Dagur - 19.01.1927, Blaðsíða 3
tbl.
DAGUB
11
Kjósið A-listann!
X A-listi B-listi | C-listi
Ingimar Eydal Jón Ouðlaugsson Steinþór Ouðmundsson Elísabet Eiríksdóttir Svanlaugur Jónasson Jón Austfjörð Hallgrímur Davíðsson Indriði Helgason Kristbjörg Jónatansdóttir Sigurður Sumarliðason
Peir borgarar bæjarins, sem vilja tryggja bæjarstjórninni góða starfskrafta, - menn með gagngera
þekkingu á málefnum bæjarins og góða starfshæfileika — kjósa þá Ingimar Eydal og Jón Ouðlaugsson,—
og setja krossinn framan við listabókstafinn A, eins og gert er hér að ofan. MUNIÐ að setja krossinn
framan við listabókstafinn en ekki framan við nöfn frambjóðendanna.
A-listinn.
Jngimar Eydal og
fón Guðlaugsson.
Skrifstofa listans kosningadaginri
verður í Samkomuhúsinu.
Símanúmer 73.
sem trúa á byltingar, mæna í austur-
átt eftir þeirri blóðöld, sem eigi að
frelsa heiminn! Hvorirtveggja fara vilt-
ir vegar. íhaldið er alt af að undirbúa
byltingu og bjóða henni heim. Byltinga-
sinnarnir gleyma því, að manneðlið
breytist ekki með snöggum hætti. Upp
á yfirborð Kommúnistaríkjanna myndu
von bráðar komá sterkir menn, sem
tækju sér sæti einvaldsins og ný bar-
átta yrði að hefjast neðan frá, til þess
að svifta þá valdinu. Samtök og félags-
menning er eina heilbrigða leiðin til úr-
lausna í vandamálum þjóðanna.
III.
Atvinnurekendum hér í bæ er það
ekkert á móti skapi að þvaga öreiganna
verði sem stærst. Því fleiri svangir
magar, því fleiri framréttar hendur til
þess að lúta að lágu kaupi. Verka-
mannaleiðtogarnir sýnast ekki heldur
hafa neitt á móti því, að öreigunum
fjölgi í bæjunum. Því fleiri barkar, því
hærri org, þegar verið er að heimta
kauphækkun. Þeir meta málstað sinn
eftir því, hversu margir ganga í verka-
mannafélög, þegar þeir stofna til æs-
inga fyrir kosningar! En þeir ættu að
meta hann eftir þeim úrræðum, sem
þeir hafa að bjóða, þegar leysa þarf
vanda málanna. Hvorirtveggja þessara
flokka virðast blindir fyrir því, að til
landauðnar og þjóðskemda stefnir með
fjáraustrinum í sjávarútveginn og ör-
streymi fólksins úr sveitunum. Sam-
vinnumenn óttast þessar öfgar. Þeir
vilja ekki fjölgun öreiga, heldur fjölgun
bjargálnannanna. Þessvegna biðja þeir
um aukna ræktun og samvinnu í fram-
leiðslu og verzlun.
IV.
»Verkamaðurinn« er svo hræddur við
fylgi Jóns Guðlaugssonar, að hann sér
ofsjónir. Nú er Jón orðinn í augum
blaðsins svartari Ihaldsmaður en Hall-
grímur Davíðsson. Hefir þó H. D. alt
að þessu verið höfuðþyrnir í augum
blaðsins. Vitlausari öfgar hafa ekki
sést í kosningaskrifum hér á Akureyri.
Álýgi, sem verður strax hrundið með al-
mennum kunnleik, er sannarlegt ör-
þrifsvopn og verður þeim klaksárast, ei:
beita vilja. Almenningur í þessum bæ
veit, að Jón Guðlaugsson er samvinnu-
maður, en hófsamur til orðs og æðis, og
réttsýnn og glöggur um hag og heill
bæjarins.
V.
