Þjóðviljinn - 10.12.1974, Blaðsíða 2

2. SÍÐA ÞJóÐVILJINN — Þriöjudagur 10. desember 1974.
Verðlagsyfirvöld
spurð
Verkamaður i Dagsbrún skrifar
Bæjarpóstinum eftirfarandi:
Þannig stóð á hjá mér fyrir
skemmstu að setja þurfti þétti-
lista á gluggaföls. Það er sér-
verslun ein hér i borg, sem er með
þessa lista, og virðast engir aðrir
geta fengið þessa lista til að setja
á, þótt svo að þeir hefðu verklagni
og kunnáttu til. Fróðlegt væri að
vita hvernig i þvi liggur.
Nú, það komu svo heim til min
tveir ungir sveinar, mjög geðugir
og prúðir og unnu verk sitt vel og
samviskusamlega. Þetta tók þá i
lengsta lagi hálfan annan tima,
en fyrir þetta fóru þeir meö kr.
9.500 — niu þúsund og fimm
hundruð krónur — efni og vinna
innifalið.
Ég vildi gjarnan koma þeirri
spurningu á framfæri við verð-
lagsyfirvöld eftir hvaða reglum
svona lagað væri verðlagt.
Fyrir jafnlangan tima — hálfa
aðra klukkustund — myndum við
láglaunaverkamennirnir ekki fá
nema tvö til þrjúhundruð krónur.
Og svo ætlar fólk að rifna af
hneikslun þegar við förum fram á
einhverja leiðréttingu á kjörum
okkar! Það hefur oft og lengi ver-
ið um það talað að kjör þeirra
lægstlaunuðu þurfi að batna i
hlutfalli við kjör annarra en ein-
hvernveginn verður það alltaf svo
að þeir lægstlaunuðu eru alltaf
janlangt fyrir neðan aðra hvað
laun snertir. Og það erum við,
sem verðum langharðast úti
núna, þegar ihaldsstjórnin undir
forustu Natógeirs að ófrávikjan-
legri venju ihaldsstjórna hefur
byrjað verðbólgu- og kjararýrn-
unarherferð á hendur launafólki.
Hvað dvelur
orminn langa
Og að endingu: Hvað dvelur
Húsmæðrafélag Reykjavikur?
Hvað er orðið af ihaldskellingun-
um, sem létu eins og heims-
styrjöld væri að skella á þegar
einhverjar verðhækkanir urðu i
tið vinstri stjórnarinnar? Þær
verðhækkanir voru þó smáræði
miðað við þá óðaverðbólgu, sem
ihaldsstjórnin nú er að drekkja
þjóðinni með. En þessar mann-
eskjur sýna og sanna i þessu sem
öðru, að hugarfarið hjá þeim er
það sama og hjá stéttarsystrum
þeirra i Satiago, samanber kvik-
mynd þar sem chiliskar ihalds-
kellingar, sem farið höfðu i potta-
slag i mótmælaskyni við Allende,
heyrðust lýsa yfir fögnuði sinum
yfir morðum og pyndingum
valdaræningjanna.
Verkamaður i Dagsbrún
Þessi bréfritari er siður en svo
einn um það að undrast hvað litið
fer nú fyrir mótmælahetjunum i
Húsmæðrafélagi Sant... nei, fyr-
irgefið, Reykjavikur. Aldrei i
Islandssögunni mun þó verð-
bólgualdan hafa risið hærra en
nú. Oft var þvi þörf, en nú nauð-
syn, að demonstrera við Alþíngis-
húsið, halda fjöldafundi á Hótei
Sögu og fá sjónvarpsuppslátt hjá
Svölu Thorlacius.
Hvað dvelur
orminn langa
H.H. skýrði okkur frá þvi, að
fyrir rúmum þremur vikum hafi
hún rekist á verðmun á sömu
vöru i tveimur verslunum, og þar
sem verðlagseftirlitið sé af og til
að hvetja fólk til þess að láta vita
af sliku misræmi á verðlagi sé
nokkur ástæða til þess að eftirfar-
andi komist á þrykk.
