Þjóðviljinn - 24.07.1986, Blaðsíða 13

IDJÚÐVIUINNI
ERLENDAR
FRÉTTIR
INGÓLFUR
hjörleifsson'R E Uf C R
Breskir skólar
Hýðingar
nú bannaðar
Lundúnum Neðri deild breska
þingsins samþykkti í gær lög
sem banna hýðingar í enskum
skólum og breytti þar með lög-
gjöf stjórnarinnar um refsing-
ar.
Það hefur lengi viðgengist í
Bretlandi að nemendur séu hýdd-
ir fyrir brot, alls staðar í V-
Evrópu er slíkt hins vegar bann-
að. Stjórnin vildi breyta gildandi
löggjöf á þann veg að foreldrar
hefðu lokaorð um það hvort börn
þeirra skyldu hýdd eður ei. Neðri
deildin samþykkti bannið með
231 atkvæði gegn 230. Lávarða-
deildin hafði fyrr í þessum mán-
uði bannað hýðingar í breskum
skólum.
Nóbel
NAMFREL
tilnefnd
Washington-Tilkynnt var í gær
að NAMFREL, eftirlitsnefnd al-
mennings með síðustu forset-
akosningum á Filippseyjum,
hefði verið tilnefnd til næstu
friðarverðlauna Nóbels.
Hreyfingin átti einna stærstan
þátt í því að vekja athygli á því
kosningasvindli sem átti sér stað í
síðustu forsetakosningum á Fil-
ippseyjum. Það var Bandaríkja-
maðurinn Richard Kessler, félagi
í Carnegie samtökunum fyrir al-
þjóðlegum friði, sem kom með
tilnefninguna í bréfi sem hann
sendi Nóbelsnefndinni í síðasta
mánuði.
NAMFREL, þjóðarhreyfing
fyrir frjálsum kosningum á Fil-
ippseyjum, var stofnuð árið 1984
af nokkrum einstaklingum á
eyjunum. Formaður samtakanna
Jose Concepcion, er nú
verslunar- og iðnaðarráðherra í
ríkisstjórn Corazon Aquino.
S-Afríka
Howe í S-Afríku
Geoffrey Howe utanríkisráðherra Breta rœddi ígœr við forseta og
utanríkisráðherra S-Afríku, P.W.Botha ogPik Botha. Ekkertvar
gefið upp um innihald viðrœðnanna og Howe hittirforsetann afturá
þriðjudaginn næstkomandi. Leiðtogar svartra deildu hart á komu
Howe og töldu hana tilgangslausa
Geoffrey Howe fór til Bandaríkjanna og ræddi m.a. við George Schultz sem
sést hér á myndini með Howe. Bandaríkjastjórn heldur uppteknum hætti með
andstöðu sinni við refsiaðgerðir, svo er einnig með Breta.
Jóhannesarborg Sir Geoffrey
Howe, utanríkisráðherra Bret-
lands kom i gærmorgun til S-
Afríku til að leita leiða til að
leysa vandamál landsins á
friðsamlegan máta. Desmond
Tutu biskup sagði hins vegar í
gær að ferð Howe væri til
einskis.
Howe ræddi við utanríkisráð-
herra S-Afríku, Pik Botha, í gær-
morgun og átti síðan að ræða við
P. W. Botha síðari hluta gærdags-
ins. Howe bar yfirvöldum í
landinu kröfur Evrópubanda-
lagsins um pólitískar breytingar.
Evrópubandalagið krefst þess að
blökkumannaleiðtoganum
Mandela verði sleppt úr haldi, og
banni á starfsemi pólitískra sam-
taka svartra, þar á meðal Afríska
þjóðarráðsins (ANC), verði
aflétt. Þá krefst bandalagið þess
að stjórn hvíta minnihlutans hefji
pólitískar viðræður við leiðtoga
svartra og að endir verði bundinn
á kynþáttaaðskilnaðarstefnuna.
