Dagur - 24.11.1938, Blaðsíða 1
D AGUR
kemur út ú hverjum fimtu-
degi. Kostar kr. 6.00 árg.
Gjaldkeri: Arni Jóhanns-
son í Kaupfél. Eyfiröinga.
Gjulddagi fyrir 1. júli.
Afgreiðslan
er hjá JÖNl Þ. ÞÖR, Norö-
urgötu 3. Talsími 112. Upp-
sögn, bundin við áramót, sé
komin til afgreiöslumanns
fyrir 1. des.
• • -• ♦
XXI.
arg
•i
►--•-♦-•-•-•- • • * t
-♦ ♦-♦-•■ ♦ ♦ #
* & «■
Akureyri 24 nóvembei 1938.
50. tbl.
-•-•-• • -•-<
Böðvar
Bjarkan.
Til viðbótar því, sem sagt var
um hinn látna merkismann í síð-
asta blaði, skal þetta tekið fram:
Foreldrar Böðvars Bjarkan voru
Jón .Ólafsson bóndi á Sveinsstöð*
um og kona hans Þorbjörg Krist-
mundsdóttir. Fimmtán ára gamall
hóf B. B. skólagöngu sína og að
loknu stúdentsprófi sigldi hann til
Kaupmannahafnarháskóla, las þar
fyrst læknisfræði, en sneri sér síð-
an að lögfræði, hvarf próflaus
heim 1905, kvæntist ári síðar
Kristínu Jónsdóttur frá Auðólfs-
stöðum, reisti bú að Einarsnesi i
Borgarfirði og bjó þar um skeið,
lauk lagaprófi við háskólann í
Reykjavík 1912, sama ár og hann
fluttist til Akureyrar.
Hér stundaði Böðvar margvís-
leg lögfræðistörf, var meðal ann-
ars hin síðari ár lögfræðilegur
ráðunautur K. E. A., í stjórn verk-
smiðja S. í. S., eftirlitsmaður við
útibú Landsbankans á Akureyri,
formaður fasteignamatsnefndar og
umboðsmaður Brunabótafélags ís-
lands frá stofnun þess. Lengi hefir
hann átt sæti í skólanefnd barna-
skólans hér og ýms önnur störf
hafa honum verið falin bæði af
ríki og bæ.
Böðvar Bjarkan var lipurt ljóð-
skáld, en bar lítið af þeirri fram-
leiðslu á borð fyrir almenning,
datt þó eitt sinn í hug að gefa út
ljóð sín, en hvarf frá því ráði aft-
ur.
Hvenær og hvernig verður fyllt
það skarð, sem orðið er við frá-
fall Böðvars Bjarkan? Við þeirri
spurningu mun öllum erfitt um
svar, en hitt mun öllum ljóst, að
með andláti hans varð mikill
mannskaði.
Jarðarför Böðvars Bjarkan fór.
fram í gær að viðstöddu miklu
fjölmenni. í heimahúsum talaði
síra Sigurður Stefánsson, en sókn-
arpresturinn, síra Friðrik J. Rafn-
ar, flutti ræðu í kirkjunni og
framkvæmdi önnur prestsverk.
Við líkfylgdina stóðu börn úr
efstu bekkjum barnaskólans í
röðum beggja vegna Hafnarstræt-
is í nánd við Kaupvangstorg, með
íslenzka fánann í höndum, og
báru kennarar skólans kistuna á
því svæði. Að öðru leyti báru
starfsmenn úr K. E. A. kistuna
frá heimijhnu o| að kirkjy, sem er
alilöng leið, og síðan frá kirkj-
unni til grafar. Bæjarstjórn bar
kistuna í kirkju, en Oddfellowar
úr kirkju og stóðu heiðursvörð
meðan athöfnin fór þar fram. Var
útförin öll hin hátíðlegasta.
jónas jónsson
alþingismaður kom heim úr
Ameríkuför sinni í fyrradag. I
sambandi við komu sína og dvöl í
Kanada og Bandaríkjunum og
starf sitt vestur þar, getur hann
sagt eins og Júlíus Cæsar: „Eg
kom, sá og sigraði“. Hinar lát-
lausu frásagnir vestanblaðanna
um ferðir J. J., erindi þau, er
hann flutti víðsvegar og viðræður
hans við fjölda manna, bera þess
skýran vott, að hann hefir sigrað
hugi og hjörtu landa í Vestur-
heimi, og auk þess hefir hann
hlotið aðdáun margra enskumæl-
andi manna fyrir vitsmuni, skarp-
an skilning, hugsjónaflug og
íramsýni.
Hvar sem J. J. staldraði við á
ferðum sínum vestan hafs, flykkt-
ist fólkið úr nágrenninu á fund
hans, til þess að geta átt tal við
hann, og þakklæti sitt fyrir þær
ánægjustundir lét það í ljós á
margan hátt.
Er gott fyrir J. J. svo heilum
vagni heim að aka, sem raun er á
orðin.
Framsóknarfélögin í Reykjavík
fögnuðu heimkomu J. J. með
samsæti honum til handa í gær-
kveldi.
Kirkjan: Messað í Akureyrar-
kirkju kl. 2 n. k. sunnudag.
