Dagblaðið Vísir - DV - 18.08.1995, Page 4

FÖSTUDAGUR 18. ÁGÚST 1995
Paul We
'k'k'k
Nýtt eðalvín á gömlum belgjum
Paul Weller, fyrrum Jam-ari, söölaöi um í tónlistinni í fyrra meö
plötunni Wild Wood þar sem hann tók fyrir rythm n' blues stefnu
áranna kringum 1970 með hreint afbragðsgóðum árangri. Tónlist
þessi gekk líka undir nafninu prógressíft rokk á sínum tíma og er
blanda af blús, soul og létt þungu rokki. Og á þessari nýju plötu,
Stanley Road, heldur hann áfram í sama stíl og tekst jafnvel enn
betur upp en síðast; hefur náð að aðlaga sig betur að þessum stíl og
slípa hann enn frekar.
Áhrifavaldar Wellers í þessari tónlist eru greinilega margir, sumpart
minnir hann á gömlu góðu Traffic og Blind Faith en líka á Procol
Harum fyrri ára og þá má enn fremur greina keim af gömlu Free.
Tónlistin hefur sem sagt nokkuð þungan undirtón en er samtímis
melódísk og margslungin og þarfnast töluverðrar hlustunar við áður
en hennar verður notið að fullu.
Fróðlegt verður að fylgjast með framgöngu Wellers á þessu sviði;
hann er frábœr tónlistarmaður og hefur tekist að ná ótrúlega góðum
tökum á þessari tónlist á ekki lengri tíma. Sérstaklega er gaman að
heyra sönginn hjá honum, hann nær öllum gömlu töktum þeirra Gary
Brookers, Eric Claptons, Steve Winwoods, Paul Rodgers o. fl. Það er
engu líkara en að hann hafi sungið þessa tónlist alla sína tíð.
- Sigurður Þór Salvarsson
Edwyn Collins - Gorgeus George
★ ★★
Melódískt, soulskotið
Sumar plötur eru lengur að ná athygli manna en aðrar og þannig er
því varið með þessa plötu Edwyns Collins. Hún kom út á síðasta ári
en er ]oks að slá í gegn núna, aðallega fyrir tilstilli lagsins A Girl
Like You. Edwyn þessi er annars, fyrir þá sem ekki þekkja til, fyrrum
söngvari hljómsveitarinnar Orange Juice ef það skyldi hringja
einhveijum bjöllum.
Hvað um það, hann er að gera það gott og það er fyllilega skiljanlegt
ef mið er tekið af þessari plötu. Það fer reyndar ekki milli mála
hvaða tónlist Collins hefur alist upp við; áhrif Davids Bowies eru
ótvíræð og mikið held ég að Bowie kallinn geti verið stoltur yfir þeim
áhrifum sem hann hefur á tónlistina í dag. En það er kannski ekki
undarlegt því nú eru þeir sem voru að slíta barnsskónum upp úr
1970 að komast til vits og ára í tónlistinni og byijaðir að vinna úr
uppeldisáhrifunum.
Tónlist Collins er afsprengi þess sem Bowie var að gera á plötum
eins og Young Americans og Low; melódískt soulskotið rokk.
Vissulega setja fleiri stefnur svip sinn á lög Collins en Bowie áhrifin
eru mest áberandi. Ekki á það síst við um söng og raddbeitingu.
Engu að síður er Gorgeus George sannfærandi og persónuleg plata,
full af skemmtilegum lögum og liprum melódíum. Hér geta allir
fundið eitthvað við sitt hæfi, létt lög, þung lög, róleg lög og meira að
segja fylgir íjöldasöngslag með sem bónus en þess er ekki getið neins
staðar á plötunni.
t Sigurður Þór Salvarsson
rokk
Nuno Miguel og Milljónamæringarnir-góður latín-kokkteill.
DV-mynd RASI
ín uno Miguel
og Milljóna-
mæringamir
Gestir Perlunnar frusu síöastliðiö
laugardagskvöld þegar Páll Óskar
Hjálmtýsson kynnti nýjan söngvara
Milljónamæringanna á sviö eftir aö
hafa sjálfur gegnt starfinu við mik-
inn fögnuð áhorfenda í tvö ár. Hver
er þessi Nuno Miguel? En þegar hann
hóf upp raust sína og byrjaði aö
hreyfa sig á sviðinu bráöi jafnharðan
af áhorfendum og svitinn vall fram
við undirleik Milljónamæringanna í
laginu Hot, hot, hot, enda gat hver
einasti maður séð að þarna var heit-
ur maður á ferð.
Stemningin var hreint út sagt ólýs-
anleg á þessu lokaballi Páls Óskars
með Milljónamæringunum. Nuno
Miguel er hins vegar það sem koma
skal.
