Dagur - 22.07.1993, Blaðsíða 4

4 - DAGUR - Fimmtudagur 22. júlí 1993
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT M. VSK. KR. 1368 Á MÁNUÐI
LAUSASÖLUVERÐ M. VSK. KR. 125
GRUNNVERÐ DÁLKSENTIMETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
GEIR A. GUÐSTEINSSON, HALLDÓR ARINBJARNARSON (íþróttir),
INGIBJÖRG MAGNÚSDÓTTIR (Húsavík vs. 96-41585, fax 96-42285),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
SIGRÍÐUR ÞORGRÍMSDÓTTIR (Sauðárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RIKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Hvað er til
bjargar?
Á fundi bæjarstjórnar Akureyrar í fyrradag létu bæj-
arfulltrúar þung orð falla um skiptingu ríkisvaldsins
á milljarðinum til atvinnuskapandi verkefna, en eins
og kunnugt er var ekkert verkefni í þeirri skiptingu
eyrnamerkt sérstaklega Akureyri. Orð Björns Jósefs
Arnviðarsonar (D) vöktu nokkra athygli en hann
sagði að með þessari skiptingu væri ríkisstjórnin
vægt sagt að gera lítið úr atvinnuástandinu á norð-
austurhorni landsins. Þá sagði hann enn einu sinni
sannast að sjóndeildarhringur ráðamanna syðra næði
ekki lengra en norður að Esju. Það sem fyrir norðan
hana væri kæmi þeim ekkert við. í fyrradag náðist
svo í ráðherrann okkar, Halldór Blöndal, landbúnað-
ar- og samgönguráðherra, og var hann inntur eftir
forsendum við skiptingu milljarðsins. í upphafi máls
síns sagði ráðherra „að það væri auðvitað ekki hægt
að horfa til aðgerða í atvinnumálum einungis út frá
þessum eina milljarði og bara út frá þeim einstöku
forsendum enda yrði hlutur Akureyrar af þessari
upphæð einhvers staðar í kringum 50 milljónir ef við
viljum nota höfðatöluregluna “. Ráðherra sagði að
styrkja yrði grunninn í heild sinni og sagði síðan orð-
rétt: „Ég hef meiri áhyggjur t.d. af framtíð málm- og
skipasmíðaiðnaðarins á Akureyri heldur en hinu
hvort Akureyringar fái 10 milljónum meira eða minna
af þessu fé. Það hafa miklir erfiðleikar gengið yfir at-
vinnumálin á Akureyri. Munar þar náttúrlega um það
að sá mikli verksmiðjurekstur sem samvinnuhreyf-
ingin stóð fyrir hefur smám saman verið að molna
niður; það er skýringin á þeirri veiku stöðu sem þar
er nú í atvinnumálum. “ Ráðherra nefndi gjaldþrot ís-
lensks skinnaiðnaðar sem dæmi um það. Þá sagðist
ráðherra hafa látið athuga þann þátt sem snýr að því
að reyna að tryggja það að hráefni til skinnaiðnaðar-
ins verði kyrrt í landinu og það séu auðvitað veruleg-
ir hagsmunir Akureyringa að það náist fram að rekst-
ur skinnaiðnaðarins geti skilað sér.
