Dagur - 16.11.1977, Síða 8

DAGUR Akureyri, miðvikudaginn 16. nóv. 1977 [yGG233 —UUSSISC--' RAFGEYMAR „ @ j í BÍLINN, BÁTINN, VINNUVÉLINA "ERK' Ifbj 1

Hvammur, félagsheimili skátanna á Akureyri.
(Ljósm. E. D.)
4-500 skátar á Akureyri
í stuttri heimsókn á skáta-
þing, sem haldið var í Hrafna-
gilsskóla á dögunum, tók frétta-
maður eftir því, hve lítið var
reykt í þeim hundrað manna
hópi karla og kvenna, sem þar
voru að störfum, svo ekki sé
minnst á annan ófögnuð, sem
einkenni setur stundum eða
jafnvel oft á samkomur hverju
nafni sem nefnist, nema guðs-
þjónustur, en sá ófögnuður sást
ekki þar, og er þar átt við
áfengið.
Vel var það við hæfi í frá-
sögn af skátaþinginu að minn-
ast á skátahreyfinguna á Akur-
eyri, svona í leiðinni, en til þess
var ekki rúm þá.
Á Akureyri eru á fimmta
hundrað skátar í tveim félög-
um karla og kvenna. Heitir fé-
lag karla Skátafélag Akureyrar
en félag kvenna heitir Valkyrj-
an. Félagsforingjar eru Gunnar
Jónsson og Hulda Þórarins-
dóttir. Deild kvenna mun vera
eitthvað fjölmennari.
Þessi tvö félög skiptast niður
í sveitir, líklega um tuttugu
talsins.
Þá er starfandi félag eldri
skáta, eða St. Georgsgildið, en
formaður þe,ss er Aðalgeir Páls-
son og Hiálparsveit skáta er
undir stjórn Dúa Bjömssonar.
Skátafélögin á Akureyri eiga
Hvamm, þ. e. gamla sýslumanns
húsið, einnig Gunnarshóhna á
Oddeyri og Fálkafell, og hjálp-
arsveitin hefur einhverja að-
stöðu í húsnæði á Oddeyri og
eru þessar húseignir á vegum-
karlafélaganna, en konur eiga
Valhöll og Völuból.
Margt er það í skátahreyfing-
unni, sem er aldar gömul, en
fluttist hingað til lands um 1912,
er hlotið hefur viðurkenningu
þjóðanna fyrir sín hollu upp-
eldisáhrif.
• Hitaveitan
kostar nú
1500 milljónir
Nú hefur reglugerð fyrir
Hitaveitu Akureyrar og
fyrsta gjaldskrá verið stað-
fest af iðnaðarráðuneytinu
og verða þær væntanlega
birtar í Stjómartíðindum
þessa dagana. Talað er um,
að gjaldskráin feli í sér að
hitunarkostnaður með hita-
veituvatni sé um 70% af hit-
unarkostnaði með olíu að
meðaltali.
Kostnaður við hitaveitu-
framkvæmdirnar er orðinn
um 1500 milljónir króna, en
þar af er borkostnaður mjög
mikill. Þetta hefur að mestu
leyti verið fjármagnað með
erlendum lánum, nema bor-
kostnaðurinn. Orkusjóður
hefur lánað verulegt fjár-
magn og einnig Byggðasjóð-
ur vegna borana.
• Mikið starf
framundan
Framsóknarfélag Akureyrar
hefur þegar haldið aðalfund
sinn, kosið sér nýjan for-
mann, Pétur Valdimarsson,
ennfremur hefur það kosið
sér fulltrúaráð, en formaður
þess er Hallgrímur Skafta-
son. Framundan eru mikil
félagsmálastörf, meðal ann-
ars vegna bæjarstjómarkosn
inganna í vor og alþingis-
kosninganna. Að sjálfsögðu
velta menn því fyrir sér,
hvemig framboðslisti fram-
sóknarmanna hér í bæ verð
ur skipaður að þessu sinni.
Á síðasta sumri var kosin
nefnd til að athuga mögu-
leika á framboðsmálum og
þessi mál em enn í deigl-
unni.
• Verður skoð-
anakönnun?
Enn hefur engin ákvörðun
verið tekin um það, á hvern
hátt staðið verður að upp-
stillingu listans, en nokkur
áhugi er á prófkjöri eða skoð
anakönnun, þótt gallar þess
séu e. t. v. ljósari nú, eftir
ævintýri Alþýðuflokksins,
en nokkru sinni fyrr. Ekki
hefur heldur verið tekin
ákvörðun um hugsanlegt
samstarf við aðra svo sem
lýðræðissinnaða félags-
hyggjunienn, og þá aðila yf-
irleitt, sem standa utan fé-
lagsins. Er nú opin leið, fyr-
ir ófélagsbundna stuðnings-
menn Framsóknarflokksins,
að ganga í Framsóknarfélag-
ið og taka þar þátt í stefnu-
mótun og öðrum ákvörðun-
um. Hin pólitísku flokks-
félög eru hinn rétti vettvang
ur fólksins til pólitískra
áhrifa.
Söguritun Akureyrar rædd
Ný brú
Sauðárkróki 14. nóvember. Ver-
ið er að leggja síðustu hönd á
brúna yfir Austurósinn á Hér-
aðsvötnum og er nú aðeins eft-
ir að ganga frá handriðinu. Er
brúin mikið mannvirki, svo og
vegurinn um sandana að henni
og frá. Vegurinn frá brúnni er
nú orðinn 7 eða 8 kílómetra
langur og liggur ofan við Garð
í Hegranesinu. Verður þessi
nýi vegur tengdur þeim eldri
jafnskjótt og smíði brúarhand-
riðs er lokið. Sá vegur sem kom-
inn er, er alveg ágætur og verð-
ur snjóléttari að miklum mun.
