Dagur - 09.05.1991, Qupperneq 2

2 - DAGUR - Fimmtudagur 9. maí 1991
Legg til að ijúpan verði Mðuð í tíu ár
- og alvöruvísindamenn rannsaki stofninn, - segir Guðmundur Halldórsson
Miklar umræður standa nú yfir
um stærð rjúpnastofnsins með-
al áhugamanna, eftir að karr-
arnir tóku til við vorverkin.
Flestum finnst lítið sjást af
rjúpu í vor en óvenjumikið af
rjúpu hefur þó sést í landi
Húsavíkurbæjar, alveg upp við
hús í útjöðrum bæjarins. Guð-
mundur Halldórsson á Húsa-
vík hafði samband við blaðið
eftir að það birti frétt undir
fyrirsögninni „Verðum að
friða rjúpuna“. Guðmundur
hafði þetta að segja um
rjúpnamálið:
„Eg vil leyfa mér að taka undir
orð Kjartans bónda í Hraunkoti í
Aðaldal, sem fram komu í frétt í
Degi 7. maí sl. um rjúpuna,
stöðu stofnsins og hvað sé til
ráða. Ég hef verið að velta því
fyrir mér að minnast á þau mál
einhversstaðar á opinberum vett-
vangi.
Fyrir nokkrunt dögum átti ég
leið til Akureyrar, og á heimleið-
inni rifjaðist það upp fyrir mér að
þessa leið hafði ég farið á
nákvæmlega sama tíma, ásamt
Jóhannesi Jóhannessyni bifreiða-
stjóra, fyrir allmörgum árum. Á
leið okkar frá Garðsbeitarhúsum
og að Laxárbrúm töldum við 236
karra á hraunhólum og klettum
en í ferðinni um daginn sá ég
aðeins tvo.
Mér þykir það einkennileg
„vísindi“ hjá þessum svokölluðu
fuglafræðingum, þegar þeir
reikna stöðu stofnsins eftir
nokkrum rjúpum í Hrísey, sem
eru þar miklu frekar eins og
húsdýr. Stundum er viðkoman
mikil og þær fá að lifa þegar vel
árar. En þegar að harðnar og þær
fljúga upp í skóginn á Svalbarðs-
ströndinni eru þær skotnar
unnvörpum, þá minnkar stofninn
og kemst jafnvel í lægð, að mati
fuglafræðinganna. Það virðist
hins vegar alveg hafa farið fram
hjá þeim að tímabil sem verið er
að tala um, nokkra áratugi aftur í
tímann, eru svo ólík.
Sé tekið dæmi frá Fjöllum í
Kelduhverfi, þegar Ólafur Jóns-
son keypti jörðina, þá fékk hann
það haustið tæpar 3000 rjúpur.
Ólafur var afburða atorkumaður
og skytta svo að orð fóru af. Fyrir
dugnað sinn og hvað það var
mikil mergð rjúpna þá, tókst
honum, eftir því sem sögur segja,
að greiða fyrir jörðina með rjúpu
eftir aðeins eina haustvertíð við
rjúpnagöngu. Afkomendur Ólafs
eiga dagbækur og skýrslur yfir
þessa veiði sem sanna þetta. Nú
er rjúpa nánast horfin á þessum
slóðum.
Ég hef verið á ferðalögum í
vetur, meira og minna á bílum
hér og hvar. Ég sá eina rjúpu
skammt frá Hrauni á Skaga í
mars í vetur og aðra nokkrum
dögum síðar á Tjörnesi. Pað eru
einu rjúpurnar sem ég hef séð
síðan í haust. Núna, frá lokum
apríl hef ég séð örfáa karra á
stangli.
Svo koma fuglafræðingarnir og
segja að veiðin hafi ekkert að
segja, þrátt fyrir að hér áður fyrr
takmörkuðust veiðarnar aðeins
af því hvað fæturnir báru menn.
Nú er farið á fjallabílum, fjór-
hjólum, snjósleðum og jafnvel á
flugvélum til rjúpnaveiðanna.
Menn eru með margskotabyssur,
slá hring um hópa ef þeir ein-
hversstaðar finnast, og það er
sama hvert fuglinn flýgur, það
eru allsstaðar menn. Dúnninn
fýkur úr á löngum færum, rjúp-
urnar særast og tvístrast, hluti
þeirra fellur og veiðimenn ná
þeinr. En verulegur hluti flýgur
dauðvona og dregst upp og
drepst. En svo koma fræðingarn-
ir og segja að þetta hafi ekkert að
segja. Hversvegna er þá verið að
tala um takmörkun á fiskveiðum.
Því ekki að nota alla þá veiði-
: tækni sem til er óhindrað?
Margir bændur hafa fylgst með
rjúpnastofninum áratugum
saman, en þeirra reynsla og
þekking fær ekki náð fyrir augum
stofuvísindamannanna í Reykja-
vík.
Ég legg til að rjúpan verði frið-
uð að minnsta kosti í tíu ár og
alvöruvísindamenn fengnir til að
rannsaka hana,“ sagði Guð-
mundur. IM
VopnaQörður:
Batnandi atvinnuástand framundan
- allt húsnæði nú fullnýtt að sögn Vilmundar Gíslasonar, sveitarstjóra
Slæmt atvinnuástand hefur
verið á Vopnaflrði í vetur en
vonir standa til að úr því sé að
rætast. Afli er farinn að berast
að landi og nú er full atvinna í
frystihúsinu. Mest atvinnuleysi
á Austurlandi var á Vopnafirði
og þar voru um 40 manns á
atvinnuleysisskrá þegar mest
var um síðastliðin áramót. Nú í
byrjun maí hefur atvinnulaus-
um fækkað niður í tuttugu og
5%
staðgreiðsluafsláttur
Það eina sem er undanþegið afslættí
eru mjólkurvörur, kjötvörur, fiskvörur
og tóbak.
