Þjóðviljinn - 27.06.1990, Side 9
VIÐHORF
AFMÆLI
Enn um fyrirtækja-
lækningar
Guðmundur Helgi Þórðarson skrifar
í frétt í Þjóðviljanum 14. júní
sl. um fyrirtækjalækningar er
m.a. eftirfarandi setning höfð
eftir undirrituðum: „Nokkuð
hefur verið um það hjá fyrirtækj-
um að ráða til sín iækna til að
annast heilsuvernd starfsmanna
sinna, og eru starfsmenn skikk-
aðir til að leita til þessa læknis, en
ekki til heimilislæknis síns.“
Þessa setningu mætti skilja
svo, að starfsmönnum sé meinað
að leita til heimilislæknis síns í
veikindatilfellum. Þetta er ekki
svo. Það hefur aldrei komið
fram, að fyrirtæki hafi hindrað
fólk í að leita til þess læknis sem
það kýs. Afskipti fyrirtækisl-
æknis af starfsmönnum í veikind-
atilfellum hafa verið fyrst og'
fremst eftirlit, samkvæmt þeim
gögnum, sem fyrir liggja. Ef
starfsmaður veikist, getur þarna
komið upp sú staða, að hann sé
undir eftirliti tveggja lækna, þar
sem annar sér um lækningu á
honum, en hinn virðist eiga að sjá
um, að hann sé ekki of lengi
heima eftir veikindi. Hinn fyrri er
að vinna í þágu sjúklingsins, en
hinn síðarnefndi kemur inn í
myndina fyrir hönd fyrirtækisins.
Það er engan veginn útilokað, ef
þessir tveir læknar hafa ekki sam-
band sín á milli, að áhrif þeirra af
sjúklingum geti gengið í gagn-
stæða átt.
Til að taka af öll tvímæli læt ég
hér fara á eftir klausu úr dreifi-
„Ég varðfyrir vonbrigð-
um með þau svör, sem
komufrá lögfrœðingi
ASÍ og fulltrúa BSRB“
bréfi eins fyrirtækis til starfs-
manna sinna:
„Áætlað er að læknirinn tölvu-
skrái allar fjarvistir vegna
veikinda og siysa.
Þarf þá starfsmaðurinn að
hringja til læknastofu Iæknisins
fyrta dag fjarvistar og aftur síðar
samkvæmt nánara samkomulagi
við hann, séu fjarvistir lengri en
1-2 dagar.
Að sjálfsögðu ber starfsmanni
eftir sem áður að tilkynna fjarvist
á vinnustað.“
Hugsast gæti, að starfsmanni,
sem liggur veikur heima hjá sér
og þarf að tilkynna sig til læknis
fyrirtækisins með þessum hætti,
sé ekki vel rótt. Það getur varla
talist mikil heilsuvernd í því að
láta klukkuna ganga á starfs-
mönnum eins og hér er gert.
Ég varð fyrir vonbrigðum með
þau svör, sem komu frá lögfræð-
ingi ASI og fulltrúa BSRB hjá
Vinnueftirliti rfkisins. Ég vildi
því beina þeirri spurningu til
þessa fólks og annarra verkalýðs-
foringja, hvort þeim finnist eðli-
legt, löglegt og æskilegt, að
heilsuvernd á vinnustað fari al-
mennt inn á þá braut að verða
einhliða starfsemi fyrirtækjanna
án afskipta Vinnueftirlits ríkisins
eða aðildar launþegahreyfingar-
innar.
Telja þeir að eftirlit með veiku
fólki, eins og hér hefur verið lýst,
sé helsuvernd?
Atvinnusjúkdómavarnir verða
í nánustu framtíð einn af megin-
þáttum heilbrigðiskerfisins.