Ragnar Ólafsson var orðinn fáliðaður
í bæjarstjóm og mun hafa þótt vald
sitt orðið ekki í samræmi við peninga-
styrkleik. Þessvegna munu honum vera
mjög að skapi írambjóðendur íhaldsins
og' mun hann vænta þar öruggrar fylgd-
ar. Mun nú vænst atkvæða þeirra, sem
trúa á bjargráðaathafnir Oddeyrareig-
andans og Berlémes. Þeir geta svo kom-
ið sér saman um að skifta milli sín
gagnsemdunum sinn af hvorum bæjar-
hluta.
VI.
Byltingahrœðsla verklýðsforingj anna
hér í bænum, gerði dálítið vart við sig á
fundi verklýðsfélaganna í gærkvöld.
Ungfrú Elízabet kvaðst hafa verið köll-
uð byltingakona í blöðum hér og leit til
ritstjóra Dags. En Dagur hefir ekki
minst á ungfrúna til eins eða neins. Fyr
hefði nú mátt vera fásinna, en að hugsa
sér ungfrúna, vopnaða með gólfssóp eða
öðru viðlíka tæki, ráðast á hús Oddeyr-
areigandans! Degi hefir ekki svo mikið
sem komið slíkt til hugar. En hann hef-
ir talið að þeir, sem einkum réðu um
framboðið hjá j afnaðarmönnum, myndu
aðhyllast skoðanir byltingasinna. Var
þá einkum átt við þann mann, sem hef-
ir verið að gróðursetja spírur slíkra
skoðana í hugum nokkurra unglinga hér
í bænum, hr. Einar Olgeirsson. Nú kom
það fram í ræðu E. O. eins og í Verka-
manninum, að honum þykir þetta hin ó-
maklegasta aðdróttun. Mátti helzt ráða
af ummælum hans, að honum væri ekk-
ert að vanbúnaði, að ganga í lið Fram-
sóknar- og samvinnumanna. Veri hann
vclkominn, hvenær sem hann vill.
Reyndar segir E. O. þar, sem hann
minnist Eugene Debs í Vm. 18. des. síð-
astl.: »-------var Debs varpað í fang-
elsi. Þar fékk hann næði til að hugsa
vel um þjóðfélagið og jafnaðarstefnuna
og varð nú byltingasinni, sannur jafn-
aðarmaöur'í*. Og af ýmsum skrifum
hans er kunnugt, að afstaða hans til
»social-demokrata« er svipuð afstöðu
templarans til hófdrykkjumannsins.
* Leturbreylingin min. Ritstj.
Nú þykist hann aldrei hafa mælt bylt-
ingum bót. Verður síðar rannsakað,
hvort þetta eru skoðanaskifti eða kosn-
ingaveðra-brigði.
VII.
Ihaldið beitir þeim vinnubrögðum við
kosningarnar, að slá upp á síðustu
stundu einhverju,, sem geti breytt af-
stöðu þeirra kjósenda, er kunna að vera
reikulir eða ósjálfstæðir í skoðunum.
Annaðtveggja beitir það þá rógi á bak
og ófrægingum eins og t. d. »ræðuköfl-
um« ísl. síðast, ellegar reynir að villa
mönnum sjónir um afstöðuna. Nú munu
íhaldsmenn fara á kreik í dag og segja
við A-listamenn: »Ingimar er viss að
komast að, en vonlaust um Jón Guð-
laugsson. Þessvegna eigið þið ekki að
eyða atkvæðum ykkar á A-listann«. En
hverjir láta blekkjast af þessum blaðr-
andi íhaldstungum? Eða hví skyldu
ekki bæjarbúar kjósa gagnkunnugustu
mennina í bæjarstjórn. Þeir eru líkleg-
astir til þess að gefa sér tíma til að
hugsa um málin fyrir rifrildi og of-
stopa. Eða hvað hafa hinir flokkarnir
að bjóða til úrræða á vandamálunum?
C-listamenn ekkert annað en óspilunar-
semi, hófleysu og heimskulega sundrung
í rekstri höfuðatvinnuvegar bæjarins.
B-listamenn skammir og kröfur til ráð-
leysingjanna. — Mun ekki nær að fela
þeim málefni sín, sem vilja hlynna að
því, að öreigunum fækki en sjálfstæðum
og frjálsum bjargálnamönnum fjölgi,
undir merki samvinnu almúgans.
S í m s k e y t i.
(Frá Fréttastofunni.)
