Dagur - 12.08.1987, Blaðsíða 1
Filman þín
á skilið það
besta1
Nýja Filmuhúsið
Hafnarstræti 106 - Sími 27422' Pósthólf 196
H-Lúx
gæðaframköilun
Hrað-
framköllun
Opiö’á
laugardögum
frákl. 9-12.
Hlutur sjómanna
skerðist um 1%
—olíuverð komið yfir viðmiðun kjarasamninga
1. ágúst sl. hækkaði olíverð úr
rúmum 156 dollurum í 163,75
dollara á tonn miðað við
meðalverð á birgðum. Hækk-
un þessi hafði áhrif á skiptingu
aflaverðmætis milli sjómanna
og útgerðar því í kjarasamning-
um sjómanna á síðasta vetri
var kveðið á um að draga
skyldi 1% frá hlut sjómanna ef
olíuverð færi í eða yfir 157
doUara. Síðan skyldi draga 1%
frá við hverja 12 dollara hækk-
un upp frá því. Hlutur sjó-
manna lækkaði því úr 76% í
75% þann 1. ágúst.
„Auðvitað vonuðumst við til
að þetta myndi ekki gerast en
sennilega kemur þetta í fram-
haldi af þessum átökum á Persa-
flóanum. En mér hefur skilist að
hækkanir vegna þessa séu komnar
fram núna og þeir sem spá í
olíuverð vonast til að það eigi
ekki eftir að hækka meira. En
maður veit auðvitað aldrei hvað
gerist þarna,“ sagði Guðjón
Jónsson, formaður Sjómanna-
félags Eyjafjarðar.
Guðjón sagðist telja að þegar
samningurinn hefði verið gerður
hefðu menn alls ekki átt von á að
þetta myndi gerast í sumar.
Kjarasamningurinn var gerður til
eins árs og sagðist Guðjón ekki
hafa heyrt neinar raddir um að
hann yrði endurskoðaður fyrr.
„En það eru auðvitað alltaf
skiptar skoðanir um hvort tekjur
sjómanna eigi yfirleitt að vera
bundnar við olíuverð því þar
með eru þeir farnir að taka þátt í
útgerðarkostnaði," sagði Guðjón
Jónsson. JHB
Fjárhagsleg útkoma landsmótsins:
„Réttum megin við núllið“
- seir formaður HSÞ
„Endanlegt uppgjör liggur
ekki fyrir ennþá en við vitum
að við lendum réttum megin
við núllið og getum greitt
félögunum eitthvað fyrir þeirra
vinnu,“ sagði Kristján Yngva-
son, formaður HSÞ, er hann
var spurður hvernig landsmót
UMFI, sem fram fór á Húsavík
í júlí, hefði komið út fjárhags-
iega. Milli 16 og 17 þúsund
manns komu á mótið.
Kristján sagði að greiddar yrðu
út 650 þúsund kr. á næstunni og
myndi sambandið sennilega
sleppa frá því. Hins vegar væri
enn ýmislegt eftir hvað snerti
frágang og skýrslugerð o.fl. og
ekki væri vitað hvað það kostaði.
„Miðað við þann mannfjölda
sem við fengum áttum við nú von
á að hafa meira upp úr þessu en
tilkostnaður er orðinn heldur
meiri en við reiknuðum með.
Hljómsveitirnar voru langstærsti
kostnaðarliðurinn en einnig
reyndust fjarlægðir frá ýmsum
stöðum okkur dýrar. Við þurft-
Slátrun hafin
- nýtt lambakjöt um næstu helgi
Hjá Sláturhúsi KEA á Akur-
eyri stendur nú yflr sumarslátr-
un og mega neytendur búast
við að fá nýtt lambakjöt í versl-
unum um næstu helgi. OIi
Yaldimarsson sláturhússtjóri
sagði að dilkamir væru býsna
vænir, í kringum meðalþyngd
eða jafnvel þyngri, en sumir
væru sannkölluð léttlömb.
