Dagur - 30.10.1980, Blaðsíða 1

TRÚLOFUNAR-
HRINGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
AKUREYRI
LXIII. árgangur.
Akureyri, fimmtudaginn 30. október 1980
77. tölublað
Rimui
KoáaK

Nú cru akureyrskir kaupmenn byrjaðir að verðmerkja vörur sínar bæði með tilliti til gömlu og nýju krónunnar.
Hér er Sigbjörn Gunnarsson að koma fyrir nýju verðmerkingunni. Mynd: á.þ.
Solveig Eyfells
Skjölin geta verið verðmæt
Fyrr á þessu ári var stofnað
Héraðsskjalasafn Svarfdælinga,
sem aðsetur hefur á Dalvík.
Sólveig Eyfells, sem starfar við
safnið, sagði í samtali við Dag
að til safnsins væru sífellt að
berast ýmiskonar gögn, en svo
virtist vera sem fólk athugaði
ekki nógu vel hve verðmæt þau
skjöl kunna að vera sem það
hefur undir höndum.
Héraðsskjalasafnið hefur verið
komið fyrir í kjallara ráðhússins á
Dalvík og sagði Sólveig að það
húsnæði myndi duga vel um sinn.
Síðar er ætlunin að almenningur
fái aðgang að safninu og er ekki að
efa að margur grúskarinn mun
kunna vei að meta það.
„Það er komið heilmikið af op-
inberum skjölum. Nú síðast feng-
um við töluvert af slikum skjölum
úr Svarfaðardal,1' sagði Sólveig.
Kveikjuna að þessu safni átti
Kristmundur Bjarnason, frá
Sjávarborg, en hann er um þessar
mundir að rita annað hefti af sögu
Dalvíkur. Sólveig sagði að þegar
undirbúningur hófst að ritun fyrsta
bindisins hefði miklu verið safnað
af ýmiskonar skjöium sem tengdust
verkinu og hefur þessari söfnun
verið haldið áfram.
Sólveig viidi hvetja fólk til þess
að hafa samband við sig eða ein-
hvern úr stjórninni ef það teldi sig
hafa í sínum fórum eitthvað sem
safni af þessu tagi er ætlað að
geyma. í stjórn safnsins eru: Júlíus
Kristjánsson, Kristján Ólafsson,
Helgi Már Halldórsson, Gylfi
Bjömsson og Guðbergur Magnús-
son.
Helgar-Dagur keniur út á
morgun, helmingi stærri en
venja er til, eða 16 síður.
Efnið er fjölbreytt og meðal nýrra
þáttahöfunda í blaðinu má nefna
Jón Gauta Jónsson. Snorra Guð-
varðarson og Þorvald Þorsteinsson.
Opnuviðtal er við Þorvald Hall-
grímsson, stofnanda fyrstu dans-
hljómsveitarinnar á Akureyri,
X-bandsins.
Meðal annarra nýmæla í Helg-
ar-Degi má nefnji, að í ráði er að fá
myndlistarmenn á Akureyri til að
skreyta forsíðu blaðsins og það er
Guðmundur Ármann Sigurjónsson
sem ríður á vaðið með nýja dúk-
ristu.
Umsjónarmenn Helgar-Dags eru
starfsmenn á ritstjórn Dags.
Hólalax að hefja
starfsemi sína
Metveiði í sumar
Staðarfelli, 28. október.
Nú er liðinn rúmur mánuður
síðan veiði lauk í Skjálfanda-
fljóti en veiðitíminn er frá 20.
júní til 20. september. Þegar
veiðibókum hafði verið safnað
santan, kom í ljós að um met-
veiði var að ræða. AIls veiddust
424 laxar á stöng og um 1000
silungar, flestir sjórunnir. Áður
hafði veiðin orðið mest rúmlega
340 laxar árið 1978.
Meðalþyngd laxins reyndist hálft
tólfta pund, sem einnig er met.
Stafar það m.a. af því að nær eng-
inn unglax gekk í sumar. Er það í
samræmi við reynsluna af öðrum
ám a.m.k. hér í nágrenninu.
Spurningin er hvort niðurgöngu-
seiðin hafi aldrei komist til sjávar
vegna harðindanna í fyrra eða ver-
ið svo illa haldin að þeim seinki um
eitt ár og skili sér þá tvíefld að ári.
Athyglisvert er að sá smálax sem
veiddist í sumar var með afbrigðum
lítill og léiegur.
Leyft er að veiða á 5 stangir á
laxasvæðinu nema í ágúst, þá er
þeim fjölgað í 7. Á silungasvæðun-
um má veiða á 10 stangir. Þar er
veiði hinsvegar mjög lítið stunduð
þrátt fyrir ódýr leyfi. Auk þessa er
netaveiði heimiluð neðan brúar en
tölur um hana liggja ekki fyrir. Hún
mun þó vera óveruleg.
Eftir veiðitíma voru 26 laxar
veiddir í klak og á veiðitíma voru
20 settir í kistur í sama tilgangi.
Til gamans má geta þess að ef
laxinn sem veiddur var á stöng
hefði verið seldur á markaðsverði
hefði fengist fyrir hann u.þ.b.
helmingi hærri upphæð en nemur
leigunni af Fljótinu. J.A.B.
GUR
Fiskeldisstöðin á Hólum í
Hjaltadal, sem er í eigu Hólalax
h.f., er nú um það bil að hefja
starfsemi og er gert ráð fyrir að
stöðin verði formlega tekin í
notkun laugardaginn 8. nóvem-
ber. Nú er verið að ganga frá
þaki eldishússins, sem er um
1200 m2 að stærð, unnið er að
tengingu kalda vatnsins og í
næstu viku er reiknað með að
heitt vatn frá hitaveitunni að
Reykjum í Hjaltadal verði tengt
stöðinni, að sögn Gísla Páls-
sonar, stjórnarformanns Hóla-
lax h.f., sem jafnframt er for-
maður skólanefndar Hóiaskóla,
en miklar vonir eru bundnar við
að unnt verði að kenna fiskeldi
sem búgrein í tengslum við
stöðina.
