Dagur - 09.05.1991, Page 4

4 - DAGUR - Fimmtudagur 9. maí 1991
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 1100 Á MÁNUÐI
LAUSASÖLUVERÐ 100 KR.
GRUNNVERÐ DÁLKSENTIMETRA 725 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
KÁRI GUNNARSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON, ÞRÓSTUR HARALDSSON
AUGLÝSINGASTJÓRI: FRlMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
AflvaM atviimuþróunar
„Ódýrasta leiðin, til eflingar atvinnulífs, er að greiða fólki
aðgang að upplýsingum og þekkingu jafnframt því að
efla sjálfsbjargarhvöt þess og framtak." Þetta segir Jón
Erlendsson, forstöðumaður Upplýsingaþjónustu Háskóla
íslands í viðtali við Bændablaðið & Landsbyggðina nýver-
ið þar sem hann ræðir um þátt þekkingar í atvinnusköpun
í dreifbýlinu. Jón leggur mikla áherslu á hlutverk heima-
manna og segir að öflugasta og umfram allt lífseigasta
atvinnuþróunin byggi ætið á þekkingu og framtaki íbúa
hvers svæðis. Hann bendir jafnframt á að misjafnlega
hafi reynst að flytja atvinnufyrirtæki inn til einstakra
landssvæða til lausnar bráðum atvinnuvanda þeirra.
Jón segir að skortur á nauðsynlegum upplýsingum og
þekkingu valdi oft vanda varðandi uppbyggingu nýrra
atvinnutækifæra. Sá sem sveltur sé á upplýsingum sjái
oft lítið annað en hið hefðbundna í umhverfi sínu og eigi
því ekki kost á að brjóta af sér viðjar vana og hefðar held-
ur stóli umfram allt á þær í viðleitni sinni til framfara.
Hann bendir á að stundum geti verið til góðs, ef aðstæður
eru fyrir hendi, að byggja á fenginni reynslu en í öðrum
tilfellum verði að feta sig inn á nýjar brautir. Svo sé raun-
in hér á landi og einkum á landsbyggðinni. Hann bendir
á að undirstöðuatvinnuvegir í dreifbýlinu séu þegar full-
nýttir og landbúnaðurinn verði að taka á sig samdrátt
vegna langvarandi offramleiðslu.
í viðtalinu ræðir Jón Erlendsson um að margt renni
stoðum undir þá staðhæfingu að hér á landi skorti fleiri
lífvænlegar hugmyndir og einnig fleiri einstaklinga til að
þróa þær. Hann kveðst hafa rætt við fjölda aðila sem
starfa að ýmiskonar atvinnuþróun og flestum þeirra hafi
borið saman um að fólk sé oft orðið svo vant þekkingar-
legri og athafnalegri forsjá annarra að framtak þess, til að
skapa hugmyndir sé orðið af skornum skammti. Jón tekur
loðdýraræktina sem dæmi og segir að hún hafi fallið inn í
hugmyndalegt tómarúm þar sem menn hafi á hinn bóg-
inn haft áræði og lífsorku til að bera. Engin leið sé hins-
vegar að fjölfalda einstakar hugmyndir á þann hátt held-
ur verði fjöldi annarra hugmynda að þróast og keppa um
athygli og fjármagn. Kollsteypurnar verði ekki vegna
þess að menn skorti kraft heldur vegna þess hvað mögu-
leikarnir séu oft einhæfir. Jón telur að þessu megi breyta
með því að gera sívirka hugmyndasköpun og þekkingar-
öflun að útbreiddri starfsemi fjölda einstaklinga, á
grundvelli félagslegrar vakningar.
Einhverjum kann að finnast að forstöðumaður Upplýs-
ingaþjónustu Háskóla íslands kveði fast að orði. Gæta
ber þess að hann er að fjalla um þau svið er hann þekkir
og heyra hans daglegu störfum til. Vandi atvinnulífsins á
landsbyggðinni fer vaxandi og svo mun áfram verða ef
engar nýjungar koma til. Atvinnulíf sem sífellt verður ein-
hæfara hrekur frá sér fólk með margvíslega þekkingu.
