Þjóðviljinn - 28.03.1987, Blaðsíða 13
HEIMURINN
Vestur-þýska stjórnin
Vopnabrak
í Bonn
Kohl kanslari og Genscher utanríkisráðherra á öndverðum meiði um
breytingar á bandarískum kjarnaflaugum úr meðaldrœgum í
skammdrœgar. Afvopnunarviðræður stórveldanna ísjálfheldu
Alvarlegur ágreiningur er
sprottinn upp í vestur-þýsku
stjórninni milli Kristilegu
flokkanna og Frjálslynda
flokksins. Deilan snýst um
málaleitan bandarískra
stjórnvalda um að þurfa ekki
að fjarlægja Pershing-2
flaugar sínar af þýskri grundu
þótt semjist við Sovétmenn
um eyðingu allra meðaldrægra
kjarnaflauga í Evrópu. Þess í
stað verði þeim breytt í
skammdrægar flaugar!
Frjálslyndir, undir forystu
Genschers utanríkisráðherra,
vilja hafna þessari beiðni Reagan
stjómarinnar. Þeir krefjast þess
að allar Pershing-2 flaugarnar
með tölu, en þær em hundrað og
átta talsins og staðsettar í þremur
herbækistöðvum í Suð-vestur
Þýskalandi, verði fjarlægðar og
gerðar óvirkar ef samningar tak-
Jafnrétti
Hægrimenn vilja
drottningar
Hægriflokkurinn norski hef-
ur sett fram tillögu um jafnrétti
kynjanna til norsku krúnunn-
ar, og virðist tillagan njóta víð-
tæks pólitísks stuðnings.
í stjómarskrá landsins er kveð-
ið skýrt á um að einungis karl-
menn geti orðið þjóðhöfðingjar í
Noregi en verði tillagan sam-
þykkt yrði elsta bam krýnt án til-
lits til kyns.
Stjórnarskrárbreytingar taka
tímann sinn og verður ekki hægt
að afgreiða tillöguna á Stórþing-
inu fyrren eftir næstu kosningar
árið 1989.
í tillögu Hægriflokksins er gert
ráð fyrir að þessi regla gildi ekki
um núlifandi kóngafólk í Noregi.
Haraldur er elsta bam Ólafs kon-
ungs fimmta Hákonarsonar sjö-
unda, þannig að einu gildir um
næsta þjóðhöfðingja, en sam-
kvæmt tillögu hægrimanna yrði
Hákon Magnús prins Haraldsson
réttborinn til ríkis eftir Harald,
þótt hann eigi sér eldri systur,
Mörtu Lovísu. Jafnrétti kynj-
anna tæki gildi í næstu kynslóð á
eftir þeim, eftir 60-70 ár, haldi
tveir næstu Noregskonungar
langlífi Hákonar og Olafs.
—m/norinform
Haraldur Noregsprins Ólafsson.
Sonardóttir hans gæti orðið drottning
Noregs einhverntíma um miðja
næstu öld.
Bretland
Bandalagið frammúr
Verkamannaflokknum
íhaldsflokkurinn bregður tvíeggja brandi að Bandalagsmönnum.
Líkur aukast á samsteypustjórn eftir kosningar
Síaukið fylgi Bandaiagsins í
Bretlandi þykir draga úr líkum
á að Thatcher forsætisráð-
herra boði til kosninga
snemmsumars einsog búist
var við. Bandalagið virðist nú
vera að fara frammúr Verka-
mannaflokknum í fylgi, og
haldi fram sem horfir kynni
forskot íhaldsflokksins að
verða næsta fórnarlamb stór-
sóknar Bandalagsmanna.
í skoðanakönnun á fimmtudag
fékk Bandalag Frjálslynda
flokksins og Sósíaldemókrata
(SDP) jafnmikið og Verka-
mannaflokkurinn, 31%, íhalds-
flokkurinn 36, og í gær birtist
önnur könnun þarsem Banda-
lagið er komið frammúr Kinnock
og félögum, fær 31,5%, Verka-
mannaflokkurinn 29,5, íhalds-
flokkurinn 37,5. Á mánuði hafa
Frjálslyndir og Sósíaldemókratar
því þeyst uppávið um tíu prósent í
könnunum, og Verkamanna-
flokkurinn tapað um 7%. Þessar
kannanatölur koma í kjölfar
kosningasigra Bandalagsins í
tvennum aukakosningum síðasta
mánuðinn.
Væru úrslit kosninga í sam-
ræmi við þessar tölur fengi eng-
inn einn flokkur meirihluta á
breska þinginu og yrði þá að
mynda samsteypustjóm í fyrsta
sinn síðan í heimsstyrjöldinni
síðari.
íhaldsmenn hafa að undan-
fömu beint spjótum sínum fyrst
og fremst að Verkamannaflokkn-
um en virðast nú loks vera að snú-
ast til vamar gegn Bandalaginu.
Á miðstjómarfundi íhaldsmanna
um síðustu helgi fluttu bæði
Thatcher forsætisráðherra og
Norman Tabbitt flokksformaður
hvassar ræður gegn Bandalaginu,
sem Thatcher kallaði „Verka-
mannaflokkinn í útlegð". Banda-
lagsmenn fagna mjög þessum ár-
ásum íhaldsmanna. Thatcher og
menn hennar þurfa nefnilega að
þræða hér það einstigi að annar-
svegar má ekki hleypa Banda-
laginu of langt, þegar ráðist er að
Bandalaginu er það hinsvegar
gert að trúverðugum kosti.