Howe neitaði að gefa upplýs-
ingar um viðbrögð Botha forseta,
sagði að þeir hefðu samþykkt að
halda viðræðum þeirra leyndum
um sinn. Þeir hittast aftur á
næstkomandi þriðjudag. Des-
mond Tutu, biskup, sagði hins
vegar við fréttamann svissneska
útvarpsins að þar sem nefnd
manna frá breska Samveldinu
hefði verið í landinu í sex mánuði
án þess að nokkuð kæmi út úr því
ætti hann ekki von á að nokkurra
daga heimsókn Howe hefði
nokkuð að segja. Tutu sagðist
sammála takmarki Afríska þjóð-
arráðsins en sagðist ekki fylgj-
andi þeim aðferðum sem ráðið
notaðist við. Hann sagði að s-
afríska þjóðin vildi sjá leiðtoga
sína fara samningaleiðina til að
leysa vandamál landsins. Slíkt
væri hins vegar ekki mögulegt
meðan núverandi neyðarástand
ríkti.
ANC sendi frá sér yfirlýsingu í
gær þar sem gagnrýnd var ræða
Reagans Bandaríkjaforseta frá
því í fyrradag. 1 yfirlýsingunni
segir að á sama tíma og Reagan
gefi dæmigerðar og hræsnisfullar
yfirlýsingar um fordæmingu á
kynþáttaaðskilnaðarstefnuna,
gefi hann hefðbundnar stuðn-
ingsyfirlýsingar við stjórn S-
Afríku. Reagan hunsi þannig
vilja kúgaðara S-Afríkubúa um
efnahagslegar refsiaðgerðir.
Reagan tilkynnti engar nýjar
ráðstafanir til að reyna að binda
enda á kynþáttaaðskilnaðinn í
ræðu sinni í fyrrakvöld sem beðið
hafð verið með mikilli eftirvænt-
ingu. Nú er talið næsta víst að
meirihluti verði fyrir því í Öld-
ungadeild bandaríska þingsins að
beita S-Afríku efnahagsþvingun-
um
Morðið á Palme
Fylgst með tníarhópum
Stokkhólmi Sænska dagblaðið
Aftonposten sagði frá því í
frétt í gær að sænska lögregl-
an ynni nú samkvæmt þeirri
kenningu að lítt þekktur trúar-
hópur sem væri sameinaður í
miklu hatri á Olof Palme, hefði
myrt hann.
Aftonbladet er m.a. þekkt
fyrir góð sambönd innan lögregl-
unnar, það hafði eftir ónafn-
greindum lögreglumanni að
grunur lögreglunnar beindist nú
að fanatískum trúarhópum sem
væru á þeirri skoðun að Palme
hefði eyðilagt hefðbundið trú-
armynstur í Svíþjóð.
Undanfarnar vikur hefur
sænska lögreglan verið mun
bjartsýnni í yfirlýsingum sínum
varðandi rannsókn á morðinu á
Palme en oft áður. „Okkur hefur
orðið mjög vel ágengt á síðustu
dögum,“ sagði Hans Holmer,
lögreglustjóri í gær. Morðvopnið
hefur ekki fundist enn og þó lög-
reglan telji sig vita ástæðuna fyrir
morðinu segja fulltrúar hennar
að rannsóknin geti dregist mán-
uðum saman. Fylgst er með
ákveðnum hópum og jafnvel not-
aðar símahleranir við eftirlitið.
Umsjón:
Ingólfur
Hjörlejfsson
Og þetta
líka...
Ifrane, Marokkó Hassan, Mar-
okkókonungurog Shimon Peres,
forsætisráðherra ísraels, luku í
gær umdeildum viðræðum sín-
um í Marokkó um leiðir til að
koma á friði í Mið-Austurlöndum.
Damaskus Sýrlenska þjóðin
hvatti Arabaþjóðir til að leiða al-
gjörlega hjá sér viðræður Hass-
ans Marokkókonungs og Peres-
arforsætisráðherra Israels. Fólk í
Líbanon brenndi fána Marokkó
utan við sendiráð landsins í
Beirut. Forseti íranska þingsins
fordæmdi Hassan konung vegna
viðræðnanna og Fatah, stærsti
hópurinn innan Frelsishreyfingar
Palestínuaraba, tilkynnti að hann
fordæmdi og hafnaði þessum
viðræðum.
Washington George Schultz,
utanríkisráðherra Bandaríkjanna
sagði í gær í yfirheyrslu fyrir
bandarískri þingnefnd að Banda-
ríkjastjórn væri enn andvíg efna-
hagslegum refsiaðgerðum gegn
S-Afríkustjórn en sagði að
Bandaríkin væru tilbúin til að
framkvæma ákveðnar breytingar
á stefnu sinni til að koma til móts
við örar breytingar á ástandinu í
S-Afríku.