En nóg um það. Orð bæjarfulltrúa, alþingismanna
og ráðherra eru ósköp léttvæg fyrir atvinnulaust fólk
á Akureyri. Það hafa allir heyrt svona frasa áður eins
og orð Halldórs ráðherra í blaðinu í gær: „Það sem ég
vil horfa á í sambandi við atvinnuuppbyggingu á Ak-
ureyri er ekki einhver aðstoð í eitt skipti, heldur legg
ég höfuðáherslu á að okkur takist að leggja grunn að
framleiðslu og þjónustu sem sé til frambúðar og geti
verið atvinnulyftistöng í þeim skilningi." Það hljóta
allir Akureyringar að gera sér grein fyrir hinu alvar-
lega ástandi í atvinnumálum í bænum, sem framund-
an er. Það er mikill misskilningur hjá ráðherranum að
það séu aðeins fyrirtæki samvinnumanna, sem eru
gjaldþrota og eiga í erfiðleikum. Iðnaðurinn á íslandi
á svo til allur í erfiðleikum, þrátt fyrir talsverða aug-
lýsingaherferð um að velja íslenskt. Nýjasta dæmið
er Sól hf. í Reykjavík, en það fyrirtæki á í verulegum
erfiðleikum svo ekki sé meira sagt. Það sem við blas-
ir á Akureyri er það hvort bæjarbúar vilja hægja á
framkvæmdum á vegum bæjarins á næstunni en
miklum peningum verði varið til endurreisnar at-
vinnulífsins í bænum. Það er auðvitað neyðarúrræði
því bærinn á sem minnst að skipta sér af at-
vinnurekstri. En ekki er hægt að sjá að peningar
komi annars staðar frá. Ekki koma þeir frá ríkisvald-
inu, sem neitar alfarið að skipta sér af atvinnumálum
í landinu. Um þetta ætti að kjósa í nóvember en ekki
um einhverja sameiningu, sem er illa undirbúin og
kemur fólki satt að segja í opna skjöldu. SO
A Skýrsla Umferðarráðs 1992:
Á síðasta ári slösuðust 173
í umferðinni á Norðurlandi
- 45 hafa látist sl. 10 ár, enginn á Siglufirði og Húsavík
Á árinu 1992 lést 21 íslendingur
í 20 umferðarslysum á móti 27 í
24 slysum árið 1991. Slys með
meiðslum voru 904 á síðasta ári
og 1.327 slasaðir, þar af 228 al-
varlega, miðað við 760 slys með
meiðslum árið 1991 og 1.128
slasaða. Skráð umferðarslys
með eignatjóni voru 3.470 mið-
að við 3.537 árið áður. Þetta
kemur fram í skýrslu Umferð-
arráðs.
Flest banaslys urðu í umferð-
inni í Reykjavík og kostuóu þau 8
manns lífið. I Kópavogi létust 4, í
Suður-Múlasýslu 2 og 1 í eftir-
töldum umdæmum; Mosfellsbæ,
Akranesi, Mýra- og Borgarfjarð-
arsýslu, Skagafjarðarsýslu, Eyja-
fjarðarsýslu, Austur-Skaftafells-
sýslu og Vestmannaeyjum.
Ef við lítum á fjölda slasaðra í
umferðinni á Noróurlandi þá slös-
uðust 67 á Akureyri, þar af 4 al-
varlega, 34 í Húnavatnssýslu, þar
af 9 alvarlega, 25 í Skagafjarðar-
sýslu, þar af 10 alvarlega, 24 í
Eyjafjarðarsýslu, þar af 6 alvar-
lega, 16 í Þingeyjarsýslu, þar af 5
alvarlega, 3 á Dalvík, 1 alvarlega,
2 á Húsavík, 1 alvarlega, og 2 í
Olafsfirói en enginn alvarlega.
Enginn slasaðist í umferðaróhöpp-
um á Siglufirói á árinu 1992. Þar
urðu aðeins 4 minni háttar árekstr-
ar og hefur ekkert umdæmi á
landinu sloppió svo vel.
Flestir sem slasast á aldrin-
um 17-20 ára
Lítum næst á aldursskiptingu
þeirra sem slösuðust eöa létust í
umferöarslysum á síðasta ári. Eins
og áður er slysatíðni meðal 17-20
ára ungmenna mjög há, 366 í
þessum aldurshópi slösuðust eða
létust á árinu. Ástandið skánar
strax í aldurshópnum 21-24 ára;
151 einstaklingar.
Börn 0-6 ára voru 40, 7-14 ára
voru 112, 15-16 ára 94, 25-64 ára
474 og 65 ára og eldri 111. Sam-
tals eru þetta 1.348 einstaklingar
sem slösuðust eða létust í um-
ferðinni á síðasta ári.
Af þeim sem létust í umferð-
inni 1992 voru 13 á aldrinum 15-
64 ára, 7 voru 65 ára og eldri og 1
barn yngra en 14 ára. Þeir sem
létust voru í 10 tilvikum öku-
menn bifreiða, 3 farþegar og 8
gangandi vegfarendur.
