Dagur - 26.11.1986, Side 7

26. nóvember 1986 - DAGUR - 7
Þingið var nokkuð vel sótt. Eftir að hafa hlýtt á framsögueríndi ræddi fólk saman í hópum og lagði spurningar fyrir
menningarmáianefnd. Myndir: rpb
að styttast í peningana, sem
aldrei má minnast á. Svo er það
líka þannig að vinsældir og sala
bóka eiga sjaldan neitt skylt við
bókmenntalegt gildi þeirra.
Spjari bókmenntirnar sig,
hljóta höfundarnir að gera það
líka. „Þeir sem seljast þurfa ekki
styrki. Þeir sem seljast geta skap-
að sér næði til að skrifa.“
Jón Laxdal fór nokkuð háðug-
legum orðum um útdeilingu lista-
mannalauna og kallaði þetta
„listamannasjúkrasamlag“. Hann
vitnaði í Helga Hálfdanarson
sem sagði engan rithöfund þurfa
meiri tíma en fæst að afloknum
venjulegum vinnudegi (hann hef-
ur sennilega þekkt til Halldórs
Stefánssonar sem skrifaði smá-
sagnaperlur sínar eftir vinnu sína
við bankastörf - innsk. SS).
Jón lagði til að bærinn auglýsti
lausar stöður í ýmsum listgrein-
um. Þannig væri kominn vísir að
listamannalaunum í bænum sem
myndi hafa góð áhrif á listamenn
svo og myndi það skila sér fyrir
bæinn.
Amtsbókasafnið sprungið
Næstur á mælendaskrá var Lárus
Zophoníasson amtsbókavörður.
Hann rakti húsnæðishrakninga
Amtsbókasafnsins en núverandi
húsnæði fékkst loks árið 1968.
Jafnframt er héraðsskjalasafn í
tengslum við bókasafnið. En
Amtsbókasafnið er sprungið,
aðeins 18 árum eftir flutninginn í
nýtt og rúmgott húsnæði. Þess
ber að geta að ríkið hefur þarna
átt stóran hlut að máli. Akureyr-
arbær hefur þurft að taka við öllu
prentuðu efni hér á landi og ríkið
hefur ekki tekið nægan þátt í
þessu prentskilasafni, það gæti
a.m.k. greitt sem svarar launum
eins bókasafnsfræðings. Annars
verður bara að segja „nei takk“
við þessum prentskilum. Því er
það svo að allar geymslur Amts-
bókasafnsins eru yfirfullar og
margt er óskráð.
Lárus stakk upp á því að bær-
inn keypti lóð í Brekkugötu
norðan við bókasafnið og byggði
þar nýtt hús. Jafnvel væri hægt að
tengja húsin saman. Slíkt ætti
ekki að vera nokkurt mál fyrir
góðan arkitekt.
Þá sagði Lárus að í Davíðshúsi
væri bókasafn sem ætti eftir að
skrá. Varðandi Sigurhæðir lagði
hann til að bærinn keypti efri hæð
hússins og léti gera það upp.
Húsið væri ákjósanlegt að nota
sem íbúð þar sem skáld gætu
dvalist og unnið að ritstörfum.
Hermann Sigtryggsson,
æskulýðs- og íþróttafulltrúi, tók
næstur til máls. Hann sagði að
bæjarins væri oft minnst vegna
grósku í félagsmálum. Á Akur-
eyri væru 45 félög sem vinna að
æskulýðsmálum. Hins vegar væru
skilgreiningar nokkuð á reiki eins
og sjá mætti í fjárhagsáætlun
bæjarins. Hermann sagði 43 félög
á styrk frá bænum og bæri þar
hæst Leikfélag Akureyrar og
íþróttafélögin.
Hann bað menn að gæta þess
þegar skólabyggingar risu í nýj-
um hverfum að þær væru ekki of
einhæfar. Slíkt húsnæði ætti að
vera hægt að nýta til félags- og
menningarstarfsemi. Hermann
vonaði að menningarmálanefnd-
in myndi taka forystu í umræð-
unni um menningarmiðstöð.
Hann lauk máli sínu með þessum
orðum: „Gerum góðan bæ að
betri bæ.“
Steindór G. Steindórsson,
forstöðumaður Dynheima, flutti
síðasta framsöguerindið og ræddi
um unglingamenningu. Hann
sagði börn gjarnan verða fyrir
barðinu á lágmenningu, eða jafn-
vel ómenningu. Á unglingsárum
væru þessir einstaklingar opnir
og leitandi í afstöðu sinni og gætu
þá tekið við hámenningunni,
enda nauðsynlegt að láta ekki
lágmenninguna glepja sig. Hún
má ekki teljast eðlilegt ástand.
Að lokum áréttaði Steindór að
menning væri líka til meðal ungs
fólks og við þyrftum að hjálpa til
við að bæta menningu þess.
Menningarmálanefnd
Þá var komið kaffihlé og fólk
notfærði sér veitingar Zonta-
kvenna. Eftir kaffi skipti fólk sér
í umræðuhópa og ræddi um listir
og menningarmál og efni fram-
söguerindanna. Að hópeflinu
loknu komu leikarar frá Leikfé-
lagi Akureyrar og sýndu atriði úr
Marblettum. Að lokum sat
menningarmálanefnd fyrir
svörum. Hana skipa Gunnar
Ragnars formaður, Bárður Hall-
dórsson, Þórey Aðalsteinsdóttir,
Þröstur Ásmundsson og Jón Arn-
þórsson. Ymsum spurningum var
beint til nefndarmanna og þeir
greiddu úr eftir bestu getu. Ekki
var um áþreifanlegar niðurstöður
að ræða, en ljóst er að nefndin
mun hafa í ýmsu að snúast. Ég
ræddi við Bárð Halldórsson eftir
þingið.
„Það sem kemur hvað bita-
stæðast út úr þessu er að það
vantar hér pláss til margra hluta,
eins og við þegar vissum, og við
vorum fyrst og fremst að athuga
það hvort það væri hægt að sam-
ræma þetta allt í eina byggingu
eða hvort við þyrftum að skipta
þessu niður á ýmsa staði.
Varðandi hugmyndina sem
kom fram um starfslaun rithöf-
unda vil ég taka dálítið fram.
Staðreyndin er sú að Menningar-
sjóður Akureyrar hefur verið
mjög bágborinn undanfarin ár og
var framlag til hans 250.000 á síð-
asta ári og það er ekki hægt að
gera mikið fyrir það fé. En ég
reikna með því að það hækki
verulega.
Alþýðubankínn á Blðnduósi
Alþýðubankinn á Blönduósi hefur
starfsemi sína fimmtudaginn 27. nóv. 1986.
Afgreiðslutími er kl. 9:15-16:00 virka daga
og 17:00-18:00 á fimmtudögum.
Bjóðum ykkur velkomin í viðskipti og bendum
sérstaklega á fjölbreytilega valkosti í
innlánskjörum. Auk almennra reikninga
vekjum við athygli á æskusparnaði, lífeyris-
sparnaði og stjörnusparnaði.
í tilefni dagsins, fyrir alla landsmenn
BÚMANNSBÓKIN, nýr innlánsreikningur
sem sameinar kosti söfnunarreiknings og
geymslureiknings á afbragðskjörum.
Nánari upplýsingar á öllum afgreiðslustöðum í
Reykjavík, Akureyri, Akranesi, Húsavík og
nú á Blönduósi.
Við gerum vel við okkar fólk.
Alþýðubankinn hf
i