Sjúkrasamlag er stofnað í Vest-
mannaeyjum. Meðlimir 230. Fjármála-
ráðuneytið tilkynnir að innfluttar vömr
í desember hafi numið kr. 2.088.138.
Þar af til Rvíkur kr. 1.530.815. — Ó-
laíur Gunnarsson læknir er látinn.
Borgarstjórinn hér birtir aðvörun til
utanbæjarfólks um að leita ekki til
Reykjavíkur í atvinnuleit í næstu ver-
tíð, vegna skorts á atvinnu í bænum.
Símað er frá Seyðisfirði, að ungur
trésmiður, Sigurður Hannesson að
nafni, er lagði frá Eiðum á Vestdals-
heiði síðastl. miðvikudag, hafi orðið úti
og hafi lík hans fundist efst í Stafdal.
Símað er frá Berlín, að Marx geri til-
raun til að mynda stjórn. — Frá París
er símað, að útlit sé fyrir samkomulag
milli Þjóðverja og bandamaima í óút-
U.M.F.A.
heldur
aðalfund
sinn í »Skjaldborg« Priðjudag-
inn 25. janúar 1927, kl. 8V2 e. h.
STJÓRNIN.
Pasteignamatsbókin nýja
fæst hjá Jónasi Sveinssyni.
kljáðum afvopnunarmálum. — Frá Lon-
don er símað, að Kínafregnir hermi að
Cantonher sé á undanhaldi, en Norður-
herinn hafi tekið alt Chekianghéraðið.
Nokkur rit.
Kenslubók í ensku, Degi hafa borist
II. og III. hefti af Kenslubók í ensku,
sem Snæbjörn Jónsson hefir þýtt og
aukið, en bókin nefnist á ensku 'Æng-
lish reading made easy« eftir W. A.
Craigie professor í engilsaxnesku og
dosent í íslenzku við háskólann í Ox-
ford. Áður var getið Fyrstu bókar. Þar
var »nemandanum séð fyrir æfingum í
hljóðum enskrar tungu og einföldustu
táknum, sem notuð eru til þess að
sýna þessi hljóð í rituðu máli«. 1 Ann-
ari bók eru »sýndar hinar erfiðari
greinar enskrar stafsetningar og hin
ritaða mynd hvers orðs er gerð reglu-
bundin með notkun merkja, sem gefa
glögga bendingu um hljóð þess. —
Þriðja bók er síðan lesbók fyrir byrj-
endur. Og er ætlast til að þessar bæk-
ur séu notaðar í sambandi við frum-
teksta bókarinnar: »English reading
made easy«, sem fæst hjá bóksölum
eða beint frá Ársæl Árnasyni. — Meg-
intilgangur þessara bóka er »að kenna
stafsetning enskunnar eftir föstum
reglum« og leggja traustan grunn und-
ir gagngerðan og nákvæman lærdóm í
málinu. Frágangur bókarinnar er góð-
ur.
Útlagar. Degi hefir borist skáldsaga
eftir Theodór Friðriksson. Hún kom út
1922. Sagan er glögg lýsing á lífi sjó-
manna og gegnum hana ganga tveir
þræðir. Annarsvegar frásögn um bar-
áttu »Nonna«, sem er bláfátækur piltur
úr sveit, en sem kemst í tölu dugandi
sjómanna fyrir dugnað sinn og sam-
vizkusemi en drengskap Rafns skip-
stjóra. Hinn þráðurinn er ástaræfin-
týri Rafns, sem er að vísu aðeins blá-
þráður, en gefur þó sögunni raunablæ.
Bygging sögunnar er um það frumleg,
að sjómenn þeir, er þar halda hópinn
og sagan greinir frá, búa í verbúð mik-
illi, er þeir reistu sér, og eiga lítt
samneyti við aðra menn. Þeir eru því
einskonar »útlagar«. Frásögnin er
fjörug og létt og víða glöggar myndir
dregnar. En æfintýrið hefir sviplegan
endi, því að höfundurinn drekkir öllum
söguhetjunum. Sagan er læsileg og
mun betur gerð en sagan »Lokadagur«,
sama höfundar og sem fyr var getið
hér í blaðinu.