H.H. segir að i bakarii i Star-
mýri kostaði tebollan 22 krónur. I
Bergstaðastrætinu kostar sams
konar bolla 16 krónur. Verð-
munur 6 krónur eða bollan 37,5%
dýrari i Starmýrinni.
H.H. hringdi til verðlagseftir-
litsins og spurði hvað væri há-
marksverð á sliku bakkelsi, og
þar fékk hún að vita, að lögbundið
hámarksverð er 16krónur. Skýrði
hún verðlagsstjórnarmönnum frá
þvi, sem hér að ofan er sagt, og
bjóst við að bollurnar i Starmýr-
inni yrðu lækkaðar.
En ekkert gerðist.
Aftur lét H.H. verðlagseftirlitið
vita af þessum verðmun, en þeg-
ar hún talaði við okkur á fimmtu-
daginn var, hafði enn ekkert-
gerst.
H.H. sagði að ef til vill mætti
telja þetta litilfjörlegt, en þá vill
hún lika spyrja, hvernig sé um
óiöglegan verðmun á vörum, þar
sem upphæðin skiptir hundruðum
og jafnvel þúsiindum. Og einnig
spyr hún að þvi til hvers verð-
lagseftirlitið sé að hvetja fólk til
þess að fylgjast með verðlagi og
tilkynna lögbrot eða verðlagsbrot
til þeirra á þeim kontór, ef þeir
geri svo ekki neitt i málunum.
Selur kemur
í heimsókn
Nýstárleg barnabók frá Iðunni
Komin er út hjá bókaútgáfunni
Iðunn nýstárleg myndabók fyrir
börn, Selur kemur i heimsókn,
eftir Gene Deitch og Vratislav
Hlavatý. Vratislav Hlavatý, sem
teiknar myndir bókarinnar, hefur
teiknað 15 barnabækur og 1969
fékk hann virta alþjóðlega viður-
kenningu fyrir fallegustu barna-
bók ársins.
1 orðsendingu til foreldra aftast
i bókinni segir meðal annars:
1 fyrstu virðist þessi bók ekki
vera neitt annað en spaugileg bók
fyrir litil börn en að lestri loknum
verður ljóst, að hún er I rauninni
fyrsta kynning á máli og mál-
notkun.
Eftir fyrsta lestur ættu foreldr-
ar eða leiðbeinandi að ræða við
barnið um skyld fyrirbæri: um
merkingu orða, mismunandi
menningarstig, trúarskoðanir og
lifsviðhorf, um jafngildi ólikra
tungumála o.s.frv.
Með sögunni um veröld „mús-
arinnar” og „hvolpsins” sem er
„langt langt í burtu” vill höfund-
urinn sýna fram á að orð geta i
rauninni táknað hvaðeina sem til-
tekinn hópur manna kemur sér
saman um. Þegar „strákurinn”
fer heim til sin aftur þá rennur
upp fyrir honum að kannski séu
aðrir staðir „langt langt i burtu”
þar sem enn önnur orð eru notuð
um hversdagslega hluti.
Njörður P. Njarðvik þýddi bók-
ina en hún er prentuð i Belgiu.
Með bókinni fylgir plakat.
ic3 laupnum
JMJ:
Útibú frá
Akureyri í
Reykjavík
Fyrirtækið JMJ á Akureyri
hefur opnað verslun hér i
Reykjavik að Laugavegi 103
(húsi Brunabótafélagsins).
Jón M. Jónsson sagði frétta-
mönnum að sér hefði skyndilega
boðist þetta húsnæði, og hann
hefði orðið að taka ákvörðun á
stundinni. Viku siðar var hann
kominn með varning sinn frá
Akureyri og opnaði búðina fyrra
mánudag. Semsagt allt með
methraða.