„Gömlu“ flokkamir hafa hingað-
til beitt gegn Bandalaginu taktík
þagnarinnar. Það hefur frá stofn-
un haft minna fylgi en hinir flokk-
amir tveir, og kjósendur hafa
margir litið á Bandalagsatkvæði
sem tapað atkvæði. Fylgi Banda-
lagsins dreifist nokkuð jafnt yfir
landið og þingstyrkur þess vegna
einmenningskjördæmanna því
verið í litlu hlutfalli við atkvæð-
astyrk.
Athugendur breskra stjóm-
mála vom margir þeirrar skoðun-
ar að Thatcher boðaði til kosn-
inga í vor eða sumar, og var farið
að tala um júnímánuð í ljósi innri
óeiningar í Verkamannaflokkn-
um og nýlegs fjárlagafmmvarps
sem innihélt skattalækkanir og
auknar fjárveitingar til félags-
mála. Leiðtogi Verkamanna-
flokksins sagði um það framvarp
að það fjallaði minnst um al-
menna velferð og aðallega um al-
mennar kosningar.
Skriðurinn á Bandalaginu
þessar vikur er aftur talinn geta
orðið til þess að Thatcher bíði
með kosningamar þangaðtil bet-
ur stendur á. Hún þarf ekki að
kalla Breta að kjörborði fyrren á
næsta ári.
-m
Laugardagur 28. mars 1987 ÞJÓÐVILJINN - SÍÐA
Hinn „frjálslyndi" Genscher deiiir nú við húsbónda sinn, hinn „kristilega“ Kohl,
um afvopnunarmál.
ast í Genf.
En Kohl kanslari og flokks-
bræður hans eru ósammála og
halda því fram að Bandaríkja-
mönnum sé heimilt að áskilja sér
allan rétt til að skerða flugþol
meðaldrægra flauga það verulega
að þær dragi aðeins „skamman"
spöl. Og geyma þær áfram í
Vestur-Þýskalandi.
Þessar deilur spegla í hnot-
skum ágreining risaveldanna í af-
vopnunarviðræðunum í Genf og
ástæðu þess að þær fóm út um
þúfur.
Ekki virtist skorta nema
herslumun til að gengið yrði til
samninga en þá kom babb í bát-
inn. Bandaríkjamenn kröfðust
þess að tekin yrði ákvörðun um
„skammdrægar" flaugar um leið
og samið væri um þær meðal-
I drægu. Þeir heimtuðu að Sovét-
menn létu staðar numið við fram-
leiðslu minni flauganna og biðu
eftir því að Reagan stjórnin hefði
komið sér upp jafnmörgum sams-
konar leikföngum, en hún telur
veralega halla á sig í þeim efnum.
Sovétmenn vilja aftur á móti
að fyrst verði samið um eyðingu
meðaldrægu kjarnaflauganna og
þvínæst hefjist viðræður um þær
„skammdrægu“ (sem alls ekki
eru „skammdrægar“ því þær geta
flogið eitt þúsund kílómetra leið.
Til dæmis draga þær frá Póllandi
til Parísar og frá Vestur-
Þýskalandi til allra höfuðborga
austan tjalds utan Moskvu).
Vestur-þýski Jafnaðarmanna-
flokkurinn fer bil beggja í þessum
ágreiningsmálum. Hann tekur
undir þá kröfu Bandaríkjamanna
að samið verði strax um eyðingu
allra smærri kjarnaflauga.
En hann er öldungis ekki á því
að láta þá komast upp með sjón-
hverfingar í þeim dúr sem þeir
hafa bryddað á, að skerða flugþol
Pershing-2 flauganna og breyta
þeim í eitthvað annað en með-
aldrægar kjarnaskutlur í því
augnamiði að þurfa ekki að eyða
þeim. Um þetta atriði gengur
ekki hnífurinn á milli krata og
frjálslyndra. Báðir segja að
„eyðing“ kjarnaflauga hljóti að
þýða að þeim verði eytt en ekki
breytt! -ks.
=1] LAUSAR STÖÐUR HJÁ
W REYKJAVÍKURBORG
Laus staöa félagsráðgjafa, fulltrúa í ellimáladeild
Félagsmálastofnunar, 50% (ný staða).
Nauðsynleg er menntun félagsráðgjafa eða
sambærileg menntun.
Staðan er laus nú þegar.
Ennfremur vantar starfsmann í afleysingar
(100%) í vor og sumar.
Nánari upplýsingar gefur Anna S. Gunnarsdóttir,
deildarfulltrúi í síma 25500.
Umsóknarfrestur er til 6. apríl n.k.
Umsóknum ber að skila til Starfsmannahalds
Reykjavíkurborgar, Pósthússtræti 9, 5. hæð á
sérstökum eyðublöðum sem þar fást.
m IAUSAR STÖÐUR HJÁ
l|l REYKJAVÍKURBORG
Droplaugarstaðir, heimili aldraðra, Snorra-
braut 58.
Starfsfólk óskast til sumarafleysinga:
Hjúkrunarfræðingar og sjúkraliðar á hjúkrunar-
deild heimilisins.
Starfsfólk í eldhús, ræstingu, þvottahús o.fl.
Sjúkraþjálfara.
Lausar stöður frá og með 1. maí 1987, hjúkrunar-
fræðingar og sjúkraliðar á hjúkrunardeild.
Upplýsingar gefur forstöðumaður í síma 25811
milli kl. 9:00 -12:00 f.h. virka daga.
Umsóknum ber að skila til starfsmannahalds
Reykjavíkurborgar, Pósthússtræti 9, 5. hæð á
sérstökum eyðublöðum sem þar fást.