Þjóðviljinn - 25.09.1987, Page 3
FRETTIR
Eskifjörður
Sjómenn
hunsaðir
Aðalsteinn Jónsson
útgerðarmaður:
Ovísthvenœr
viðræður hefjast.
Hrafnkell A.
Jónsson: Sjálfsögð
mannréttindi að við
okkur sé talað.
„Það er ljóst að það á að reyna
að taka sjómennina á taugum
með þessu framferði að virða
kröfur þeirra ekki viðlits. Þessi
framkoma Aðalsteins Jónssonar
er fyrir neðan alit velsæmi og
sýnir bara hvaða hug hann ber til
sinna sjómanna sem margir
hverjir hafa unnið hjá honum í
tugi ára,“ segir Eiríkur Stefáns-
son, formaður Verkalýðs- og sjó-
mannafélags Fáskrúðsfjarðar.
Deila sjómanna á Eskifjarðar-
togurunum tveimur, Hólmanesi
og Hólmatindi, við Alla ríka um
fiskverð virðist ætla að verða
bæði hörð og ströng. Þrátt fyrir
það að sjómenn hafi lagt fram
kröfur sínar um 15% uppbót á
allan þorsk frá áramótum til
dagsins í dag og 10% á annan fisk
frá sama tíma, hunsar Aðalsteinn
sjómenn algjörlega og er ekkert á
þeim buxunum að svara þeim á
einn né annan hátt.
„Það er alveg óvíst hvenær ég
ræði við sjómennina um þeirra
kröfur. Að öðru leyti vil ég ekk-
ert tjá mig um þetta, annað en
það að það er mjög vitlaust að
þessu öllu staðið og sjómenn
velja til dæmis í sína viðræðu- og
samninganefnd menn úr annarri
sveit, frá Fáskrúðsfirði. Ef ég
þekki mína menn rétt, þá sljákk-
ar í þeim þegar frá líður og þang-
að til skulum við bara sjá og
bíða,“ segir Aðalsteinn Jónsson,
útgerðarmaður á Eskifirði.
„Sjómenn hér á Eskifirði á
báðum togurunum höfðu í fjóra
mánuði óskað eftir viðræðum við
Aðalstein Jónsson um fiskverðið,
áður en þeir gengu í land. Allan
þann tíma var ekki eytt svo miklu
sem einu orði á þá. Frá mínum
bæjardyrum séð er hann einungis
að sýna mátt sinn og megin og
ekkert annað. En maður hefur
hingað til haldið það vera sjálf-
sögð mannréttindi að við mótað-
ila sé talað, þó ekki væri annað,“
segir Hrafnkell A. Jónsson á
Eskifirði. -grh
Hamarshúsið
Verður áminningu aflétt?
Þráinn Karlssonfékk áminningufyrir lagnahönnun í ólöglegar íbúðir
í Hamarshúsinu. Hann hefuryfirlýsingu pípulagningamanns um að hann hafi ekki
hannað lagnirnar og vill að áminningunni verði aflétt. Erfiðlega gengur aðfá
málið á dagskrá bygginganefndar
ráinn Karlsson verkfræðing-
ur fékk á sínum tíma áminn-
ingu fyrir að hafa hannað lagnir í
þær íbúðir í Hamarshúsinu, sem
ekki voru samþykktar. Þráinn
hefur farið fram á að áminning-
unni verði aflétt, þar sem hann
segir það rangt að hann hafi
hannað þessar lagnir.
Hamarshúsið átti að vera á
dagskrá fundar bygginganefndar
í gær, en Gunnar Sigurðsson
byggingafulltrúi, sem fer með
formennsku í nefndinni í fjarveru
Hilmars Guðlaugssonar, ákvað
að fresta frekari umræðum um
Hamarshúsið.
Gissur Símonarson, fulltrúi
krata í bygginganefnd, bar þá
fram tvær fyrirspurnir sem tengj-
ast Hamarshúsinu. Sú fyrri fjall-
aði um hvenær tekið yrði fyrir
bréf frá Þráni Karlssyni, þar sem
hann fer fram á að áminningunni
verði aflétt.