Verður þetta mikil samgöngu-
bót.
Prófkjörið hér í kjördæminu
fer fram dagana 24.—27. nóv.
Þeir sem um er kosið eru þess-
ir: Ólafur Jóhannesson, ráð-
herra, Páll Pétursson, alþingis-
maður, Stefán Guðmundsson,
framkvæmdastjóri, Bogi Sigur-
björnsson, skattaendurskoðandi
Guðrún Benediktsdóttir, vara-
þingmaður, Brynjólfur Svein-
bergsson, oddviti og Magnús
Ólafsson á Sveinsstöðum. Þetta
er ekki bindandi prófkjör eða
skoðanakönnun, nema þá sið-
ferðilega.
Nú er norðan hríðarveður og
leiðindaveður. Bændur hafa
tekið fé sitt í hús, en áður lömb
og hrúta. Stórgripaslátrun stend
ur yfir en fer að ljúka. Nokkur
snjór er kominn en allir vegir
greiðir innan héraðsins. G. Ó.
Fréttamenn voru kallaðir á
fund sl. föstudag á Hótel KEA,
þar sem rætt var um ritun sögu
Akureyrar. En í tilefni af 2500.
fundi bæjarstjómar samþykkti
hún að leggja fram úr bæjar-
sjóði 2,5 milljón krónur til sögu-
ritunar. Ákveðið var einnig að
halda á þessu hausti ráðstefnu
um þessi mál og nefnd var kjör.
in til að undirbúa ráðstefnuna.
í henni eiga sæti Valgarður
Baldvinsson af hálfu bæjarráðs,
Gísli Jónsson af hálfu Bóka-
safnsnefndar og Haraldur Sig-
urgeirsson af hálfu Menningar-
sjóðs bæjarins. En Gísli Jóns-
son hafði orð fyrir nefndinni.
Með nefndinni starfar Lárus
Zophoníasson amtsbókavörður.
Ráðstefnan verður haldin um
næstu helgi, svo sem nánar
greinir í auglýsingu í blaðinu
í dag, og er hún öllum opin.
Sérstök athygli er vakin á því,
að þar verður fjallað um fram-
kvæmd söguritunar og væntan-
lega einnig um útgáfu. Ráð-
stefnan fer fram í Amtsbóka-
safninu af því tilefni, að safnið
er 150 ára stofnun.
Um fleiri en eina leið er að
velja við söguritun bæjarins.
Vel má hugsa sér söguna í stór-
um dráttum í fáum bindum, og
þá með það í huga, að s’ðar eða
jafnhliða yrði saman saga ein-
stakra atvinnu- og menningar-
þátta, félaga, lista, bókmennta,
íþrótta o. s. frv. o. s. frv. Einnig
mætti hugsa sér sögu Akureyr-
ar skráða í heild og hverium
þætti gefið verulegt rúm. Yrði
þá útgáfan mjög viðamikil. —
Mikill vandi er að skipuleggia
söguritunina og útgáfuna og fá
til þess hæfa menn
Um eða eftir 1950 var í bæj-
arstjórn ákveðið að hefja sögu-
ritunina, en af þeirri útgáfu
varð ekki, en ýmislegt mun bó
hafa verið unnið að söguritun-
inni, sem ekki hefur komið
fram í dagsljósið. Ennfremur
hafa félög og stofnanir ýmist
gefið út afmælisrit eða þau eru
í undirbúningi. í raun er þetta
allt framlag til söguritunar bæj-
arins, og kemur eflaust að góðu
gagni, svo sem annar tiltækur
og mikilsverður fróðleikur. Og
í þessu sambandi má minna á
Sögu Akureyrar eftir Klemenz
Jónsson, sem nær til ársins
1905. Sennilegt er. að þetta mál
sé nú þar á vegi statt, að fjár-
framlög muni ekki skorta til
söguritunar né útgáfu, hversu
sem til tekst að skipuleggia
verkið skynsamlega og hrinda
málinu fram.
Til álita kemur við sögurit-
un Akurevrar, hve langt aftur
sagðan verður skráð að marki,
en líklegt er, að miðað verði við
síðustu hundrað árin eða rúm-
lega það, sem er jafn langur
tími og Akureyri hefur notið'
kaupstaðarréttinda.
Skrá þarf sögu búsetunnar og
atvinnuveganna, landbúnaðar,
fiskveiða, verslunar og iðnað-
ar. Ennfremur sögu fræðslumál-
anna, sem eru margþætt, heil-
brigðismála, íþrótta, söngs- og
tónlistarmála, um leiklistina,
hin mörgu félög karla og
kvenna, myndlist, kirkju og
kristnihald, samgöngumálin.
stjórnun bæjarins, lögreglumál,
samvinnusöguna sérstaklega,
bóka- og blaðaútgáfu, skemmt-
anir og margt annað á sviði at-
vinnumála, menningarmála og
lista. Þótt ekki sé lengur upp
talið, sýnir þetta hið yfirgrips-
mikla verk, sem söguritun Ak-
eyrar er, hvort sem sú sögu-
ritun yrði í ágripsformi, þá
væntanlega í þeirri trú, að
aðrir aðilar tækju saman ná-
kvæmari sögu hinna einstöku
þátta, e. t. vi. með hliðjón af
einni mikilli heildarútgáfu.
Á blaðamannafundinum, f. v. Haraldur Sigurgeirsson, Gfeli Jóns-
son og Lárus Zophoníasson, en einn nefndarmanna vantar á mynd-
ina, Valgarð Baldvinsson. (Ljósm. E. D.)