Dagur - 10.06.1965, Blaðsíða 2

L deild Akureyri-Akranes 2:2
Leikur glataðra tækifæra
ÞAÐ var bezta knattspyrnuveð-
ur á sunnudaginn er gulir og
svartir Akurnesingar hlupu inn
á völlinn til að mæta heima-
mönnum hér á Akureyri.
Akumesingar kusu að leika
undan hægri norðan golu. Þeir
byrjuðu leikinn á fullri ferð og
áður en mínúta var liðin varð
Samúel markvörður að grípa
inn í leikinn. Akureyringar virt
ust ekki vera með á nótunum,
það var eins og þeir áttuðu sig
varla á því að leikur var haf-
inn.
Svo jafnast leikurinn og
heimamenn ná nokkrum all-
hættulegum upphlaupum, er
renna út í sandinn, þá upp að
marki er komið. Er 10 mínútur
eru af leik stöðvar Magnús
Rnöttinn á miðjum vallarhelm-
ing Akurnesinga, gefur út til
vinstri á Valstein, er leikur lag-
lega á bakvörðinn og skaut,
hörkuskot, Helgi Dan., sem
kominn er aftur í mark Akur1
nesinga, ver vel.
Mínútu síðar endurtekur
Drengja- og kvenna-
inót UMSE
KVENNA- og drengjamót Ung-
mennasambands Eyjafjarðar i
frjálsum íþróttum verður hald-
ið á íþróttavellinum á Lauga-
landi n. k. laugardag 12. júní,
og hefst kl. 2 e. h.
Konur keppa í 100 m hlaupi,
4x100 m boðhlaupi, kúluvarpi,
kringiukasti, langstökki og há-
stökki.
Drengir keppa í 100, 400 og
1500 m hlaupum, 4x100 m boð-
hlaupi, kúluvai-pi, kringlukasti,
spjótkasti, langstökki, þrístökki
og hástökki. — Rétt til keppni
á drengjamótinu hafa piltar 18
ára og yngri. □
sama sagan sig og enn ver
Helgi með prýði.
23. mínúta. Margskotið á Ak-
urnesingamarkið og Helgi kast-
ar sér og bjargar á línu. Tveim
mínútum síðar er hom á Akur-
eyringa. Matthías tekur gott
horn. Það er skotið, og skotið,
og aftur skotið og knötturinn
lendir ýmist í varnar- eða sókn-
arleikmanna, sjálfsagt einir 10
inn á markteig. Að lokum hrekk
ur knötturinn út fyrir vítateig,
til Ríkarðs, er leikur nú fram-
vörð. Hann gefur sér tíma og
þrumar í markið, óverjandi. 1:0
fyrir Akranes.
Rétt áður í þessari sóknar-
lotu, hafði Jón Stefánsson feng-
ið slæma byltu og verður að
yfirgefa völlinn. Magnús tekur
stöðu Jóns, Sævar fer í fram-
varðarstöðu og inn kemur Þor-
móður í innhgrjastöðu. Það var
eins og liðið hefði fengið rot-
högg við: missi. Jóns, enda voru
■ mö,rg upphlájip búin að stranda
á honum, "©g Akurnesingar
sækjá ákaft, en svo finna menn
sjálfa.sig.ög fara að spila. Á 38.
mínútu leikur Valsteinn á Pét-
ur bakvörð þeirra Skagamanna,
og hvorki í fyrsta né síðasta
sinn í leiknum, upp undir enda-
rriörkum, gefur vel fyrir til
Skúla, er neglir hann með
ihausnum í netið. 1:1 og þannig
lauk hálfleikrium, fjörugum og
spennandi leik.
SÍÐARI HÁLFLEIKUR.
Akurnesingar skipta nú um
leikaðferð, leika með stuttum
sendingúm mann frá manni, en
áður höfðu þeiiýnotað langsend-
ingar. Þ.eir ná allgóðum tökum
á leiknum við og við en heima-
,. menn eru ekki af baki dottnir.