Þráinn mun hafa fengið áminn-
ingu vegna tillögu frá Hjörleifi
Kvaran, lögfræðingi og skrif-
stofustjóra borgarverkfræðings.
Þráinn neitar því að hafa hannað
lagnir í þessar íbúðir og hefur
yfirlýsingu frá pípulagninga-
manninum, sem sá um lagnirnar.
Sá segist ekki hafa lagt í íbúðirnar
eftir teikningum Þráins.
Það mun hafa verið snemma í
ágúst að Þráinn sendi bréf sitt og
frá svipuðum tíma er tillaga frá
Haraldi Sumarliðasyni, einum af
fulltrúum meirihlutans í bygg-
inganefnd, um að áminningunni
verði aflétt. Fundurinn í gær er
þriðji fundur bygginganefndar
síðan bréfið barst.
Gunnar Sigurðsson lofaði að
málið yrði tekið fyrir á næsta
fundi bygginganefndar en þá
verður Hilmar Guðlaugsson
mættur. Hann mun vilja vera við-
staddur afgreiðslu málsins.
Hin fyrirspurnin um Hamars-
húsið var um það hvort Ólafur
Björnsson hefði orðið við tilmæl-
um bygginganefndar um lagfær-
ingar. Var farið fram á sundurlið-
að svar um hverju enn væri
ábótavant. Það kom í ljós að enn
er eftir að kippa flestu því í liðinn
sem ábótavant var.
Nú eru komnar dagsektir á ÓS
en fulltrúar minnihlutans óttast
að þetta mál muni dankast í kerf-
inu. Dagsektir hafa næstum
undantekningalaust verið felldar
niður og óttast menn að Ólafur
telji sér því ekkert liggja á. -Sáf
Húsgagnasmiðir
Hýtt tilboð
í dag
Sáttafundur í dag að
frumkvæði Félags
starfsfólks í
húsgagnaiðnaði
Að frumkvæði Félags starfs-
fólks í húsgagnaiðnaði hefur ver-
ið boðað til sáttafundar í deilu
þcirra við vinnuveitendur hjá
ríkissáttasemjara klukkan 10.
Að sögn Kristbjörns Árnason-
ar, formanns verkalýðsfélagsins,
ætla þeir að leggja fram nýtt til-
boð til lausnar verkfallinu á fund-
inum í dag.
í síðasta tilboði Félags starfs-
fólks í húsgagnaiðnaði til vinnu-
veitenda voru tillögur þeirra í
fullu samræmi við niðurstöður
kjararannsóknanefndar, en sam-
kvæmt könnun hennar eru raun-
laun í greininni frá 229 krónum á
klukkustund í dagvinnu, en 20%
félagsmanna verkalýðsfélagsins
eru með yfir 369 krónur á tímann.
Þessi könnun kjararannsókna-
nefndar var gerð síðustu tvær vik-
urnar í mars, en frá þeim tíma
hefur launaskriðið verið veru-
legt.
Verkfall Félags starfsfólks í
húsgagnaiðnaði hefur nú staðið
frá 15. september, en til þess var
boðað eftir árangurslausar við-
ræður við atvinnurekendur, um
gerð fastlaunasamnings, og
höfðu þær staðið frá 11. júní síð-
astliðnum er verkalýðsfélagið
kynnti sínar fyrstu kröfur. -grh
Gufugos í Reykjavík
Sá í neðra var ekki kominn í heimsókn til Fíladelfíusafnaðarins þó mikinn reyk legði upp af kirkjulóð safnaðarins við
Höfðatún í gær. Það voru starfsmenn Jarðborana sem stóðu fyrir gosinu er þeir voru að hreinsa út gamla borholu á
lóðinni. Holan er orðin fjörgömul og hefur ekki verið notuð um langt skeið en í gær var byrjað að hreinsa hana og athuga
ástand hennar. Holan sem er rúmir 400 metrar skvetti duglega en að sögn starfsmanna Jarðborana gætu örlög hennar
orðið þau að steypt yrði uppí hana. Mynd: Sig.
