Dagur - 16.12.1977, Blaðsíða 1

Föstudagur 16. desember 1977
DAGUR
Blað II
Enn er biðstaða við Kröfluvirkjun
Fyrri vélarsamstæða Kröflu-
virkjunar er nú tilbúin til að
framleiða rafmagn. Dagur ræddi
við Einar Tjörva Elíasson, yfir-
verkfræðing Kröflunefndar, um
gang mála fyrir austan.
— Hvernig gengur orkuöflun-
in?
„Það eru fjórar holur tengdar
við gufuveituna, númer 6, 7, 9
og 11. Hola númer 6, sem fyrst
var tengd við veituna, er og
hefur alltaf verið léleg og sér-
staklega verið lítill þrýstingur
í henni. Hola númer 7 féll mjög
í afköstum í sumar, en nokkrar
holur hafa verið endurunnar.
Höfum við fengið ný tæki og
tekið upp nýjar aðferðir til þess.
T. d. var hola 7 endurunnin og
tókst það vel að því er virtist.
En þegar við hleyptum henni
upp, þá gaf hún ekki það afl
sem við væntum.
Allt borunarsvæðið hefur tvö
„kerfi“, svo kallað efra „kerfi“
og neðra „kerfi*. Efra kerfið nær
frá 300 metrum niður á 1200—
1300 metra, en neðra kerfið nær
eins langt niður og við höfum
þorað að bora. Það er mikið
ójafnvægi milli „kerfanna", og
þess vegna eru þær holur sem
við köllum „tveggja kerfa hol-
ur“ mjög óáreiðanlegar. Bæði
er þrýstingurinn misjafn og
þær „hlaupa á milli kerfa“. —
Þetta þekktum við ekki áður en
við hófum boranir á svæðinu.
Hola 7 er af þessari tegund, og
því dálítið erfið viðureignar. —
Gaf hún um 2.5 megavött, en
síðan hefur hún gefið sig nokk-
uð. Svo höfum við holu 9, sem
var hálfboruð. í sumar héldum
við áfram og reyndum að fóðra
af þetta svokallaða „efra kerfi“.
Það tókst vel og nú er þetta
besta hola svæðisins. Hola 10
var eitt sinn aflmesta holan. en
hún er borið þannig að bæði
„kerfin“ blandast í henni. Hún
gaf þá u. þ. b. 7 megavött, en
hefur fallið mjög síðan.
f holu 11 hefur ekki verið
mikið um útfellingu, en nokkuð
af gasi. Hún hefur verið aflmik-
i 1, eða um 5 megavött. Við gerð-
um allar forprófanir á vélum
með gufu úr þessari holu í
ágúst sl. Við boruðum þessa
holu aftur, því við héldum að
útfelling væri í henni, en við
það - virðast hafa opnast æðar
inn í efra kerfið og jafnvægi
raskaðist. Holan blæs nú við
svo lágan þrýsting, að við get-
um ekki notað hana núna. Mál-
in standa því þannig nú, að hol-
ur 7 og 9 eru einu holurnar
sem gefa háþrýstigufu.“
— Nægir þetta til orkufram-
leiðslu?
„Við vitum það ekki alveg.
Þegar við tölum um vött, þá eru
það útreiknuð vött en ekki
mæld vött. Það er því líklegt að
tölurnar minnki eitthvað þegar
orkan verður mæld við stöðvar-
húsvegg. Eftir þessum útreikn-
uðu megavöttum er þetta rétt
nægjanleg orka til að láta virkj-
unina „dúlla“ með 1—2 mega-
vatta afköstum.
Það var ákveðið á mánudag-
inn að fresta prófun þangað til
eftir áramót þar sem það tekur
því ekki að fá menn erlendis
frá hingað í nokkra daga fyrir
jól.
Það sem við ætlum að gera í
þessari biðstöðu er að prófa
Jólaskreytingar á Akureyri og jólakauptíðin setja árlega sinn svip á bæinn. — (Ljósm. E. D.>.
gufuveituna. Þá verða afköst
virkjunarinnar 'mæld við stöðv-
arvegg. Þegar við vitum um
þau, þá vitum við hvort það er
þess virði að setja í gang. Við
höfum að sjálfsögðu mikinn
áhuga á að gera það. jafnvel þó
megavöttin yrðu fá, því það er
óskaplega dýrt að fá menn er-
lendis frá. Eins er mjög nauð-
synlegt að geta keyrt vélarnar,
þó það sé á litlu aflti. Við verð-
um að afla okkur reynslu og
þjálfa starfsfólkið. Núna eru 10
menn fastir á vakt þarna upp-
frá á okkar vegum.
Það væri mjög gott ef við
værum með þessa virkjun
tengda, því byggðalínan getur
dottið út hvenær sem er.“
Dagur þakkar viðtalið. GM.,
Ný bók - Óður steinsins
Frumlegasta bók, sem út hefur verið gefin hér á landi
Ut er komin bókin Óður steinsins og er hún einstæð að efni og hin
fegursta að frágangi, í stóru broti, með litmyndum á annarri hvorri
blaðsíðu.
Eins og bókarheitið ber með sér, fjallar þessi bók um steina.
Ágúst Jónsson, byggingameistari á Akureyri og steinasafnari, hefur
sagað og slípað steinaija og tekið af þeim ljósmyndir, undramyndir
hvað snertir litauðgi og fegurð.
En Kristján skáld frá Djúpalæk orti ljóðaflokk, innbíósinn a£
fegurð og fjölbreytni steinanna og myndanna.
Steindór Steindórsson frá Hlöðum ritar eftirmála. Hann segir
f- , % Kristján frá Djúpalæk.
þar, að flestir steinanna, sem Ágúst hafi sagað í næfurþunna
flísar og myndað, séu kvarssteinar, til orðnir sem fyllingar í hol
um eða sprungum í bergi, svonefndir glerhallar. Hann segir einnig
að í bók þessari sé skyggnst inn í undraheim steinsins, og ham
sé leystur úr álögum. „Ég hygg,“ segir hann ennfremur, „að ekk
sé farið með nokkrar ýkjur, þótt sagt sé, að Óður steinsins s(
sérkennilegasta og um leið frumlegasta bók, sem gefin hefur veric
út hér á landi, og ef til vill í öllum heimi.“
Á einum stað segir Kristján frá Djúpalæk svo í þessari nýjt
bók um steininn:
Ágúst Jónsson.

Formæltu ekki steinvölunni
er særir il þína
göngumaður
kannski geymir hún
undir hrjúfri brá
það sem þú leitar
kannski er hún sjálfur
óskasteinninn.
Óður steinsins er prentaður í Prentsmiðju Odds Björnssonar hf.
á Akureyri. Enska þýðingu, sem einnig er í bókinni, annaðist Hall-
berg Hallmundsson, en hönnun Jón Geir Ágústsson.
Gallery Háhóll á Akureyri gefur bókina út.