Þjóðviljinn - 15.03.1985, Blaðsíða 9

MINNING
Björg Bjamadóttir
frá Reyðarfirði
Fædd 20. júlí 1892. Dáin 10. marz 1985.
Háöldruð heiðurskona hefur
kvatt okkur hinztu kveðju. Elzti
Reyðfirðingurinn er horfinn af
sviði og úr minningasafni löngu
liðinnar tíðar glitrar á geislabrot,
sem fæst verða fest á blað. Við
leiðarlok skal aðeins færð fram
kær þökk fyrir kynnin góð, fyrir
tryggð og trúnað við mætan mál-
stað, fyrir einlægni hinnar traustu
alþýðukonu, sem myndaði sér
eigin skoðanir á mönnum og mál-
efnum, fyrir hressileikann, sem
fylgdi henni eins og vorsvalur
gustur, fyrir skemmtilegar sam-
verustundir, þar sem góð greind
og hispursleysi í skoðanaskiptum
voru ætíð í öndvegi. Björg skilaði
sínu lífsstarfi sem húsmóðir af
dug og með sóma, yfir henni var
þessi meðfædda reisn, sem fylgir
heitu skapi og hlýrri lund. Hrjúf-
leiki hið ytra, ylur innra voru ein-
kenni hennar, hún var aldrei gef-
in fyrir að þykjast, hreinskiptin
og ákveðin og talaði aldrei tæpit-
ungu tepruskaparins. f lognmollu
og ládeyðu hversdagsins er gott
að minnast þessarar um margt
gustmiklu en góðu konu, sem
hélt fram hlut sínum af djörfung
og festu og æðraðist hvergi, þó á
móti blési og lífsbyrinn væri ekki
alltaf sem skyldi. Mér er hún
máske minnissfæðust fyrir lifandi
áhuga hennar á tónlist og leiklist.
Viðburði af því tagi lét hún aldrei
fram hjá sér fara og vel man ég
gleði hennar yfir vel heppnaðri
leiksýningu hjá áhugahópnum
heima eða þvílíkt yndi hún sótti
til söngs og tóna, þegar góðir
gestir komu í heimsókn. Hún lifði
sig inn í atburðarás og hugmynd-
aheim leikritanna og gladdist og
hryggðist á víxl. Ég mat dóma
hennar um frammistöðu og túlk-
un mikils, því henni var ekki lagin
sú list að látast, en skörp athyglis-
gáfa lét fátt fram hjá sér fara.
Hún hafði sérstakt yndi af bók-
lestri, las fjölbreyttara lesefni en
gerist og gengur, nam af því fróð-
leik, sem hún miðlaði manni af
slíkri þekkingu, að undrum sætti.
Má ég svo minna á það, hversu
hátt hún hélt ætíð á lofti nafni
byggðarlagsins okkar, hversu
annt hún lét sér um velferð þess,
hversu stolt hennar var bundið
því að vera Reyðfirðingur. Þá
fyrst hitnaði í kolunum, ef á
byggðarlagið var orði hallað, sí-
vakandi í sókn og vörn var hún
fyrir Reyðarfjörð. Gott er byggð-
arlagi að eiga slíka þegna, þar
sem trú og trúnaður sitja í fyrir-
rúmi. Allt eru þetta löngu liðnar
myndir, sem nú líða um huga
minn og fylla hann hljóðri þökk.
Erfiðiskona hefur lokið lífsgöngu
sinni, langri og farsælli og aðeins
skal tæpt á því helzta úr þeirri
ævisögu.
Björg var fædd 20. júlí 1892 að
Víkurgerði í Fáskrúðsfirði. For-
eldrar hennar voru hjónin Anna
Stefanía Björnsdóttir og Bjarni
Björnsson frá Löndum í Stöðvar-
firði. Björg ólst upp að mestu í
Bakkagerði á Stöðvarfirði, en
þegar hún hleypir heimdraganum
fer hún upp á Jökuldal og er þar
nokkur ár. Þar kynnist hún Bene-
dikt Einarssyni frá Flögu í
Skriðdal og þau gifta sig 2. ágúst
1925. Þau eru fyrst á Jökuldal, en
síðan eitt ár á Þorvaldsstöðum í
Skriðdal, en flytja síðan til
Reyðarfjarðar 1928 og bjuggu
þar æ síðan.
Ég mat Benedikt mikils sakir
greindar og gerhygli, fyrir hollráð
hans og heilan stuðning alla tíð.
Hann var drengur góður sem gott
er að minnast. Hann lézt árið
1972.
Síðustu æviárin dvaldi Björg á
elliheimilinu á Egilsstöðum og
átti þar gott atlæti og hélt andlegu
atgervi vel.
Börn þeirra hjóna eru: Unnur
húsmóðir í Reykjavík, hennar
maður er Guðjón Jónsson form.
Málm- og skipasmíðasambands-
ins, Sverrir verkamaður Reyðar-
firði, ókvæntur og Ingólfur, af-
greiðslumaður Reyðarfirði, hans
kona er Ólöf G. Pálsdóttir.
Langri lífssögu er nú lokið. Það
slær bjarma á bjarta og ljúfa
minning frá liðinni tíð og hugans
hlýja þökk fylgir hinztu kveðju.
Þökk fyrir samfy lgd og samskipti,
fyrir trúa fylgd við stefnu félags-
hyggju og samhjálpar, fyrir
heilsteypta skapgerð, heita en
sanna í gleði sem sorg. Vær verði
henni hvíldin kær, en trú hennar
var bundin veröld vors og blóma
handan þessa heims. Á því ið-
græna eilífðarlandi mun æskan á
ný nema land. Þangað fylgja
henni hugheilar óskir og kveðjan
kær.
Blessuð sé minning Bjargar
Bjarnadóttur.
Helgi Seljan
Við kynnum
ÍSLENSKU
KARTÖFL
í Grænmetismarkaðinum,
homi Síðumúla ogFellsmúla,
föstudaginn 15. mars.
Við bjóðum mikið úrval af alls kyns grænmeti og
ávöxtum, en íslenska kartaflan verður í aðalhlutverkinu.
Við veitum upplýsingar um matreiðslu og geymslu,
kynnum óvenjulegan 14 daga „kartöflu“ megrunarkúr
og bjóðum girnilega smakkrétti o.fl. o.fl.
Grœnmetisverslun
1 Igndbúnaðarins f
Síðumúla 34 — Sími 81600
kynnum óvenjulegan
14 daga „kartöBu“ megrunarkúr