Dagblaðið Vísir - DV - 21.04.1995, Blaðsíða 4
20
FÖSTUDAGUR 21. APRÍL 1995
dflsh’íi-nakepit
Slash's Snakepit - It's Five
O'Clock Somewhere
★ ★★
Byssur án Rósar
r v ^
'V
Slash, gítarleikari Guns N'Roses, hefur sagt í viðtah að hann
geti ekki verið aðgerðalaus. Þá falli hann bara fyrir einhverjum
efnum sem hann vill helst vera laus við að taka og þar af
leiðandi þarf hann að finna sér eitthvað að gera meðan Guns
N’Roses er óstarfhæf af einhverjum orsökum. Snakepit varð
einmitt til í einu slíku fríi.
Satt best að segja minnir hljómsveitin sú um margt á Guns
N'Roses. Enda kannski engin furða. Slash setur sterkan svip á
báðar með gítarleik sínum. Þarna er Matt Sorum, trommari
Guns. Sömuleiðis Dizzy Reed hljómborðsleikari og Gilby Clarke
rythmagítarleikari sem Axl Rose, söngvari Guns, rak reyndar á
dögunum. Það vantar sem sagt engan úr gamla hópnum nema
Axl og Duff McKagan bassaleikara.
A It's Five O'Clock Somewhere er rokkað frá upphafi til enda.
Gítarhljómurinn er þykkur eins og vera ber og heildaryfirbragðið
hæfilega hrátt. Sums staðar örlar meira að segja á svolitlum
blús eins og í Neither Can I. Það er reyndar eitt
eftirminnilegasta lag plötunnar ásamt Monkey Chow eftir Gilby
Clarke. Helsti gallinn við plötuna er að á hana vantar einhvem
afgerandi smell, grípandi rokkara sem sker sig úr. Með slíku lagi
fengi platan lengra líf en ella.
-Ásgeir Tómasson
Duran Duran - Thank You
'k'k'
Jaðrar víð ofbeldi
Enn halda áfram að streyma á markaðinn safnplötur ýmissa
aðila sem em að gera gömlum (mis)góðum lögum skil. Nú eru
það Duran Duran sem taka fyrir lög úr ýmsum áttum og má
meðal viðfangsefnanna nefna gamla soulsmellinn I Wanna Take
You Higher, Costello-lagið Watching the Detectives, Dylan-lagið
Lay Lady Lay, Lou Reed-lagið Perfect Day, Doors-lagið Crystal
Ship og Led Zeppelin-lagið Thank You. Sannarlega ekki ráðist á
garðinn þar sem hann er lægstur. Utkoman er hins vegar sú að
mér finnst að í mörgum tilvikum eigi höfundar laganna
skaðabótakröfur á hendur Duran-mönnum fyrir afskræmingu á
verkum sínum og meðferðin á Zeppelin-laginu Thank You ætti að
varða við lög! Einu lögin sem sleppa tiltölulega ósködduð úr
þessum hildarleik eru lögin Perfect Day og Crystal Ship en þar
fær upprunaleg útsetning að halda sér að mestu leyti. Þegar
hlustað er á meðferð Duran Duran á þessum lögum verður það
með öllu óskiljanlegt að þessi hljómsveit var á sínum tíma
stórveldi í poppheiminum.
- Sigurður Þór Salvarsson
Hootie and the Blowfish -
Cracked Rear View
★ ★★
Ekkert nýtt - en gott
Þegar ný hljómsveit slær í gegn má bóka að upp spretti aragrúi
svipaðra hljómsveita í kjölfarið. Fæstar þeirra hafa erindi sem
erfiði enda lítil framavon í því að vera útþynnt vasaútgáfa af
glæstri fyrirmynd. Sumum þessara sveita tekst aftur á móti að
öðlast sjálfstætt h'f á eigin verðleikum og þannig er því varið um
Hootie and the Blowfish. Fyrirmyndin er fyrst og fremst
Counting Crows sem sló í gegn í fyrra en hefðbundið amerískt
iðnaðarrokk kemur líka við sögu. Það sem hins vegar gerir
gæfumuninn fyrir Hootie And The Blowfish eru glæsilegar
lagasmíðar og framúrskarandi hæfileikaríkir einstaklingar.