„Petta eru mjög fallegir dilkar
að sjá, Sá þyngsti reyndist 20,4
kíló en sá léttasti 13,5 kíló, eða
það sem menn kalla léttlamb.
Meðalvigtin var 15,9 kíló sem er
ívið meira en síðastliðið haust,“
sagði Óli.
Hann sagði að 27 lömbum
hefði verið slátrað að þessu sinni
og stefnt væri að slátrun vikulega
héðan í frá þannig að ávallt væri
til nóg af nýju og fersku kjöti.
Þannig minnkaði líka fjallið sem
þarf að frysta ár hvert.
Sumarslátrun hefur ekki tíðk-
ast áður hjá Sláturhúsi KEA á
Akureyri að sögn Óla Valdimars-
sonar en hún er mikið að ryðja
sér til rúms enda kalla neytendur
á nýtt lambakjöt. Hann sagðist
þó muna eftir sumarslátrun fyrir
mörgum árum en þá hefði ástæð-
an einfaldlega verið skortur á
lambakjöti.
Aðspurður sagði Óli að jafnvel
hefði verið stefnt að slátrun fyrr
en vegna sumarfría hefði henni
verið frestað um hálfan mánuð.
„Nú er bara að sjá hvernig neyt-
endur bregðast við léttlambinu,"
sagði Óli að lokum. SS
um t.d. að sækja ýmislegt til
Reykjavíkur og það reyndist
okkur kostnaðarsamt," sagði
Kristján Yngvason. JHB
Hafin er slátrun á svokölluðum sumarlömbum hjá Sláturhúsi KEA. Ekki er
það vegna skorts á lambakjöti heldur vegna þess að neytendur vilja nýtt
kjöt. Mynd: RÞB
Mikið
um leigu
á mjólkur-
kvóta
„Menn selja og kaupa mjólk-
urkvóta grimmt,“ sagði Þórar-
inn Sveinsson hjá Mjólkur-
samlagi KEA, en nú eru marg-
ir bændur búnir með kvótann.
Um síðustu mánaðamót voru
70 bændur búnir með kvóta og
síðan hefur kvótalausum
bændum fjölgað. Það fara því
margir á stúfana og reyna að fá
keyptan kvóta hjá þeim bænd-
um sem eiga eitthvað eftir.
„Peir sem hringja í okkur eru
kannski að spá í að um næstu
mánaðamót eigi þeir 200 lítra eft-
ir af kvóta og eru þá að hugsa um
að leigja það, en það er ekki
nema hálfur tankur. Það er líka
alveg eins líklegt að þeir fari yfir
sjálfir. Þeir sem sáu fram á að
eiga nokkur þúsund lítra eftir af
kvótanum eru búnir að leigja eða
selja," sagði Pórarinn.
Búnaðarsambandið hefur gefið
bændum frest til föstudagsins 14.
ágúst til að tilkynna formlega um
leigu eða sölu á fullvirðisrétti.
Búnaðarsambandið lætur síðan
mjólkursamlögin og framleiðslu-
ráð vita. Fyrir síðustu mánaða-
mót voru 26 bændur á félags-
svæði Mjólkursamlags KEA bún-
ir að tilkynna um leigu á mjólkur-
kvóta.