Jón rekur tvær verslanir á
Akureyri og umfangsmikla
fatagerðá okkar mælikvarða,og
starfa hjá fyrirtækinu 50—70
manns að jafnaði. Fatagerð
JMJ framleiðir mest af galla-
buxum fyrir alla aldursflokka.
Hér fyrr á árum þóttu föt frá
JMJ djörf i sniði og mynstri, en
Jón sagði að föt sin nú skæru sig
ekki eins úr og þau hefðu gert
hér áður fyrr.
Hin nýja verslun JMJ á höfuð-
borgarsvæðinu er alhliða herra-
fataverslun.
Andúðá
útlendum
skrautbrunni
Almennur félagsfundur
Skólafélags Menntaskólans við
Tjörnina, haldinn 11. nóvember
1974, ályktaði eftirfarandi:
„Nemendur Menntaskólans
við Tjörnina lýsa megnustu
andstöðu við þær ákvarðanir
borgarráðs að reisa útlendan
skrautbrunn i Tjörninni. Það er
álit nemenda, að slikur brunnur
muni aldrei falla inn i þá mynd
sem Tjörnin og umhverfi henn-
ar hafa skapað sér i hugum
Reykvikinga, ungra sem aldr-
aðra. Þvi krefjast nemendur
þess, að staðarval brunnsins
verði endurskoðað með það
fyrir augum, að þeim anda er
svifur yfir Tjörninni verði ekki
raskað og brunnurinn settur þar
sem skel hæfir kjafti. Hvetja
nemendur skólans alla Reyk-
vikinga til að standa saman um
það, að enn einni árásinni á
Tjörnina verði hrundið.”
Tillagan hlaut samþykki
meginþorra nemenda.
Viðskiptabókin
1975 komin út
Viðskiptabókin 1975 er komin
út. Vinsældir Viðskiptabókar-
innar hafa farið vaxandi með
ári hverju, enda eina bókin sem
býður upp á alla helstu kosti
slikra bóka. Allt frá árinu 1956
hefur Viðskiptabókin þjónað
viðskiptavinum sinum á ómet-
anlegan hátt.
Viðskiptabókin er eina bókin
sem býður yður dagbókarform
á hverri opnu og nú hefur sú
nýjung verið upp tekin að
stækka hið óritaða form fyrir
hvern dag vikunnar, til þess að
notendur bókarinnar eigi auð-
veldara með að koma fyrir
minnisatriðum daglegra við-
skipta sinna.
Viðskiptabókin býður nú mjög
vandaða atvinnu- & viðskipta-
skrá, alla á einum stað i bók-
inni. Það sparar óneitanlega ö-
þarfa leit. Einnig er ýtarleg
umboðaskrá.
Viðskiptabókin býður upp á
vandað vegakort af öllu landinu,
ásamt umferðarmerkjum og
notkunarreglum þeirra.
Viðskiptabókin býður upp á
fullkomin gatnakort af Reykja-
vik og nágrenni, Kópavogi og
Akureyri.
1 Viðskiptabókinni er einnig
hægt að finna skrásetningastafi
bifreiða, einkennisstafi fiug-
véla, rómverskar tölur, breyt-
ingarstuðla, vaxtatöflur,
stimpilgjöld vixla, sendiráð og
ræðismannaskrifstofur erlend-
is, söluskatt, flugafgreiðslur er-
lendis og fl.
Viðskiptabókin kemur út i
6000 eintökum og dreifist til
flestra stofnana og fyrirtækja
um land allt, einnig til fjöl-
margra einstaklinga, erlendra
sendiráða og sendiráða Islands
erlendis.
wmmm
cJólablað
Jólablað
Vikunnar
Jólablað Vikunnar er komið
út, stórtog efnismikið að vanda.
Þar er, meðal annars, sagt frá
heimsókn i Hallgrimskirkju i
Saurbæ og myndir þaðan; séra
Jón Einarsson sóknarprestur
þar, skrifar jólahugleiðingu; ýt-
arlegt viðtal er við Vigdisi Finn-
bogadóttur, leikhússtjóra.