Lögin eru hvert öðru betra, létt melódísk rokklög með
smákántríkeim, sungin í tregablöndnum tón. Söngurinn er
aðalsmerki hljómsveitarinnar, allir liðsmennirnir eru liðtækir
söngvarar og þetta nýta þeir vel í röddunum og öðrum
raddútsetningum. Hootie and the Blowfish er komin á kortið og
hefur alla hæfileika til að ílengjast þar.
- Sigurður Þór Salvarsson
Hljómsveitin Trúbrot meðan hún var og hét....
lifun var tímamótaverk í sögu íslenskrar dægurtónlistar.
... lifun
öðlast nvtt líf
Tónverkið ... lifun er komið út að
nýju á plötu og í öllu viðameiri útsetn-
ingu en fyrr. Eins konar sparifótum.
Það er Sinfóníuhljómsveit íslands sem
spilar verkið að þessu sinni og henni
til halds og trausts eru sex manna
rokkhljómsveit og fimrn landskunnir
dægurlagasöngvarar. Það eru Samtök
um tónlistarhús sem gefa nýju plötuna
út og er hún eingöngu ætluð styrktar-
félögum samtakanna.
Upptaka þessarar nýju útgáfu . . .
lifunar er að sögn þeirra sem til þekkja
viðamesta hljómplötuupptaka sem
fram hefur farið hér á landi til þessa.
Verkið var unnið í Háskólabíói og Sýr-
landi og var breski hljómsveitarstjór-
inn Ed Welch fenginn til að halda utan
um það. Þórir Baldursson annaðist út-
setningar verksins fyrir sinfóníu-
hljómsveit, rokkhljómsveit og söngv-
ara og hann tók virkan þátt í upptök-
um og hljóðblöndun verksins ásamt
fleirum. Þessi vinna tók langan tíma.
Flestir sem að verkinu komu gáfu
vinnu sína að miklu eða öllu leyti til
styrktar tónlistarhúsinu og því var
það aðailega unnið þegar menn áttu
lausa stund hverju sinni. Keflavíkur-
verktakar, Sparisjóður Keflavíkur,
Hitaveita Suðurnesja og Ríkisútvarp-
ið lögðu fé til verksins.
Forsagan
Forsaga þess að ráðist var í þetta
viðamikla verk er sú að ... lifun var
flutt á M-hátið á Suðumesjum, útsett
af Þóri Baldurssyni fyrir rokk- og sin-
fóníuhljómsveit. Tónleikarnir þóttu
takast svo vel að ákveðið var að end-
urtaka þá í Háskólabíói á degi tónlist-
arinnar síðar um haustið. Þeim við-
burði var útvarpað. Svo góð aðsókn
var að... lifun að endurtaka varð tón-
leikana.
Ljóst varð af áhuganum að . . . lif-
un lifði góðu lífi þrátt fyrir að rúmlega
tuttugu ár væru liðin frá því að verk-
ið kom fyrst út.
Sú hugmynd kviknaði að gefa út
hijóðritun verksins frá Háskólabíós-
tónleikunum og nota diskinn sem eins
konar gulrót til að fjölga styrktarfélög-
um Samtaka um tónlistarhús. Útsetj-
arinn, Þórir, kvað hins vegar upp
þann dóm eftir að hafa hlustað á upp-
tökuna að gera þyrfti ýmsar lagfær-
ingar áður en að útgáfu kæmi. Og því
var ákveðið að ráðast í að hljóðrita allt
upp á nýtt. Það hafðist að lokum og
verkið er komið út.
