Dagur - 07.07.1938, Blaðsíða 1

D AGUR
kemur út á hverjum fimtu-
degi. Kostar kr. 6.00 árg.
Gjaldkeri: Ámi Jóhanns-
son í Kaupfél. Eyfiröinga.
tijalddagi fyrir 1. júli.
Afgreiðslan
er hjá JÓNl Þ. ÞÓR, Norö-
urgötu 3. Talsími 112. Upp-
sögn, bundin við áramót, sé
komin til afgreiðslumanns
fyrir 1. des.
• « • » • -
>■♦*#••
» • «- O ■* V- ^ ■»

XXI árg.
Akureyri 7. júlí 1938.
J 30. tbl.
Túlkandi
list.
' „Þetta heíi eg margsinnis heyrt,
og jafnvel kunnað síðan eg var
barn, og finnst mér eg þó aldrei
heyrt hafa þar til nú“.
Þetta er algeng tjáning á áhrif-
um túlkandi listar, og eigi að síð-
ur laukrétt. En hvað skeður ef við-
fangsefni snillingsins eru okkur
öllu ókunn? Því má lýsa á þessa
leið. „Eg hefi aldrei heyrt þetta
fyr, en samt sem áður finnst mér
það vera orðinn hluti af sjálfum
mér, og að eg í rauninni hafi átt
það lengi“. Þetta hástig snilldar-
innar kann að virðast ótrúlegt, en
eigi að síður er þessu þannig far-
ið, svo mikill er máttur listarinn-
ar. Þess vegna skyldu menn ekki
láta vitneskjuna um það, að við-
fangsefni snillingsins eru þeim
ókunn, hafa af sér að sitja kon-
serta hans. Eg fullyrði að hafa al-
drei áþreifanlegar sannfærst um
mátt túlkandi snilldar og á piano-
hljómleik Haraldar Sigurðssonar í
gærkvöldi, og eg hygg að þeir fáu
sem þar voru geti undirstrikað
það. Hvað hrifmagn þessa snill-
ings snertir, vil eg sérstaklega
þakka honum fyrir túlkun hans á
Koral-Preludium Backs, og Son-
ate í d-moll opus 31 nr. 2 eftir
Beethoven, sem hann túlkaði í
krafti þess skilnings og þeirrar
snilldar sem, eins og Haydn sagði
„kemur að ofan“ en ekki verður
frekar með orðum lýst, aðeins vil
eg geta þess, að eg hefi aldrei
heyrt Beethoven, sem slíkan,
túlkaðan til jafns við það, sem
Haraldur gerði í gærkvöldi. Ann-
ars var konsertinn allur með þeim
ágætum sem seint mun fymast
þeim er á hlýddu. Og þó mér
fyndist mest til um tjáningu fram-
angreindra viðfangsefna, má ekki
ganga fram hjá þeirri afburða
leikni sem listamaðurinn hefur til
að bera og alstaðar kom fram í
tónmyndun (áslætti), fótstillis-
notkun og samfeldum, bundnum
leik, ellegar þeirri hraðleikni sem
kom fram, sérstaklega í Scherzo í
h-moll opus 20 eftir Chopin, svo
mikilli, að það vakti kannske ekki
síður undrun en beinlínis hrifni.
Því miður var konsertinn illa
sóttur og ber sjálfsagt ýmislegt til
þess, svo þekktur snillingur sem
hér á hlut að máli. Nokkuð af því
fólki sem líklegast er til að sækja
góða hljómleika var ekki í bæn-
um. Og sennilega hefir sá algengi
misskilningur í sambandi við lítt
kunn viðfangsefni, sem drepið er
á hér að framan, átt nokkurn þátt
í aðsókninni, og víst er um það, að
margir góðir Akureyringar harma
hve fásóttur þessi einstæði kon-
sert var. En í nafni þeirra fáu,
sem hlýddu á þig í gærkvöldi,
Haraldur, þakka eg ógleymanlega
stund.
Akureyri 5. júlí 1938.
Björgvin Guðmundsson.
Stefán
Guðmundsson
óberusöngvari lét til sín heyra í
Nýja-Bíó á þriðjudagskvöldið, og
var sami snilldarbragurinn á söng
hans og áður. Söngskráin var lík
eins og þá hann söng hér síðast.
Hinn frægi píanóleikari, Haraldur
Sigurðsson, aðstoðaði við hljóð-
færið.
Aðsókn að þessum konsert var
geysimikil, og hrifning áheyrenda
stígandi eftir því sem á sönginn
leið, og mest að lokum. Varð söng-
maðurinn að endurtaka og gefa
aukalög.
Leiðinlegt er að sjá málvillu í
upphafi að kvæði Jónasar Hall-
grímssonar á söngskránni.
í kvöld kl. 9 e. h. hefir Stefán
Guðmundsson kveðjukonsert í
Nýja-Bíó. — Ný söngskrá.
För ípróttamanna frá
Akureyri til Vestinnaeyja.
Sunnudaginn 26. júní s. 1. lagði
af stað frá Akureyri áleiðis til
Vestmannaeyja 23ja manna sund-
og knattspyrnuflokkur frá íþrótta-
félaginu „Þór“ og sundfélaginu
„Gretti“, í boði íþróttafélaganna í
Eyjum. Fararstjóri var Tryggvi
Þorsteinsson, íþróttakennari. Kom
flokkurinn til Eyja að morgni
þriðjudagsins 28. júní og keppti
þá um kvöldið við íþróttafélagið
„Þór“ í knattspyrnu. Leikurinn
var mjög skemmtilegur og vel
leikinn, og veður hið bezta. End-
aði leikurinn með sigri „Þórs“ í
Vestmannaeyjum, er skoraði tvö
mörk gegn einu.
Miðvikudaginn 29. júní var
flokkurinn í boði bæjarstjórnar

