Dagur - 22.10.1936, Blaðsíða 1

DAOUR
kemur út á hverjum fimtu-
degi. Kostar kr. 6.00 árg.
Gjaldkeri: Árni Jóhanns-
son í Kaupfél. Eyfirðinga.
Gjalddagi fyrir 1. júlí.
Afgreiðslan
er hjá JÓNI Þ. ÞÓR, Norð-
urgötu 3. Talsími 112. Upp-
sögn, bundin við áramót, sé
komin til afgreiðslumanns
fyrir 1. des.
XIX
t # • t
. ár. j
Akureyri 22. október 1936.
O (ÍOÝiO@OíiO®Ot>
(fJ Hjartans þakklœti vottum við öllum þeim nœr
og fjær sem glöddu okkur hjónin á gullbrúðkaups-
Q degi okkar með heimsóknum gjöfum og heillaskeytum.
(Sjk
() öuð launi ykkur öllum.
Elin Grímsdóttir. Árni Guðmundsson.
Þórisstöðum.
Bókafregnir.
Jónas Þorbergsson:
LJÓÐ OG LÍNUR.
Degi er sérstaklega ljúft og
skylt að benda lesendum sínum á
þessa nýútkomnu bók. Allmikið af
efni hennar í óbundnu máli birtist
einmitt 1 þessu blaði á þeim árum,
er höfundurinn var ritstjóri þess.
Ritstjórnarstarf Jónasar Þorbergs-
sonar var þannig af hendi leyst,
að það skapaði það almennings-
álit á honum, að hann væri fim-
astur með pennann allra íslenzkra
blaðamanna. ■ Auk stjórnmála-
greina skrifaði hann oft ritgerðir
annars efnis, svo sem æfiminning-
ar og aðrar tækifærisgreinar, og
þóttu þær frábærar að hugsun og
frágangi, frumleiki hugmynda og
ritháttur á óvenjulega háu stigi.
I bók þessari, er að framan get-
ur, birtast nú aftur ýmsar þessara
frábærlega vel skrifuðu ritgerða
og auk þess nokkrar, sem ekki
hafa áður sézt. Má til nefna minn-
ingargreinar um Hannes Hafstein,
Tryggva Þórhallsson, Stefán
skólameistara, Þórarinn á Hall-
dórsstöðum og ekki sízt „Við
banasæng“, minningarorð um
sjúkling á Vífilsstaðahæli. Allar
eru ritsmíðar þessar hver annari
snjallari og enn fleiri, sem hér
verða ekki upp taldar, geta menn
gengið úr skugga um allt þetta
með því að afla sér bókarinnar;
það ættu allir unnendur snjalls
máls og frumlegra hugsana að
gera.
Þá eru og í bókinni nokkur smá-
kvæði og lausavísur og er snotur-
lega frá því öllu gengið og öll er
bók J. Þ., Ljóð og línur, hin eigu-
legasta.
(Framh. á 4. síðu).
Svar frá Bernharð Stefánssyni alþm.
til Ólafs Jónssonar framkvæmdastjóra
bíður næsta blaðs.
Kantötukór Akureyrar: Konur og
menn, mætið öll í Skjaldborg föstudags-
kvöld 23. þ. m. ki. 8% stundvíslega.
□ Rún 503610278 — Frl.\
KIRKJAN: Messað í Lögmannshlíð
n k. sunnudag kl. 12 á hádegi.
Zion. Sunnudaginn 25. okt. kl. 10 f. h.
sunnudagaskóli, öll börn velkomin. Kl.
8t4 e. h. almenn samkoma. Séra Frið-
rik Friðriksson og tveir norskir stú-
dentar taka þátt í samkomunni. Allir
velkomnir.
Athugasemd.
Tómas Björnsson kaupmaður
hér í bæ hefir fundið ástæðu til
að semja og birta, í síðasta ísl.,
harðorðan dóm um píanóieik R.
Abrahams á konsert í Nýja Bíó
þriðjudaginn 6. þ. m. og virðist til-
efnið vera vinsamleg ummæli í
Degi um konsertinn, en dómur T.
B- er sýnilega skrifaður af svo
mikilli óvild í garð R. Abrahams
að furðu gegnir, og af þeirri á-
stæðu einni kemur ekki til mála
að fara að rökræða við greinar-
höfundinn um meðferð píanóleik-
arans á viðfangsefnum sínum, en
þar við má bæta, að greinarhöf.
virðist hafa mjög takmarkaða
þekkingu á efni því, sem hann er
að dæma um. Skal því til sönnun-
ar aðeins nefnt eitt dæmi:
Greinarhöf. getur þess, að ung-
frú Guðrún Þorsteinsdóttir hafi
aldrei sungið eins vel og með
jafnmiklu öryggi og að þessu
sinni, og að hann hefði haft mjög
mikla ánægju af að hlusta á söng
hennar, ef hinn hryssingslegi leik-
ur Abrahams hefði eigi varnað
honum (greinarhöf.) að njóta
söngsins.
Nú veit hver maður, sem nokk-
urt skynbragð ber á þessi efni, að
það er með öllu ósamrýmanlegt,
og söngur og öruggleiki söngvar-
ans geti verið beztur og mestur,
þegar undirleikurinn er svo slæm-
ur, að hann spillir söngnum. En
þetta segir þó Tómas Björnsson
að hafi farið saman, en söngkonan
sjálf er þar á allt öðru máli.
Lengra svar hæfir ekki hinum
umrædda hljómlistardómi Tómas-
ar Björnssonar.
X.
