Þjóðviljinn - 11.08.1972, Page 4

4 SIDA — ÞJÓÐVILJINN ; Ftistudagur 11. ágúst 1972
DJOÐVIUINN
MÁLGAGN SÓSÍALISMA,
VERKALÝÐSHREYFINGAR
OG ÞJÓÐFRELSIS
Útgefandi: Útgáfufélag Þjóðviljana.
Framkvaemdastjóri: Eiður Bergmartn.
Ritatjórar: SigurSur GuSmundsson,
Svavar Gestsson (áb.).
Auglýsingastjóri: Heimir Ingimarsson.
Ritstjórn, afgreiSsla, auglýsingar:
Skólav.st. 19. Simi 17500 (5 línur).
ÁskriftarverS kr. 225.00 á mánuði.
LausasöluverS kr. 15.00.
Prentun: BlaSaprent h.f.
MYNDARLEG LEIÐRETTENG ER NAUÐSYN
Þegar fólk er 67 ára að aldri er talið eðli-
legt að þjóðfélagið taki að greiða þessu
fólki fé úr sjóðum almannatrygginga.
Ellilífeyrir er ekkert annað en f járupphæð
sem þeir öldruðu eiga þá inni fyrir störf
sín i marga áratugi. Núverandi ríkisstjórn
hefur auk ellilifeyris tekið inn i lög og
reglur ákvæði um tekjutryggingu, sem á
að vera til þess að hjálpa þeim öldruðum,
sem ekkert geta unnið eða hafa engan lif-
eyri annars staðar af einhverjum ástæð-
um. En sem betur fer er það þannig að
mikill fjöldi aldraðra getur unnið eitthvað
eftir 67 ára aldur — i sjávarplássunum úti
á landi vinnur þetta fólk oft fyrir umtals-
verðum upphæðum við sjávarútveginn, i
frystihúsum, saltfiskverkun eða skreiðar-
verkun. Þetta aldraða fólk vinnur vegna
þess að það vill og getur unnið og auk þess
er þörf á vinnuframlagi allra sem vettl-
ingi geta valdið þegar mest er að gera á
vertiðunum. Þannig getur þetta fólk oft
komizt i umtalsverðar tekjur með mikilli
vinnu. En skattar eru ekki lagðir á tekjur
á Islandi eftir þvi hvernig teknanna er afl-
að; það er ekki tekið tillit til þess hvort
viðkomandi aldraður maður hefur tekjur
sinar af frystihúsavinnu 10 tima á dag
fimm daga vikunnar eða hvort hann hefur
tekjur sinar af hlutabréfagróða — nú, eða
af eftirlaunagreiðslum úr fjórum lifeyris-
sjóðum eins og dæmi munu til um. Þannig
er ekki farið eftir þvi við skattlagningu
hvernig teknanna er aflað, enda væri slikt
sjálfsagt erfitt i framkvæmd — en annað
er erfiðara, sérstaklega fyrir þá öldruðu:
Skattarnir eru teknir eftir á, eftir að tekn-
anna er aflað. Þetta kemur sérstaklega
illa við þá aldraða sem vinna hörðum
höndum i sjávarplássunum á Islandi þeg-
ar vinna gefst — en svo dregst vinnan
kannski saman á næstu vertið og þá er erf-
itt að greiða háa skatta fyrra árs. Þetta
eru atriði, sem einnig verður að taka tillit
til i sambandi við skattlagningu aldraðra.
Og þetta eru atriði sem verður að athuga
nú, þegar til stendur að breyta skattaálög-
um á aldraða fólkið. Sú breyting sem rik-
isstjórnin hefur nú fyrirhugað að gera
verður að vera myndarleg og i samræmi
við félagslega stefnu núverandi rikis-
stjórnar. Það er krafa allra stuðnings-
manna stjórnarinnar og það er vafalaust
einnig vilji rikisstjórnarinnar sjálfrar.
Slikar ráðstafanir njóta almenns stuðn-
ings allra — og það hlyti þá að njóta stuðn-
ings að fjármagnið verði um leið tekið af
þeim sem byrðar geta borið.
TAKA VERÐUR TILLIT TIL
SKATTAÁBENDINGA BLAÐANNA
Þjóðviljinn hefur bent á mörg dæmi um
það hvernig ýmsir aðilar virðast hafa
sloppið auðveldlega við að borga skatta að
þessu sinni. Þetta verður að endurskoða
og athuga — en um leið verður blaðið að
krefjast þess að allar slikar ábendingar
séu teknar til athugunar af hlutaðeigandi
skattayfirvöldum. Blöð eru gefin út lika til
þess að benda á þætti i þjóðfélaginu sem
þurfa úrbóta. Oft er erfitt fyrir blöðin að
benda beint á þau dæmi sem um er að
ræða, en þar sem skattskráin er opinbert
plagg, eru möguleikar á þvi fyrir þau blöð
sem vilja kanna málin niður i kjölinn. Og
það starf blaðamanna eiga skattrann-
sóknarmenn að kunna að meta — þeir eru
þjónar almennings, á launum almennings,
og almenningur vill að tekið sé á skatta-
málum af festu og hörku ef með þarf.