Launþegahreyfingin gegnir þar
lykilhlutverki. Atvinnusjúk-
dómavarnir eru að þróast í aðra
átt en gert er ráð fyrir í gildandi
lögum og í aðra átt en verkalýðs-
hreyfingin ætlaðist til í upphafi,
en íaunþegar áttu frumkvæði að
því að þau lög voru sett, sem nú
gilda um þessi mál. Þegar stefnu-
breyting verður í svo mikilvægu
máli, þarf hreyfingin að taka af-
stöðu til hennar.
Guðmundur Helgi Þórðarson er
heilsugæslulæknir í Hafnarfirði.
Gestur Þorgrímsson
myndhöggvari
sjötugur
Ætl‘ann sé nokkuð trúaður,
hann Gestur Þorgrímsson? Ne-
ei. Ekki eftir því sem prestar
teldu. Ekki rennur hann inn og út
um kirkjurnar, svo mikið er víst.
Samt var hann nú að ljúka við
stóra útimynd af presti þegar ég
heimsótti hann síðast. En sá
prestur var víst frægari fyrir að
bjarga mönnum frá hinni votu
gröf en frá villu vega sinna hér
efra.
Líklega veit hann Gestur ekk-
ert af því sjálfur, að hann er samt
allur á snærum Jesúss og postul-
anna. Til að mynda er honum
miklu gjarnara að líta til fugla
himinsins en niður í veraldar-
svaðið; hann reynir ekki að auka
alin við hæð sína með áhyggjum
fyrir morgundeginum, og hann
fylgir Smiðnum frá Galíleu líka í
því að gera ekki öðrum nema það
sem hann vildi þeir gerðu sér.
Hann fylgir líka Bókinni góðu í
því að reisa hús sitt á bjargi, á
sjálfum klettunum fyrir ofan
Áusturgötuna í Hafnarfirði. Og
þau Rúna eru bæði samtaka um
að fylgja orðum spámannsins um
það, að Hús þín skulu ávallt
standa opin, og þá ekki síður
speki Salómons um að únna vin-
um sínum jafnt, hvort heldur er í
gleði eða nauð. En þegar allt
þetta kemur saman, þá er ekki
víst að hann sé neitt svo trúlítill,
hann Gestur Þorgrímsson.
Þar sem hann vill líka neyta
brauðsins í sveita síns andlitis,
beint upp úr Genesis, en ekki er
alminnilega hægt að svitna uppi á
klettunum í Hafnarfirði, þá hegg-
ur hann nú forngrýtið í djúpum
dal í Norvegi, þar sem aldrei
hreyfir vind. Og þar, við vötnin
dimm á Þelamörk, fyllir hann nú
sjöunda áratuginn, vinur minn og
margra, hann Gestur Þorgríms-
son myndhöggvari frá Laugar-
nesi.
Björn Th. Björnsson
Frá Grunnskóla
Siglufjarðar
Tvo kennara vantar:
Til sérkennslu og til kennslu yngri barna.
Upplýsingar veita skólastjóri í síma 96-71686
og formaöur skólanefndar í síma 96-71845.
Skólanefnd
PÓST- OG
SÍMAMÁLASTOFNUNIN
Utboð
Tilboð óskast í smíöi og fullnaöarfrágang póst-
og símahúss á Bakkafirði.
Útboösgögn veröa afhent á skrifstofu fast-
eignadeildar Pósts og síma, Pósthússtræti 5,3.
hæö gegn skilatryggingu kr. 20.000.- Tilboð
veröa opnuö á skrifstofu umsýsludeildar Pósts
og síma, Landsímahúsinu v/Austurvöll fimmtu-
daginn 12. júlí 1990 kl. 11 árdegis.
Póst- og símamálastofnunin
ALÞÝÐUBANDALAGIÐ
Fundur miðstjórnar
Alþýðubandalagsins
haldinn á Egilsstöðum dagana 29. júní til 1.
júlí næstkomandi
Föstudagur 29. júní kl. 20.30
1. Fundurinn settur í húsakynnum Menntaskólans á Egilsstöðum
2. Stjórnmálaumræður
2.1. Störf ríkisstjórnarinnar / Árangur í efnahagsmálum.
2.2. Úrslit sveitarstjórnarkosninga / Stjórnmálaástandið staða
flokksins.