Ennfremur segir Sveinn Sæ-
mundsson sjóhrakningasögu frá
árinu 1916, Björn Guðmundsson
segir frá ævintýralegu öræfa-
ferðalagi,og birtar eru myndir
af gömlum og nýjum listaverk-
um af meistaranum frá Nasa-
ret.
Auk þess er að venju sögur,
greinar og ýmislegt annað efni i
blaðinu.
Þjóðhátiðar-
Ijóðin selj-
ast ágœtlega
Salan á þjóðhátiðarljóðaplötu
Böðvars og Kristins gengur
ágætlega, að þvi er sölu- og
dreifingarstjóri hennar, Jakob
Jónsson, sagði blaðinu á dögun-
um.
Jakob bað okkur að koma þvi
til áskrifenda sumra hverra, að
vegna mikils umstangs, en litils
tima og fárra handa við verk,
hefur ekki enn tekist að koma
plötunni til allra áskrifenda, en
hann sagðist stefna að þvi að
bæta hér úr snarlega og væntir
þess að allir áskrifendur verði
búnir að fá plötuna fyrir jól.
Takið upp
stjórnmála-
samband við
Albaníu
A fundi, sem Menningartengsl
Albaniu og Islands héldu i tilefni
30ára afmælis albanska alþýðu-
lýðveldisins, var samþykkt eft-
irfarandi áskorun til rikis-
stjórnar Islands:
„Fundur á vegum Menning-
artengsla Albaniu og Islands,
haldin 30.11. ’74, skorar á rikis-
stjórn Islands að taka þegar i
stað upp stjórnmálasamband
við Alþýðulýðveldið Albaniu.
Alþýðulýðveldið Albania er
eitt af minnstu rikjum Evrópu
og hið eina sem Island hefur
ekki stjórnmálasamskipti við.
Að auki hefur það sýnt sig, að
Albania hefur verið rikja ötulast
við að styðja baráttu þjóða og
smærri rikja gegn hvers kyns
erlendri ásælni. Engin rök mæla
gegn þvi, að ísland og Albania
hafi eðlileg millirikjasam-
skipti.”
Stjórn Geirs er
leppstjórn USA
Stjórn Verðandi, félags rót-
tækra i Háskóla tslands, gerði
eftirfarandi ályktun á fundi sin-
um 25. nóvember 1974:
Fimmtudaginn 21. nóvember
voru gerðar tvær mikilvægar
samþykktir á allsherjarþingi
Sameinuðu þjóðanna. önnur
þeirra var viðurkenning á kröfu
þjóðfrelsisfylkingar palestinu-
araba, PLO, um að palestinska
þjóðin sé talin frjáls og fullvalda
þjóð með óskoraðan sjálfs-
ákvörðunarrétt, þjóð sem hefur
fullan rétt á þvi landi er hún hef-
ur byggt i árþúsundir. Einnig
var samþykkt viðurkenning á
rétti þjóðfrelsishreyfinga til að
senda áheyrnarfulltrúa á alls-
herjarþingið. Báðar þessar til-
lögur voru samþykktar með
yfirgnæfandi meirihluta at-
kvæða. Fulltrúar Islands
greiddu atkvæði gegn þeim báð-
um.
Stjórn Verðandi fordæmir
harðlega að stjórn Geirs Hall-
grimssonar skuli skipa sér á
bekk með lepprikjum Banda-
rikjanna og að fulltrúar þjóðar,
sem fyrir örfáum áratugum
fékk viðurkenndan rétt sinn til
fullvalda rikis, skuli greiða at-
kvæði gegn tilverurétti þjóðar
sem nú á i sjálfstæðisbaráttu og
gegn þvi að þjóðfrelsisfylkingar
öðlist heimild til að senda full-
trúa á allsherjarþingið. Stjórn
Verðandi bendir á að með þessu
hefur rikisstjórn islenskrar
borgarastéttar enn einu sinni
sýnt afturhaldseöli sitt og undir-
lægjuhátt.