Skúlj gefur larigan bolta fram
á Stejngrím, er hleypur Krist-
inn Gunnlaugsson af sér og
skorar mjög fallega, 2:1 fyrir
Akureyri og sigurinn blasir við
heimamönnum. Hvert upphlaup
ið rekur annað, en allt virðist
renna út í sandinn, þegar upp
að marki andstæðinganna er
komið, enda voru Akurnesing-
ar engin lömb að leika sér við,
með Helga Dan. sem bezta
mann liðsins og Ríkharð og Jón
Leósson á þönum í vöm og
sókn til skiptis.
Á 17. mínútu gera Guðni og
Númi sig seka um gróf mistök,
missa knöttinn fyrir fætur
Björns Lár. er sendir í snatri
fyrir mark og Donni, sem nú
lék miðherja, potar knettinum
í markið, 2:2.
Akui-eyririgar sæltja mjög
fast síðustu mínútur leiksins og
á þrem síðustu mínútunum eiga
þeir tvö hörkuskot á markið, en
Helgi var vel staðsettur og
varði frábærlega vel í bæði
skiptin, en skotin voru alveg út
við stöng, sitt hvoru megin. Og
þannig endaði leikurinn, jafn-
tefli, 2:2.
Dómari var Karl Bergmann.
Má kannske segja, að hann hafi
komizt skammlítið frá því starfi.
Leikurinn var nokkuð harður á
köflum og hafði dómarinn ekki
tök á honum sem skyldi. Ég
hefi ekki séð línuverði rækja
sitt starf betur en í þessum leik,
enda þótt dómarinn hundsaði
þeirra starf oftar en einu sinni.
Ég tel að Akurnesingar megi
vel við úrslitin una, en ekki Ak-
ureyringar, því eftir gangi leiks
ins hefðu heimamenn átt að
vinna með tveggja marka mun.
EFTIR LEIKINN.
Guðjón Finnbogason þjálfari
Akurnesinga.
— Telur þú þetta góðan leik
þinna manna?
— Fyrri hluti síðari hálfleiks
var betur leikinn hjá okkur en
verið hefir í sumar. Ég er ekki
,óánægður með jafntefli.
Ríkharður fyrirliði.
— Finnst þér áhorfendur
knattspyrnuleikja hér á Akur-
eyri vera hávaðasamari og
halda meira með sínum mönn-
um en annars staðar gerist?
— Nei, alls ekki, hér er gott
að leika knattspyrnu.
— Úrslitin?
— Ekki ósanngjörn.
Jón Stefánsson fyrirliði Akur-
eyringa.
— Leið þér ekki illa sem
áhorfandi?
— Jú, mér fannst margt fara
úrskeiðis hjá okkar mönnum.
Svo mættu heimamenn hvetja
okkur meira, það er uppörv-
andi.
Skúli Ágústsson.
— Hvað um leikinn?
— Það er óskapast yfir því,
að við skulum ekki gera mark
í hvert skipti og við skjótum á
mark, en sannleikurinn er sá,
að við fáum mjög litla æfingu í
að skjóta á mark. Þetta blessað
vallarráð, eða hver það nú er,
sem ræður yfir vellinum, lofar
okkur af mestu náð að æfa á
grasvellinum einu sinni í viku,
en þá með því skilyrði, að við
komum ekki nálægt mörkun-
um. Það væri því ekki til mikils
mælst, að við fengjum foranlegt
mark, í fullri stærð, sem við
gætum haft á hliðarlínu eða
miðjum velli og æft skot á það.
— Já, það er satt, Skúli.
Því má bæta við, að sömu
mistökin endurtóku sig fyrir
leikinn nú, og á dögunum við
Fram á dögunum, að nöfn leik-
manna voru þulin í gjallarhorn,
er var svo langt í burtu, að
ekki varð greint af áhorfend-
um, hvað sagt var. Það væri nú
ekki frágangssök fyrir háttvirta
mótstjórn, að sjá um að hornin
yrðu færð fyrir næsta leik. S. B.
SMÁTT OG STÓRT
(Framhald af blaðsíðu 8).
ir stjórn Ingólfs Ánuannssonar
liestamanns, sem claglega eru á
ferðinni í útjaðri Akureyrar
kaupstaðar, sýnir hvert stefnir
liér í bæ. Það er Æskulýðsráð,
seni hefur komið þessum reið-
skóla á Iaggimar og er þetta hið
ánægjulegasta. Og vel reynast
hestarnir hinum ungu knöpuni,
jafnvel fjörháir hestar fyrirgefa
barnabrek og eru liinir Ijúfustu.
