þess að það sé rétt að veið-
in veröi í samræmi við þær tillögur
sem komu frá stofnuninni,“ sagði
sjávarútvegsráðherra.
- En getur þjóðin vænst sömu
tekna frá sjávarútvegi og áður?
„Það eru nokkrir óvissuþættir í
þessu sem geta skipt miklu máli. Það
er rétt að nefna loðnuna sem er stór
þáttur í tekjum þjóðarbúsins. Það
liggur jafnframt fyrir að grálúðuafl-
inn dregst mikið saman og nokkrir
fleiri þættir sem skipta máli. Það er
hins vegar ekkert sem bendir til þess
að við getum aukið veiðarnar á
næstu árum vegna þess að lélegir
árgangar eru að koma inn í veiöarn-
ar og við megum þakka fyrir ef við
getum haldið í horfinu," sagði Hall-
dór.
-SMJ
- íbúitelurllklegtaöútidyrhafiveriöopnar
Boraö fyrir festingum nýrrar flotbryggju fyrir smábáta við Reykjavikurhöfn. Eins og sést á innfelldu myndinni er
ein flotbryggjan þegar farin að taka á sig nokkra mynd. Verið er að bora fyrir annarri en í framtiðinni er áformað
að þær verði þrjár hlið við hliö. DV-mynd JAK
Landssamband fiskeldis- og hafbeitarstöðva:
Dregur ummæli til baka
„Ég sendi ykkur hér fáeinar línur
til að vara ykkur við fyrirtæki sem
undanfamar vikur hefur verið að
hasla sér völl í sölu á ferskum laxi.
Fyrirtæki þetta er íslandsfiskur...
Ég hvet alla fálagsmenn LFH til að
sniðganga íslandsfisk algerlega,...“
sagði meöal annars í bréfi sem gæða-
eftirlitsmaður Landssambands fisk-
eldis- og hafbeitarstööva sendi frá sér
þann 2. júlí síöast liðinn.
Stjóm Landssambansins sendi frá
sér yfirlýsingu fyrir skömmu þar
sem þessi ummæh eru dregin til baka
og segir jafnframt í yfirlýsingunni:
...Við lýsum því hér með yfir aö
þessir hlutar bréfsins eru dregnir til
baka og biðjum jafnframt afsökunar
á því að þeir skuli hafa verið settir
fram.“
Forráöamenn íslandsfisks töldu
fyrirtæki sitt hafa orðiö fyrir miklu
tjóni vegna þessa bréfs og höfðu kraf-
ist þess að formlega yrði beðist afsök-
unar á bréfinu svo og að LFH bætti
þeim það fjárhagstjón sem þeir hefðu
orðið fyrir vegna málsins.
Landssambandiö hefur nú dregið
hluta af ummælum í bréfinu til baka
en varðandi önnur atriði þess segir
í yfirlýsingunni:... rétt er að taka
fram að verið er aö afla upplýsinga
sem tengjast þeim og verður um þau
Qallað þegar þær liggja fyrir.
Yfirlýsingin var send öllum þeim
aðilum sem fengu bréf gæðaeftirlits-
mannsins í hendur.
-J.Mar
Málið er komið í hendur Rannsókn-
arlögreglu ríkisins.
Sjötíu manns búa í blokkunum við
Dalbraut 18-20. Gunnar húsvöröur
sagði að í gegnum tíðina hefði verið
brýnt fyrir íbúunum að hafa ávallt
allar dyr lokaðar.
„Fólki var einnig bent á aö hleypa
engum inn í húsiö nema vita hveijir
það væru sem óskuðu eftir að kom-
ast inn. Það hefur hins vegar brunn-
ið við að einhverjir hafa hringt dyra-
bjöllunni niðri og beðið fólk um að
hleypa sér inn. Þannig hafa ein-
hverjir komist inn í húsið án þéss
að þeir sem svara viti nokkuð hverj-
ir það eru. Ég hef orðið var við
drukkna menn í húsinu. Að'vísu
hafa það veriö meinlausir menn sem
hafa komið án sérstaks tilgangs,"
sagði Gunnar.
Gunnar sagði að árásarmaðurinn
hefði engu stolið af konunni og hann
virtist heldur ekki hafa sýnt neina
tilburði i þá átt. Eiginmaður hennar
var ekki i húsinu þegar hinn óboðni
gestur réðst inn. Konan var nýkomin
inn í húsið og var kominn að íbúð
þeirra hjónanna þegar hún varð fyr-
ir árásinni.
Einn íbúanna við Dalbraut, karl-
maður, sagöist hafa verið að koma
heim um það leyti, sem ráðist var á
konuna. Árásin átti sér stað um
klukkan ijögur á frídegi verslunar-
manna:
„Mér finnst endilega að aðaldymar
hafi verið opnar þegar ég kom heim.
Ég er þó ekki alveg viss. Ég man það
ekki alveg,“ sagði íbúinn í samtali
við DV.
Húsvörðurinn sagði að heitt hefði
verið í veðri á mánudaginn þegar
ráðist var á konuna - þess vegna
væri mögulegt að aðaldyrnar, sem
annars eru alltaf læstar, hafi veriö
opnar til að lofta út - enda væri oft
þungt loft fyrir innan, sérstaklega
við fyrstu hæðina. -ÓTT
Gunnar Hallgrímsson húsvörður við innganginn þar sem líklegt er talið að
árásarmaðurinn hafi farið inn. íbúi kom inn um svipað leyti og árásin átti
sér stað. Hann segist telja líklegt að dyrnar hafi þá verið opnar. DV-mynd S