Barnastúkan »Sakleysið« heldur fund
n k. sunnudag' kl. IV2. Rætt verður um
vetrarstarfið 0. fl. Æskilegt að sem
flestir mæti.
Konsert Guðrúnar Þorsteinsdóttur og'
Robert Abrahams, sem þau höfðu 6. þ.
m., verður endurtekinn í Nýja Bíó
næstk. sunnudag, kl. 3 e. h.
Robert Abraham biður þess getið, að
konsertinn sé endurtekinn vegna þess
hve áheyrendur hafi látið mikinn fögn-
uð í ljósi yfir honum um daginn og
meðal annars í tilefni af dómi um
píanóleik R. A., er birzt hafi í síðasta
tbl. »íslendings«. Vill hann að sem
flestum gefist kostur á að dæma um
réttmæti þess dórns.
Frá Spáni. Fyrir nokkru tilkynntu
uppreisnarmenn á Spáni, að þá og þeg-
ar yrði árás hafin á höfuðborgina, Ma-
diid, og myndi hún þá sæta sömu ör-
lögum og aðrar þær borgir og þorp á
Spáni, sem uppreisnarherinn hefir lagt
i rústir, nema. að borgarbúar gæfust
upp mótstöðulaust. Árás þessi hefir þó
dregizt hing'að til, en skærur allmiklar
hafa orðið umhverfis borgina og hefir
ýmsum veitt betur, eftir því sem fregn-
ir herma. Stjórnin hefir sett upp varn-
ir umhverfis borgina eftir beztu föng-
um. Fer úrslitaglíma borgarastyrjald-
arinnar væntanlega fram á þessurn
slóðum næstu daga.
Matvælaskömmtun var fyrir nokkrum
dögum hafin í Madrid og' fleiri borg-
um á Spáni.
Rússnesk skip hafa flutt allmikið af
matvælum til Spánar til hjálpar Al-
þýðufylkingunni, og er mikill fögnuður
þeirra, sem rétt er hjálparhönd á
þenna hátt.
Vetur fer nú í hönd á Spáni, og hef-
ir verið frost á hverjum degi á víg-
stöðvunum. Getur vetrarveðráttan taf-
ið fyrir hernaðarframkvæmdum.
Dúmardægiw. Síðastl. fimmtudag and-
aðist úr lungnabólgu Þórður Guð-
mundsson, umsjónarmaður í Samkomu-
húsinu um mörg undanfarin ár. Gegndi
hann því starfi með stakri trúmennsku
og reglusemi og var yfirleitt prýðilega
kynntur af öllum, er til hans þekktu
og' hinn grandvarasti í orðum og at-
höfnum. Hann var lítið yfir sextugt að
aldrl.
t 43. tbl.
NÝJA-BÍÓ H
sýnir fimtud 22. þ. m. kl. 9
JónsmessuRæturdrauniar
Þessi mynd hefir verið talin
eitt stórkostlegasta listaverk
á kvikmyndasviðinu.
Guðbrandur Isberg, alþingismaður,
kom hingað til bæjarins í gærkveldi og
mun halda þingmálafund næstkomandi
mánudagskvöld í Samkomuhúsi bæjar-
ins.
Gullb'i'úðkaup áttu 15. þ. m. hjónin
Árni Guðmundsson og Elín Grímsdóttir
að Þórisstöðum á Svalbarðsströnd. í
tilefni dagsins heimsóttu gullbrúðkaups-
hjónin um 80 sveitungar þeirra og vin-
ir og' var öllum gestunum veitt af
venjulegri rausn hjónanna. Skemmtu
menn sér lengi dags við ræðuhöld og
söng. Mörg heillaóskaskeyti og kvæði
bárust hjónunum, og sveitungar þeirra
færðu þeim að gjöf vandaða stunda-
klukku með inngreyptum silfurskildi, er
á voru letruð nöfn gullbrúðhjónanna á-
samt hlýrri kveðju. Brúðhjónin þökk-
uðu auðsýnda samúð og vinarþel og
óskuðu sveitungum sinum allra heilla
í nútíð og framtíð.
Árni er 77 ára að aldri, en kona
hans 70 ára. Hefir hann setið í hrepps-
nefnd 18 ár, verið hreppsnefndarodd-
viti 12 ár og hreppstjóri 43 ár. Einnig
hefir hann verið formaður búnaðarfé-
lags heppsins í mörg ár.
Þau hjón byrjuðu búskap á Breiða-
bóli, bjuggu þar í 6 ár, en á Þórisstöð-
um hafa þau búið í 43 ár og geta nú
með rósamri ánæg'ju litið yfir störf sín
og farinn veg.
Mistök á saltfiskssölu. Nokkrum dög-
um áður en uppreisnin á Spáni brauzt
út, ráðlagði umboðsmaður Sölusam-
bands ísl. fiskframleiðenda í Lissabon,
Fisksölusamlaginu að bjóða 80 þús.
pakka af saltfiski til Portugal fyrir 31
shilling pakkann, og' var þetta um 12%
hærra verð en meginið af saltfiski héð-
an hafði verið selt fyrir síðastl. ár.
Fisksölusamlagið neitaði að láta fisk-
ir:n falan fyrir þetta verð.
Afleiðingin af þessari ráðsmennsku
hinna hálaunuðu forstjóra Fisksölu-
samlagsins er sú, að nú bjóða þeir
þenna sama fisk fyrir 27% shillings,
sem þeir í sumar vildu ekki láta fal-
ann fyrir 31 shilling.
Tjónið, sem sjómenn og aðrir fisk-
eigendur verða fyrir vegna þessarar
ráðsmennsku er talið að nemi hundruð-
um þúsunda króna.