Böstaði
pakkann
Nuno Miguel Carrilha er fæddur
og uppalinn í Portúgal. Síðastliðin sjö
ár hefur hann hins vegar búið á ís-
landi og á þeim tíma hefur hann náð
góðum tökum á íslenskunni. Sem
söngvari hefur Nuno komið fram í
söngleikjunum Grease og Jósep og
hans undraverða skrautkápa, sem
er enn í gangi.
Milljónamæringarnir höfðu leitað
lengi þegar þeir fundu Nuno (í gegn-
um Veigar trompetleikara Sem hefur
nú snúið sér að námi erlendis) og
eins og Ástvaldur Traustason píanó-
leikari lýsir því: „Það var orðin
spurning um það hver var í „auditi-
on“ (prufu), við eða Nuno.“ „Hann
böstaði einfaldlega pakkann," bætir
Jóel Pálsson saxófónleikari við.
Nuno var ráðinn samdægurs.
En hvernig finnst Nuno að taka við
sem söngvari í Milljónamæringun-
um af Palla og Bogomil? „Þetta er
einfaldlega „challenge" (áskorun).
Ég veit ekki hvernig er hægt að lýsa
því betur."
Birgir, Ástvaldur, Steingrímur og
Jóel eru sammála um að Nuno
smellpassi inn í hljómsveitina, jafn-
vel þó hann sé ólíkur Palla, en það
er nú ekki beint hægt að segja að
Palli og Bogomil séu líkir. „Hann er
uppfullur af krafti og jafngóður
söngvari og „performer," samsinna
Millarnir.
Engin stefnubreyting
-meiri útvíkkun
Þeir sem þekkja til vita að Milljóna-
mæringarnir hafa kennt sig við
ákveðna tónlistarstefnu, nánar til-
tekið latín-taktinn og því ekki verra
að hafa söngvara ættaðan frá latínó
landi eins og Portúgal. En verða ein-
hverjar stefnubreytingar í tónlist-
inni? „Að sjálfsögðu verður nýjum
lögum bætt inn í prógrammið, líkt
og þegar Palli bættist í hópinn," segir
Steingrímur „en það veröa ekki gerö-
ar neinar stórtækar breytingar og
að sjálfsögðu spilum við öll gömlu
góðu Milla-lögin sem fólk er farið að
þekkja."
Hljómsveitin samsinnir því að
breytingarnar verði aðeins útvíkkun
innan latín rammans með örhtlum
afrískum viðbætum (spennandi). En
þeir sem bíða spenntir eftir að heyra
í nýja söngvaranum mega eiga von
á lagaútgáfum (á safnplötum) með
haustinu og nýrri plötu næsta vor.
Sjón er sögu
ríkari
Þeir sem vilja berja Nuno Miguel
augum á næstunni ættu hins vegar
að skella sér í Stykkishólm um helg-
ina en þar verður einmitt fyrsta al-
mennilega ballið með nýjum söngv-
ara haldið annað kvöld. Hljómsveitin
fer síðan á fullt swing í byrjun sept-
ember og er þá bókuð á Sjallann á
ísafirði, Sjallann á Akureyri, Ömmu
Lú, árshátíðir og skólaböll.
Svo er bara að koma og kíkja á
þessa nýjustu stjörnu íslendinga sem
kemur frá Portúgal - Nuno Miguel.
GBG
Elvis Costello - Kojak Variety:
★★★
Fjölbreytnin er mikii og Costelio
gerir þelta af mikiili einlægni eins
og hans er von og vísa... Allt hjálp-
ast hér að tii að gera Kojak Variety
að mjög persónulegri og athyglis-
verðri plötu.
-SÞS
Ry Cooder - Music by Ry Cooder:
★★★
Þessi tvöfalda plata . . . er sýnis-
hom af því besta sem Cooder hefur
látið frá sér fara á sviði kvikmynda-
tónlistar.
-SÞS
Neil Young - Mirrorball:
★★★Á
Mirrorbail er enn eitt stórvirkið á
glæsilegum ferli Neils Youngs og
undirstrikar hvílíkt stórveldi þessi
maður er í rokksögunni.
-SÞS
Gary Moore - Blues for Greeny:
★★★
Blues for Greeny er bæði Moore
og Green til mikils sóma og á Moore
heiður skilinn fyrir að kynna tónlist
Peters Greens fyrir yngri blúsaðdá-
endum.
-SÞS
Sniglabandið - Gull á móti sól:
★★★
Þarna eru ekki einungis á ferðinni
snjallir skemmtikraftar heldur sí-
vaxandi lagahöfundar sem eru alltaf
að koma á óvart. Vinsamlegast haid-
ið því áfram.
-GB
Chris Isaak - Forever Blue:
★★★
Forever Blue er enn ein skraut-
fiöðrin í hatt Chris Isaaks og er kom-
inn tími til að almenningur gefi þess-
um ágæta tónlistarmanni verðskuld-
aðan gaum.
-SÞS