Dagur - 22.09.1934, Blaðsíða 1

kemur út á þriðjudögum,
fimmtudögum og laugar-
dögum. Kostar kr. 9.00 árg.
Gjaldkeri: Árni Jóhanns-
son í Kaupfél. Eyfirðinga
Gjalddagi fyrir 1. júlí.
Afgreiðslan
er hjá JÓNI Þ. ÞÓR.
NorðurgötuS. Talsími 112.
Uppsögn, bundin við ára-
mót, sé komin til af-
greiðslumanns fyrir 1. des.
XVII* ár
. | Akureyri 22. september 1934. |
109. tbl.
Blindhríð um Norðurland.
Manntjón. — Fé fennir.
Stórfelld símslit.
Veðurbati sá, er varð síðari
hluta vikunnar er leið, hélzt ekki
lengi. Um og eftir helgina gekk
aftur í stórfelldar hlýindarign-
ingar víðast um Norðurland, frá
Vestfjörðum til Austfjarða.
Aðfaranótt miðvikudags brá til
kaldara veðurs, og voru fjöll og
heiðar hvít af snjó um morgun-
inn. Fór veðrið og snjókoman
vaxandi á miðvikudaginn, og síð-
ari hluta dags og eftir dagsetur
var blindhríð um útnes og fjall-
vegi- Fannkoma var geysimikil
víða. Fimmtudagsmorgun tók að
lægja veðrið og fór það heldur
rénandi þann dag, þótt á fjöllum
væri sumstaðar versta veður
fram undir kvöld. En í fyrrakvöld
mun víðast hafa verið lægt að
öllu.
En eins og við mátti búast með
svo snöggt áfelli, hefir stórtjón
hlotizt af og jafnvel mannskaði.
Maður verður úti,
í fyrrakvöld hermdi útvarpið
eftir fregnritara sínum á Blöndu-
ósi, að úti hefði orðið aðfaranótt
fimtudagsins Guðmundur Magn-
ússon bóndi að Koti í Vatnsdal.
Hafði það orðið með þessum at-
burðum:
í Undirfells- og Auðkúlurétt
var veður svo vont á miðvikudag,
að um tíma var hætt að draga, að
því er útvarpsfregn hermdi á
miðvikudagskvöld. — Samkvæmt
fregninni í gærkvöldi hefir þó
verið byrjað aftur, sennilega
fljótlega, er eigi sáust horfur á
að létta mundi.
Guðmundur heitinn lagði af
stað með stóðrekstur frá Auð-
kúlurétt, miðvikudaginn síðdegis
og með honum tólf ára gamall
piltur, Ingvar Steingrímsson-
Ætluðu þeir að stytta sér leið
með því að fara yfir Vatnsdals-
fjall. Er þá komið niður hjá
Marðarnúpi, framarlega í Vatns-
dal. Blindhríð var á þeim; slydda
í byggð, en frost er á fjallið kom.
Fór þá svo að þeir villtust á fjall-
inu og vissu ekki lengi hvar þeir
fóru, og gaf Guðm. þá lausan
tauminn hesti sínum að hann
skyldi ráða förinni. Eftir nokk-
urn tíma tók að halla undan fæti
ofan í dal nokkurn. Komust þeir
að á í dalnum og fór þá Guð-
mundur af baki og gekk ofan að
ánni, til þess að sjá hvert hún
rynni. En er hann sneri frá ánni,
komst hann ekki til hests síns,
heldur lagðist fyrir í brekkunni,
veikur og lémagna. Ætlaði dreng-
urinn þá að halda áfram, en Guð-
mundur bað hann að yfirgefa sig
ekki. Settist drengurinn þá í
brekkuna hjá honum og skefldi
yfir báða. —
Alla nóttina hélt Guðmundur
uppi samræðum við drenginn.
Síðari hluta nætur tók óráð að
færast yfir hann og fór þá að
draga af honum.
Um birtingu hætti að heyrast
til hans- Þreifaði drengurinn á
honum og fann ekki lífsmark að
hann taldi. Brauzt hann þá úr
skaflinum, hélt ofan eftir dalnum
og komst að Stóru Giljá kl. 8 um
morguninn. En dalurinn, sem þeir
höfðu villzt niður í, var reyndar
Sauðadalur, eyðidalur nú orðið,
fram af Ásum, milli Vatnsdals-
og Svínadalsfjalls-
Frá Stóru Giljá var þegar sent
eftir héraðslækni á Blönduós og
farið eftir Guðmundi. Var hann
algjörlega stirðnaður, er hann
fannst. Drengurinn var á Stóru-
Giljá í fyrradag og leið vel.
Guðmundur heitinn var 57 ára
að aldri. Hann átti sjö börn, flest
uppkomin.
liilar festast á
heiðuin.
Frá Húsavík lögðu tveir bílar
frá B. S. A- á Reykjaheiði á mið-
vikudaginn, með 8 farþega. Kom-
ust þeir yfir Grjótháls, en sátu
þá fastir í snjósköflum. Komust
farþegar og bílstjórar blautir og
þrekaðir til Húsavíkur um kvöld-
ið. —
Þriðji bíllinn, er í voru Stgr-
Jónsson fyrrv. bæjarfógeti og
Páll Stefánsson frá Þverá, lagði á
Reykjaheiði frá Fjöllum í Keldu-
hverfi kl. 4 síðd. á miðvikudag.