Laugardagur 30. júní kl. 9.00
Framhald stjórnmálaumræðna.
3. Flokksstarfið - Undirbúningur Alþingiskosninga.
4. Sjávarútvegsmál.
5. Landbúnaðarmál.
6. Önnur mál.
Um kl. 16 á laugardag verður gert hlé á fundarstörfum og farið i
heimsókn til Neskaupstaðar. Þar verður staðurinn skoðaður og
kvöldinu síðan eytt í boði heimamanna.
Sunnudagur 1. júlí kl. 10.00
Framhald umræðna
Afgreiðsla mála.
Fundi lýkur eigi síðar en kl. 15.00.
Að loknum fundi á sunnudag býðst fundarmönnum að fara í
skoðunarferð um nágrennið.
Flug og gisting
Ferðamiðstöð Austurlands hf. sér um skránlngu í flug til Eg-
ilsstaöa og í gistingu.
Nauðsynlegt er að miðstjórnarmenn skrói sig sem fyrst og í
síðasta lagi 25. júní.
Síminn í Ferðamiðstöð Austurlands er 97-12000.
Steingrímur J. Sigfússon
formaður miðstjórnar
Alþýðubandalagsins
Alþýðubandalagið Suðurlandi
Spjallfundur
Spjallfundur um miðstjórnarfund að Kirkjuvegi, Selfossi, miðviku-
dagskvöld kl. 20.30.
Mætið vel. Heitt á könnunni. - Nefndin.
Alþýðubandalagið Suðurlandi
Undirbúningur miðstjórnarfundar
Miðstjórnarfulltrúar Alþýðubandalagsfélaga á Suðurlandi mætið
vel á miðstjórnarfund.
Hafið samband við eftirtalda út af gistingu og ferðum:
Ingibjörgu Sigmundsdóttur Hveragerði, sími 34259.
Önnu Kristínu Sigurðardóttur Selfossi, sími 22189.
Margréti Frímannsdóttur Stokkseyri, sími 31244.
Úr einni sumarferð AB á Austurlandi. (Ljósm. H.G.)
Alþýðubandalagið á Austurlandi
Sumarferð laugardaginn 7. júlí 1990
um Reyðarfjarðarhrepp hinn forna
Búðareyri - Hólmanes - Eskifjörður - Breiðavík - Vöðlavík
Rútur leggja af stað sem hér segir:
★ Frá Egilsstöðum (Söluskála KHB) kl. 09.00.
+ Frá Neskaupstað (Söluskála Skeljungs) kl. 08.30.
★ Frá Breiðdalsvík (Hótel Bláfelli) kl. 08.00.
Safnast verður saman undir Grænafelli innst í Reyðarfirði kl.09.30
á laugardagsmorgni. Skoðaðar minjar um herstöðvar á Reyðar-
firði, gengið um friðland á Hólmanesi, litið á sjóminjar á Eskifirði,
silfurbergsnámu við Helgustaði, heimsóttur einokunarkaupstaður.
á Útstekk við Breiðuvík og ekið um Víkurheiði til Vöðlavíkur.
Ferðalok um kl. 19.
Staðkunnugir leiðsögumenn (Helgi Seljan, Hilmar Bjarnason
o.fl.) lýsa söguslóðum og náttúru.
Fararstjóri: Hjörleifur Guttormsson.
Þátttakendur skrái sig sem fyrst hjó Ferðamlðstöð Austur-
lands, Egilsstöðum, sími 12000.
Hafið meðferðis nesti og gönguskó.
Allir velkomnir. Kjördæmisróð AB
Miðvikudagur 27. júní 1990 ÞJÓÐVILJINN - SÍÐA 9