Þá kemur fram að 17 ára öku-
menn áttu lang oftast aðild að
slysum á síðasta ári, eða 44,19%
allra ökumanna. 18 ára ökumenn
voru 26,83% þeirra sem áttu aóild
að slysum en hlutfallið lækkar síö-
an ört eftir 24 ára aldurinn.
Umferðin á Norðurlandi
hefur kostað 45 mannslíf á
10 árum
Á síðustu 10 árum, frá 1982-1992,
hafa alls 270 Islendingar látist í
umferðarslysum, þar af hátt í 100
á höfuóborgarsvæðinu. Á Norður-
landi hafa 45 látist á þessu tíma-
bili, 8 í Húnavatnssýslu, 10 í
Skagafjarðarsýslu, 4 á Akureyri, 8
í Eyjatjarðarsýslu, 2 í Olafsfirði
og 13 í Þingeyjarsýslu en enginn á
Siglufirði og Húsavík.
Tæplega 2.000 ökumenn voru
kærðir fyrir meinta ölvun við
akstur á síðasta ári og eru það
heldur færri ökumenn en undan-
farin ár. Á Norðurlandi voru hátt
í 200 ökumenn kærðir fyrir ölvun
vió akstur, 93 á Akureyri, Dalvík
og í Eyjafjarðarsýslu, 32 á Húsa-
vík og í Þingeyjarsýslu, 28 í
Skagafjarðarsýslu, 19 í Húna-
vatnssýslu, 13 á Siglufirói og 9 í
Olafsfirði. Aðeins á tveimur síð-
astnefndu stöðunum cr um að
ræða fjölgun frá árinu á undan.
Margt fleira kemur fram í þess-
ari skýrslu Umferðarráðs sem
ökumenn og aðrir vegfarendur
hefóu gott af að skoóa nánar því
tölurnar geta verið sláandi og
vakið fólk til umhugsunar. SS
MENOR fréttir í júlí
Tónleikar
Tónleikaröð.
Flytjendur: Kolbeinn Bjarnason,
flauta og Guðrún Oskarsdóttir,
sembal.
Föstudagur 23. júlí, Húsavíkur-
kirkja kl. 20:30
Laugardagur 24. júlí, Reykja-
hlíðarkirkja kl. 21:00
Sunnudagur 25. júlí, Akureyrar-
kirkjakl. 17:00
Tónleikaröð.
Flytjandi Björn Andor Drage,
orgel.
Föstudagur 30. júlí, Húsavíkur-
kirkja kl. 20:30
Laugardagur 31. júlí, Ólafsfjarð-
arkirkjakl. 16:00
Sunnudagur 1. ágúst, Akureyrar-
kirkjakl. 17:00
Listasumar á Akureyri ’93.
Fimmtudagur 22. júlí,
- Samkomuhúsið kl. 20:30
Rokktónleikar. Hljómsveitirnar
Hún andar, Skrokkabandið,
Limlest ég er Iimlest, Frú Roos-
velt segir frá.
- Akureyrarkirkja kl. 20:00
Hlíf Sigurjónsdóttir - fiðla,
Símon H. Ivarsson - gítar.
- Við Pollinn
Tónleikar, Tríóið Dúótón en það
skipa: Reynir Schiöth - píanó,
Hulda Björk Garóarsdóttir -
söngur, Sigurður Ingimarsson -
söngur, gítar, harmonika.
Föstudagur 23. júlí, Akureyrar-
kirkja kl. 20:00
Pétur Jónasson leikur á gítar.
Laugardagur 24. júlí,
- Deiglan kl. 16:00
Áshildur Haraldsdóttir - þver-
flauta.
Þorsteinn Gauti Sigurðsson -
píanó.
- Akureyrarkirkja kl. 20:00
Nemendatónleikar.
Sunnudagur 25. júlí
- Akureyrarkirkja kl. 17:00
Sumartónleikar.
Myndlist
Listhúsið Þing.
Þar stendur yfir sýning á mál-
verkum Jónasar Viðars Sveins-
sonar. Jónas hefur verið búsettur
á Ítalíu í 3 ár og er þetta 4
einkasýning hans. Sýningin bcr
yfirskriftina Tentazioni Erotiche.