Sagði Þórarinn að þetta væru
oft mjög flókin dæmi hjá bænd-
unum. „Það hringdi einn bóndi í
mig og var að hugsa um hvort
það borgaði sig að gefa kálfunum
mjólk og sleppa þá við að kaupa
kjarnfóður handa þeim, en leigja
öðrum bónda 1000 iítra. Sá bóndi
vildi vildi borga 15 kr. fyrir
lítrann. Ég hef heyrt að þegar
menn byrjuðu að leigja var verð-
ið á lítranum 5-6 kr. en núna er
algengasta verðið 15-16 kr. og
komið allt upp í 20 kr. Grund-
valiarverðið er 29,36 kr. Sá sem
leigir þarf líka að borga flutning
og gjöld, þannig að það er orðin
spurning hvort þetta borgar sig.“
HJS
Akureyri:
Hríkalegt ástand á húsaleigumarkaðnum
- dæmi um að 20 þúsund kr. tilboðum í 3ja herbergja íbúðir sé ekki svarað
Ástandiö á húsaleiguinarkaðinum á Akureyri er mjög
slæmt um þessar mundir og greinUegt er á öllu að
húsnæðisskortur er gríðarlegur. Lítið er um lausar
íbúðir og margir um hituna þegar þær losna. Þá er
verðið komið upp úr öllu valdi auk þess sem óhóflegra
fyrirframgreiðslna er krafist í mörgum tilvikum. Dag-
ur hafði samband við nokkra aðila sem til þekkja og
voru þeir á einu máli um að leigumarkaðurinn væri síst
skárri en í höfuðborginni þar sem húsaleiga var til
skamms tíma töluvert hærri en á Akureyri. Virðist
jafnvel í mörgum tilfellum vera mun erfiðara að ná í
íbúð hér en í Reykjavík.
Á auglýsingadeild Dags fengust þær upplýsingar að upp
á síðkastið hefðu auglýsingar, þar sem óskað væri eftir
íbúðum til leigu, verið á milli 50 og 60 á viku að meðaltali.
Mest væri eftirspurnin eftir 2ja og 3ja herbergja íbúðum.
íbúðir sem auglýstar eru til leigu eru hins vegar teljandi
á fingrum annarrar handar. Iðulega er óskað eftir tilboð-
um í þær íbúðir og berst jafnan mikill fjöldi og er hátt
boðið. Eru dæmi um að tilboðum, sem hljóða upp á um og
yfir 20 þúsund kr. og nokkra fyrirframgreiðslu fyrir 3ja
herbergja íbúð, sé ekki svarað.
Fyrirframgreiðslur virðast vera orðnar sjálfsagður
hlutur. Nokkuð er mismunandi hversu mikillar fyrirfram-
greiðslu er krafist en 5-6 mánaða fyrirframgreiðsla virðist
vera algengust og ekki er óalgengt að farið sé fram á ár
fyrirfram.
„Ég kom í bæinn í aprílbyrjun en fyrirtækið sem ég
starfa hjá byrjaði að leita fyrir mig fljótlega upp úr áramót-
um en án árangurs þannig að ég þurfti að fá inni í lítilli
gestaíbúð til að byrja með. Ég elti síðan auglýsingar og
auglýsti sjálfur en lítið gekk. Stöku sinnum voru mér
boðnar íbúðir en þær hentuðu ekki eða voru of dýrar mið-
að við gæði. Ég þurfti einnig oft að bíða töluverðan tíma
eftir svari því fólk reynir að nýta sér ástandið og leigja
hæstbjóðanda. Þá var manni oft sagt að maður gæti svo
sem komið og skoðað en það þýddi ekkert því einhverjir
aðilar hefðu boðist til að borga 5 þúsund krónum yfir
hæsta tilboði, sama hvað væri boðið,“ sagði Reykvíkingur
sem nú er nýbúinn að fá íbúð fyrir algera tilviljun eftir
rúmlega hálfs árs leit.
Meginskýringuna á þessu öllu er auðvitað að finna í
skorti á íbúðum. En aðrar ástæður eru einnig nefndar.
„Það má að einhverju leyti kenna stórfyrirtækjum bæjarins
um. Þau hafa í gegnum árin þurft að leigja íbúðir fyrir
starfsfólk sitt og bjóða þá ótæpilega enda með nægt
fjármagn. Þetta hefur sprengt upp markaðsverðið,“ sagði
aðili sem þekkir vel til á markaðinum. JHB