ZÍON' Næstkomandi laugar-
dagskvöld kl. 8,30: Æskulýðssam-
koma. Ungt fólk sérstaklega vel-
komið. Söngur og hljóðfæraslátt-
ur. — Sunnudag kl. 10,30 f. h.:
Sunnudagaskóli. — Sunnudag kl.
8,30 e. h.: Almenn samkoma. —
Allir velkomnir.
Maud Noregsdrottning andaðist
fyrir nokkrum dögum í Lundúna-
borg. Lík hennar verður greftrað
heima í Noregi. Hún var dóttir
Játvarðar 7. Bretakonungs, en
gift Hákoni 7. Noregskonungi.
Pétur Sigurðsson flytur erindi i
kvöld, kl. 8V2, í bæjarstjórnar-
salnum, um þjóðaruppeldi, sér-
menntun karla og kvenna, hjú-
skap og atvinnuleysið. Frjálsar
umræður á eftir, ef menn vilja.
Innggngur 1 króna.
Siprgeir Sigurðssoii
verður biskup.
Kii’kjumálaráðherra hefir lagt
til við konung, að síra Sigurgeir
Sigurðsson á ísafirði verði skipað-
ur biskup frá næstu áramótum að
telja. Fékk hann flest atkvæði í
nýlega lokinni biskupskosningu,
en ráðherra er heimilt að velja á
milli þeirra þriggja, sem fá flest
atkvæði.
Síra Sigurgeir Sigurðsson er
fæddur að Eyrarbakka 3. ágúst
1890. Foreldrar: Svanhildur Sig-
urðardóttir og Sigurður Eiríksson
regluboði.
Síra Sigurgeir lauk stúdents-
prófi 1913 og embættisprófi í guð-
fræði í febrúar 1917. Vígður 7.
okt. 1917 aðstoðarprestur á ísa-
firði. Árið eftir fékk hann veit-
ingu fyrir ísafjarðarprestakalli og
hefir þjónað þar alla tíð síðan, eða
í 21 ár. Hann hefir jafnan verið
vinsæll í söfnuði sínum. Kvæntur
er séra Sigurgeir Guðrúnu Pét-
ursdóttur frá Hrólfsskála, og eiga
þau 4 börn.
Sigurlína Hallorímsdáítir
Völlum.
Fædd 6. september 1854.
Dáin 24. október 1938.
Er út þig kallar elli og Hel,
nú ómar kveðjulag.
— Þú reyndist þínum vinum vel,
þeir vitna um það í dag.
Við haustsins barm þig kveðjum
klökk,
er kvöldsól hnígur þín.
Þér fyrir kynning flytjum þökk,
er ferill þinn hér dvín.
Og barna og ættfólks kveðja kær
af klökkva flutt þér er,
og eins frá þeim, sem eru fjær
og ekki koma hér.
Með sterkan vilja og staðfast geð
að störfum ötul vannst.
Og einlæg samúð öðrum með
og alúð hjá þér fannst.
Þótt örðugleika að etja við
sem aðrir hefðir þú,
þú bjartsýn öllu brostir við
sem barn, í von og trú.
Við starf og þraut þín sterka trú
var styrkur þinn og hlíf,
og einnig dætra arfleifð sú
nú auðgar þeirra lif,
Því óðal vonar er sú trú,
sem öruggt vísar leið:
að fyrir handan banabrú
sér bætt hver þraut og neyð.
Sú trú er athvarf eiginmanns,
sem ellimæddur ber
nú þunga sorg, en hugur hans
til hæða fylgir þér.
Hann góða samfylgd þakkar þér;
hans þökk er kveðjugjöf,
sem forfallaður frá því er
að fylgja þér að gröf.
Þú bíður hans á bak við tjald,
þar birtan aldrei dvín,
og annast þig hið æðsta vald,
en okkur minning skín.
B. I.
Jónas Jónssen frá Hrfsum.
Fæddur 2. apríl 1863.
Dáinn 24. október 1938.
Ferðamanna í fararbroddi
fórstu ekki lífs þíns skeið;
heldur ei með eggju og oddi
álitsmálum brauztu leið.
Þótt mun hafa á þér í skála
þörf engin til stærri mála.
En hvar sem þú í mannhóp mættir,
myrkur og ólund hrukku frá.
Margraddaður gall við gættir
gleðimála hlátur þá:
Víl og æðra, vol og kvíði
voru brottræk ger frá lýði.
Þannig varstu gleðigjafi
gumum marga liðna stund,
léttir þeim á lífsins hafi
iangróðra um byljótt sund,
jafnt og þétt í kröppum kjörum
karlmannlega hress í svörum.
Kynnu suma höfði hærri
að hafa bugað lífskjör þín;
því þú varst mörgum stórum
stærri
að sterkri gleði, bjartri sýn.
Af glettni og spaugi gnægð þú
veittir,
í glaðheim moldarkofa breyttir.
Læst er kofa, ljóri fenntur,
lokað auga, stirðnuð hönd,
glaður og reifur gumi lentur,
geiglaus, upp við Furðuströnd,
og aðbúð þar mun una góðri,
aðkominn úr þungaróðri.
J. K.
Kvenfélag Akureyrarkirkju hef-
ir opinberan dansleik í Samkomu-
húsinu á laugardagskvöldið kem-
ur (26. nóv.). Hefst kl. 10. Bezta
„músík“ bæjarins.