Aðrir er minni möguleika eiga í fjölbreyttu umhverfi
verða eftir. Þetta er viðkvæm staðreynd en engu að síður
verður að horfast í augu við hana. Að öðrum kosti verður
ekki um úrbætur að ræða. Öflun þekkingar og sköpun
nýrra hugmynda er aflvaki allrar atvinnuþróunar. Hana
verðum við að ástunda ef atvinnulíf í hinum dreifðu
byggðum landsins á ekki að verða hnignun að bráð. ÞI
Hólar í Hjaltadal:
Skólaslit Bændaskólans í Hólakirkju
- 23 nemendur brautskráðir frá skólanum
Svcinbjörn Dagiinnsson ráðuneytisstjóri flutti nemendum kveðju nýs land-
búnaðarráðherra og lagði í ræðu sinni áherslu á mikilvægi búnaðarnáms fyrir
framtíð landbúnaðarins.
Skólaslit Bændaskólans á Hól-
um í Hjaltadal fóru fram í
Hóladómkirkju um síðustu
helgi. Að þessu sinni voru tutt-
ugu og þrír nemendur út-
skrifaðir frá skólanum, tíu
nemendur sem fiskeldisfræð-
ingar og þrettán sem búfræð-
ingar. Fjöldi verðlauna var
veittur fyrir góðan námsárang-
ur og í þetta skiptið reyndust
tveir nemendur vera efstir og
jafnir á búfræðiprófi. Asdís
Erla Gísladóttir frá Hofsá í
Svarfaðardal og Valdimar
Óskar Sigmarsson frá Sólheim-
um í Sæmundarhlíð í Skaga-
firði voru bæði með meðal-
einkunnina 8,9 á almennu
búfræðiprófi. Hæstu einkunn á
fiskeldisbraut hlaut Sigurdís
Samúclsdóttir frá Djúpadal
Króksfjarðarnesi. Verðlaun
fyrir hæstu einkunn í hrossa-
rækt hlaut Bjarni Jónasson frá
Reykhólum Barðaströnd en
hann hlaut einnig Morgun-
blaðsskeifuna og Eiðfaxabik-
arinn á þessu ári.
Skólaslitin hófust með helgi-
stund séra Sigurðar Guðmunds-
sonar vígslubiskups á Hólum.
Þetta var í síðasta sinn sem
Sigurður flytur helgiræðu við
skólaslitin því hann lætur af störf-
um um næstu mánaðamót. Flutti
hann forráðamönnum skólans
þakkarorð en Sigurður hefur
lengi verið prófdómari við
Bændaskólann á Hólurn. Að lok-
inni helgistundinni flutti Kirkju-
kór Hóladómkirkju nokkra
sálma.
Að lokinni helgistund flutti
Jón Bjarnason skólastjóri
Bændaskólans ræðu og flutti
útskriftarnemum kveðju frá
skólanum. Skólastjóri kom víða
við í ræðu sinni. Greindi hann frá
starfsemi skólans í vetur og rakti
það sem á döfinni er hjá Bænda-
skólanum.
Breytt inntökuskilyrði við
Bændaskólann
Nokkrar breytingar eru fyrirsjá-
anlegar á starfsemi skólans.
Breytingar á inntökuskilyrðum
verða t.d nokkrar á næstunni.
Hingað til hefur nægt að hafa
grunnskólapróf til að geta fengið
inngöngu í Bændaskólann. Fljót-
lega þurfa væntanlegir nemendur
skólans að hafa lokið 65 eining-
um í framhaldsskóla eða sem
svarar til þriggja eða fjögurra
anna námi. Einnig verður sett
aldurstakmark við átján ár sem
skilyrði til inntöku.
Nýlega fékk skólinn heimild til
að útskrifa nemendur með stúd-
entspróf. Að sögn skólastjóra er
ekki litið á útskrift stúdenta sem
markmið skólans heldur sem
möguleika fyrir nemendur Bænda-
skólans til að ljúka stúdentsprófi
samhliða öðru námi í Bænda-
skólanum. Síðast voru stúdentar
útskrifaðir frá Hólaskóla árið
1802 og því langt um liðið síðan
stúdentar voru brautskráðir frá
Hólum.
Áhersla lögö á byggingu
fjölskylduíbúða
Mikil efling Bændaskólans á Hól-
um hefur átt sér stað undanfarin
ár. Heimild hefur fengist til
stofnunar hlutafélags sem heitir
Nemendagarðar Hólaskóla. Að
félaginu standa Bændaskólinn,
nemendafélag og starfsmannafé-
lag. Markmið félagins er að reisa
íbúðir fyrir nemendur skólans en
húsnæðisskortur fyrir fjölskyldu-
fólk hefur staðið skólanum fyrir
þrifum. Fyrsta fjölskylduhúsið
sem er parhús verður tekið í
notkun strax í haust.