ÍSLANDSSILDIN HÆKKAR
1 VERÐI
Samkvæmt NTB frétt, hækkar
Islandssíldin til muna í verði.
Samninganefndir Norðmanna
og Svía hafa sarnið um stórhækk
að verð á síld er Svíar kaupa og
nemur hækkunin 133 krónum
ísl. á tunnu af saltsíld og verð
á kryddsíld og sykursíld um 120
kr. hærra.
SKORTUR Á VINNUAFLI
SYÐRA
Nýlega liafa borizt þær fréttir
að sunnan, að vöruflutninga-
skip hafði í vor orðið að bíða í
marga daga eftir afgreiðslu í
Reykjavíkurhöfn, jafnvel allt
að því lieila viku, vegna skorts
á vinnuafli. Þegar þetta o. fl. af
sama tagi er haft í huga, virð-
ist það vera að bera í bakka-
fullan lækinn ef nú ætti að
staðsetja stóriðjufyrirtæki á
i Reykjavíkursvæðinu. í augum
þeirra, sem eitthvað hugsa um
skipulagningu landsbyggðarinn-
ar, er það í rauninni fjarstæða,
að láta sér cletta slíkt í hug.
Ef ráðist er í stóriðju, að tilhlut-
an þjóðfélagsins, á auðvitað að
nota það tækifæri til að stuðla
að jafnvægi milli landshluta.
Ef semja á við útlend fyrirtæki
um slíkt fyrirtæki, átti að hefja
viðræðurnar á því, að gera þeim
þetta ljóst. Því miður var það
ekki gert.
NÝ VIÐHORF AÐ SKAPAST
Að einu leyti heíur nú, að því
cr virðist, skapast nýtt viðhorf
í þessu máli. Áður var talað um
30 þús. tonna verksmiðju, og sú
verksmiðjustærð var talin úti-
loka virkjun við Dettifoss,
vegna vöntunar á orkusölu-
möguleikum. Nú er almennt
talað um lielmingi stærri verk-
smiðju, cða 00 þús. tonna verk-
smiðju. Aðalmótbáran gegn því
að virkja Dettifoss til aluminí-
umvinnslunnar, er þar með úr
sögunni. Og margir segja nú,
að Sunnlendingum veiti ekki af
Búrfellsvirkjuninni — til al-
mennra þarfa, er stundir líða.
IMINKURINN HAFÐI EKKI
MATFRIÐ
Fyrir skömmu sáu starfsmenn
Akureyrarflugvallar mink einn
við ána, nálægt flugvellinum.
Þeir munu liafa hugsað til
margra æðarhreiðra rétt við flug
brautina er þeir hófu árás á ó-
vininn. Minksins misstu þeir að
vísu en gengu þess í stað fram á
nýveiddan silung, scm mink-
urinn varð að yfirgefa.
Meindýraeyðir kaupstaðarins
fór nú á stúfana og fór margar
minkaferðir, sem báru ekki ár-
angur. En það þóttist hann vita,
að dýrið liefði aðsetur í grjóti
brúarstöpuls í Eyjafjarðará. —
Flugturninn reyndist vel not-
hæfur íil að fylgjast með ferð-
um meindýra og Sverrir Vil-
lijálmsson flugumferðastjóri sá
minkinn og skaut hann. □
Frá Lúðrasveit Ak.
í DEGI, 2. júní s.l. er að því
spurt, hversvegna lúðrasveitin
hafi ekki leikið þjóðsöng Norð-
manna, þegar norski kórinn
kom og söng við hátíðahöld
Sj ómannadagsins.
Ástæðan var sú, að enginn af
lúðrasveitarmönnum hafði hug-
mynd um að kórsins væri von,
fyrr en nokkrum mínútum áð-
ur en hann kom. Hafði því
þjóðsöngurinn ekki verið æfð-
ur, og ekki einu sinni allar nót-
ur meðferðis. — Lúðrasvcit Ak-
ureyrar. □
GÓÐ AUGLÝSING -
GEFUR GÓÐAN ARÐ