Okkar hraðvirka og örugga
strikmerkjakerfi sér þér IVrir
réttum afslætti.
□□Qjn
MARKAÐUR
FJÖLNISGÖTU 4b
Verslun allra Norðlendinga. Opin aila daga til kl. 22.00
MATVÖRUMARKAÐURINN
Opið virka daga kl. 10.30 til 18.30
Opið laugardaga kl. 10.00 til 14.00
MM OPIÐ ALLA DAGA TIL KL. 22.00 EM
Styrkjum norðlenskt athafnalíf!
Sækjum þjónustu til heimamanna!
Verið velkomin!
fimm og útlit fyrir að þeim
muni fækka enn frekar á næst-
unni og atvinnuleysi jafnvel
hverfa.
Um áramótin ’89 til ’90
skapaðist mikill vandi í atvinnu-
málum á Vopnafirði vegna erfið-
leika í rekstri Tanga hf. Að sögn
Vilmundar Gíslasonar, sveitar-
stjóra, hefur nú tekist að rétta
rekstur fyrirtækisins við. Fengin
var aðstoð frá Hlutafjársjóði en
auk þess var rekstrinum hagrætt,
meðal annars með sölu eigna og
breytingum á starfsemi og eru
þessar aðgerðir farnar að skiia
góðum árangri. Vilmundur
Gíslason sagði að nú væri allt
íbúðarhúsnæði fullnýtt en svo
hefði ekki verið að undanförnu.
Nú eru 909 íbúar í Vopnafirði og
kvaðst Vilmundur búast við að
þeim myndi heldur fjölga nú með
bættu atvinnuástandi og Vopna-
fjörður trúlega ná þeim íbúa-
fjölda sem var áður en til hins
verra horfði í atvinnumálum eða
milli 930 og 940 manns. Nokkur
loðdýrarækt er stunduð í Vopna-
firði og hefur hún að mestu lifað
þrengingar í greininni af að sögn
Vilmundar og einnig er rekin
fóðurstöð á staðnum. Búið er á
um 50 jörðum f Vopnafirði og
telur sveitin um 200 af rúmlega
900 íbúum svæðisins. ÞI
2.
Sigurvegarar í Alfreðsmóti Bridgefélag Akureyrar. Frá vinstri: Hermann
Huijbens fyrirliði, Jakob Kristinsson, Zarioh Hamadi og Anton Haraldsson.
Mynd: Golli
Bridgefélag Akureyrar:
Úrslit í Alfreðsmótmu
- Norðurlandsmót á Akureyri 24.-26. maí
Síðastliðinn þriðjudag lauk
Alfreðsmótinu í bridds, sem er
minningarmót um Alfreð Páls-
son er var um árabil félagi í
Bridgefélagi Akureyrar og
einn besti spilarinn þar.
Spilað var þrjú kvöld, dregið
saman í sveitir en einnig reiknað
út sem um tvímenning væri að
ræða.
Aðstandendur Alfreðs gáfu
vegleg verðlaun, þrjár efstu sveit-
ir fengu bikara sem Aðalheiður,
dóttir Alfreðs, afhenti í mótslok.
Röð efstu sveita varð þessi:
1. Jakob Kristinsson, Anton Har-
aldsson, Hermann Huijbens,
Zarioh Hamadi.
2. Gunnar Berg, Kristján
Guðj.ónsson, Ásgeir Stefánsson,
Hermann Tómasson.
3. Grettir Frímannsson, Frímann
Frímannsson, Stefán Vilhjálms-
son, Guðmundur Víðir.
4. Stefán Ragnarsson, Pétur
Guðjónsson, Smári Garðarsson,
Viðar Þorsteinsson.
Röð efstu para í tvímenningi: stig
1. Jakob Kristinsson -
Anton Haraldsson 1092
3.
4.
5.
7.
8.
9.
Páll Pálsson -
Þórarinn B. Jónsson
Grettir Frímannsson -
Frímann Frímannsson
Stefán Ragnarsson -
Pétur Guðjónsson
Gunnar Berg -
Kristján Guðjónsson
6. Ásgeir Stefánsson -
Hermann Tómasson
Hermann Huijbens -
Zarioh Hamadi
Sverrir Þórisson -
Sigurður Thorarensen
Ormarr Snæbjörnsson -
Stefán Sveinsson
Alls spiluðu 13 sveitir, 26 pör.
Keppnisstjóri var Albert Sigurðs-
son.
Næstkomandi þriðjudagskvöld
verður einmenningskeppni að
Hamri.
Norðurlandsmótið í bridds,
sveitakeppni, fer fram á Akur-
eyri 24.-26. maí. Spilaðar verða
sjö umferðir eftir Monrad kerfi.
Sveitir þurfa að láta skrá sig fyrir
] 1. maí nk. og er öllu spilafólki á
Norðurlandi heimil þátttaka.
Mótið fer frant að Hamri. SS
1067
1058
1042
1019
1009
995
965
964