Vestnorrœna þingmannaráðið
Samband þjóðanna verði eflt
Tillaga um að opna skrifstofur í höfuðborgum landanna. Steingrímur J. Sigfússon: Gaman að
upplifa hvernig er að vera ekki einn á kantinum
Hálfgildings sendiráð, niður-
greidd ferðalög ungmenna,
sjávarmcngun, bókmenntaverð-
laun og aukið samstarf á sviði
verslunar og markaðsmála. Þetta
eru nokkur af þeim málum sem
vestnorræna þingmannaráðið
lagði til á þriðja ársfundi sínum í
Þórshöfn 14.-15. september sl. að
stjórnvöld Færeyja, Grænlands
og íslands taki til athugunar.
„Áhugi er mikill á samstarfi
Færeyinga, Grænlendinga og ís-
lendinga. Þar gætir ekki þeirrar
tortryggni sem oft einkennir sam-
skipti lítilla þjóða við miljóna-
þjóðir. Það er ágætt að þingmenn
frá þessum löndum hittist og fylg-
ist með þróuninni. Og mörg mál
er þarft að ræða þótt ekki séu
gerðar um þau sérstakar sam-
þykktir í hvert sinn er þau ber á
góma. Ég bendi t.d. á loðnu-
veiðar milli Grænlands og íslands
og laxveiðar Færeyinga í sjó.
Ljóst er að nú er t.d. nauðsyn-
legt að endurskoða reglur um
tollamál og samninga um loft-
ferðir. En samstarfið blómstrar
ekki nema fólkið sjálft vinni sam-
an jafnt á sviði verslunar og við-
skipta sem menningar og lista,"
sagði Steingrímur J. Sigfússon en
hann var einn af fulltrúum fs-
lands á fundi nefndarinnar.
Þessi fundur í Þórshöfn var
þriðji fundur vestnorræna þing-
mannaráðsins. Fyrsti fundurinn,
stofnfundurinn, var haldinn í
Nuuk á Grænlandi 1985 og annar
fundurinn í fyrrahaust á Selfossi.
Meirihluti hverrar sendinefnd-
ar verður að samþykkja þau mál
sem fram eiga að ganga á fundum
vestnorrænu þingmannanefndar-
innar og allar samþykktir eru í
formi tilmæla eða áskorana til
stjórnvalda í aðildarlöndunum.
Ríkisstjórn íslands og alþingi
eiga því eftir að fjalla um þau mál
sem samþykkt voru í Þórshöfn.
Á fundinum í Þórshöfn voru
samþykktar tvær tillögur frá ís-
lendingum. Önnur er um að
kannað verði hvernig unnt er að
auka samskipti landanna í versl-
un og markaðsmálum, einkum
með hliðsjón af auknum útflutn-
ingi frá svæðinu. Hin er ítrekun á
samþykkt frá fundinum í fyrra
um að mótmælt verði fyrirhug-
aðri endurvinnslu kjarnorkuúr-
gangs við Dounreay í Skotlandi
og að unnið verði gegn hvers kon-
ar mengun hafsins.
Töluverðum tíðindum sætir sú
samþykkt nefndarinnar að opn-
aðar verði skrifstofur á vegum
landstjórnanna í höfuðborgunum
þremur; færeysk og íslensk í
Nuuk, færeysk og grænlensk í
Reykjavík og grænlensk og ís-
lensk í Þórshöfn. Danir fara með
utanríkismál Færeyinga og
Grænlendinga. En grænlensku
og færeysku skrifstofurnar eiga
að heyra beint undir landstjórn-
irnar í Nuuk og Þórshöfn.
„Ég tel samstarf þessara þjóða
mjöggagnlegt," sagði Steingrím-
ur. „Eg hafði dálítið gaman af að
fylgjast með því hvað sumir
nefndarmenn frá Grænlandi og
Færeyjum voru róttækir. Maður
er svo vanur hægfara hægri sinn-
uðum þingmönnum á íslandi.
Allt í einu kemur í ljós að það er
töluverður hópur sem er á vinstra
kantinum.
-óp
Föstudagur 25. september 1987 ^JÓÐVILJINN — SÍÐA 3