Einnig hefur Bændaskólinn
fengið heimild til að hefja rann-
sóknir á bleikju og verður farið í
það verkefni í samvinnu við
Hólalax hf. og Veiðimálastofnun
sem rekur útibú á Hólum. Ætlun-
in er að stunda rannsóknir á
bleikjustofninum með kynbætur
og ræktun fyrir augum. Fiskeld-
isbrautin við skólann mun njóta
góðs af þeim rannsóknum sem
gerðar verða en mikil ásókn er í
nám á fiskeldisbrautinni.
Breytingar á starfsliði
skólans
Næsta haust verða tekin í notkun
ný og fullkomin fjárhús við
Bændaskólann á Hólum. Þau
leysa af hólmi gömul og úrelt
fjárhús sem voru orðin ófullnægj-
andi til kennslu. Með tilkomu
nýju fjárhúsanna batnar aðstaða
til kennslu í búfjárrækt verulega.
Nýju fjárhúsin munu rúma um
þrjú hundruð fjár.
Nokkrar breytingar verða á
starfsliði Hólabúsins næsta vetur.
Grétar Geirsson lætur af störfum
sem bústjóri. Nýr bústjóri hefur
þegar verið ráðinn og er það
Gunnar Rögnvaldsson en hann
er menntaður frá búnaðarskóla í
Danmörku. Einnig lætur af störf-
um Valdimar Gunnarsson kenn-
ari við fiskeldisbraut en hann hef-
ur unnið mikið og gott starf við
að samræma og velja námsefni til
kennslu á fiskeldisbrautinni.
Skólastjóri þakkaði öllum sem
létu af störfum vel unnið starf og
þá einnig sérstaklega séra Sigurði
Guðmundssyni en hann hefur
verið prófdómari við skólann.
Tveir nemendur hæstir
á búfræðiprófí
Að lokinni tölu skólastjóra
afhenti hann útskriftarnemend-
um prófskírteini. Einnig var
þeim nemendum sem skarað
höfðu fram úr í námi veittar
viðurkenningar. Ásdís Erla
Gísladóttir Hofsá í Svarfaðardal
og Valdimar Óskar Sigmarsson
Sólheimum Skagafirði voru jöfn
og hæst á búfræðiprófi. Þau út-
skrifuðust bæði með meðaleink-
unnina 8,9 og fengu þau bæði
vegleg verðlaun. Valdimar Óskar
fékk einnig verðlaun fyrir hæstu
einkunn í bókfærslu og fleiri
greinum sem lutu að bústjórn.
Ásdís Erla hlaut einnig verð-
laun fyrir hæstu einkunn í jarð-
rækt og búfjárrækt og einnig fyrir
verknám á búfræðibraut. Verð-
laun fyrir besta námsárangur á
fiskeldisbraut hlaut Sigurdís
Samúelsdóttir Djúpadal Króks-
fjarðarnesi. Hún hlaut einnig
hæstu einkunn á prófi í fiskeldi,
fiskirækt og fiskeldistækni.
Fyrir besta árangur í verknámi
á fiskeldisbraut hlaut Jón Oddur
Þórhallsson Sauðárkróki verð-
laun en Bjarni Jónasson fékk
hæstu einkunn fyrir nám í hrossa-
rækt.
Nýjum búfræðingum
fluttar kveðjur
Sveinbjörn Dagfinnsson ráðu-
neytisstjóri flutti útskriftarnem-
um kveðju landbúnaðarráðherra
og lagði hann áherslu á að
menntun búfræðinema væri
undirstaða sem landbúnaður
framtíðarinnar byggði á. Gunnar
Sæmundsson Hrútatungu afhenti
viðurkenningar fyrir hönd Bún-
aðarfélags íslands og hélt hann
einnig stutta ræðu þar sem hann
hvatti útskriftarnema til að halda
sínu striki þó ekki blési byrlega
fyrir íslenskum landbúnaði um
þessar mundir.
Einnig héldu framkvæmda-
stjóri Trésmiðjunnar Borgar,
Guðmundur Guðmundsson, og
framkvæmdastjóri Hólalax hf.
Pétur Brynjólfsson ræðu en bæði
fyrirtækin gáfu verðlaun fyrir
góðan námsárangur.
Skólaslitum Bændaskólans
lauk með stuttu ávarpi Sigurðar
Guðmundssonar vígslubiskups
en hann flutti þakkir til nemenda
skólans og óskaði þeim velfarn-
aðar í starfi. kg
verknámi á fiskeldisbraut.