í stöðinni verða 66 eldisker úr
plasti, auk 10 hringkerja, sem eru
að hálfu leyti innan- og hálfu
utanhúss. Stöðinni er eingöngu
ætlað að framleiða seiði til siepp-
ingar og í framtíðinni á að vera
hægt að framleiða 200 þúsund
gönguseiði og 3-500 þúsund sum-
aralin seiði, allt eftir því hvað
markaðurinn býður upp á.
Að sögn Gísla er eftirspurn eftir
seiðum í Noregi en meginforsend-
an fyrir framþróun fiskræktar í
stöðinni er að framleiðsla stöðvar-
innar verði nýtt í Húnavatns- og
Skagafjarðarsýslum. Að Hólalaxi
h.f. standa um 30 veiðifélög í áður-
nefndum sýslum með um 600 fé-
lagsmenn, stangveiðifélögin á
Sauðárkróki, Siglufirði og á
Blönduósi, ríkið að 40 hundraðs-
hlutum og nokkrir einstaklingar.
Þegar hafa verið ráðnir tveir
starfsmenn til stöðvarinnar, Pétur
Bjarnason og Sveinbjörn Oddsson,
og í haust hefur laxi verið safnað í
búr í Miðfjarðará, Víðidalsá,
Skjálfandafljót:
Vatnsdalsá, Laxá á Ásum, Blöndu
og lítilsháttar í Héraðsvötnum, sem
starfsmennirnir hafa síðan kreist,
þegar hrygnurnar hafa verið til-
búnar.
Á vegum Vegagerðarinnar hefur
verið byggð brú yfir Hvammsá,
sem hitaveitulögnin frá Reykjum
liggur um og auk þess settir niður
brúarstólpar í Hjaltadalsá, þar sem
aðveituæðin fer yfir, en þar verður
síðar sett brúargólf.
Reiknað er með að klakstöðin og
helmingsaðild Hólaiax h.f. í hita-
veitunni kosti yfir 400 milljónir
króna.
Bíða eftir
góðu veðri
svo hægt verði að
malbika
„Við eigum eftir að malbika
Brekkugötu og Klappastíg, en
vegna þess að fraus og snjóaði
varð að hætta framkvæmdum í
Brekkugötunni. Einnig stendur
til að malbika Drottningar-
brautina, austan við Leikhúsið,
en ég á ekki von á að það verði
gert í vetur. Nú er beðið eftir að
veður batni svo hægt verði að
Ijúka við malbikun,“ sagði
Gunnar Jóhannesson, verk-
fræðingur hjá Akureyrarbæ í
samtali.
Starfsmenn Akureyrarbæjar eru
búnir að undirbúa Brekkugötuna
fyrir malbik, en eftir er að jafna
jarðveg í Iýlappastíg og því verður
frost að fara úr jörðu ef hægt á að
vera að malbika götuna.
Gunnar sagði að töluvert væri
eftir að malbika af bílastæðum og
plönum fyrir einstaklinga og fyrir-
tæki. Hvort af því getur orðið er víst
ekki í valdi starfsmanna bæjarins.
Valgarður í
Gallerí Háhóli
Myndlistasýningu Valgarðs
Stefánssonar í Gallerí Háhóli
lýkur nú um helgina. Á sýning-
unni eru um 60 myndir og hafa
margar þeirra þegar selst, en
mikil aðsókn var á sýninguna um
síðustu helgi. Myndirnar eru
flestar unnar með pastel-litum.
Þetta er önnur einkasýning Val-
garðs, en hann hefur auk þess
tekið þátt í allmörgum samsýn-
ingum. Sýningin er opin á laug-
ardag kl. 16-22 og á sama tíma á
sunnudag. Virka daga er sýningin
opin kl. 20-22.
Verðá
líflömbum
Framleiðsluráð landbúnaðarins
hefur ákveðið að verð á líflömb-
urn verði kr. 1215 á kg.
Nýtt verð á
hrossakjöti
Þann 22. október var ákveðið
verð á hrossakjöti til framleið-
enda og heildsöluverð. Fyrir fol-
alda- og tryppakjöt í 1. verðflokki
eiga framleiðendur að fá kr. 1200
en heildsöluverð er 1505 kr. á kg.
í öðrum verðflokki er heildsölu-
verðið kr. 1226 en framleiðenda-
verð kr. 960. Fyrir 3ja verðflokk
eiga framleiðendur að fá kr. 720 á
kg en heildsöluverðið er 936 kr.
Leikarar á Dalvík
fara til Danmerk-
ur — en sýna fyrst
á Húsavík
Undanfarið hefur Leikfélag Dal-
víkur æft upp leikritið Sauma-
stofan eftir Kjartan Ragnarsson,
en þetta leikrit var sýnt á Dalvík
leikárið 1978 til 1979, meó ferða-
lag til Danmerkur í huga, en sú
ferð er nú aó verða að staðreynd.
Leikfélag Dalvíkur- fékk boð frá
áhugaleikfélagi í Nordsten.
Einnig er fyrirhugað að sýna í
Viborg og Aarhus. Æfingunt er
að Ijúka og hefur verið ákveðið að
sýna leikritið á Húsavík þann 1.
nóvember. Leikstjóri er Guðrún
Alfreðsdóttir.