Dagur - 09.05.1991, Page 6

6 - DAGUR - Fimmtudagur 9. maí 1991
Kóngssonuriim kemur á mótorhjóli inn í salinn
- Rætt við nokkra þátttakendur í ævintýraleiknum „í teiti hjá prinsessunni á bauninni“
sem verið er að setja upp á Raufarhöfn með þátttöku þriðjungs íbúanna
Á Raufarhöfn er nú verið að setja upp ævintýraleikinn „í
teiti hjá prinsessunni á bauninni“. Að sögn höfundar, G.
Margrétar Óskarsdóttur, sem jafnframt er leikstjóri og kenn-
ari á Raufarhöfn, er þetta leikrit jafnt fyrir fullorðið fólk rétt
eins og börn. Hún segist hafa stolið og staðfært hugmyndir úr
ýmsum áttum. „í teiti hjá prinsessunni á bauninni“ er sem
fyrr segir ævintýraleikur sem Leikfélag Raufarhafnar stendur
fyrir ásamt Foreldrafélagi grunnskólans á staðnum. Börnin
leika, en foreldrarnir og félagar úr leikfélaginu sjá um alla
„baktjaldavinnu“. 1 þessari uppsetningu er reynt að gera sem
flestum listgreinum skil. Leiklist, dans, tónlist og myndlist.
Með öðrum orðum Listahátíð.
Alls starfa að uppsetningunni
um 110 manns. Eflaust er þetta
nokkuð gott hlutfall, miðað við
hina heimsfrægu höfðatölu, því á
Raufarhöfn búa tæplega 340
manns. Getur nú hver og einn
reiknað út, hve margt fólk þarf
til, á hverjum og einum stað, til
þess að standast Raufarhafnar-
búum snúning í menningarstarf-
semi. Ætli margir kaupstaðir,
þorp, hreppar eða höfuðborgin,
geti státað af því að þriðjungur
íbúanna vinni í 7 vikur, sem einn
maður, með börnum sínum,
barnabörnum, vinum og félögum
að einu verki, þar sem börnin
skipta mestu máli? Pau vilja svo
oft gleymast.
Rétt er að taka það fram, að
hvorki börn né fullorðnir á Rauf-
arhöfn hafa búið við fastmótaða
leiklistarhefð eða lifað og hrærst í
miklu menningarlífi á opinberum
vettvangi sl. ár. Oft hafa liðið
mörg ár milli leiksýninga og tón-
listar- og myndlistarsýningar hafa
verið mjög stopular. „Enda erum
við ekki“ segir G. Margrét, leik-
stjóri og höfundur, „að gera
neina byltingu í menningarsögu
lands okkar, heldur aðeins að
leggja örlítið lóð á vogarskálina
sem gerir okkur að meiri
mönnum.
Persónulega held ég, að sam-
vinnan við mömmu, pabba, afa,
ömmu og alla hina verði dýrmæt-
ust í minningunni, þegar fram
líða stundir.“
Einar E. Sigurðsson kíkti inn á
æfingu og kippti samstundis sex
börnum nær fyrirvaralaust í
viðtal. Dagurinn byrjaði snemma
- vorpróf í fullum gangi - og eitt
fyrsta „rennslið" að rúlla. Síðan
örstutt matarhlé og svo beint í
viðtal. Sem sagt, erfiður dagur.
Þau börn sem gáfu sér tíma
heita Erna Ragnarsdóttir í 1.
bekk, Björn Hólmsteinsson í 5.
bekk, þaðan komu líka Björn
Ragnarsson og Jón Þormar
Pálsson. Úr 8. bekk er Petrína
Þórarinsdóttir og úr 10. bekk er
Ægir Þormar Pálsson. En látum
börnin tala.
- Jæja, Erna mín, hvað ert þú
gömul?
Erna Ragnarsdóttir: „Sex
ára.“
- Nú leikur þú einn af dverg-
unum sjö. Þið eruð fimm stelpur
og tveir strákar, m.ö.o. allur 1.
bekkur. Hvað heitir dvergurinn
sem þú leikur?
Erna: „Snuðra."
- Myndirðu vilja leika aftur í
svona leikriti á næsta ári?
Erna: „Jahá! Ég ætla að verða
leikkona þegar ég verð stór!“
- Hvernig leikkona viltu
verða? Viltu alltaf leika dverg?
Erna: „Nei, frekar stígvélaða
köttinn, sem Petý leikur núna.“
- En þú, Björn Hólmsteins-
son. Hvern leikur þú?
Björn H.: „Eirík, þú veist,
einn Bakkabræðra - Gísla, Eiríks
og Helga.“
- Og hvernig finnst þér að
leika hann?
Björn H.: „Stundum erfitt og
stundum mjög, mjög leiðinlegt."
- Hvað er þá svona leiðinlegt?
Björn H.: „Bara, að leika.
Maður þarf að bíða og bíða eftir
því að komi að manni.“
- Hvernig finnst þér Margrét
leikstjóri vera?
Björn H. hlær mikið: „Heyrir
Margrét þettá nokkuð?“
- Nei, nei.
Björn H.: „Ertu viss? Æ, ég
veit það ekki. Stundum er hún
leiðinleg."
- Er hún þá ströng?
Björn H.: „Já.“
- En er hún ekki ágæt líka?
Björn H.: „Hún getur verið
það.“
- Myndirðu vilja leika aftur?
Björn H. dregur seiminn:
„Nei, ég held varla.“
- En þú Björn Ragnarsson.
Finnst þér gaman að vera í
leikritinu?
Björn R.: „Jú, jú, það er
ágætt, en mér finnst stundum
leiðinlegt."
