Dagur - 12.08.1987, Blaðsíða 2
2 - DAGUR - 12. ágúst 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 520 Á MÁNUÐI
LAUSASÖLUVERÐ 50 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR KRISTINSSON (Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÖRNSSON, STEFÁN SÆMUNDSSON,
VILBORG GUNNARSDÓTTIR,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
/e/'óari_________________________
Átak í
öldrunarmálum
Fyrir skömmu ræddi Dagur við Guðmund Bjarna-
son, heilbrigðis- og tryggingaráðherra, og gerði
hann m.a. öldrunarmál að umtalsefni. í því sambandi
sagði ráðherra: „Öldruðum fer fjölgandi, m.a.
vegna þess hvað við höfum getað veitt góða heil-
brigðis- og heilsugæsluþjónustu. Það er mikilvægt
að þessu fullorðna fólki líði vel og samfélagið á að
veita því fullkomnustu og bestu aðhlynningu sem
völ er á. Ég þykist hins vegar nokkuð viss um að
það megi spara í uppbyggingunni og e.t.v. seinka
henni eitthvað með því að veita betri heimilisþjón-
ustu. Þar á ég við betri heimilishjálp og heima-
hjúkrun. Við eigum að huga mjög vel að þessu á
næstunni, þannig að eldra fólkið geti verið lengur á
heimaslóðum og í sínum eigin íbúðum. Ef það býr
svo vel að eiga eigið húsnæði veit ég að það vill
auðvitað gjarnan búa við þær aðstæður sem allra
lengst, ef það býr við það öryggi sem því fylgir að
eftirlit sé haft með heilsufari þess og að það fái
nauðsynlega aðstoð eða hjálp til að geta verið
heima. Á þennan þátt ber að leggja mikla áherslu. “
Guðmundur Bjarnason ræddi einnig um einstaka
framkvæmdir á sviði heilbrigðismála. Hann sagðist
t.d. hafa heimsótt Dvalarheimilið Hvamm á Húsa-
vík og sagði að þar hefði tekist vel til við uppbygg-
inguna. „Hvammur er myndarlegt dvalarheimili og
það er ánægjulegt til þess að vita að um rekstur
þess hefur myndast mjög breið samstaða sveitar-
félaga í báðum Þingeyjarsýslum. “
„En þessi uppbygging er auðvitað víðar í gangi
en á Húsavík. Mjög myndarleg dvalarheimili hafa
einnig verið byggð í Ólafsfirði og á Daivík, en einmitt
í Ólafsfirði var svipaður háttur hafður á og á Húsa-
vík að dvalarheimilið var byggt i tengslum við
hjúkrunarþjónustuna. Síðan er verið að byggja á
Akureyri hjúkrunarheimilið Sel. Þar er um mjög
mikilvægt verkefni að ræða. Ég vil nota tækifærið
og þakka Jóni Kristinssyni, fyrrverandi fram-
kvæmdastjóra dvalarheimilanna á Akureyri sér-
staklega fyrir hans mikilvæga framlag til þessa
málaflokks fyrr og síðar. Nú síðast var það stórkost-
lega uppátæki að hjóla til Reykjavíkur í fjáröflunar-
skyni fyrir Sel 2. Ég óska honum allra heilla og vona
að þetta framtak hans megi verða til þess að vekja
athygli á þessu uppbyggingarstarfi og þeirri þörf
sem er fyrir svona starfsemi víða á landinu."
Verkefnaskrá heilbrigðis- og tryggingamálaráð-
herra er án efa ótæmandi, en Dagur veit að Guð-
mundur mun sinna öldrunarmálum vel enda er
þörfin mikil. Eldri borgarar hafa skilað sínu dags-
verki og eiga allan rétt á að á þá sé hlustað og þeim
sinnt af skilningi. ÁÞ.
^viðtal dagsins.
„Þessi námskeið eru eingöngu
ætluð konum á landsbyggð-
inni. Það er fyrst og fremst
vegna þess að mér fínnst við-
horf landsbyggðarinnar oft
fara halloka og einnig vegna
þess að konur virðast eiga erf-
iðara með að tjá sig í hóp, þeg-
ar um blandaðan hóp er að
ræða. Kannski er skýringin sú
að þær hafa minna sjálfstraust
en karlar. Og önnur ástæða
fyrir að námskeiðin eru ein-
göngu ætluð konum á lands-
byggðinni er að þær eiga mun
erfíðara með að sækja ýmiss
konar námskeið sem boðið er
upp á á höfuðborgarsvæðinu.
Karlar sækja oft námskeið í
tengslum við sitt starf og þá
greiðir fyrirtækið, en konur
eiga ekki eins heimangengt.“
Þetta segir Hansína B. Einars-
dóttir afbrotafræðingur, en hún
hefur í sumar haldið námskeið
fyrir konur á landsbyggðinni. Á
morgun og föstudag heldur
Hansína námskeið fyrir konur á
Akureyri. Námskeiðið verður
haldið í Barnaskóla Akureyrar
og sagði Hansína af ef konur hér
væru áhugasamar um námskeiðið
væri möguleiki á að vera með
námskeið yfir daginn, en yfirleitt
hefur það farið fram að kvöldinu.
