Þjóðviljinn - 19.10.1982, Blaðsíða 16

MOÐVIUINN
Þriðjudagur 19. október 1982
Stjórn og
stjórnarandstaða:
Viðræður
hafnar
Könnunarviðraeður stjórnar og
stjórnarandstöðu um leiðir til að
afgreiða bráðabirgðalög ríkis-
stjórnarinnar á Alþingi hófust í
gærmorgun. Kom formaður Sjálf-
stæðisflokksins við viðræðna við
ráðherranefndina kl. 10, en Kjart-
an Jóhannsson formaður Alþýðu-
flokksins klukkutíma síðar.
Gunnar Thoroddsen lagði
áherslu á að hér væri verið að ræða
afgreiðslu einstakra þingmála eins
og bráðabirgðalaganna, framleng-
ingu tekjustofna svo sem venja er
til og stjórnarskrármálið. Ekki
taldi Gunnar líkur á að stjórnar-
andstöðunni yrði boðin aðild að
ríkisstjórninni, enda hvorugur að-
ila með áhuga fyrir slíku. Hann
sagði í samtali við útvarpið í gær-
kvöldi að hann teldi ekki ástæðu til
að ákveða kosningadag nú þegar,
því að trúlega veitti ekki af þing-
haldi fram á vor til að afgreiða ýmis
nauðsynleg mál.
Aðalsími Þjóðviljans er 81333 kl. 9 - 20 mánudag til föstudags. Utan þess tíma er hægt.að ná í blaðamenn og aðra starfsmenn blaðsins í þessum sínum: Ritstjóm 81382,81482og 81527, umbrot 81285, ljósmyndir 81257. Aðalsími Kvöldsmil Helgarsíioi afgreiðslu 81663
Laugardaga kl. 9 - 12 er hægt að ná í afgreiðslu blaðsins í síma 81663. Prentsmiðján Prent hefur síma 81348 og eru blaðamenn þar á vakt öll kvöld. 81333 81348
Geir Hallgrímsson formaður Sjálfstæðisflokksins mættur til leiks með ráðherrunum Svavari Gestssyni, Gunnari Thoroddsen og Steingnmi
Hermannssyni. Ljósm. -eik.
Öflugri orrustuþotur á Keflavíkurflugvöll:
„Engin formleg
beiðni til okkar”
segir Ólafur Jóhannesson utanríkisráðherra
Bandaríska blaðið Washington
Post segir frá því í grein nýlega að
ætlun bandaríska hersins væri að
endurnýja flugvélakost orrustu-
flugsveitarinnar á Keflavíkurflug-
velli og taka í notkun nýja gerð af
Phantomþotum, sem búnar eru
mun fullkomnari vopnum og rat-
sjám. Við spurðum Olaf Jóhannes-
son utanríkisráðherra hvort beiðni
um þessa endurnýjun heiði komið
til utanríkisráðuneytisins:
„Nei, það hefur engin formleg
beiðni komið til mín um slíkt. Hins
vegar hefur aldrei verið nein fyrir-
staða gegn því að bandaríkjaher
endurnýjaði sinn tækjakost í sam-
ræmi við tækniþróunina, svo fremi
sem ekki sé um viðbót að ræða“.
En hvar eru mörkin dregin? Nú
eru þessar nýju vélar mun öflugri.
Er það fjöldi vélanna eða hernað-
armátturinn sem lagður er til
grundvallar?
„Ég vil aðeins minna á að í þessu
bandaríska blaði, sem ég hef lesið,
er hugleiðing blaðamanns, og ég er
ekki í aðstöðu til að meta hvort hér
verði um aukningu að ræða. Til
þess verður tekin afstaða þegar þar
að kemur. Hins vegar hafa þessar
nýju vélar margt til síns ágætis,
m.a. mun lengra flugþol og svo hitt
að þær geta tekið sig nánast lóðrétt
upp. Þær valda því ekki eins mikl-
um hávaða í nágrenni Keflavíkur-
Ólafur Jóhannesson
flugvallar, ein út af því hefur verið
kvartað, sérstaklega í Njarðvík“.
En veistu hvenær má búast við
því að þessar nýju orrustuþotur
verði teknar I notkun?
„Ég held að þeir í bandaríska
varnarmálaráðuneytinu hafi verið
að tala um 1984-1985“, sagði
Ólafur Jóhannesson utanríkisráð-
herra í samtali við Þjóðviljann í
gær. — v.
Stjórn Félagsstofnunar stúdenta:
Vill hækka húsaleígu
á Hiónagörðum um 110%
Þrælólöglegar
aðfarir, segir
talsmaður
íbúa
Stjórn Félagsstofnunar stúdenta
ákvað í sumar að hækka húsaleigu
á Hjónagörðunum um 110% eða í
kr. 2.100 á mánuði og taka inn í
leigugreiðsluna vexti og afborganir
af 10 ára gömlu byggingarláni.