Enn lengra aftur
.. . lifun er ekki beinlínis tónverk
heldur flokkur sjálfstæðra laga, svíta,
sem eru laustengd saman með textan-
um sem Þorsteinn Eggertsson hefur
íslenskað. Það voru liðsmenn hljóm-
sveitarinnar Trúbrots, þeir Gunnar
Þórðarson, Rúnar Júlíusson, Magnús
Kjartansson, Karl Sighvatsson og
Gunnar Jökull Hákonarson, sem
sömdu verkið snemma árs 1971. Trú-
brot var um þetta leyti á hátindi frægð-
ar sinnar, hafði sent frá sér tvær stór-
ar plötur og nokkrar litlar.
Eitthvað hafði verið um manna-
breytingar í hópnum en í ársbyrjun
1971 komu tveir af stofnendum hljóm-
sveitarinnar, Karl Sighvatsson og
Gunnar Jökuil, í hópinn á ný. Hljóm-
sveitin lék þennan vetur í Þjóöleikhús-
inu í Faust og á daginn dundaði hún
sér við að setja .., lifun saman, verk
um ævi ofurvenjulegs manns frá fæð-
ingu til dauða. Sagan segir að til að
skapa sem þægilegast andrúmsloft í
æfingarhúsnæðinu hafi hver fimm-
menninganna komið með málningar-
fotu með eftirlætislitnum sinum, öllu
hafi verið hrært saman og útkoman
hafi orðið hlutlaus brúnleitur litur,
sérlega örvandi fyrir andagiftina.
... lifun var frumflutt í Háskólabíói
í mars 1971 fyrir troðfiillu húsi og var
verkinu ákaflega vel tekið. Eftir hljóm-
leikana flugu fimmmenningamir til
Lundúna þar sem þeir tóku verkið upp
á plötu. Henni var vel tekið og völdu
gagnrýnendur hana plötu ársins. Plat-
an var síðan ófáanleg um margra ára
skeið, eða ailt þar til Geimsteinn, fyr-
irtæki Rúnars Júlíussonar, gaf hana
út að nýju á geisladiski. Og nú geta að-
dáendur . . . lifúnar orðið sér út um
viðhafnarútgáfu með því að gerast
styrktarfélagar Samtaka um tónlistar-
hús. Þeim peningum er vel varið.
The Ukrainians - Kultura:
★★★
Eitt er víst að ég hef aldrei heyrt neitt
þessu líkt áður og finnst það hafa tekist
bara vel hjá þeim aö blanda saman þessum
afar ólíku tónlistarstefnum. Söngstfflinn er
mjög dramatískur en tónlistin oftast hröð
og grípandi, stórvel failin til dansæfmga.
-PJ
The Chieftains — The Long Black Veil:
★★★★
Paddy Maloney, pródúsent plötunnar,
- sveigir alla gestina að sinni stefnu og tekst
þaö vel. Það er raunar erfitt að hrósa ein-
um fremur en öðrum. -ÁT
The Smiths — Síngles:
★★★★
Það er eiginlega ótrúlegt að hljómsveitin
skyldi afreka allt þetta á ekki lengri tíma
en raun ber vitni.
-SÞS
Morrissey
-WorldofMorrissey:
★★★★
Þaö þarf ekkert að orðlengja það aö
Morrissey bregst ekki hér frekar en fyrri
daginn. Hver perlan á fætur annarri er bor-
in fram á þennan látlausa fágaða máta sem
hefur einkennt tónlist MorrisSeys.
_______________________ -SÞS
Morphine-Yes:
★★★★
Textamir falla mjög vel inn í tónlistina,
eru í kúl lazy-jazz fÖingi og ofl ansi sniðug-
ir. Yes er frumleg plata sem kitlar eyrun
unaðslega.
-PJ
Bruce Springsteen - Greatest Hits:
★★★
Þetta safn sannar það sem iöngu var vít-
að að Bruce Springsteen er bestur þegar
rokkið er þanið og sér i lagi þegar hann hef-
ur sér til fulltingis hljómsveitina E-Street
Band.
___________ -ÁT