Var veður þá hið versta. Höfðu
þeir símað á Húsavík og beðið
að senda á móti sér, ef þeir væru
ekki þangað komnir á væntanleg-
um tíma. Komust þeir yfir »Hell-
ur«, en er hjá Höskuldsvatni kom,
festist bíllinn- Var þá dimmt orð-
ið af hríð og náttmyrkri. Sátu
þeir þar um nóttina í bílnum.
Er þeir ekki komu til Húsavík-
ur, sem vonað var, fóru menn i
bíl til móts við þá. Fór svo að
þeir fundu þá eigi, en festust
sjálfir og urðu að ganga af bíln-
um.
En í fyrramorgun komu þeir
Stgr. Jónsson ofan að Húsavík
kl- 10.45. Höfðu þeir brotizt frá
bílnum, eftir að bjart var orðið.
Símuðu þeir að vel liði, en annars
hefir illa frétzt að austan sökum
símslita.
í fyrramorgun var lagt af stað
eftir bílunum er fastir sátu og
og náðust þeir í fyrrakvöld ofan
að Húsavík, a. m. k- bílamir, er á
austurleið voru. Útvarpsfregn
kvað snjóinn á Reykjaheiði vera
um meter á dýpt á háheiðinni.
Á Stóra-Vatnsskarði vestarlega
festust tveir bílar, er héðan fóru
í fyrramorgun, annar frá B. S. A.,
hinn frá Steindóri. Bílar er að
sunnan komu stönzuðu í Bólstað-
arhlíð. Gengu farþegar héðan
vestur af, en hinir austur fyrir
torfæruna- —
Á Holtavörðuheiði er snjór til
trafala, en eigi er heiðin ófær.
Kom bíll yfir hana í gær til
Blönduóss.
Simslit og aðrar
§kemmdir,
Fé fennir?
Símþræðir hafa margkubbazt
bæði austan og vestan við Akur-
eyri, verst þó líklega að austan.
Hefir þess vegna ef til vill ekki
enn heyrzt um allt það tjón, er
orðið hefir.
Á Húsavík var blindhríð og
haugabrim. Skemmdist bryggja
Guðjohnsens svo að hún mun að
mestu ónýt.
Bæði á Húsavík, Blönduósi og
Ilvammstanga er talið mjög hætt
við því, að fé hafi fennt. útvarps-
fregn frá Blönduósi kveður þar
hafa verið aftaka norðvestan veð-
ur og stórbrim og mittissnjó
sumstaðar á fjöllum,
Innilegt þakklæti fyrir auð-
sýnda hluttekningu við andlát
og jarðarför mannsins míns,
Jóns heitins Jóhannessonar frá
Munkaþverá.
Margrét fúliusdóttir.
Síðustu fregnir.
útvarpsfregn í gærkvöldi kvað
tvo menn úr Aðaldal hafa villzt
í göngum á Reykjaheiði, í mið-
vikudagsbylnum. Annar þeirra
rakst á bil Páls Stefánssonar frá
Þverá, er, fastur sat við Höskulds-
vatn, sem áður er frá sagt, og
féklc þar áttað sig og komizt til
byggða- Hinn komst loks í gær-
morgun, eftir tveggja sólarhringa
villu ofan að Geitafelli í Reykja-
hverfi og þá svo rammvilltur, að
hann hafði enga hugmynd um
hvert hann var kominn. Hafði
hans verið leitað árangurslaust
daginn áður.
Slys*
varð í gær í Reykjavík, er sand-
bíll keyrði aftur á bak, og varð
að bana 4 ára gamalli stúlku,
Halldóru Jörgensen, dóttur Ottó
Jörgensen, póstmeistara á Siglu-
firði og Þórunnar konu hans.
♦ * *
Aðfaranótt þriðjudags féllu
tveir menn í sjóinn af bryggju á
Siglufirði, Guðmundur Guðbjarts-
son, skipstjóri úr Hafnarfirði
og Sigurður nokkur. Voru þeir á
leið í skipið »Ingimund gamla«.
Ljós hafði verið ofantil á bryggj-
unni, en myrkt hið neðra. Er
hjálp kom að reyndist Guðm.
drukknaður, en Sigurður liggur á
Sjúkrahúsi Siglufjarðar, veikur
af sjó er hann fékk í lungun.
Kvenfiélag'asamband
Ansturlands
átti fund með sér í síðustu viku á
Reyðarfirði. Eru 14 kvenfélög í
sambandinu. Voru í stjórn kosn-
ar Sigrún Blöndal, skólastýra á
Hallormsstað, Margrét Péturs-
dóttir, Egilsstöðum og Drop-
laug Sölvadóttir, Arnheiðarstöð-
um- — Sambandið heldur uppi
umferðakennslu í vefnaði og sam-
þykkti að styrkja saumanámskeið
í kaupstöðum, þar sem tiltækilegt.
þætti.