- Gætirðu hugsað þér að leika
aftur í leikriti?
Björn R.: „Já, já.“
- Hvernig finnst þér leikstjór-
inn vera?
Björn R.: „Hún er svolítið
ströng."
- En þarf hún ekki stundum
að vera dálítið ströng? Eruð þið
ekki hálfgerðir prakkarar?
Björn H.: „Stundum.“
- Petrína, hváð eruð þið búin
að vera lengi að æfa?
Petý: „Ég veit það ekki alveg,
rúman mánuð held ég.“
Björn R.: „Byrjuðum við ekki
um páska?“
Petý: „Jú, við byrjuðum að
undirbúa okkur um páska."
- Björn Ragnarsson, nú leikur
þú líka einn af Bakkabræðrum.
Björn R.: „Jú, Helga."
- Nú eigið þið að vera voða
vitlausir. Ykkur líkar það nú vel,
er það ekki? Að vera svona
bjálfar?
Björn R.: „Já, það held ég
nú.“
- En þú Jón Þormar. Hvað
leikur þú?
Jónsi: „Gísla, einn Bakka-
bræðranna.“
- Hvernig finnst þér að leika?
Jónsi: „Stundum hundleiðin-
legt, en stundum ágætt.“
- Myndirðu vilja leika aftur á
næsta ári, ef þér byðist það?
Jónsi: „Já, já.“
- Hvað leikur þú, Ægir
Þormar?
Ægir: „Ég leik Karlsson."
- Þú leikur aðalsjarmörinn?
Ægir: „Nei, ja, ég veit það nú
ekki.“
- Hvernig finnst þér það?
Ægir: „Það er svo sem allt í
lagi.“
- Er ekki erfitt að vera í þessu
með skólanum?
Ægir: „Jú.“
- Eru ekki prófin að fara að
byrja?
Ægir: „Þau eru byrjuð.“
- Er ekki erfitt að vera að
leika samtímis prófum? Nú ert
þú í efsta bekk, er það ekki, og
að ljúka grunnskóla?
Ægir: „Jú en ég vona að þetta
sleppi.“
- Gætirðu hugsað þér að leika
einhvern tíma aftur, t.d. ef þú
færir í framhaldsskóla og byðist
það aftur?
Ægir: „Ég veit það ekki. Það
færi eftir ýmsu.“
- Hvað með þig, Petrína? Nú
leikur þú aðalhlutverkið, er það
ekki?
Petý: „Ja, eitt af aðalhlutverk-
unum.“
- Er þetta ekki stærsta hlut-
verkið, sem þú leikur?
Petý: „Jú, ég kem oftast fram,
er lengst á sviðinu.“
- Þú þarft að tala við salinn og
leiða þetta saman.
Petý: „Tala við salinn, já, það
er nú það! Tala við þá, sem þora
að svara í salnum!“
- Hvernig finnst þér að leika?
Petý: „Mér finnst það mjög
gaman. Mig langaði svo sem ekk-
ert til að leika í leikriti. En ég
myndi hiklaust gera það aftur.“
- Hvernig finnst þér leikstjór-
inn vera?
Petý: „Mér finnst hún vera fín.
En ég skil hana ósköp vel. Ég
vildi ekki vera leikstjóri þessa
leikrits."
- Ertu kannski að hugsa um
að halda áfram að leika, þegar þú
ert búin í skóla?
Petý: „Ja, ég veit það nú ekki,
en það mætti vera aftur leikrit.
Ekki næsta ár, heldur þarnæsta
ár.“
- Já, en finnst þér ekki erfitt
að vera að leika og líka að taka
próf á sama tíma?
Petý: „Nei, það skiptir mig svo
litlu, þó ég sé líka í prófum.“
- Er það? Ertu dugleg að
læra?
Petý: „Maður notar tímann
hvort eð er ekki til að læra, þó
maður sé ekki að leika. Ekki
meiri tíma að minnsta kosti.“
- Jæja, já, hvernig hefur þetta
verið í skólanum undanfarin ár?
Petý: „Á fyrri árshátíðum skól-
ans hafa verið mörg smá leikrit.
Það er skemmtilegra, að allir
bekkirnir séu saman um leikrit
eins og núna, í stað þess, að hver
bekkur sé með sitt leikrit."
- Vilduð þið hafa leikritið
eitthvað öðruvísi en það er?
Ægir: „Ég hefði viljað hafa
þetta allt í einni senu.“
Petý: „Við leikum báðum meg-
in í salnum, líka í kaffisalnum."
- Áhorfendur þurfa að snúa
sér við oftar en einu sinni, er það
ekki?
Petý: „Það er tvisvar. Það eru
tvær senur, sem eru bak við.“
- Hefðuð þið viljað hafa þetta
allt fyrir framan áhorfendur?
Björn H.: „Það er erfitt að
vera alltaf að skipta um sal.“
- En hefðu þá ekki komið inn
mörg hlé?
KEA Byggðavegi 98
Kynnum Tv. kakó drykki
frá Kötlu föstudag frá kl. 15.00-18.00
Kynningarverð
var nú
Tv. kakó 30 g bréf..... 23,00 19,00
Tv. kakó 30 g bréf sl. 29,00 25,00
Tv. kakó 400 g duft.... 266,30 229,00
Tv. kakó malt heitt sl. 458,00 394,00
j Tv. kakó malt 750 g . 369,00 317,00
Tv. kakó malt heitt.... 359,00 309,00
Opið fimmtudag
frá kl. 10.00-20.00
Opið mánudaga-föstudaga 9-20
Laugardaga og sunnudaga 10-20