f
f a m
Um norrœnar erfðir á eðli þitt spor
frá Eysýsiu að Kanadaströndum,
um alblómgar lendur og öldur við skor,
á upphimins náttl/ósaböndum.
Pú bergðir af Gunnlaðar skínandi skál
á skapanna hamingjudegi.
Frá Brynhildar logum að ísnökkvans ál
á andi þinn sérnumda vegi.
I ástfóstri goðsagna óx hún hfá þér,
sú aðferð, sem ríkir að lögum
í norrœnni braglist, en brothœttust er
á breytinga- og nýtizku dögum.
Frá Sturlunga sagnstíl er œttmótið enn
svo auðkennt á sögunum þinum,
að bolseviskt útblásnir árásarmenn
fá ofbirtu af þvílikum sýnum.
Og vitji sú austrœna andleysupest
á óðulin norrœnu herja,
eg treysti þér, Gvendur, og guði þeim bezt
sem gáfuna fékk þér, að verja.
Pví vonandi lánast þér liðsmannasveit
og logheitar bænir í hljóði,
að styrkja þann hugblæ, sem Heimskringlu reit
og Hávamál verndaði í Ijóði.
L
Pfetur Benteinsson
frá Grafardul.
<zr>oo<
Vestmannaeyja. Var farið út í
Elliðaey og hún skoðuð og sýnd
þar fuglaveiði með háf; auk þess
voru fleiri merkilegar eyjar og
staðir skoðaðir. Um kvöldið var
sundkeppni milli Akureyringanna
og Vestmannaeyinganna. Keppt
var í eftirtöldum sundum: 50 m.
sundi, frjáls aðferð, 40 m. bak-
sundi, 100 m. bringusundi karla og
4x40 m. boðsundi. Úrslit urðu
þessi:
50 m. sund, frjáls aðferð:
1. Vigfús Einarsson, V.e. 30,2 sek.
2. Jónas Einarsson, Ak. 31.1 —
. 2. Magnús Guðm.s., Ak. 31.1 —
3. Jóhs. Snorrason, Ak. 31.5 —
Jónas Einarson og Magnús Guð-
mundsson syntu vegalengdina á
sama tíma, en kepptu ekki til úr-
slita.
40 m. baksund:
1. Jón Sæmundss., V.e. 30.4 sek.
2. Jónas Einarsson, Ak. 32.9 —
3. Erla ísleifsdóttir, V.e. 33.1 —
100 m. bringusund lcarla:
1. J. Snorras., Ak. 1 mín. 28.2 sek.
2. Kári Sigurj.s. Ak. 1 — 28.5 —
3. Vigf. Jónss., V.e. 1 — 29.6 —
4x40 m. boðsund, frjáls aðf.:
1. A-sveit Akureyri 1 mín. 42.7 sek.
2. Vestm.e.-sveitin 1 — 47.6 —
3. B-sveit, Ak. 1 — 59.6 —
Það skal tekið fram, að nokkrir
úr knattspyrnuliðinu syntu einnig.
Fimmtudaginn 30. júní keppti
,,Þór“ frá Ak. við knattspyrnufé-
lagið „Týr“. Leikur þessi var ekki
eins skemmtilegur eins og fyrri
leikurinn, vegna þess að veður
var all-hvasst og mjög mikið sand-
rok á vellinum. Vann „Þór“ leik-
inn með 2 mörkum gegn 1.
Föstudaginn 1. júlí var flokkur-
inn í boði íþróttaráðs Vestmanna-
eyja. Var ekið í bifreiðum um
Heimaey og farið fótgangandi.
Skoðaðir voru merkir staðir og
séð í góðum sjónaukum yfir Suð-
urlandsundirlendið, því skyggni
var hið ákjósanlegasta.
Laugardaginn 2. júlí hófst 3. og
síðasti knattspyrnukappleikurinn
við Knattspyrnufélag Vestmanna-
eyja (úrvalslið úr Vestmannaeyj-
um). Veður var sæmilegt; samt
nokkur rigning. Kappliði „Þórs“
(Framh. á 4. síðu).