Hafa íbúar á Hjónagörðunum mót-
mælt þessu og sagði einn þeirra,
Björn Guðbrandur Jónsson í gær,
að bæði væri svo mikil hækkun
ólögleg skv. húsaleigulögunum og
eins gætu íbúar ekki fallist á for-
sendur hækkunarinnar.
Við teljum eðlilegt að taka þátt í
rekstri og viðhaldi Hjónagarðanna
með leigugreiðslum, sagði Björn,
en teljum fráleitt að fara ofan í
okkar vasa til þess að greiða upp
byggingarkostnað. Lögfræðingur
Huseigendafélagsins úrskurðaði,
að leiguíbúðirnar hér féllu undir
húsaleigulögin, þannig að stjórn
Félagsstofnunar varð að viður-
kenna að 110% hækkunin væri
ólögleg. Ekki vildu þeir þó bakka
meira en svo, að þeir buðu okkur
að taka þetta í tveimur skrefum,
hluta nú og annan hluta næsta
haust umfram vísitöluhækkanir.
Á það gátum við ekki fallist,
sagði Björn, en 11. október buð-
umst við til að taka þátt í vaxta-
kostnaði gegn því, að vextir og af-
borganir yrðu reiknaðir til 66 ára,
sem er endingartími hússins. Þetta
tilboð okkar hafa þeir ekki viljað
líta á, og raunar hefur virst lítill eða
enginn vilji til þess að semja við
okkur, sagði hann.
Á húsfundi s.l. sunnudag sam-
þykktu íbúar þó að greiða
heimsenda gíróseðla upp á 2.109
krónur, sem er 110% hækkun. Var
það gert með fyrirvara um endur-
greiðslu, ef og þegar samkomulag
næst. Sagði Björn að gíróseðlunum
hefði fylgt bréf, þar sem tekið var
fram að samkomulag hefði ekki
náðst um leiguna. Hins vegar
hefðu seðlarnir verið prentaðir
með þessari upphæð í sumar og
ekki hefði verið hægt að breyta
henni. í bréfi tókum við fram að
næsta greiðsla frá okkur yrði skv.
vísitöluhækkunum, sagði Björn.
Þess má geta að Vaka og
umbótasinnar, sem hafa nauman
meirihluta í Stúdentaráði samþyk-
ktu á fundi í ráðinu nýlega að lýsa
yfir stuðningi við stjórn
Félagsstofnunar stúdenta í þessu
máli gegn íbúunum. Fulltrúar
vinstri manna í ráðinu átöldu
stjórnina hins vegar fyrir fram-
göngu sína. _ÁI.
✓
Ibúðaeign
bankanna:________
Þrætt og
játað
Eins og Þjóðviljinn skýrði frá
í síðustu viku sagðist Albert
Guðmundsson alþingismaður
„hafa heyrt að bankarnir ættu
íbúðir út um land og erlendis“.
Við könnun á þessu máli í gær,
kom í ljós að einn ríkisbank-
anna kannast við að eiga 3 íbúð-
ir úti á landi, en hinir sverja það
af sér.
Stefán Valgeirsson, formaður
bankaráðs Búnaðarbankans, sagði
að bankinn ætti 3 íbúðir, á Akur-
eyri, á Egilsstöðum og í Vík í
Mýrdal. Þessar íbúðir væru í
húsnæði bankans á staðnum og
væru þær notaðar þegar senda
þyrfti endurskoðendur eða tækni-
menn á staðinn; og ef þær væru
ekki í notkun, gæti starfsfólk bank-
ans fengið að gista þar, ef það á leið
um þessa staði. Svo að sjálfsögðu á
bankinn, eins og raunar hinir bank-
arnir líka, húsnæði fyrir útibús-
stjóra sína.
Albert Guðmundsson, formað-
ur bankaráðs Útvegsbankans,
sagðist ekki kannast við að bank-
inn ætti íbúðir úti á landi. í sama
streng tók Lúðvík Jósepsson, for-
maður bankaráðs Landsbankans,
sem sagðist hvergi hafa rekist á það
í eignareikningi bankans. Aftur á
móti ætti bankinn húsnæði, sem
útibússtjórarnir byggju í.
Jóhannes Nordal, bankastjóri
Seðlabanka íslands, sagði að
Seðlabankinn ætti engar fbúðir,
hvorki hér á landi né erlendis,
nema eina íbúð í Reykjavík, sem
bankinn hefði verið arfleiddur að á
sínum tíma. -S.dór