Addis Ababa Utanríkisráðherr-
ar 50 S-Afríkuríkja fordæmdu í
gær Reagan Bandaríkjaforseta
fyrir að neita að beita efnahags-
legum refsiaðgerðum gegn S-
Afríkustjórn í ræðu sinni um
stefnu bandarísku stjórnarinnar
gagnvart S-Afríku. í yfirlýsingu
ráðherranna sagði að ræða hans
væri afsökun á ómannúölegum
kynþáttaaðskilnaði.
Washington Max Kampel-
mann, helsti samningamaður
Bandaríkjanna á afvopnunarráð-
stefnunni í Genf sagði á frétta-
mannafundi í gær að Bandaríkja-
stjórn gerði ráð fyrir að Mikhail
Gorbatsjof myndi standa við við-
leitni sína um að koma á leiðtoga-
fundi á þessu ári. Kampelmann
sagði að Bandarikjastjórn myndi
draga neikvæðar ályktanir af því
ef Gorbatsjof mætir ekki á slíkan
fund.
Bonn Vestur-þýsk yfirvöld til-
kynntu í gær að þau gætu ekki
stöðvað straum flóttamanna frá
þriðja heiminum inn í landið. Þau
tilkynntu einnig, að mikil hætta
væri á aukningu glæpa og hryðj-
uverka í kjölfar þessa fólks.
Spánn
Svipuö efnahagsstefna
Madrid Felipe Gonzales kynnti
í fyrradag nýja stjórnarstefnu
sína til næstu fjögurra ára, þar
er kveðið á um áframhaldandi
aðhaldsaðgerðir í efna-
hagsmálum.
Gonzales sagði í fyrstu þing-
ræðu sinni eftir kosningasigur
sósíalista í síðasta mánuði að
forgangsverkefni stjórnarinnar
yrðu að minnka verðbólguna og
halla á fjárlögum. Þetta eru í raun
sömu forgangsverkefni og stjórn-
in setti sér fyrir fjórum árum síð-
an. Gonzales sagði að ríkisstjórn-
in ætlaði að reyna að ná verðbólg-
unni niður á svipað stig og hún er í
öðrum Evrópubandalags-
löndum. Verðbólgan í landinu
var 8,9 % í síðasta mánuði miðað
við 8,1 % á síðasta ári. Aðhalds-
stefna ríkisstjórnar sósíalista hef-
ur hins vegar minnkað verðbólg-
una um sex prósentustig frá því
1982. „Þetta er metnaðarfull
stefna en það er alls ekki ómögu-
legt að koma verðbólgunni niður
í 3 % árið 1988,“ sagði Gonzales
á þinginu í fyrradag.
Hann sagði fjárlagahallann
vera vandamál númer tvö varð-
andi efnahagsbatann og sagði að
hallinn myndi á næsta ári fara
niður í 4 % miðað við innanland-
sframleiðslu. Þetta myndi takast
án þess að skattar yrðu hækkaðir,
hann sagði skatta á launafólk
myndu lækka.
Stefna stjórnarinnar hefur ver-
ið gagnrýnd harkalega frá hægri
og vinstri. Stjórnin fékk hins veg-
ar nokkra uppreisn æru þegar op-
inberar tölur sýndu í þessari viku
að erlend fjárfesting í landinu
hefði aukist um 177 % á fyrstu
sex mánuðum þessa árs.
Heildarfjárfesting erlendis frá
var 1,4 milljarðar dollara á fyrri
helming þessa árs miðað við 519
milljónir á sama tímabili á síðasta
ári. Mestur hluti þessa fjármagns
kom frá Evrópubandalags-
löndum sem Spánn gekk í á þessu
ári, í janúar. Stór hlutur kom
með kaupum Volkswagen fyrir-
tækisins á Seat bifreiðafyrirtæk-
inu nýlega.
Gonzales minntist lítið á
atvinn'uleysið sem var 19,8 % í
síðasta mánuði.
Gonzales: Óbneytt stefna
Fimmtudagur 24. júlí 1986 ÞJÓÐVILJINN - SÍÐA 13