Dœmisaga um nýlendustefnuna nýju
Dótturleit
einrœðisherra
og úranleit
stórveldanna
Bokassa; þjófar lamdir I hel.
Forseti Mið-Afrikulýð-
veldisins, Jean Bedel
Bokassa, er atvinnuher-
maður, barðist með ný-
lenduher Frakka i
Indókina. Hann hrifsaði til
sin völdin i þessari fyrrver-
andi nýlendu Frakklands
árið 1965. Síðan hefur hann
fátt eitt gert en að leggja
blöðum til efni sem veröur
— beint eða óbeint — til
þess aö kasta rýrð á sjálf-
stæði nýfrjálsra rikja
Afriku og gefa sjálfs-
ánægðum Evrópumönnum
tækifæri til að segja sem
svo: hefði nú ekki verið
betra að við stjórnuðum
þessum villimönnum?
Sunnudag einn fyrir skemmstu
lét Bokassa höggva eyrað af
þrem þjófum á torgi i Bangui.
Daginn eftir voru aðrir 146þjófar
barðir með lurkum af hermönn-
um undir persónulegu eftirliti
forsetans. Bokassa sagöi þetta
gert i þvi skyni, að styrkja orðstir
Mið-Afrikulýðveldisins, sem þjóf-
ar hefðu saurgað.
Bokassa hefur skipað svo fyrir
að þjófi skuli fyrst refsað með
missi annars eyra, i annað sinn
með missi hins eyrans, i þriðja
sinn skal höggvin af honum hönd-
in, og i f jórða sinn skal hann drep-
inn. Barsmiðarnar á dögunum
fóru fram að viðstöddum forseta
og ráðherrum — jafnmargir her-
menn og þjófarnir voru tóku þátt i
barsmiðinni og höfðu leyfl til að
ganga af fórnarlömbum sinum
dauðum. Þrir þjófanna létust, og
hinir særðu voru hafðir til sýnis i
borginni næsta dag.
Bokassa hefur sýnt margar
undarlegar sviptingar i utanrikis-
málum, en eins og franska
vinstriblaðið Le Nouvel Observa-
teur kemst aðorði, þá hafa frönsk
stjórnvöld sýnt honum ,,merki-
lega þolinmæði”. Þolinmæði
þessi stafar af þvi, að Frakkar
vilja umfram allt halda itökum
sinum i fyrrverandi nýlendum, og
þeir telja Mið-Afrikulýðveldið
hafa hernaðarlega þýðingu á
svæði þar sem ýmis stórveldi
leita eftir áhrifum. Auk þess
finnst úraníum i landinu.
Bokassa hefur til skiptis hallað
sér að nýjum eða gömlum hús-
bændum — Frökkum eða Banda-
rikjamönnum. Þær sveiflur
komu með furðulegum hætti fram
i sambandi við leit, sem hann lét
gera i Vietnam að dóttur, sem
hann kvaðst hafa eignazt með
vietnamskri konu þegar hann
barðist þar i nýlenduher Frakka.
Franska leyniþjónustan fann eina
,,dóttur” sem reyndist þó ekki
,,ekta” — en sú bandariska fann
þá einu réttu dóttur, sem nú býr
hjá Bokassa og er mikill sómi
sýndur.
Fyrir þessa þjónustu fengu
Bandarikjamenn i sinar hendur
réttinn til að nýta úrannámurnar
i Mið-Afrikulýðveldinu. Opin-
berlega var sagt að Franska
atómorkunefndin hefði ekki
áhuga á svo lélegum námum — en
við tók bandariska fyrirtækið
Agricola Metals Corporation. En
það vildi svo til, að blaðamenn i
Saigon komust að þvi hvernig i
öllu lá i raun og veru....
mmmm
fHR liásioií? foi.
* c/ INbVERSK UNDRAVERÖLD '
m
iW
ffll
Nýjar vorur komnar.
Nýkomið mjög mikið úrval af sérkenni-
legum, handunnum austurlenzkum
skrautmunum til tækifærisgjafa m.a.:
tJtskorin borð (margar gerðir), vegghill-
ur, kertjastjakar, styttur, rúmteppi,.
flókamottur, könnur, vasar, skálar, ösku-
bakkar, silkislæður, o.m.fl. — Einnig
reykelsi og reykelsisker. Gjöfina, sem
veitir varanlega ánægju, fáið þér I
JASMIN, við Hlemmtorg.
sam mmmmm
Skrifstofufólk óskast
Áfengis- og tóbaksverzlun rikisins óskar
að ráða skrifstofufólk til vélritunar og
bókhaldsstarfa frá 1. september n.k. að
telja. Vélritunarkunnátta og meðferð bók-
haldsvéla nauðsynleg.
Laun samkvæmt launakerfi opinberra
starfsmanna.
Upplýsingará skrifstofunni, Borgartúni 7.
Fyrirspurnum ekki svarað i sima.
ÁFENGIS- OG TÓBAKSVERZLUN
RÍKISINS