Hansína sagðist sjálf hafa verið
búsett úti á landi meirihlutann af
ævi sinni, m.a. bjó hún á Akureyri
í fimm ár, einnig hefur hún búið í
Keflavík og þá var hún kennari á
Ofbeldi, sifjaspell,
afbrot og eyðni
- til umfjöllunar á námskeiði Hansínu B. Einarsdóttur,
Kona í dag, kona í framtíð, sem hefst á Akureyri á morgun
Djúpavogi um tíma. Nú er
Hansína búsett í Búðardal. „Mér
fannst oft lítið vera í boði úti á
landsbyggðinni. Það var mín
reynsla og með því að halda nám-
skeiðin úti á landi er ég að reyna
að koma til móts við landsbyggð-
ina.“
Námskeið Hansínu ber heitið
Kona í dag, kona í framtíð og er
upplýsinga- og fræðslunámskeið
fyrir konur á öllum aldri. „Mér
finnst þessi námskeið hafa tekist
mjög vel og er ánægð með árang-
urinn,“ sagði Hansína.
Námskeiðinu er skipt í tvennt
og fyrri daginn er fjallað um
félags- og efnahagslega þætti. Þar
verður komið inn á þætti eins og
vinnumarkað, launamál, trygg-
ingamál, lagalega stöðu kvenna,
hlutverk fjölskyldunnar, menntun,
uppeldi barna og unglinga, vímu-
efnaneyslu, ofbeldi, sifjaspell,
afbrot og eyðni.
í seinni hlutanum er fjallað um
konuna sjálfa, hlutverk kvenna,
samskipti og stöðu í nútíma sam-
félagi. Þar verður komið inn á
þætti eins og siðferðisþroska,
sjálfstraust, sjálfsvirðingu,
ábyrgð og öryggi. „Þetta nám-
skeið er sniðið að íslenskum
aðstæðum og ég styðst mikið við
íslenskar rannsóknir, bæði mínar
eigin og annarra. Það vill stund-
um brenna við að konur á hinum
almenna vinnumarkaði halda að
námskeið sem þessi séu eingöngu
fyrir kennarana og félagsráðgj af-
ana, en ég legg mikla áherslu á að
ná til allra kvenna. Þarna eru til
o 7.1 1 1 J 1 t
)w ufflí X \hm iluúu
# Frumlestur
fyrir próf
Eins og allir vita þá er það
mikil lífsraun að ganga í
gegnum þá eldskírn sem vor-
annarpróf í Menntaskólanum
á Akureyri eru. Menn eru vit-
anlega misjafnlega sam-
viskusamir og þó svo að
námsefnið eigi að vera
nemendum vel kunnugt þeg-
ar kemur að prófum þá eru
alltaf einhverjir - margir -
sem frumlesa námsefnið fyrir
próf. Slíkt og þvílíkt útheimtir
gífurlega yfirlegu meðan á
próflestri stendur, vökunæt-
ur svita og tár. Til þess að
halda sér vakandi nótt eftir
nótt bregða menn gjarnan á
það ráð að svolgra í sig kaffi
í lítravís, það er að segja ef
kaffið er ekki svo sterkt að
það þurfi að snæða með hníf
og gaffli.
# Sölu-
mennska
Tíðindamaður S&S er einn
þeirra sem þetta lagði á sig
síðastliðið vor. Okkar maður
þóttist hins vegar öðrum
snjallari og brá á það ráð að
kaupa sér töfralyf að nafni
Ginsana G 115 í verslun einni
í miðbænum. Ekki fer neinum
sögum af áhrifum lyfsins eða
námsárangrinum mannsins
en hins vegar komst hann að
því að hann hafði látið gabba
sig. Vinurinn lét sér nægja að
kaupa litla 60 ml flösku af
seyðnum á 120 krónur í stað
stærri flösku á fleiri hundruð
og sextíu krónur. Þegar svo
heim var komið fór hann
eitthvað að fikta við flöskuna
og rakst þá á áletrun á engil-
saxnesku sem útleggst:
„Sala refsiverð samkvæmt
lögum.“ Þetta þótti honum
kyndugt og þegar betur var
að gáð sást að krotað hafði
verið yfir áletrun sem sagði:
„Fritt sýnishorn. Ekki til
sölu.“ Það kemur semsé í
Ijós og hefur verið staðfest af
innflytjanda vörunnar að
umrædd verslun hefur tekið
sér það bessaleyfi að selja
sýnishorn sem hún þó
greiddi ekki fyrir. Þetta er
auðvitað ekki stórkostlegt
fjármálamisferli, fyrst og
fremst fyndið.